<::лат> OCR:
<::рус> Библиотека святоотеческой литературы
<::лат> http://orthlib.ru

<::слав>
ДОБРОТОЛЮ'БIЕ И=ЛИ` СЛОВЕСА` И= ГЛАВИ^ЗНЫ СЩ~Е'ННАГW ТРЕЗВJЬ'НIЯ,
сw'бранныя w\т писа'нiй ст~ы'хъ и= бг~одухнове'нныхъ _о=т_е'цъ, въ не'мже нра'вственнымъ по дjья'нiю, и= о_у=мозрjь'нiю любому'дрiемъ о_у='мъ w=чища'ется, просвjьща'ется и= соверше'нъ быва'етъ.

Переведено` съ гре'ческагw я=зы'ка. Въ четыре'хъ частя'хъ. <::рус>Репринтное изданне. Тутаев. Православное Братство святых князей Бориса и Глеба, 2000<::слав>

Печа'тано по w=предjьле'нiю ст~jь'йшагw прави'тельствующагw сv"но'да.

Ча'сть пе'рвая.

<::рус>:Увещания Антония Великого о нравах человеческих и благом житии в 170 главах.

<::рус>:200 глав святого Марка Подвижника о законе духовном

<::рус>:226 глав святого Марка Подвижника о мнящих от дел оправдаться

<::рус>:Послание Марка Подвижника к Николаю иноку

<::рус>:Святого Симеона Нового Богослова 152 главы деятельные и богословские

<::рус>:Святого Симеона Нового Богослова Слово о вере, и учение к тем, которые говорят, что невозможно пребывающим в мире и имеющим попечения житейские, достигнуть совершенства добродетели

<::рус>:Святого Симеона Нового Богослова Слово о трех образах молитвы

<::рус>:Григория Синаита главы зело полезные

<::рус>:Григория Синаита другие главы

<::рус>:Григория Синаита ведение известное, 10 глав

<::рус>:Григория Синаита 15 глав о безмолвии и двух образах молитвы

<::рус>:Григория Синаита о безмолвии

<::рус>:Из жития преподобного Максима

<::рус>:Лествица божественных даров блаженного инока Феофана

<::слав>

(с. 5)

Предисло'вiе.

Бг~ъ существо` бл~же'ннное, пресоверше'нное соверше'нство, вся'кагw бла'га и= добра` дjь'ятельное нача'ло, преблаго'е и= преизя'щное, w\т вjь'ка предопредjьли'въ по бг~онача'льному своему` смотре'нiю w=божи'ти человjь'ка, и= се'й w= не'мъ w\т нача'ла въ себjь` предположи'въ совjь'тъ, во вре'мени, въ не'же благоволи`, _е=го` и=сполня'етъ. И= w\т земли` о_у='бw взя'въ тjь'ло, w\т себе' же вложи'въ ду'шу, jа='кw нjь'кiй мi'ръ ве'лiй, по мно'жеству и= преиму'ществу дарw'въ, въ ма'лjьмъ поставля'етъ зри'теля чу'вственныя тва'ри, и= таи'нника разумjьва'емыя, по сло'ву вели'кагw бг~осло'ва григо'рiа {Въ сло'вjь на рж\ство` хр\сто'во}. И= что' бо и=но'е _е='сть _о='нъ, то'чiю и=звая'нiе вои'стинну, и= w='бразъ бг~отво'рный, всjь'хъ дарw'въ и=спо'лненный; Та'же и= за'повjьдь _е=му` даде`, jа='кw нjь'кiй и=ску'съ самовла'стiя, и= w=ста'ви _е=го` въ руцjь` произволе'нiя _е=гw`, да по во'ли свое'й и=збере'тъ предоста'вленное _е=му`, и= во мзду` за соблюде'нiе за'повjьди, прiи'метъ суще'ственную w=боже'нiя благода'ть, и= чистjь'йшимъ свjь'томъ во вjь'ки w=заря'емь бу'детъ. Но, _w лука'выя sло'бы, и= за'висти! не потерпjь` сему` въ дjь'ло произы'ти дре'внiй нача'льникъ sло'бы: позави'довавъ же созда'телю и= созда'нiю, jа='коже глаго'летъ бж~е'ственный ма_ксi'мъ: тому`, да не jа='вна бу'детъ по дjь'йству всехва'льная бла'гости си'ла, бг~отворя'щая человjь'ка: сему' же, да не сицевы'я преесте'ственныя по w=боже'нiю (с. 6) сла'вы jа=ви'тся прича'стникъ, ле'стiю льсти'вый о_у=добопрекло'ннаго человjь'ка прехи'тривши, благосло'вными, си'рjьчь, совjь'тами преступи'ти бг~отво'рную за'повjьдь преклони`. И= бж~е'ственныя сла'вы, о_у=вы`! сего` лиши'въ, мни'тъ w\тсту'пникъ са'мъ въ себjь` бы'ти а='ки нjь'кiй _о=лv"мпi'йскiй побjьди'тель, jа='кw возмогi'й пресjьщи` предвjь'чнагw совjь'та бж~iя и=сполне'нiе.

Но поне'же, по бж~е'ств_еннымъ рещи` глаго'лwмъ, бы'вшiй совjь'тъ бж~iй, w= w=боже'нiи человjь'ческагw _е=стества` во вjь'къ пребыва'етъ, и= помышл_е'нiя се'рдца _е=гw` въ ро'дъ и= ро'дъ {_Псал. л~в, ст. а~_i. При'тч. гл. f~_i, ст. к~а.} словеса`, си'рjьчь, про'мысла и= суда`, къ сему` предwпредjьле'нiю клоня'щыяся, и= въ настоя'щемъ и= въ бу'дущемъ вjь'цjь непрело'жнw ше'ствовати и='мутъ, по и=з\ъясне'нiю бж~е'ственнагw ма_ксi'ма: то` благоволи` въ послjь^днiя дни^ по бла'гости са'мъ, бг~онача'льнjьйшее сло'во _о='ч~ее, низве'ргнути совjь'ты князе'й тьмы`, соверши'ти же и= въ дjь'ло произвести` дре'внiй и= и='стинный совjь'тъ сво'й, _е=го'же предположи`. И= си'це благоволе'нiемъ _о=ц~а`, и= содjь'йствiемъ ст~а'гw дх~а воплоти'ся, и= на'ше _е=стество` воспрiя`, и= _о='ное w=божи`, та'же и= спаси'т_ельныя и= бг~одjь^йныя за'пwвjьди своя^ на'мъ дарова`, и= соверше'нную бл~года'ть всест~а'гw дх~а своегw` въ креще'нiи, jа='кw сjь'мя бж~е'ственное посjь'я на сердца'хъ на'шихъ, и= даде` на'мъ, по сло'ву бж~е'ственнагw _е=v\глi'ста, си'лу по животвw'рнымъ _е=гw` за'повjьдемъ {Матf. гл. к~_е, ст. _е~_i.} и= духо'вному прехожде'нiю w\т во'зраста въ во'зрастъ жи'тельствующымъ, и= дjь'ланiемъ _о='ныхъ благода'ть jа='же въ на'съ, неугаси'мую соблю'дшымъ, напослjь'докъ пло'дъ принести`, и= ча'дwмъ _е=гw` бы'ти, и= w=божи'тися, дости'гшымъ въ му'жа соверше'нна, въ мjь'ру во'зраста и=сполне'нiя хр\сто'ва. {_Е=фес. гл. д~, ст. г~_i. } Се'й бо бjь`, вкра'тцjь рещи`, коне'цъ и= соверше'нiе всегw` w= на'съ смотре'нiя сло'ва. Но о_у=вы`! добро' бо здjь` возстена'ти го'рцjь, по бж~е'ственному златоу'сту. Сицеву'ю бо благода'ть получи'вше, и= сицева'гw благоро'дства сподо'бльшеся, jа='коже душjь` на'шей (с. 7) па'че со'лнца во креще'нiи сiя'ти w=чища'емjьй дх~омъ, но младе'нцами сицеву'ю бг~ови'днjьйшую свjь'тлость прiе'мше, то` w\т невjь'дjьнiя, мно'жае же w\т мра'чныя но'щи жите'йскихъ попече'нiй w=слjьпи'вшеся, толи'кw бл~года'ть страстьми` спогребо'хомъ, jа='кw бjь'дствуемъ, да не соверше'ннw о_у=га'снетъ дх~ъ бж~iй, и='же въ на'съ. О_у=вы` не'мощи на'шея, ка'кw погуби` на'съ sло'ба, и= къ чу'вств_еннымъ веще'мъ неподоба'ющее на'ше пристра'стiе! Ко и=справле'нiю о_у='бw сегw` о_у=мудря'ются бг~ому'дрiи _о=тцы`, и= къ соверше'нному трезвjь'нiю, и= во все'мъ внима'нiю и= хране'нiю о_у=ма`, во _е='же а='бiе благода'ть w=брjьсти` и=`мъ, сiе' же _е='сть _е='же ко гд\су на'шему i=и~су хр\сту` сн~у бж~iю непреста'ннw моли'тися, не про'стw о_у=мо'мъ, глаго'лю и= о_у=сты^, {а~ Солу'н. гл. _е~, ст. з~_i.} сiе' бо всjь^мъ _о='бще благоче'стнw жи'ти хотя'щымъ и=звjь'стно, и= вся'кому о_у=до'бно: но ве'сь о_у='мъ во вну'тренняго человjь'ка w=брати'въ, въ са'мой глубинjь` се'рдца призыва'ти всест~о'е и='мя гд\са, и= w\т негw` ми'лости проси'ти, _е=ди'нjьмъ _о='нымъ внима'я просты^мъ моли'твы глаго'лwмъ, вины' же дjь'ланiя сегw`, и= вещество`, си'це рещи`, прiе'млюще w\т са'магw о_у=че'нiя гд\са, _о=вогда` глаго'лющагw: цр\ствiе бж~iе вну'трь ва'съ _е='сть. {Луки` гл. з~_i, ст. к~а.} _О=вогда' же: лицемjь'ре, w=чи'сти пре'жде вну'треннее сткля'ницы и= блю'да, и= тогда` внjь'шнее и='хъ бу'детъ чи'сто. {Матf. гл. к~г, ст. к~_е.} _Е='же не w= чу'вственномъ, но w= вну'треннемъ на'шемъ человjь'цjь разумjь'ется. И= w\т а=по'стола па'vла пи'шущагw ко _е=фесе'_емъ си'це: сегw` ра'ди преклоня'ю кwлjь'на моя^ ко _о=ц~у` гд\са на'шегw i=и~са хр\ста`, да да'стъ ва'мъ си'лою о_у=тверди'тися дх~омъ _е=гw` во вну'треннемъ человjь'цjь, всели'тися хр\сту` вjь'рою въ сердца` ва^ша. {_Е=фес. гл. г~, ст. д~_i и= s~_i.} Что` сегw` свидjь'тельства jа=снjь'йше бы'ти мо'жетъ; И= и='ндjь: воспjьва'юще, глаго'летъ, и= пою'ще въ сердца'хъ ва'шихъ гд\сви: {_Е=фес. гл. _е~, ст. f~_i.} Слы'шиши ли; въ се'рдцjь, глаго'летъ. Но и= верхо'вный а=п\слъ приподтвержда'етъ: до'ндеже, глаго'ля, де'нь w=зари'тъ, и= денни'ца возсiя'етъ въ сердца'хъ ва'шихъ. {в~ Петр. гл. а~, ст. f~_i.} Сему' (с. 8) же jа='кw ну'ждному для вся'кагw благоче'стнw живу'щагw, и= на тьмочи'сленныхъ други'хъ мjьста'хъ но'вагw завjь'та дх~ъ ст~ы'й науча'етъ, jа='коже мо'щно о_у=зрjь'ти тща'тельнw въ _о='ный приника'ющымъ. W\т сицева'гw дх~о'внагw и= разу'мнагw дjь'ланiя, и= вку'пjь возмо'жнагw за'повjьдей и= про'чихъ нра'вственныхъ добродjь'телей и=сполне'нiя, ражда'ющеюся въ се'рдцjь теплото'ю w\т призыва'нiя всесвята'гw и='мене, и= духо'внымъ по _о='ному дjь'йствомъ, стра^сти потребля'ются. _О='гнь бо _е='сть бг~ъ на'шъ, и= _о='гнь пояда'яй нече'стiе. {_Е=вр. гл. в~_i, ст. к~f.} О_у='мъ же и= се'рдце пома'лу w=чища'ются, и= са'ми съ собо'ю соединя'ются. W=чи'стившымся же си^мъ, и= сами^мъ съ собо'ю соедини'вшымся, спаси'т_ельныя w\тсю'ду за'пwвjьди о_у=до'бjье и=справля'ются, w\тсю'ду плоды` духw'вныя прозяба'ютъ въ души`, и= вся'кое _о=би'лiе бла^гъ подае'тся. И= да вкра'тцjь реку`, w\тсю'ду скорjь'йше мо'щно на'мъ востещи` къ дарова'ннjьй на'мъ съ нача'ла въ креще'нiи соверше'ннjьй благода'ти дх~а, въ на'съ су'щей, но jа='коже и='скрjь въ пе'плjь страстьми` спогребе'ннjьй, jа='снw возсiя'вшую _о='ную о_у=зрjь'ти, и= просвjьти'тися о_у='мнjь, и= послjь'довательнw о_у=соверше'нствоватися и= w=божи'тися, равномjь'рнjь w= се'мъ дjь'ланiи мно'зiи w\т ст~ы'хъ _о=т_е'цъ на ра'зныхъ мjь'стjьхъ въ писа'нiихъ свои'хъ о_у=помина'ютъ, jа='кw къ вjь'дущымъ сло'во творя'ще.

И= w\т сицевы'хъ писа'нiй, _w возлю'бленный чита'телю, соста'вися настоя'щая кни'га, сокро'вищница трезвjь'нiя, стражби'ще о_у=ма`, та'инственное о_у=чи'лище о_у='мныя моли'твы, кни'га дjь'ятельности, и=зя'щное и=з\ъwбраже'нiе, къ видjь'нiю непреле'стное путеводи'тельство, ра'й _о=тц_е'въ, добродjь'телей злата'я цjь'пь, кни'га ча'стагw разглаго'льствованiя со i=и~сомъ. {Въ се'й кни'гjь, добротолю'бiе, пред\ъ и=мена'ми нjь'которыхъ _о=тц_е'въ, перево'домъ съ гре'ческагw поставлено назва'нiе, ст~ы'й, но цр~ковь на'ша въ числjь` ст~ы'хъ не и=мjь'етъ и=`хъ: почему` то` сло'во, ст~ы'й, и= до'лжно разумjь'ть тi'тлою чествова'нiя, та'кже ка'къ и= назва'нiе, бг~одухнове'нный _о=те'цъ.}

Си^мъ та'кw су'щымъ, благовре'менно _е='сть дне'сь, съ высо'кимъ проповjь'данiемъ на духо'вный пи'ръ кни'ги сея` созва'ти (с. 9) всjь'хъ, _е=ли'цы не су'ть презри'тели благi'я ве'чери. Прiиди'те о_у=`бо, прiиди'те, jа=ди'те су'щiй во _о='ной духо'вный прему'дрости хлjь'бъ, и= пi'йте вiно` мы'сленнjь возвеселя'ющее: прiиди'те вси`, _е=ли'цы зва'нiя правосла'внагw прича^стницы _е=сте`, мiрстi'и вку'пjь и= и='ноцы, су'щее вну'трь ва'съ ца'рствiе бж~iе, и= на селjь` се'рдца сокрове'нное сокро'вище w=брjьсти` тща'щiися, _е='же _е='сть сла'дкiй i=и~съ хр\сто'съ. Да плjьне'нiя w\т до'льнихъ, и= скита'нiя о_у=му` ва'шему свободи'вшуся, непреста'ннымъ гд\са на'шегw i=и~са хр\ста` стра'шнымъ призыва'нiемъ, и= содjь'йствующими про'чими добродjь'тельми, предлага'емыми въ настоя'щей кни'зjь, соедини'теся са'ми съ собо'ю, са'ми же собо'ю и= съ бг~омъ, jа='коже гд\сь ко _о=ц~у` моля'шеся, глаго'ля: {I=wа'н. гл. з~_i, ст. а~_i.} да бу'дутъ _е=ди'но, jа='коже и= мы` _е=ди'но _е=смы`. И= си'це съ _о='нымъ соедини'вшеся, и= соверше'ннw и=змjьни'вшеся, w=бдержа'нiемъ бж~е'ственныя любве` _о=би'льнjьйше да w=божи'теся въ чу'вствjь мы'сленнjьмъ, и= несомни'тельномъ и=звjьще'нiи, и= къ пе'рвому совjь'ту бж~iю (си'рjьчь, w=боже'нiю человjь'ка) возврати'теся, сла'вяще _о=ц~а`, и= сн~а, и= ст~а'го дх~а: _е=ди'ное бг~онача'льнjьйшее бж~ество`, _е=му'же подоба'етъ вся'кая сла'ва че'сть, и= поклоне'нiе во вjь'ки вjькw'въ, а=ми'нь.

(с. 10)

Вели'кiй _о=те'цъ на'шъ а=нтw'нiй, верхо'вный ли'ка подви'жникwвъ, процвjьта'ше въ пусты'ни, въ ца'рствованiе кwнстантi'на вели'кагw, _о='колw тре'хъ сw'тъ тридеся'тагw лjь'та w\т рж\ства` бг~а сло'ва: совреме'ненъ же бы'лъ вели'кому а=fана'сiю, w=писа'вшему простра'ннw и= житiе` _е=гw`. На ве'рхъ же добродjь'тели и= безстра'стiя дости'гши, а='ще и= простолюди'нъ и= некни'женъ, о_у=чи'теля свы'ше и=мjь'яше, вразумля'ющую ры'бари и= младе'нцы прему'дрость дх~а: w\т нея'же и= о_у=мо'мъ просвjьща'яся, мнw'гiя и= другi^я свящ_е'нныя и= духw'вныя о_у=ч_е'нiя, разли'чнымъ веща'мъ подоба'ющыя и=здаде`, и= прему^дрыя w\твjь'ты къ вопроша'ющымъ, и=спо'лн_енныя душе'вныя по'льзы, jа='коже во мно'гихъ мjьста'хъ и=з\ъ ста'рческихъ писа'нiй о_у=сма'тривается. Кромjь` си'хъ и= содержа'щыяся въ настоя'щей кни'гjь сто` се'дмьдесять гла'въ, се'й препросла'вленный _о=те'цъ на'мъ w=ста'вилъ. А= что` _о='ныя су'ть и='стинное порожде'нiе бг~ови'днагw о_у=ма` _е=гw`, то` све'рхъ про'чихъ, и= преподобному'ченикъ пе'тръ дамаски'нъ о_у=твержда'етъ. Да и= са'мый сло'гъ рjь'чи w\те'млетъ вся'кiй слу'чай сомнjь'нiя, и= _е=два` гла'са не и=здае'тъ тща'тельнw чту'щымъ, jа='кw _о='ныя совреме'нны су'ть дре'вности _о='ной свяще'нной.

Не ди'вно о_у=`бо, а='ще _о='нъ къ простjь'йшей бесjь'дjь, и= древнеwбра'зной и= небрего'мой, сло'гъ рjь'чи склони'лъ: но то` ди'вно, jа='кw w\т толи'кiя простоты` толи'кое сп~се'нiе и= по'льза чту'щымъ быва'етъ. Коли'кое бо въ _о='ныхъ w=брjьта'ется о_у=вjьре'нiе! коли'кая w\т _о='ныхъ и=стека'етъ сла'дость! и= во_обще`, коли'кw и=сточа'ется благi'й нра'въ и= соверше'нство _е=v\гльскагw жи'тельства! О_у=вjь'дятъ коне'чнw сла'дость сiю` и=му'щiи вкуси'ти ме'да сегw` мы'сленною горта'нiю о_у=ма`.

(с. 11)

И='же во святы'хъ _о=тца` на'шегw а=нтw'нiа вели'кагw

о_у=вjьща^нiя,

w= нра'вахъ человjь'ческихъ и= благо'мъ житiи`,

во р~_о глава'хъ [состоя'щыя].

а~. Лю'ди слове'сными sлоупотреби'тельнjь глаго'лются. Не су'ть же слове'снiи, и=зучи'вшiися нау'камъ и= кни'гамъ дре'внихъ мудрецw'въ, но слове'сную и=му'щiи ду'шу, и= могу'щiи разсужда'ти, что' _е=сть добро`, и= что' _е=сть sло`, и= лука'выхъ и= душевре'дныхъ о_у=бjьга'ющiи, благи^мъ же и= душепол_е'знымъ тща'тельнw поуча'ющiися, и= сiя^ творя'щiи со мно'гимъ благодаре'нiемъ бг~у. Сi'и _е=ди'ни слове'сными людьми` вои'стинну до'лженствуютъ нарица'тися.

в~. И='стиннw слове'сный человjь'къ w= _е=ди'номъ тщи'тся, си'рjьчь, _е='же повинова'тися и= о_у=гожда'ти бг~у всjь'хъ, и= сему` то'чiю поуча'ти ду'шу свою`, jа='кw да бл~гоугоди'тъ бг~у, бл~годаря` за таковы'й и= толи'кiй про'мыслъ _е=гw`, и= о_у=правле'нiе всjь'хъ тва'рей, во вся'комъ приключе'нiи жите'йскомъ. Безмjь'стно бо врача'мъ благодари'ти w= здра'вiи тjь'ла, подаю'щымъ на'мъ и= гw'рькiя и= неугw'дныя врач_евства`: бг~у же w= мни'мыхъ на'мъ ско'рбяхъ не благодари'ти и= не разумjь'ти, jа='кw вся^ достодо'лжнw, и= въ по'льзу на'мъ по про'мыслу _е=гw` быва'ютъ: позна'нiе бо и= вjь'ра въ бг~а, спасе'нiе и= соверше'нство _е='сть души`.

(с. 12)

г~. Воздержа'нiе, неsло'бiе, цjьлому'дрiе, крjь'пость и= терпjь'нiе, и= подw'бныя си^мъ вели^кiя и= добродjь'т_ельныя си^лы получи'хомъ w\т бг~а, противля'ющыяся, и= противостоя'щыя, и= вспомоществу'ющыя въ приско'рбностехъ _о='ныхъ: каковы^я си^лы а='ще w=буча'емъ и= готw'выя и=мjь'емъ, ничто` о_у=же` лю^тымъ, и=ли` болjь'зн_еннымъ, и=ли` неснw'снымъ мни'мъ на'мъ бы'ти, помышля'юще, jа='кw вся^ су'ть человjь'ч_еская, и= побjьжда'ются w\т добродjь'телей, jа=`же въ на'съ. Сегw` не мы'слятъ безу'мнiи душе'ю: не помышля'ютъ бо, jа='кw вся^ до'брjь и= достодо'лжнw быва'ютъ въ по'льзу на'шу, да возсiя'ютъ добродjь'т_ели, и= о_у=вjьнча'емся w\т бг~а.

д~. Стяжа'нiе и=мjь'нiй и= бога'тое _о='ныхъ о_у=потребле'нiе, мечта'нiемъ _е=ди'нымъ маловре'меннымъ почита'я, и= вjь'дая, jа='кw добродjь'тельное и= бг~оуго'дное житiе` лу'чше _е='сть бога'тства: сему` тве'рдw поуча'яся, и= сiе` въ па'мяти содержя`, не возстене'ши, не возрыда'еши, не о_у=кори'ши никого'же, но w= все'мъ бу'деши благодари'ти бг~у, ви'дя ху'ждшихъ себя`, и= въ сло'вjь и= бога'тствjь о_у=твержда'ющихся. Sла'я бо стра'сть _е='сть души`, по'хоть, и= сла'ва, и= невjь'дjьнiе.

_е~. Слове'сный человjь'къ, самаго` себя` разсма'тривая, и=скуша'етъ подоба^ющая и= пол_е'зная себjь`, и= что` со'бственно _е='сть душjь`, и= поле'зно, и= что` чу'ждо _е=я`. И= та'кw о_у=бjьга'етъ поврежда'ющихъ ду'шу, jа='кw чужды'хъ, и= w\тлуча'ющихъ _е=го` w\т безсме'ртiя.

s~. _Е=ли'кw кто` о_у=мjь'реннjьйшее и=мjь'етъ житiе`, толи'кw _е='сть благополу'чнjьйшiй, jа='кw не пече'тся w= мно'гомъ: w= раба'хъ, земледjь'льцахъ и= стяжа'нiи скотw'въ. Си^мъ бо са'ми себе` пригвожда'юще, и= w\т си'хъ случа'ющымся го'рестямъ подпа'дающе, о_у=коря'емъ бг~а. W\т самопроизво'льныя же по'хоти на'шея сме'рть о_у=си'ливается, и= пребыва'емъ во тьмjь` житiя` грjьхо'внагw, прельща'еми, не познаю'ще сами'хъ себе`.

з~. Не до'лженствуетъ кто'либо глаго'лати, jа='кw не возмо'жно человjь'ку добродjь'тельное житiе` и=мjь'ти: но jа='кw не о_у=до'бно, ниже` просты^мъ о_у=добопостижи'мо _е='сть сiе`. Добродjь'тельнагw же (с. 13) житiя` прiwбща'ются, _е=ли'цы су'ть въ лю'дехъ бл~гочести'вы, и= бг~олюби'вый и='мутъ о_у='мъ: _о='бщiй бо о_у='мъ _е='сть мiрскi'й и= превра'тный, помышл_е'нiя подаю'щiй блага^я и= sла^я, премjьня'ющiйся _е=стество'мъ, и= въ вещество` и=змjьня'ющiйся. Бг~олюби'вый же о_у='мъ мсти'тель _е='сть sло'бы, самопроизво'льнw быва'ющiя въ лю'дехъ w\т лjь'ности.

и~. Ненака'заннiи и= невjь^жды, смjьшны'мъ дjь'ломъ почита'ютъ нау^ки, и= не жела'ютъ _о='нымъ внима'ти, поне'же w=блича'ется и='хъ ненака'занность, и= жела'ютъ всjь^мъ подо'бными себjь` бы'ти: тjь'мъ же w='бразомъ и= невозде'ржнiи житiе'мъ и= нра'вами, тща'тся, да бу'дутъ всjь` ху'ждшими и='хъ, неви'нность себjь` w\т мно'жества sw'лъ сниска'ти мня'ще. Погиба'етъ и= смуща'ется безси'льная душа` w\т sло'бы, и=му'щiя въ себjь` блу'дъ, го'рдость, ненасы'тимость, гнjь'въ, проде'рзость, неи'стовство, о_у=бi'йство, во'пль, за'висть, лихои'мство, хище'нiе, тру'дъ, ло'жь, сла'сть, лjь'ность, печа'ль, стра'хъ, болjь'знь, не'нависть, о_у=коре'нiе, безси'лiе, ле'сть, невjь'дjьнiе, пре'лесть, забве'нiе бг~а. Си'ми и= си'мъ подо'бными му'чится _о=кая'нная душа`, w\тлуча'ющая себя` w\т бг~а.

f~. Добродjь'тельное и= благочести'вое и= сла'вное житiе` провожда'ти хотя'щiи, не по притво'рному нра'ву, и=ли` ло'жному житiю`, до'лжны суди'тися: но jа='коже худо'жники, живопи'сцы и= болванодjь'ли, w\т са'мыхъ дjь'лъ показу'ютъ _о=ни` добродjь'тельное и= бг~олюбе'зное житiе`, и= jа='коже сjь'тей, си'це всjь'хъ лука'выхъ сласте'й w\твраща'ются.

_i~. Бога'тый и= благоро'дный без\ъ просвjьще'нiя душе'внагw, и= вся'кiя добродjь'тели жите'йскiя, му'дрствующими до'брjье познае'тся sлоща'стенъ: jа='коже о_у=бо'гiй, и= о_у='частiю ра'бъ, о_у=че'нiемъ и= добродjь'тельнымъ житiе'мъ о_у=кра'шенный, благополу'ченъ _е='сть. Но jа='коже стра'нники на путе'хъ заблужда'ютъ: си'це и= добродjь'тельному житiю` не прилjьжа'щiи, по'хотiю прельща'еми, погиба'ютъ.

а~_i. Человjькотво'рнымъ до'лженствуетъ глаго'латися, ненака'занныхъ о_у=кроти'ти могу'щiй, да возлю'бятъ нау^ки и= о_у=че'нiе: тjь'мъ же w='бразомъ и= премjьня'ющiи невозде'ржныхъ житiе'мъ (с. 14) къ добродjь'тельному и= бг~оуго'дному житiю`, человjькотво'рными до'лженствуютъ глаго'латися, jа='кw человjь'кwвъ претворя'ющiи: кро'тость бо и= воздержа'нiе благополу'чiе _е='сть, и= наде'жда блага'я душа'мъ человjь'ч_ескимъ.

в~_i. Подоба'етъ лю'демъ, пои'стиннjь, нра'вы и= житiе` свое` достодо'лжнw о_у=строя'ти: сему' бо и=спра'вившуся, о_у=до'бь познае'тся бг~ъ. W\т всегw' бо се'рдца и= вjь'ры чту'щiй бг~а, промышля'емь быва'етъ w\т негw`, о_у=де'рживати jа='рость и= по'хоть: зане` всjь'хъ sw'лъ вина` _е='сть по'хоть и= jа='рость.

г~_i. Человjь'къ глаго'лется и=ли` слове'сный, и=ли` и=спра'витися хотя'щiй. Неиспра'вленный бо не человjь'комъ нарица'ется: jа='кw сiе` не человjь'ческое _е='сть дjь'ло, и= бjь'гати подоба'етъ таковы'хъ. Живу'щымъ бо со sло'бою не лjь'ть _е='сть въ числjь` безсме'ртныхъ бы'ти когда'либо.

д~_i. Слове'сность на'мъ пои'стиннjь сопрису'тствуя, досто'йными на'съ твори'тъ, да и=мену'емся человjь'ки. W\тмета'ющеся же слове'сности, _е=ди'нымъ расположе'нiемъ чле'нwвъ, и= гла'сомъ w\т безслове'сныхъ ра'знствуемъ. Да позна'етъ о_у=`бо о_у='мный человjь'къ себе` самаго` безсме'ртнымъ, и= да возненави'дитъ вся'кую сра'мную по'хоть, вино'ю сме'рти быва'ющую лю'демъ.

_е~_i. JА='коже ко'еждо худо'жество, подлежа'щыя себjь` вещ_ества` о_у=краша'я, добродjь'тель свою` показу'етъ, jа='кw то` древодjь'латель, мjь'дникъ, злата'рь и= сре'бреникъ: та'кw и= мы` благо'е житiе` и= добродjь'тельное и= бг~оуго'дное жи'тельствованiе слы'шя, до'лженствуемъ jа=вля'тися, jа='кw лю'ди вои'стинну слове'снiи _е=смы` душе'ю, а= не и=з\ъwбраже'нiемъ тjь'ла. Слове'сная же пои'стиннjь, и= бг~олюби'вая душа` а='бiе жит_е'йская вся^ познае'тъ, и= бг~а о_у=милостивля'етъ любе'знjь, и= благодари'тъ _е=му` во и='стинjь, къ нему` и=мjь'я стремле'нiе и= мы'сль всю`.

s~_i. JА='коже ко'рмчi_е къ цjь'ли кора'бль о_у=правля'ютъ, да не къ подво'дному и=ли` ви'димому ка'мню приразя'тъ _о='ный: та'кw и= добродjь'тельному житiю` ревну'ющiи прилjь'жнw да разсма'триваютъ, что` подоба'етъ и=`мъ твори'ти, и= чегw` о_у=бjьга'ти: и= и='стинныя (с. 15) и= бж~е'ств_енныя зако'ны да почита'ютъ поле'зными себjь`, лука^выя помышл_е'нiя w\т души` w\тсjька'я.

з~_i. JА='коже ко'рмчi_е и= о_у=здодержа'тели о_у=праждне'нiемъ и= прилjьжа'нiемъ и=справля'ютъ то`, w= не'мже тща'тся: та'кw подоба'етъ и= къ пра'вому и= добродjь'тельному житiю` прилjьжа'щымъ поуча'тися и= пещи'ся, jа='кw да достодо'лжнw и= бг~оуго'днw поживу'тъ: хотя'щiй бо и= помы'сливый, jа='кw мо'жетъ, вjь'руя, къ безсме'ртiю прехо'дитъ.

и~_i. Свобо'дными да мня'тся ти`, не по состоя'нiю свобо'дные, но житiе'мъ и= нра'вами свобо'дные. Не подоба'етъ бо нарица'ти свобо'дными вои'стинну князе'й sлы'хъ су'щихъ, и=ли` невозде'ржныхъ: раби` во су'ть страсте'й веще'ственныхъ. Свобо'да же и= благополу'чiе души` _е='сть и='скренняя чистота`, и= привре'менныхъ презрjь'нiе.

f~_i. Напомина'й себjь`, jа='кw непреста'ннw пока'зоватися подоба'етъ благи'мъ житiе'мъ, и= дjьла'ми са'мыми. Та'кw бо и= боля'щiи враче'й не w\т сло'въ, но w\т дjь'лъ спаси'телями и= благодjь'телями нахо'дятъ и= признаю'тъ.

к~. Зна'менiе слове'сныя и= добродjь'тельныя души` _е='сть взо'ръ, посту'пка, гла'съ, смjь'хъ, w=бхожде'нiе и= разгово'ры: вся^ бо и=змjьня'ются, и= премjьня'ются въ благоwбра'знjьйшее. бг~олюби'вый бо о_у='мъ слове'сныхъ люде'й, сы'й вра'тарь тре'звый, заключа'етъ вхо'дъ sлы^мъ и= сра^мнымъ помышле'нiямъ.

к~а. Бг~ъ ду'шу свобо'дною и= самовла'стною содjь'ла въ дjь'ланiи добра` и=ли` sла`.

к~в. Слове'сная душа` тщи'тся и=зба'витися безпу'тства, го'рдости, киче'нiя, пре'лести, о_у=бi'йства, хище'нiя, и= подо'бныхъ, _е=ли^ка дjьла` су'ть де'монwвъ и= лука'вагw произволе'нiя. Вся^ же тща'нiемъ и= навыкнове'нiемъ постоя'ннымъ и=справля'етъ человjь'къ, и=му'щiй жела'нiе не стремя'щееся къ sлы^мъ сласте'мъ.

к~г. Провожда'ющiи ма'лое и= несоверше'нное житiе`, и= бjь'дъ и=збавля'ются, и= стрегу'щихъ не тре'буютъ: побjьжда'я же по'хоть во все'мъ, пу'ть къ бг~у о_у=до'бь w=брjьта'ютъ.

(с. 16)

к~д. Слов_е'снымъ лю'демъ не подоба'етъ мнw'гимъ бесjь'дамъ внима'ти, но пол_е'знымъ, и='миже о_у=правля'етъ во'ля бж~iя. Та'кw бо къ животу` и= свjь'ту вjь'чному возвраща'ются лю'ди.

к~_е. Подоба'етъ добродjь'тельнагw и= бг~олюби'вагw и='щущымъ житiя` и=збы'ти w\т многомы'слiя w= себjь`, и= вся'кiя тще'тныя и= ло'жныя сла'вы, и= пещи'ся w= благо'мъ и=справле'нiи житiя` и= мы'сли: бг~олюби'вый бо и= неизмjь'нный о_у='мъ, возведе'нiе и= пу'ть _е='сть къ бг~у.

к~s. Ни _е=ди'ныя же нjь'сть по'льзы о_у=чи'тися нау'камъ, а='ще не бу'детъ благоуго'днагw и= бг~оуго'днагw житiя` души`: вина' же всjь'хъ sw'лъ заблужде'нiе, пре'лесть и= невjь'дjьнiе бг~а.

к~з. Поуче'нiе до'брому житiю`, и= тща'нiе w= душjь`, благи'хъ и= бг~олюби'выхъ муже'й содjь'ловаетъ. И='щущiй бо бг~а w=брjьта'етъ _е=го`, побjьжда'я по'хоть во все'мъ, w\т моли'твы не w\тступа'я: таковы'й бо бjьсw'въ не бои'тся.

к~и. Жите'йскими наде'ждами прельща'емiи, слове'снw то'чiю вjь'дущiи, jа=`же по и=зя'щному житiю` подоба'етъ твори'ти, подо'бное нjь'что претерпjьва'ютъ стяжа'вшымъ врач_евства`, и= _о=ру'дiя врач_е'бныя, о_у=потребля'ти же _о='ныя ниже` вjь'дущымъ, ниже` пеку'щымся. Тjь'мже о_у=чине'нныхъ на'ми грjьхw'въ да не поставля'емъ вино'ю николи'же рожде'нiе, и=ли` друга'го нjь'коего, но сами'хъ себе`. А='ще бо сама` душа` восхо'щетъ лjьни'тися, непобjьди'ма бы'ти не мо'жетъ.

к~f. Невjь'дущему разсужда'ти, что' _е=сть бла'го, и= что' _е=сть sло`, не лjь'ть _е='сть суди'ти благи'хъ и= sлы'хъ. Человjь'къ бо вjь'дущiй бг~а, _е='сть благi'й: а='ще же кто` нjь'сть бла'гъ, се'й ничто'же вjь'сть, ниже` о_у=вjь'сться когда'либо: зане` спо'собъ о_у=разумjь'ти бг~а, _е='сть бла'гость.

л~. Благi'е и= бг~олюби'вые му'жи прису'тствующихъ пред\ъ лице'мъ люде'й во sлjь` w=блича'ютъ, непрису'тствующихъ же не о_у=коря'ютъ, и= ниже` предпрiе'млющымъ _о='нымъ глаго'лати что` позволя'ютъ.

л~а. Въ бесjь'дахъ ни _е=ди'ныя стропти'вости да не бу'детъ: слове'сныхъ бо люде'й сты'дъ и= цjьлому'дрiе, па'че не'же дjь'въ, о_у=краша'ти (с. 17) вjь'сть. боголюби'вый бо о_у='мъ свjь'тъ _е='сть, w=сiява'ющiй ду'шу, jа='коже со'лнце тjь'ло.

л~в. При всjь'хъ прилуча'ющихся тебjь` душе'вныхъ страсте'хъ, по'мни, jа='кw пра'вw мы'слящымъ и= хотя'щымъ въ подоба'ющее и= без\ъ_опа'сное провести` положе'нiе до'мъ сво'й. не тлjь'нное стяжа'нiе бога'тства сла'достно и=`мъ jа=вля'ется, но пра^выя и= и='стинныя по'ч_ести: сi'и и=`хъ благополу'чными содjь'ловаютъ. Бога'тство бо и= кра'дется, и= w\т си'льнjьйшихъ похища'ется: добродjь'тель же души` _е='сть _е=ди'ное стяжа'нiе и= без\ъ_опа'сное и= некра'домое, и= по сме'рти спаса'ющее стяжа'вшихъ _о='ное. Та'кw бо мы'слящихъ не восхища'етъ мечта'нiе бога'тства и= про'чихъ сласте'й.

л~г. Не подоба'етъ непостоя^ннымъ и= ненауч_е'ннымъ и=спы'товати слове'сныхъ муже'й. Слове'сный же му'жъ _е='сть богоуго'дный, и='же w= мно'гомъ молчи'тъ, и=ли` ма'лw и= w= ну'жномъ и= богоуго'дномъ разсужда'етъ.

л~д. Добродjь'тельному и= боголюбе'зному житiю` послjь'дующiй, добродjь'тел_емъ души` прилjьжа'тъ jа='кw со'бственному и='хъ стяжа'нiю, и= вjь'чному наслажде'нiю су'щу. Привре'менными же наслажда'ются, _е=ли'кw вмjьсти'тельно, и= _е=ли'кw бг~ъ дае'тъ, и= хо'щетъ, со вся'кимъ весе'лiемъ и= благодаре'нiемъ содjь'ловающе себjь` по'льзу, а='ще бы и= вельми` была` о_у=мjь'ренна. Многоцjь^нныя бо jа='ства тjьлеса` пита'ютъ, jа='кw веще'ств_енныя: позна'нiе же бг~а, и= воздержа'нiе, и= бла'гость, и= благотворе'нiе, и= благоче'стiе, и= кро'тость ду'шу w=боготворя'ютъ.

л~_е. Произволе'нiемъ слове'сный человjь'къ w=блада'етъ w= созда'вшемъ бз~jь, и='же вся'кiя ну'жды и= вся'кiя си'лы _е='сть крjь'плiй.

л~s. Неща'стiемъ почита'ющiи лише'нiе бога'тства, и=ли` ча^дъ, и=ли` рабw'въ, и=ли` друга'гw и=мjь'нiя, да вjь'дятъ, jа='кw пе'рвjье дово'льствоватися подоба'етъ подае'мыми w\т бг~а, и= jа='кw подоба'етъ w\тдава'ти _о='ная _о=хо'тнw и= благомы'сленнw, ни ма'лw не w=скорбля'яся лише'нiемъ сегw`, па'че же рещи` возвраще'нiемъ: попо'льзовавшеся бо несо'бственнымъ, па'ки _о='ное w\тдае'мъ.

(с. 18)

л~з. Дjь'ло блага'гw человjь'ка _е='сть, не продава'ти свобо'дное произволе'нiе, внима'я прiя'тiю бога'тства, а='ще вы` и= вельми` мно'го бы'ло подае'мо. Сну' бо подw'бна су'ть жит_е'йская, и= безвjь^стная и= маловре'м_енная и='мать мечта^нiя бога'тство.

л~и. И=`же вои'стинну су'ть человjь'цы, толи'кw да тща'тся боголюбе'знw и= добродjь'тельнw жи'тельствовати, jа='кw да просiява'етъ добродjь'тельное житiе` и='хъ между` други'ми людьми`, jа='коже порфv'ра ма'лая надjь'тая на бjь^лыя _о=д_е'жды, о_у=краша'ющая _о='ныя, просiява'етъ и= jа=вля'ется. Та'кw бо тве'рже добродjь'тел_емъ души` прилjьжа'ти бу'дутъ.

л~f. Разу^мнымъ лю'демъ подоба'етъ разсма'тривати свою` си'лу, и= прiуготовле'нiе су'щiя въ ни'хъ душе'вныя добродjь'тели, и= та'кw прiуготовля'тися, и= противля'тися срjьта'ющымся страсте'мъ, по су'щей въ ни'хъ си'лjь добродjь'тели, дарова'нной и=`мъ, по _е=стеству` w\т бг~а. _Е='сть же проти'ву красоты` и= вся'кiя по'хоти душевре'дныя, воздержа'нiе: проти'въ трудw'въ и= ску'дости, крjь'пость, а= проти'ву досажде'нiя и= jа='рости, неsло'бiе и= подw'бная си^мъ.

м~. Человjь'ку благи'мъ и= му'дрымъ скороспjь'шнw содjь'латися не мо'жно, но трудолю'бнымъ поуче'нiемъ, и= и=з\ъуче'нiемъ и= и=ску'сомъ, со вре'менемъ и= по'двигомъ, и= жела'нiемъ блага'гw дjь'ла. Благi'й же и= боголюби'вый человjь'къ, вои'стинну вjь'дущiй бг~а, не престае'тъ незави'стнw твори'ти вся^ богоугw'дная. Рjь'дки же таковы'е му'жи w=брjьта'ются.

м~а. Не подоба'етъ несрw'днымъ по _е=стеству` лю'дямъ, w\тчаява'яся въ себjь`, w=слабjьва'ти въ боголюбе'зномъ и= добродjь'тельномъ житiи`, и= презира'ти _о='ное, jа='кw непристу'пное и= непостижи'мое и=`мъ, но подоба'етъ поуча'тися и=`мъ по си'лjь, и= прилjьжа'ти себjь` сами'мъ. А='ще бо и= не мо'гутъ соверше'ннw стяжа'ти добродjь'тель и= спасе'нiе: _о=ба'че w\т поуче'нiя, и= жела'нiя, и=ли` лу'чшими быва'ютъ, и=ли` не ху'ждшими, что` не ма'лая _е='сть по'льза душjь`.

м~в. Человjь'къ по о_у=му` съ неизрече'нною _о='ною и= боже'ственною си'лою совокупля'ется: по тjь'лу же и=мjь'етъ сро'дство съ живо'тными. И= не мно'зи, _е=ли'цы то'чiю су'ть соверше'нные лю'ди, и= (с. 19) слове'сные, къ бг~у сп~си'телю мы'сль, и= съ ни'мъ сро'дство и=мjь'ти тща'тся: и= сiе` дjьла'ми и= добродjь'тельнымъ житiе'мъ показу'ютъ, мно'жайшiи же w\т люде'й, безу'мнiи душе'ю, бж~е'ственное _о='ное и= безсме'ртное сыноположе'нiе w=ста'вивше, къ ме'ртвому, и= бjь'дственному, и= маловре'менному сро'дству тjьле'сному о_у=клони'вшеся, jа='кw безслове'снiи, му'дрствуя плотска^я, и= w\т сласте'й разжиза'яся, w\тлуча'ютъ са'ми себе` w\т бг~а, и= низво'дятъ ду'шу съ нб~съ въ про'пасть w\т нб\сныхъ _е=я` жела'нiй.

м~г. Слове'сный му'жъ спребыва'нiе съ бж~ество'мъ, и= сою'зъ помышля'я, николи'же ничегw` земна'гw, и=ли` о_у=ниже'ннагw не возлю'битъ: но къ неб_е'снымъ и= вjь^чнымъ и='мать о_у='мъ, и= разумjь'етъ, jа='кw во'ля бж~iя сiя` _е='сть, дабы` спа'сся человjь'къ, jа='кw _о=на` _е='сть вина` вся'кагw добра`, и= и=сто'чникъ вjь'чныхъ бла^гъ лю'демъ.

м~д. _Е=гда` w=бря'щеши нjь'коего любопрю'щася и= борю'щася съ тобо'ю проти'въ и='стины, jа='внw преста'вши w\т любопрjь'нiя, о_у=ступи` таково'му вся'кw w=камене'вшему о_у=мо'мъ. JА='коже бо добро'тные вi'ны худjь'йшая вода` непотре'бными твори'тъ: тjь'мъ же w='бразомъ и= добродjь'тельныхъ житiе'мъ и= мы'слiю, sлы^я бесjь^ды растлjьва'ютъ.

м~_е. А='ще все` тща'нiе и= и=ску'сство о_у=потребля'емъ для и=збjьжа'нiя тjьле'снагw о_у=мерщвле'нiя: мно'гw па'че тща'тися до'лженствуемъ w= и=збjьжа'нiи душе'внагw о_у=мерщвле'нiя. Хотя'щему во спасти'ся ни _е=ди'нагw нjь'тъ препя'тствiя, ра'звjь то'чiю нерадjь'нiе, и= о_у=ны'нiе души`.

м~s. _Е=ли'цы стужа'ютъ мы'слити пол_е'зная, и= добро'мъ глаго'л_емая, сi'и sлоща'стными бы'ти мня'тся. _Е=ли'цы же разумjьва'я и='стину, безсту'днw любопря'тся, си'хъ разумjь'нiе о_у=мертви'ся, и= sвjь'рскимъ о_у=чини'ся нра'въ и='хъ, и= не вjь'дятъ бг~а, ниже` просвjьти'ся душа` и='хъ.

м~з. Ро'ды живо'тныхъ бг~ъ ко взаи'мной ну'ждjь произведе` сло'вомъ свои'мъ, и=ны^я для о_у=потребле'нiя въ пи'щу, и=ны^я для служе'нiя: человjь'ка же сотвори` зри'телемъ _о='ныхъ, и= дjь'лъ и='хъ, (с. 20) и= благода'рнымъ и=столкова'телемъ. Тjь'мже подоба'етъ тща'тися лю'демъ, да не ка'кw неви'дjьвшими и= неразумjь'вшими бг~а, и= дjь'лъ _е=гw`, о_у='мрутъ jа='кw sвjь'ри безслове'снiи. Вjь'дjьти же подоба'етъ человjь'ку, jа='кw бг~ъ вся^ мо'жетъ, и= ничто'же _е='сть проти'вно вся^ могу'щему: но и=з\ъ не су'щагw вся^, jа=`же восхотjь`, сотвори`, и= твори'тъ сло'вомъ свои'мъ во спасе'нiе человjь'кwмъ.

м~и. Су^щая на небеси` безсм_е'ртна су'ть, по бла'гости су'щей въ _о='ныхъ: су^щая же на земли` см_е'ртна, по существу'ющей въ _о='ныхъ самопроизво'льной sло'бjь, jа='же прилуча'ется безу^мнымъ w\т лjь'ности и='хъ, и= невjь'дjьнiя бг~а.

м~f. Сме'рть разумjьва'ема людьми`, безсме'ртiе _е='сть: не разумjьва'ема же невjь'ждами, сме'рть _е='сть. И= сея` сме'рти не подоба'етъ боя'тися, но па'губы душе'вныя, jа='же _е='сть невjь'дjьнiе бг~а. Сiе' бо лю'то _е='сть душjь`.

н~. Sло'ба, стра'сть вещества` _е='сть. Тjь'мже не возмо'жно тjь'лу без\ъ sло'бы бы'ти. Слове'сная же душа` помышля'я сiе`, сотряса'етъ вещества` тя'жесть, jа='же _е='сть sло'ба, и= w\т таковы'я тя'жести возника'я, познае'тъ бг~а всjь'хъ, и= jа='коже врагу`, и= ра'таю вне'млетъ тjь'лу, не повину'ющися _е=му`. И= та'кw о_у=вjьнчава'ется душа` w\т бг~а, jа='кw стра^сти sло'бы, и= вещества^ побjьди'вшая.

н~а. Sло'ба позна'на душе'ю ненави'дима быва'етъ, jа='кw sвjь'рь sлово'ннjьйшiй: не позна'нна же, люби'ма быва'етъ w\т невjь'дущагw _е=е`, и= порабоща'я люби'теля своего`, и=мjь'етъ _е=го` плjь'нникомъ. И= та'кw sлоща'стный и= _о=кая'нный человjь'къ ниже` зри'тъ поле'зное себjь`, ниже` разумjь'етъ, но мни'тъ о_у=краша'тися w\т sло'бы, и= весели'тся.

н~в. Чи'стая душа`, блага` су'щи, просвjьща'ется, и= w=сiява'ется w\т бг~а, и= тогда` о_у='мъ блага^я мы'слитъ, и= словеса` боголюби^вая ражда'етъ. _Е=гда' же sло'бою w=скверни'тся душа`, бг~у w\твраща'ющуся _е=я`, па'че же душjь` w\тлуча'ющей себя` w\т бг~а, лука'вые бjь'сы вше'дше въ по'мыслъ, на непра'в_едныя дjья^нiя под\ъуща'ютъ ду'шу: на прелюбодjья^нiя, о_у=бi^йства, хищ_е'нiя, святота^тства, и= подw'бная, _е=ли^ка дjьла` бjьсw'вская су'ть.

(с. 21)

н~г. Вjь'дящiи бг~а и=сполня'ются вся'кiя благi'я мы'сли, и= небе'сныхъ жела'юще, жит_е'йская презира'ютъ. Таковы'и же ни мнw'гимъ о_у=гожда'ютъ, ни мнw'гимъ о_у=гw'дны быва'ютъ, та'къ что` за сiе` не то'кмw ненави'димы быва'ютъ, но и= посмjьва'емы мно'гими w\т безу'мныхъ. Вся^ же терпjь'ти w\т о_у=бо'жества и=зволя'ютъ, вjь'дяще, jа='кw мнw'гимъ jа=вля'ющаяся sло'мъ, _о='нымъ су'ть бла'го. Разумjьва'ющiй бо неб_е'сная, вjь'руетъ бг~у, вjь'дая, jа='кw вся^ твор_е'нiя зави'сятъ w\т во'ли _о='нагw: не разумjьва'ющiй же не вjь'руетъ николи'же, jа='кw мi'ръ _е='сть дjь'ло бж~iе: и= для спасе'нiя человjь'ка сотворе'нъ бы'сть.

н~д. И=спо'лненнiи sло'бы, и= невjь'жествомъ о_у=пива'ющiися, не разумjь'ютъ бг~а, не трезвя'тся душе'ю: бг~ъ бо разумjьва'емь _е='сть, а= не ви'димь, вельми' же jа='венъ въ ви'димыхъ тва'рехъ, jа='коже душа` въ тjь'лjь: и= jа='коже тjь'лу без\ъ души` не возмо'жно состоя'ти, та'кw и= всему` ви'димому и= су'щему без\ъ бг~а состоя'ти не возмо'жно.

н~_е. Чесw` ра'ди со'зданъ человjь'къ; Да твор_е'нiя бж~iя разумjьва'я, о_у='зритъ _е=го`, и= просла'витъ созда'вшаго _о='ныя для человjь'ка. О_у='мъ же боговозлю'бленный неви'димое _е='сть бла'го, да'руемый w\т бг~а достw'йнымъ по благо'му житiю`.

н~s. Свобо'дный _е='сть, не рабо'тающiй сласт_е'мъ, но w\т му'дрости и= цjьлому'дрiя w=блада'ющiй тjь'ломъ, и= дово'льствующiйся со мно'гимъ благодаре'нiемъ подае'мымъ _е=му` w\т бг~а, а='ще бы и= вельми` бы'ло ма'лw. боголюби'вый бо о_у='мъ и= душа`, а='ще согла'сны бу'дутъ, ми'рно быва'етъ все` тjь'ло, и= не хотя'щи. Душjь' бо хотя'щей, вся'кое тjьле'сное движе'нiе погаша'ется.

н~з. Не дово'льствующiися су'щимъ о_у= себя` и=мjь'нiемъ, но бо'льшагw жела'ющiи, порабоща'ютъ себя` страсте'мъ мяту'щымъ ду'шу, и= влага'ющымъ въ _о='ную по'мыслы и= мечта^нiя, jа='кw сi'и та^яжде sла^я су'ть. И= jа='коже безмjь^рныя _о=д_е'жды подвиза'ющымся въ тече'нiи препя'тствуютъ: тjь'мъ же w='бразомъ и= жела'нiе чрезмjь'рнагw и=мjь'нiя, душа'мъ подвиза'тися и=ли` спасти'ся не попуска'етъ.

(с. 22)

н~и. Въ че'мъ кто'либо принужде'нъ и= нево'ленъ, сiе` темни'ца _е='сть _е=му` и= му'ка. Люби` о_у=`бо прилуча'ющаяся ти`, да не бу'деши неблагода'рнw снося`, себе` самаго` нечувстви'тельнw му'чити. _Е=ди'нъ же пу'ть _е='сть къ сему`, презрjь'нiе жите'йскихъ.

н~f. JА='коже видjь'нiе и='мамы w\т бг~а для позна'нiя jа=вля'емыхъ веще'й, что` бjьло`, и= что` цвjь'ту че'рнагw: та'кw и= слове'сность дарова'на на'мъ w\т бг~а, во _е='же разсужда'ти пол_е'зная душjь`. По'хоть же w\т разсу'дка w\тторга'яся, сла'сть ражда'етъ, и= душjь` спасти'ся и=ли` съ бг~омъ соедини'тися не попуска'етъ.

_кс~. Не по _е=стеству` быва^ющая, су'ть грjьхи`, но по произволе'нiю лука^вая. Ниже` jа='сти _е='сть грjь'хъ, но неблагода'рнw, и= не благолjь'пнw, и= невозде'ржнw jа='сти: поне'же тjь'ло существу'етъ въ жи'зни без\ъ вся'кагw лука'вагw помышле'нiя. Ниже` про'стw зрjь'ти _е='сть грjь'хъ, но зави'стнw и= гордели'внw, и= ненасы'тнw зрjь'ти: и= нjь'сть грjь'хъ слу'шати ми'рнw, но гнjьвли'вw: и= нjь'сть грjь'хъ w=бу'здывати я=зы'къ ко благодаре'нiю и= моли'твjь, но ко w=клевета'нiю: и= нjь'сть грjь'хъ простира'ти ру'ки къ ми'лостынjь, но къ о_у=бi'йствамъ и= хище'нiямъ. И= та'кw ка'ждый чле'нъ грjьши'тъ, лука^вая вмjь'стw благи'хъ, проти'въ во'ли бж~iей, самопроизво'льнw дjь'лающiй.

_кс~а. А='ще сомнjьва'ешися, jа='кw ка'ждое дjь'ло назира'ется w\т бг~а, разсуди`, что` ты` человjь'къ сы'й, и= пра'хъ, мо'жеши вку'пjь и= въ _о=дно` вре'мя w= вся'кихъ мjьста'хъ разсужда'ти и= помышля'ти: мно'гw па'че бг~ъ, все` ви'дящiй, jа='кw зе'рно гору'шное, все` w=животворя'ющiй и= пита'ющiй, jа='коже хо'щетъ.

_кс~в. _Е=гда` заключи'ши дв_е'ри хра'мины, и= _е=ди'нъ бу'деши, зна'й, что` сопрису'тствуетъ ти` w=предjьле'нный w\т бг~а ка'ждому человjь'ку а='гг~лъ, _е=го'же _е='ллины домо'вымъ бjь'сомъ нарица'ютъ. Се'й, неусыпа'емь и= непрельща'емь бу'дучи, всегда` сопрису'тствуетъ ти`, все` ви'дитъ, и= мра'комъ не возбраня'ется. Вку'пjь съ си'мъ признава'й и= бг~а, во вся'комъ мjь'стjь су'щаго. И='бо нjь'тъ мjь'ста, и=ли` ве'щи нjь'кiя, въ не'йже бы не бы'лъ бг~ъ, jа='кw всjь'хъ бо'льшiй, и= всjь'хъ содержа'щи въ руцjь` свое'й.

(с. 23)

_кс~г. А='ще во'ины вjь'рность къ ке'сарю храня'тъ, потому` что` подае'тся w\т негw` пи'ща: мно'гw па'че до'лженствуемъ мы` благодари'ти безпреста'ннw немо'лчными о_у=сты`, и= о_у=гожда'ти бг~у, вся^ созда'вшему для человjь'ка.

_кс~д. Къ бг~у благода'рность, и= благо'е жи'тельство, человjь'ческiй пло'дъ _е='сть бг~оуго'дный. Плоды' же земны^я не въ _о=ди'нъ ча'съ созрjьва'ютъ, но по вре'мени, w\т дожде'й, и= прилjьжа'нiя: тjь'мъ же w='бразомъ и= плоды` человjь'ч_ескiя, по'двигомъ, и= поуче'нiемъ, со вре'менемъ, крjь'постiю, и= воздержа'нiемъ, и= терпjь'нiемъ w=свjьща'ются. А='ще же w\т си'хъ пока'жешься нjь'котwрымъ когда'либо благочести'въ, не вjь'рь самому` себjь`, до'ндеже въ тjьлеси`, и= ничто'же w\т твои'хъ мни` о_у=го'днымъ бы'ти бг~у. И='бо зна'й, что` не о_у=до'бно человjь'ку до конца` сохрани'ти безгрjь'шность.

_кс~_е. Сло'ва о_у= люде'й ничто'же _е='сть честнjь'йше. Та'къ си'льно _е='сть сло'во, что` сло'вомъ и= благодаре'нiемъ бг~а чти'мъ: непотре'бное же и= безче'стное сло'во о_у=потребля'я, w=сужда'емъ на'шу ду'шу. Нечувстви'тельнагw о_у='бw человjь'ка _е='сть дjь'ло, рожде'нiе свое` и=ли` друга'го нjь'коего w=бвиня'ти въ то'мъ, что` _о='нъ грjьши'тъ, о_у=потребля'я самовла'стнw и=ли` сло'во и=ли` дjь'ло лука'вое.

_кс~s. А='ще болjь^зни тjьл_е'сныя цjьли'ти тщи'мся за w=смjья'нiе срjьта'ющихся: мно'гw па'че потре'бно тща'тися болjь^зни душ_е'вныя цjьли'ти, jа='кw пред\ъ лице'мъ бж~iимъ и=мjь'емъ суди'ми бы'ти, да не безче'стными w=бря'щемся, и=ли` посмjья'нiя досто'йными. И=мjь'я бо самовла'стiе, а='ще восхо'щемъ, похотству'я къ лука^вымъ дjья'нiямъ, не и=мjь'ти _о='ныхъ, сiе` сотвори'ти мо'жемъ, и= въ на'шей вла'сти _е='сть бг~оуго'днw пожи'ти: и= никто'же на'съ прину'дитъ когда`, про'тивъ во'ли сотвори'ти что` лука'вое. Та'кw бо подвиза'ющеся, бу'демъ досто'йнiи человjь'цы бж~iи, и= jа='кw а='гг~ли на небесjь'хъ жи'тельствующiи.

_кс~з. А='ще хо'щеши, ра'бъ бы'ти мо'жеши страсте'й: а='ще хо'щеши, свобо'денъ бы'ти, мо'жеши, и= не преклони'шися къ страсте'мъ. Бг~ъ бо тя` самовла'стнымъ сотвори`. Побjьжда'яй стра^сти плотскi^я, о_у=вjьнчава'ется нетлjь'нiемъ. А='ще бо не бы` бы'ли стра^сти, (с. 24) не бы` бы'ли добродjь'т_ели, ниже` вjьнцы` да'ру_емыя w\т бг~а достw'йнымъ w\т человjь^къ.

_кс~и. Неви'дящiи по'льзы своея`, и= бла'га невjь'дящiи слjьпотству'ютъ душе'ю, и= разсу'докъ и='хъ w=слjьпи'ся. Тjь'мже не подоба'етъ къ си^мъ w=браща'ти мы'сль, да не тому'жде по ну'ждjь подпаде'мъ и= мы`, не пред\ъусмотрjь'въ, jа='кw слjьпы'е.

_кс~f. На согрjьша'ющихъ не подоба'етъ гнjь'ватися, а='ще бы и= вины^, о_у=чин_е'нныя и='ми, муче'нiя достw'йны бы'ли: но по са'мой пра'вдjь, w=браща'ти _о='ныхъ до'лженствуемъ, и= му'чити, а='ще та'кw случи'тся, и=ли` чрез\ъ себя` сами'хъ, и=ли` чрез\ъ други'хъ. Гнjь'ватися же и=ли` jа=ри'тися не подоба'етъ. Зане` гнjь'въ по стра'сти твори'тъ то'чiю, а= не по суду` и= пра'вдjь. Тjь'мже ниже` све'рхъ до'лжнагw ми'лующихъ похвали'ти подоба'етъ. По са'мому добру`, и= пра'вдjь подоба'етъ нака'зывати лука'выхъ, а= не по со'бственной стра'сти гнjь'ва.

_о~. Стяжа'нiе душе'вное _е=ди'но _е='сть без\ъ_опа'сно и= некра'домо. _Е='сть же _о=но` добродjь'тельное и= бг~оуго'дное житiе`, и= разумjь'нiе, и= творе'нiе благи'хъ дjь'лъ. Бога'тство во слjьпы'й _е='сть путеводи'тель, и= совjь'тникъ безу'мный, и= погубля'етъ нечувстви'тельную ду'шу, sлjь` и= и=збы'точнw бога'тство о_у=потребля'вшiй.

_о~а. Подоба'етъ лю'демъ, и=ли` ничегw` ли'шше не стяжева'ти, и=ли` и=мjь'я, сiе` вjь'дjьти тве'рдw, jа='кw вся^ жит_е'йская, по _е=стеству` тлjь'нна и= о_у=добоw\те'мл_ема су'ть, w\тм_е'тна и= преломля'_ема: и= приклю'чшееся презира'ти не до'лженствуютъ.

_о~в. Тjьл_е'сныя болjь^зни, зна'й, что` _е=сте'ственнw тjь'лу сво'йственны су'ть, jа='кw тлjь'нному и= веще'ственному. Подоба'етъ о_у='бw нака'занной душjь` въ таковы'хъ страсте'хъ, крjь'пость и= терпjь'нiе, благода'рнw пока'зывати, а= не о_у=коря'ти бг~а, почто` _о='нъ сотвори` тjь'ло.

_о~г. Подвиза'ющiися на _о=лv"мпi'йскихъ и='грахъ, не за пе'рвую, и=ли` втору'ю, и=ли` тре'тiю побjь'ду о_у=вjьнчава'ются: но _е=гда` всjь'хъ съ ни'ми подвиза'ющихся побjьдя'тъ. Та'кw о_у='бw подоба'етъ ка'ждому хотя'щему w\т бг~а о_у=вjьнча'тися, w=буча'ти ду'шу свою` (с. 25) цjьлому'дрiю, не то'чiю въ разсужде'нiи тjь'ла, но и= въ прибы'ткахъ, и= хище'нiяхъ, и= за'висти, и= въ пи'щjь, и= тще'тной сла'вjь, и= о_у=коре'нiяхъ, и= сме'рти, и= _е=ли^ка такwва'я су'ть.

_о~д. Не человjь'ческiя ра'ди похвалы` w= благо'мъ и= боголюбе'зномъ житiи` потщи'мся, но спасе'нiя ра'ди души`, добродjь'тельную жи'знь и=збере'мъ. Сме'рть бо по вся'къ де'нь пред\ъ _о=ча'ми на'шими _е='сть ви'дима, а= человjь'ч_ескiя по'ч_ести безвjь'стны.

_о~_е. Въ на'шей вла'сти _е='сть, цjьлому'дреннw пожи'ти: богати'тися же нjь'сть въ на'шей вла'сти. Что` о_у='бw; не подоба'етъ ли w=сужда'ти на'мъ ду'шу свою` за маловре'менное мечта'нiе бога'тства, _е='же стяжа'ти вла'сти не и='мамы, но жела'емъ то'чiю _о='нагw; _w ко'ль несмы'сленнw тече'мъ, не вjь'дяще, что` превы'ше всjь'хъ добродjь'телей _е='сть смиренному'дрiе, jа='коже превы'ше всjь'хъ страсте'й _е='сть чревобjь'сiе и= по'хоть жите'йская!

_о~s. Па'мятовати подоба'етъ непреста'ннw разу'мнымъ, jа='кw ма^лыя и= маловре'м_енныя труды` снося` въ жи'зни, велича'йшiя сла'дости и= весе'лiя вjь'чнагw наслажда'емся по сме'рти. Тjь'мже борю'щiйся со страстьми`, и= жела'ющiй о_у=вjьнча'тися w\т бг~а, а='ще паде'тъ, да не возмалоду'шествуетъ, и= пребу'детъ во грjьхjь`, w\тчаява'яся въ себjь`: но воста'вши па'ки да побо'рется, и= попече'тся о_у=вjьнча'тися, да'же до послjь'днягw воздыха'нiя востая` w\т случа'ющагwся паде'нiя. Тjьле'сные бо труды` _о=ру^дiя су'ть добродjь'телей, и= спаси'тельны быва'ютъ душjь`.

_о~з. Жит_е'йскiя sлоключ_е'нiя, муже'й и= подви'жникwвъ досто'йными творя'тъ о_у=вjьнча'тися w\т бг~а. О_у=мертви'ти о_у=`бо подоба'етъ въ жи'зни свое'й о_у='ды w\т всегw` жите'йскагw: ме'ртвый бо николи'же бу'детъ пещи'ся w= че'млибо жите'йскомъ.

_о~и. Не подоба'етъ слове'сной и= подвиза'ющейся душjь`, а='бiе о_у=страша'тися и= боя'тися прилуча'ющихся страда'нiй, да не посмjь'яна бу'детъ jа='кw боязли'вая. W\т жите'йскихъ бо мечта'нiй смуща'емая душа` вы'йдетъ и=з\ъ благочи'нiя. Къ вjь^чнымъ благи^мъ веду'тъ душ_е'вныя добродjь'т_ели на'ши, муче'нiй же вино'вны быва'ютъ самопроизвw'льныя sлw'бы человjь'ч_ескiя.

(с. 26)

_о~f. Слове'сный человjь'къ, w\т слове'сныхъ свои'хъ чу'вствъ, чрез\ъ стра^сти душ_е'вныя ра'туемь быва'етъ. Чу^вства же тjьл_е'сныя су'ть пя'ть: зрjь'нiе, w=боня'нiе, слу'хъ, вку'съ и= w=сяза'нiе. Чрез\ъ сi'и пя'ть чу'вствъ, четы'ремъ страсте'мъ со'бств_еннымъ подпа'дая _о=кая'нная душа`, плjьня'ется. Стра^сти же душ_е'вныя су'ть четы'ре: тщесла'вiе, ра'дость, jа='рость и= стра'хъ. _Е=гда` о_у='бw му'дростiю и= разсужде'нiемъ, до'брjь во'инствовавшiй человjь'къ, w=де'ржитъ и= побjьди'тъ стра^сти: тогда` о_у=же` не ра'туемь быва'етъ, но ми'ръ и='мать въ душjь`, и= о_у=вjьнчава'ется w\т бг~а, jа='кw побjьди'вшiй.

п~. _О='ви и=з\ъ находя'щихся въ гости'нницахъ, пост_е'ли получа'ютъ: _о='ви же не и=мjь'я _о=дра`, но на земли` спя` ни ма'лw не ме'нjье, ка'къ и= спя'щiе на _о=дрjь`, храпя'тъ, и= конца` но'чи дожда'вшеся, за о_у='тра пост_е'ли w=ста'вивше въ гости'нницjь, всjь` вку'пjь и=схо'дятъ, со'бственное то'чiю неся`. Тjь'мъ же w='бразомъ, и= вси` ходя'щiи въ жи'зни, и= посре'дственнw, и= въ сла'вjь, и= въ бога'тствjь жи'вшiи, jа='коже и=з\ъ гости'нницы и=з\ъ жи'зни и=схо'дятъ, ничто'же w\т сла'дости жите'йскiя и= бога'тства взима'я съ собо'ю, кромjь` _е=ди'ныхъ со'бственныхъ дjь'лъ, и=ли` до'брыхъ, и=ли` sлы'хъ, о_у=чине'нныхъ и='ми въ жи'зни и='хъ.

п~а. Въ преиму'щественной бу'дучи вла'сти, да не ско'рw воспрети'ши кому'либо сме'ртiю, вjь'дящи, jа='кw по _е=стеству` и= ты` сме'рти подлежи'ши, и= jа='кw душа` w=блека'ется тjь'ломъ, jа='коже ме'ртвенною _о=де'ждою. Сiе` jа='снw вjь'дящи, кро'тости поучи'ся и= благотворя` благодари` бг~а вы'ну: не ми'луяй бо не и='мать добродjь'тели въ себjь`.

п~в. Сме'рти и=збjьжа'ти невозмо'жно и= неудо'бно. Сiе` вjь'дяще слове'снiи пои'стиннjь человjь'цы, и= w=буче'нiи добродjь'телемъ, и= бг~олюбе'зному по'мыслу, прiе'млютъ сме'рть без\ъ стена'нiй, стра'ха и= пла'ча, неизбjь'жность _е=я` и= и=збавле'нiе w\т жите'йскихъ sw'лъ помышля'я.

п~г. Забы'вшихъ благо'е жи'тельство, и= бг~оуго'дное, и= не му'дрствующихъ пра'вые и= бг~олюбе'зные догма'ты, ненави'дjьти не подоба'етъ, сожалjь'ти же па'че jа='кw w= лише'нныхъ разсу'дка, (с. 27) и= слjьпы'хъ се'рдцемъ и= мы'слiю. Sло' бо jа='кw добро` прiе'мше, w\т невjь'дjьнiя погиба'ютъ, и= не вjь'дятъ бг~а тре_окая'ннiи и= немы'сленнiи душе'ю.

п~д. W= благоче'стiи и= благожи'тiи со мно'гими разглаго'льствовати w\трица'йся: не за'висти ра'ди глаго'лю, но jа='кw несмы'сл_еннымъ, посмjья'нiя, мню`, досто'йнымъ пока'жешися. Подо'бный бо подо'бнаго лю'битъ: таковы^я же словеса` не мно'гихъ и=мjь'ютъ слу'шателей, и= мо'жетъ бы'ть вельми` рjь'дкихъ. Лу'чше же не глаго'лати: jа='кw не сегw` хо'щетъ бг~ъ ко сп~се'нiю человjь'ка.

п~_е. Душа` состра'ждетъ тjь'лу, тjь'ло же не состра'ждетъ душjь`: jа='коже тjь'лу сjько'му, состра'ждетъ и= душа`, могу'щу же и= здра'вствующу тjь'лу, стра^сти душ_е'вныя соуслажда'ются. Душjь' же помышля'ющей, не помышля'етъ о_у=же` тjь'ло, но пребыва'етъ са'мо по себjь` _о=со'бь. Помышле'нiе бо стра'сть _е='сть душе'вная: jа='коже невjь'дjьнiе, горды'ня, невjь'рiе, лихоима'нiе, не'нависть, за'висть, гнjь'въ, нерадjь'нiе, тщесла'вiе, че'сть, несогла'сiе, нечу'вствiе бла'га. Сiя^ бо душе'ю дjь'йствуются.

п~s. Помышля'я w= бг~jь, благочести'въ бу'ди, незави'стенъ, бла'гъ, цjьлому'дръ, кро'токъ, дарови'тъ по си'лjь, w=бщи'теленъ, неспо'рливъ, и= прw'чая. Сiе' бо _е='сть некра'домое стяжа'нiе души`, _е='же о_у=гожда'ти бг~у си'ми, и= никогw'же не суди'ти, и= не глаго'лати ни w= ко'мже, jа='кw таковы'йто sо'лъ _е='сть, и= согрjьши'лъ: но лу'чше и=спы'товати своя^ sла^я, и= смотри'ти на самаго` себя`, на свое` житiе`, о_у=го'дно ли _о=но` _е='сть бг~у. Что' бо на'мъ ну'жды, а='ще другi'й _е='сть лука'въ;

п~з. И='стинный человjь'къ тщи'тся благочести'въ бы'ти: благочести'вый же _е='сть нежела'ющiй чужды'хъ: а= чу'ждо _е='сть человjь'ка все` созда'нное. Вся^ о_у='бw презира'й ты`, jа='кw w='бразъ бж~iй. W='бразомъ же бж~iимъ быва'етъ человjь'къ, _е=гда` пра'вw и= бг~оуго'днw жи'тельствуетъ. Но сему` и=на'че не возмо'жно бы'ти, а='ще не w\тсту'питъ человjь'къ w\т жите'йскихъ. И=му'щiй же о_у='мъ бг~олюбе'зный, вся'кую душе'вную по'льзу и= вся'кое бл~гоговjь'инство w\т негw` быва'ющее вjь'сть. Бг~олюби'вый му'жъ никогw` друга'гw не о_у=коря'етъ (с. 28) въ че'мъ са'мъ согрjьша'етъ: а= сiе` спаса'ющiяся души` _е='сть зна'менiе.

п~и. _Е=ли'цы привре'менное стяжа'нiе наси'льственнw и=мjь'ти тща'тся, и= похотjь'нiе дjь'лъ sло'бы лю'бятъ, не вjь'дяще сме'рти, и= па'губы своея` души`, и= не смо'трятъ _о=кая'ннiи на по'льзу свою`: таковы'и не мы'слятъ, _е=ли'кw стра'ждутъ по сме'рти лю'ди w\т sло'бы.

п~f. Sло'ба стра'сть вещества` _е='сть. Бг~ъ же sло'бы невино'венъ: но разумjь'нiе, зна'менiе, и= си'лу о_у=ма`, раздjьля'ющую добро` w\т sла`, и= самовла'стiе даде` лю'демъ. Стра^сти же sло'бы ражда'етъ нерадjь'нiе, и= лjь'ность человjь'ческая: неви'ненъ бо _е='сть бг~ъ всесоверше'ннw. W\т раздjьле'нiя же мы'сли содjь'лашася бjь'си лука'вiи, jа='коже и= мно'жайшiи w\т люде'й.

ч~. Со бл~гоче'стiемъ живу'щiй человjь'къ sло'бjь вни'ти въ ду'шу не попуща'етъ. Sло'бjь же не су'щей, безбjь'дственнw и= невреди'мw быва'етъ душjь`: таковы'ми бо ни де'мwнъ sлы'й, ни прилу'чай не о_у=правля'етъ. Бг~ъ бо и=збавля'етъ и='хъ w\т sw'лъ, и= живу'тъ невреди'мыми сохраня'еми равнобо'жны. А='ще бы кто` такова'го му'жа и= похвали'лъ, _о='нъ смjье'тся въ себjь` самjь'мъ похваля'ющымъ _е=го`: а='ще бы и= безче'стилъ, не w\твjьща'етъ проти'ву о_у=коря'ющымъ, ниже' бо негоду'етъ на словеса` и='хъ.

ч~а. Sло` _е=стеству` послjь'дуетъ, jа='коже ржа` къ мjь'ди, и= нечистота` къ тjьла'мъ. Но ниже` ржа'вость дjь'латель мjь'ди сотвори'лъ, ниже` нечистоту` роди'вшiи: та'кw ниже` sло'бу бг~ъ сотвори`. Но даде` и= разумjь'нiе и= разсужде'нiе человjь'ку, да и=збjьжи'тъ sла`, jа='кw вjь'дящiй, что` поврежда'ется w\т _о='нагw и= му'чится. Блюди` о_у=`бо сохра'ннw, да нjь'когда ви'дjьвъ нjь'коего благополу'чна, въ си'лjь и= бога'тствjь, о_у=блажи'ши _е=го`, w\т мечта'нiя де'мwнскагw. Но сме'рть да бу'детъ ти` а='бiе пред\ъ _о=ча'ми, и= николи'же ничесогw` sла'гw, и=ли` жите'йскагw да не пожела'еши.

ч~в. Бг~ъ на'шъ су'щымъ на нб~сjь'хъ безсме'ртiе дарова`: су'щымъ же на земли` премjь'ну даде`, всему' же живо'тъ, и= движе'нiе дарова`: и= все` для человjь'ка. Да не совосхища'етъ о_у='бw тебя` жите'йское (с. 29) мечта'нiе де'мwна, под\ъуща'ющагw на лука^выя по'мыслы ду'шу, но нб\сная блага^я помышля'я са'мъ въ себjь`, глаго'ли: а='ще хощу`: въ мое'й вла'сти _е='сть побjьди'ти и= се'й по'двигъ стра'сти: не побjьжду' же, а='ще восхощу` получи'ти свое` жела'нiе. Въ се'мъ о_у='бw по'двигjь подвиза'йся, могу'щемъ спасти` ду'шу твою`.

ч~г. Жи'знь _е='сть соедине'нiе и= совокупле'нiе о_у=ма`, души` и= тjь'ла: сме'рть же нjь'сть поги'бель совоку'пленныхъ, но разрjьше'нiе зна'нiя _о='ныхъ. Бг~омъ бо вся^ сохраня'ются и= по разруше'нiи.

ч~д. О_у='мъ нjь'сть душа`, но да'ръ бж~iй, спаса'ющiй ду'шу, и= предтече'тъ и= совjь'туетъ душjь` о_у='мъ бг~оуго'дный, презрjь'ти привре'м_енная, веще'ств_енная и= тлjь^нная, возлюби'ти же вjь^чная, нетлjь^нная и= невеще'ств_енная блага^я, и= ходи'ти въ тjь'лjь человjь'ку, нб\сная и= бж~iя, и= вся^ вку'пjь о_у=мо'мъ помышля'ющу и= ви'дящу. И= та'кw бг~олюби'вый о_у='мъ _е='сть благодjь'тель, и= спасе'нiе человjь'ческiя души`.

ч~_е. Душа`, бу'дучи въ тjь'лjь, а='бiе w\т печа'ли и= сла'сти помрача'ется и= погиба'етъ. Печа'ль и= сла'сть, jа='коже мокрw'ты тjь'лу су'ть. Бг~олюби'вый же о_у='мъ противля'яся, w=скорбля'етъ тjь'ло, и= спаса'етъ ду'шу: jа='кw вра'гъ сjьку'щiй и=ли` жгу'щiй тjьлеса`.

ч~s. _Е=ли'цы ду'шы ра'зумомъ не w=бу'здываются и= не о_у=правля'ются о_у=мо'мъ, та'къ что'бы се'й о_у=де'рживалъ и= о_у=правля'лъ и='хъ стра^сти, си'рjьчь, печа'ль и= сла'сть: сi'и ду'шы, jа='кw безслов_е'сныя живw'тныя, погиба'ютъ, w\твлека'ющуся ра'зуму w\т страсте'й, jа='кw о_у=здодержа'телю побjьжде'нну w\т коне'й.

ч~з. Ве'лiя болjь'знь души`, поги'бель и= па'губа _е='сть, не вjь'дjьти бг~а, вся^ сотвори'вшаго для человjь'ка, и= дарова'вшаго _е=му` о_у='мъ и= сло'во, и='миже возлета'я человjь'къ, съ бг~омъ совокупля'ется, разумjьва'я и= прославля'я бг~а.

ч~и. Душа` _е='сть въ тjь'лjь, въ душjь' же _е='сть о_у='мъ, въ о_у=мjь' же _е='сть сло'во, и='миже бг~ъ разумjьва'емь, и= прославля'емь безсме'ртною твори'тъ ду'шу, нетлjь'нiе _е='й и= сла'дость вjь'чную да'руя. Бг~ъ бо всему` су'щему бытiе` по _е=ди'ной бла'гости дарова`.

(с. 30)

ч~f. Бг~ъ самовла'стнымъ сотвори'вши человjь'ка, jа='кw незави'стный и= благi'й, даде` _е=му` и= возмо'жность, а='ще хо'щетъ, о_у=гожда'ти _е=му`. О_у=гожда'етъ же человjь'къ бг~у, _е=гда` нjь'сть въ не'мъ sло'бы. А='ще бо о_у= люде'й похваля'ются дw'брыя дjьла`, и= добродjь'т_ели преподо'бныя и= бг~олюби'выя души`, w=сужда'ются же сра^мныя и= лука^выя дjья^нiя: мно'гw па'че о_у= бг~а, хотя'щагw спасти'ся человjь'ку.

р~. Блага^я w\т бг~а, jа='кw блага'гw, прiе'млетъ человjь'къ: сегw' бо ра'ди и= сотворе'нъ w\т бг~а. Sла^я же себjь` привлека'етъ человjь'къ, w\т себя` и= своея` sло'бы, и= по'хоти, и= нечу'вственности.

р~а. Несмы'сленная душа` безсме'ртна су'щи и= влады'чица тjь'ла раболjь'пствуетъ тjь'лу сластьми`, не помышля'я, jа='кw сла'сть тjьле'сная _е='сть вре'дъ _е=я`: не чу'вствуя же и= ю=ро'дствуя, пече'тся w= сла'сти тjьле'сной.

р~в. Бг~ъ _е='сть бла'гъ, человjь'къ же sо'лъ. Ничегw` sла'гw нjь'тъ на небеси`: ничегw` блага'гw на земли`. Слове'сный же человjь'къ лу^чшая и=збира'етъ, и= вjь'сть бг~а всjь'хъ. и= благодари'тъ и= воспjьва'етъ _е=го`: и= пре'жде сме'рти мерзи'тъ тjь'ломъ, и= лука^вымъ чу'вствiямъ не позволя'етъ соверши'тися, вjь'дая и='хъ па'губу и= си'лу.

р~г. Лука'вый человjь'къ лихоима'нiе лю'битъ, пра'вду же презира'етъ, ниже` неизвjь'стность, и= непостоя'нство, и= маловре'менность житiя` помышля'я, ниже` недаропрiе'мность, и= неизбjь'жность сме'рти па'мятуя. А='ще же ста'ръ _е='сть сра'менъ и= безу'менъ: то`, jа='коже согни'вшее дре'во, ко вся'кому о_у=потребле'нiю _е='сть недjьйстви'теленъ.

р~д. JА='коже о_у=довw'льствiя и= ра'дость чу'вствуемъ тогда`, _е=гда` и=ску'съ прiе'млемъ печа'лющихъ [веще'й]: ниже' бо сла'дцjь пiе'тъ не жажда'вшiй, ниже` сла'дцjь jа='стъ не а=лка'вшiй, ниже` сла'дцjь спи'тъ не вельми` дрема'вшiй, ниже` чу'вствiе ра'дости прiе'млетъ не w=скорбле'нный пре'жде: та'кw ниже` вjь'чныхъ бла^гъ наслади'мся, а='ще не пре'зримъ маловре'м_енная.

р~_е. Сло'во о_у=ма` служи'тель _е='сть: _е='же бо хо'щетъ о_у='мъ, сiе` сло'во сказу'етъ.

(с. 31)

р~s. О_у='мъ вся^ ви'дитъ, и= су^щая на нб~сjь'хъ: и= ничто'же _о='ный помрача'етъ, ра'звjь то'чiю грjь'хъ. Чи'стому о_у=му` ничегw` нjь'тъ непостижи'магw, jа='коже сло'ву ничегw` неизглаго'ланнагw.

р~з. По тjь'лу человjь'къ сме'ртенъ, по о_у=му' же и= сло'ву безсме'ртенъ. Мо'лчя мы'слиши, помы'сливши глаго'леши: въ молча'нiи бо о_у='мъ ражда'етъ сло'во. Благода'рное же сло'во, бг~у приноси'мое, _е='сть спасе'нiе человjь'ку.

р~и. Глаго'лющiй несмы'сл_енная, о_у=ма` не и='мать: ничто'же бо мы'сля глаго'летъ. Но разсмотри`, что` по'льзуетъ ти` твори'ти ко спасе'нiю души`.

р~f. Сло'во о_у='мное и= душеполе'зное, бж~iй да'ръ _е='сть: jа='коже и= сло'во, буесло'вiя и=спо'лненное, и= и=зы'скивающее мjь'ру, и= разстоя'нiе небеси` и= земли`, и= величину` со'лнца и= sвjь'здъ: человjь'ка всу'е тружда'ющагwся и=з\ъwбрjь'тенiе _е='сть. Ни ма'лw бо неполе'зныхъ всу'е хваля'ся и='щетъ, jа='кw рjьшето'мъ во'ду хотя'щiй че'рпати. Сегw' бо лю'демъ не возмо'жно w=брjьсти`.

р~_i. Никто` не'ба не ви'дитъ, и= су'щихъ въ не'мъ разумjь'ти не мо'жетъ, ра'звjь _е=ди'нъ человjь'къ, добродjь'тельному житiю` прилjьжа'щiй, и= разумjьва'ющiй, и= прославля'ющiй сотво'ршаго _е=го` во сп~се'нiе, и= живо'тъ _е=му` дарова'вшаго. Вjь'сть бо несомнjь'ннw бг~олюби'вый и= таковы'й му'жъ, jа='кw без\ъ бг~а ничто'же _е='сть, но вездjь` _е='сть бг~ъ, и= во всjь'хъ, jа='кw неwпредjьли'мый.

ра~_i. JА='коже и=з\ъ ма'тернягw чре'ва и=схо'дитъ человjь'къ: та'кw и=з\ъ тjь'ла душа` на'га и=схо'дитъ, и=на'я чиста`: и=на'я свjьтла`: и=на'я же скв_е'рны и=мjь'я грjьхw'вныя, друга'я же черна` w\т мно'гихъ прегрjьше'нiй. Тjь'мже слове'сная и= бг~олюби'вая душа`, па'мятующи и= помышля'ющи sла^я по сме'рти, благочести'вw жи'тельствуетъ, да не по тому'жде w=суди'вшися подпаде'тъ. Невjь'рующiи бо, несмы'сленнiи душе'ю, нече'ствуютъ и= согрjьша'ютъ, вjь'чное презира'юще.

рв~_i. JА='коже и=зше'дши и=з\ъ чре'ва, бы'вшихъ во чре'вjь не по'мниши: та'кw и= и=з\ъ тjь'ла и=зше'дши, не помяне'ши бы'вшихъ тjь'лjь.

(с. 32)

рг~_i. JА='коже и=зше'дши и=з\ъ чре'ва, лу'чше и= бо'льше дjь'лаешися тjь'ломъ: та'кw и= и=з\ъ тjь'ла чи'стымъ и= нескве'рнымъ и=зше'дши, лу'чшимъ бу'деши, и= нетлjь'ннымъ на небесjь'хъ пребыва'я.

рд~_i. JА='коже во чре'вjь тjь'лу соверши'вшуся подоба'етъ роди'тися: та'кw душjь`, въ тjь'лjь w=предjьле'нный w\т бг~а предjь'лъ и=спо'лнившей, подоба'етъ и=зы'ти и=з\ъ тjь'ла.

р_е~_i. А='ще ка'кw содержа'ти бу'деши ду'шу су'щую въ тjь'лjь, та'кw и= _о=на` и=зше'дши и=з\ъ тjь'ла содержа'ти бу'детъ тебя`. И='бо до'брjь и= простра'ннw тjь'ло здjь'сь содержа'вшiй, sлjь` са'мъ w=брjьта'ется по сме'рти: w=суди' бо ду'шу свою` jа='кw безу'мный.

рs~_i. JА='коже тjь'ло, и=з\ъ ма'тернягw чре'ва и=зше'дши несоверше'ннымъ, w=брати'тися не мо'жетъ: та'кw и= душа`, и=зше'дши и=з\ъ тjь'ла и= вjь'денiе бг~а благи'мъ житiе'мъ не и=спра'вившая: спасти'ся и=ли` съ бг~омъ соедини'тися не мо'жетъ.

рз~_i. Тjь'ло, соединя'яся съ душе'ю, и=з\ъ тьмы` чре'ва во свjь'тъ и=схо'дитъ: душа' же, соединя'яся съ тjь'ломъ, во мра'къ тjь'ла заключа'ется. Тjь'мже подоба'етъ ненави'дjьти и= нака'зывати {Здjь'сь разумjь'ть до'лжно воздержа'нiе тjь'ла w\т страстны'хъ дjья'нiй и= сласте'й w=скорбля'ющихъ ду'шу. Про'стw бо, никто'же, когда` свою` пло'ть возненави'дjь, но пита'етъ и= грjь'етъ ю=`. _Е=фес. _е~, ст. к~f.} тjь'ло, jа='кw врага` и= проти'вника су'ща душjь`. Мно'жество бо снjь'дей и= сладкоя^стiя возбужда'ютъ въ лю'дjьхъ sлы^я стра^сти: воздержа'нiе же чре'ва о_у=смиря'етъ стра^сти, и= спаса'етъ ду'шу.

ри~_i. Тjьле'сное зрjь'нiе, су'ть _о='чи: душе'вное же зрjь'нiе, _е='сть о_у='мъ. И= jа='коже тjь'ло, _о=че'й не и=му'щее, _е='сть слjь'по, и= со'лнца, всю` зе'млю просвjьща'ющагw, и= мо'ре не ви'дитъ, ниже` свjь'та наслади'тися мо'жетъ: та'кw и= душа` до'брагw и= блага'гw житiя` не и=му'щая, слjьпа` _е='сть, и= бг~а творца` и= благодjь'теля всjь'хъ не разумjьва'етъ, ниже` прославля'етъ, и= нетлjь'нiя своегw`, и= вjь'чныхъ бла^гъ наслади'тися не мо'жетъ.

рf~_i. Нечу'вствiе и= ю=ро'дство души`, _е='сть невjь'дjьнiе бг~а. Sло' бо w\т невjь'дjьнiя ражда'ется: бла'го же w\т вjь'дjьнiя бг~а прилуча'ется лю'демъ, и= спаса'етъ ду'шу. А='ще о_у='бw хотjь^нiя твоя^ (с. 33) не твори'ти тщи'шися, тре'звенъ сы'й, и= вjь'дый бг~а, мы'слиши w= добродjь'телехъ. А='ще же хотjь^нiя твоя^ лука^выя сла'сти ра'ди тщи'шися твори'ти: невjь'дjьнiемъ бг~а о_у=пива'яся, погиба'еши, jа='кw безслов_е'сныя живо'тныя, не помышля'я и=му^щая тебjь` случи'тися по сме'рти sла^я.

р~к. Про'мысла _е='сть дjь'ло, быва^ющая по предjь'лу бж~е'ственному, jа='коже по вся'къ де'нь восходи'ти и= заходи'ти со'лнцу, и= плодоноси'ти землjь`: та'кw и= зако'номъ глаго'лется быва'ющее по ну'ждjь человjь'честjьй: вся^ же человjь'ка ра'ди быва'ютъ.

рк~а. _Е=ли'ка бг~ъ твори'тъ, jа='кw благi'й, для человjь'ка твори'тъ: _е=ли^ка же человjь'къ твори'тъ, себjь` самому` твори'тъ, и= дw'брая и= sла^я. Да не диви'шися же благополу'чiю sлы'хъ. Разумjь'й, что` jа='коже гра'ды соде'ржатъ мучи'телей, не похваля'юще sло'е и='хъ произволе'нiе, но чрез\ъ си'хъ досто'йныхъ му'чаще: тjь'мъ же w='бразомъ и= бг~ъ лука'вымъ жит_е'йская под\ъ вла'стiю и=мjь'ти попуща'етъ, дабы` чрез\ъ _о='ныхъ нака'зывалися нечу'вствующiе: напослjь'докъ же и= си'хъ предае'тъ суду`. Поне'же не jа='кw бг~у служа'ще, но своему` лука'вству рабо'тающе, лю^тая лю'демъ сотвори'ша.

рк~в. Почита'ющiи i='дwлwвъ, а='ще бы разумjь'ли, и= ви'дjьли се'рдцемъ, что` почита'ютъ _о=ни`, то` не заблужда'ли бы _о=кая'ннiи w\т благоче'стiя: но ви'дя благоукраше'нiе, чи'нъ и= про'мыслъ бы'вшихъ, и= быва'ющихъ w\т бг~а, позна'ли бы сотво'ршаго _о='ная для человjь'ка.

рк~г. Человjь'къ, jа='кw sлы'й и= непра'ведный, о_у=би'ти мо'жетъ: бг~ъ же живо'тъ дарова'ти и= недостw'йнымъ не престае'тъ. JА='кw бо незави'стный и= благi'й по _е=стеству`, восхотjь` бы'ти мi'ру, и= бы'сть, и= слу'житъ человjь'ку ко спасе'нiю _е=гw`.

рк~д. Слове'сный человjь'къ _е='сть то'тъ, и='же о_у=разумjь` тjь'ло, что` _о=но` _е='сть, jа='кw тлjь'нно _е='сть и= маловре'менно. Таковы'й бо и= ду'шу разумjь'етъ, jа='кw бж~е'ственна _е='сть и= безсме'ртна, и= вдохнове'нiе бж~iе су'щи, для и=скуше'нiя и= w=бг~отворе'нiя связа'ся съ тjь'ломъ. О_у=разумjь'вшiи же ду'шу, пра'вw и= бг~оуго'днw (с. 34) жи'тельствуетъ, тjь'лу не повину'яся: но зри'тъ бг~а о_у=мо'мъ свои'мъ, и= да'ру_емая душjь` w\т бг~а вjь^чная блага^я ви'дитъ о_у='мнjь.

рк~_е. Бла'гъ и= незави'стенъ сы'й при'снw бг~ъ, вла'сть даде` человjь'ку въ добрjь` и= sлjь`, ра'зумъ _е=му` дарова'вши, дабы` ви'дя мi'ръ, и= су^щая въ не'мъ, позна'лъ сотво'ршаго вся^ для человjь'ка. Непра'ведному же мо'щно хотjь'ти и= не разумjь'ти: мо'щно бо _е=му` и= не вjь'ровати и= бjь'дствовати, и= проти^вная и='стинjь мы'слити. Толи'кую и='мать человjь'къ вла'сть и= въ добрjь` и= sлjь`.

рк~s. Повелjь'нiе _е='сть бж~iе, да расту'щу тjь'лу, душа` и=сполня'ется о_у=ма`, да человjь'къ w\т добра` и= sла` о_у=го'дное себjь` и=збере'тъ. Душа' же не и=збира'ющая добра`, о_у=ма` не и='мать. Тjь'мже всjь` тjьла` ду'шу и='мутъ: но не вся'кая душа` глаго'лется о_у='мъ и=мjь'ти. Бг~олюби'вый бо о_у='мъ быва'етъ въ цjьлому'дренныхъ, и= преподо'бныхъ, и= пра'ведныхъ, и= непоро'чныхъ, и= благи'хъ, и= ми'лостивыхъ, и= благочести'выхъ. Прису'тствiе о_у=ма` быва'етъ человjь'ку по'мощь къ разумjь'нiю бг~а.

рк~з. _Е=ди'но то'чiю не возмо'жно человjь'ку, си'рjьчь, _е='же бы'ти безсме'ртнымъ {Коне'чнw по тjь'лу сiе` разумjь'й, а= не по душjь`, но и= _о='ное по воскресе'нiи безсме'ртно о_у=чини'тся.}. Съ бг~омъ соедини'тися возмо'жно _е=му`, а='ще помы'слитъ, jа='кw мо'жетъ. Хотя'щiй бо, разумjьва'ющiй, вjь'рующiй, и= лю'бящiй человjь'къ, чрез\ъ благо'е житiе` бг~у со_о'бщникъ быва'етъ.

рк~и. _О='ко jа=вля'_емая ви'дитъ, о_у='мъ же неви^димая разумjьва'етъ. Бг~олюби'вый бо о_у='мъ свjь'тъ _е='сть души`. И=му'щiй о_у='мъ бг~олюби'вый се'рдцемъ просвjьти'ся, и= зри'тъ бг~а о_у=мо'мъ свои'мъ.

рк~f. Ни _е=ди'нъ благi'й нjь'сть сра'менъ: недо'брый же коне'чнw sо'лъ и= тjьлолюби'въ _е='сть. Пе'рвая же добродjь'тель человjь'ческая _е='сть, презрjь'нiе пло'ти. W\т привре'менныхъ бо, и= тлjь'нныхъ, и= веще'ственныхъ w\тлуче'нiе произво'льное, а= не по о_у=бо'жеству, вjь'чныхъ и= нетлjь'нныхъ благи'хъ наслjь'дниками на'съ твори'тъ.

(с. 35)

р~л. И=му'щiй о_у='мъ вjь'сть себя`, что` _о='нъ _е='сть, jа='кw тлjь'нный _е='сть человjь'къ: вjь'дый же себя`, вся^ вjь'сть, jа='кw твор_е'нiя бж~iя су'ть, и= для спасе'нiя человjь'ческагw созда'шася: Вся^ бо разумjь'ти, и= вjь'рити пра'вw, во вла'сти человjь'ческой _е='сть. Вjь'сть же по'длиннw таковы'й му'жъ, jа='кw жит_е'йская презира'ющiи, тру'дъ наималjь'йшiй и='мутъ, сла'дость же и= поко'й вjь'чный получа'ютъ w\т бг~а по сме'рти.

рл~а. JА='коже тjь'ло без\ъ души` мертво` _е='сть: та'кw и= душа` без\ъ о_у=ма` пра'здна _е='сть, и= ца'рствiя бж~iя наслjь'дити не мо'жетъ.

рл~в. _Е=ди'нагw человjь'ка бг~ъ слу'шаетъ: _е=ди'ному человjь'ку бг~ъ jа=вля'ется. Человjьколюби'въ _е='сть бг~ъ, и=дjь'же бы а='ще бы'лъ человjь'къ, та'мw _е='сть и= бг~ъ. _Е=ди'нъ человjь'къ досто'йный _е='сть покло'нникъ бг~а. Человjь'ка ра'ди бг~ъ преwбразу'ется.

рл~г. Бг~ъ для человjь'ка все` сотвори'лъ, не'бо, и= о_у=кра'силъ _о='ное sвjьзда'ми, для человjь'ка сотвори'лъ зе'млю. Лю'ди воздjь'лываютъ зе'млю для себя`. Нечу'вствующiи толи'кагw бж~iя про'мысла, безу'мни су'ть душе'ю.

рл~д. Добро` не jа='вно _е='сть, jа='коже не jа='вна су^щая на небеси`: sло` jа='вно _е='сть, jа='коже jа='вна су^щая на земли`. Добро` не и='мать сравне'нiя. И=му'щiй же о_у='мъ человjь'къ лу'чшее и=збира'етъ. _Е=ди'ному бо человjь'ку бг~ъ и= твор_е'нiя _е=гw` вразуми'т_ельна су'ть.

рл~_е. О_у='мъ въ душjь` jа=вля'ется, а= _е=стество` въ тjь'лjь: и= о_у='мъ душе'вный w=боже'нiе _е='сть, _е=стество' же тjь'ла, разли'тiе _е='сть. Во вся'комъ тjь'лjь _е=стество` _е='сть, но не во вся'кой душjь` о_у='мъ _е='сть. Тjь'мже и= не вся'кая душа` спаса'ется.

рл~s. Душа` въ мi'рjь _е='сть, jа='кw рожде'нная: о_у='мъ же и= превы'ше мi'ра, jа='кw нерожде'нный. Разумjьва'ющая же мi'ръ, и= хотя'щая спасти'ся душа`, по вся'къ ча'съ и='мать зако'нъ непресту'пнымъ, помышля'я въ себjь`, jа='кw дне'сь по'двигъ и= и=спыта'нiе, и= не мо'жно о_у=держа'ти [ о_у=моли'ти] судiю`, и= jа='кw погиба'етъ и= храни'тся душа` w\т ма'лыя и= сра'мныя сла'сти.

рл~з. На земли` созда'ся w\т бг~а гее'нна и= сме'рть, на небеси' же про'мыслъ и= неизмjьня'емость. Вся^ же для человjь'ка и= спасе'нiя (с. 36) _е=гw` сотвори'шася. Бг~ъ, не тре'буяй никаки'хъ бла^гъ, для человjь'ка сотвори'лъ не'бо, и= зе'млю, и= стiхi^и, чрез\ъ сi'и вся'кое наслажде'нiе бла^гъ да'руя _е=му`.

рл~и. Сме'ртное безсм_е'ртнымъ подлежи'тъ, безсме'ртное же см_е'ртнымъ: {Безсме'ртное здjь'сь за долговре'менное и= долгопребыва'ющее бере'тся.} слу'жатъ, си'рjьчь, стiхi^и человjь'ку, по человjьколю'бiю, и= врожде'нной въ ни'хъ бла'гости созда'вшагw бг~а.

рл~f. О_у=бо'гiй, и= вре'дъ причини'ти не могу'щiй, во благочести'выхъ дjья'нiемъ не вмjьня'ется, но могу'щiй вре'дъ причини'ти, и= си'лу свою` во sло` не о_у=потребля'ющiй, щадя'щiй же смире'нныхъ за благоче'стiе къ бг~у: се'й благi^я мзды^ стяжева'етъ и= по сме'рти.

р~м. По человjьколю'бiю созда'вшагw на'съ бг~а вельми` мнw'гiя су'ть лю'демъ ко спасе'нiю пути`, w=браща'ющыя ду'шы, и= возводя'щыя и=`хъ на нб~са`. Получа'ютъ бо ду'шы человjь'ч_ескiя за добродjь'тель возм_е'здiя, за преступл_е'нiя же наказа^нiя.

рм~а. Сн~ъ во _о=ц~jь`, и= дх~ъ въ сн~jь, _о=ц~ъ же во _о=бои'хъ _е='сть. Вjь'рою вся^ неви^димая и= разумjьва'_емая познае'тъ человjь'къ. Вjь'ра же _е='сть произво'льное души` согла'сiе.

рм~в. JА='коже по нjь^кiимъ тре'бамъ и=ли` _о=бстоя'тельствамъ, въ велича'йшихъ рjька'хъ пла'вати принужда'ющiися, _е='стьли тре'звы су'ть, то` сохраня'ются, а='ще бы и= си^льныя бы'ли струи^, ма'лw поколеба'вшися сохраня'ются, _е='стьли что` w\т быва'ющихъ _о=быкнове'ннw при брега'хъ и=зловля'ютъ. _Е=ли'цы же пiя'ни w=бря'щутся, а='ще бы и= тьмокра'тнw на кра'й плы'ти стара'лися, но вiно'мъ побjьжда'емы, во струя'хъ потопля'ются. Тjь'мже w='бразомъ о_у=мерщвля'ется и= душа`, въ нечистwты` и= развлече'нiе во'лнъ жите'йскихъ впа'дая, а='ще w\т sло'бы вещества` возни'кнувши, не позна'етъ себя`, jа='кw бж~е'ственна бу'дучи, и= безсме'ртна со маловре'меннымъ, многостра'стнымъ, и= сме'ртнымъ вещество'мъ и=скуше'нiя ра'ди связа'ся, _е='же привлека'тися w\т тjьле'сныхъ сласте'й въ па'губу: презира'я себя`, и= невjь'дjьнiемъ о_у=пива'яся, и= не воспрiе'мля (с. 37) попече'нiе w= себjь` погиба'етъ, и= внjь` живу'щихъ w=брjьта'ется. На подо'бiе бо рjьки` ча'стw привлека'етъ на'съ тjь'ло къ нелjь^пымъ сласте'мъ.

рм~г. Слове'сная душа` въ до'бромъ произволе'нiи неподви'жима стоя`, w=бу'здываетъ jа='коже коня`, jа='рость и= по'хоть, безслов_е'сныя свои` стра^сти, и= побjьжда'я, и= о_у=кроща'я, и= превосходя` _о='ныя, о_у=вjьнчава'ется и= небе'снагw сподобля'ется житiя`, сiю` мзду` за побjь'ду и= труды` прiе'мля w\т созда'вшагw _е=е` бг~а.

рм~д. Слове'сная пои'стиннjь душа` ви'дя благополу'чiе лука'выхъ, и= благоде'нствiе недосто'йныхъ, не смуща'ется представля'я и=`хъ въ жи'зни се'й наслажде'нiе, jа='коже несмы'сленные лю'ди. Вjь'сть бо по'длиннw и= ща'стiя непостоя'нство, и= житiя` неизвjь'стность, и= жи'зни маловре'менность, и= суда` недаропрiе'мность, и= вjь'руетъ такова'я душа`, jа='кw бг~ъ w= ну'жной пи'щи для нея` пече'тся.

рм~_е. Жи'знь тjьле'сная, и= въ бога'тствjь мно'гомъ, и= си'лjь житiя` сегw` наслажде'нiе, сме'рть быва'етъ души`. Тру'дъ же и= терпjь'нiе, и= о_у=бо'жество со благодаре'нiемъ, и= о_у=мерщвле'нiе тjь'ла, живо'тъ _е='сть и= сла'дость вjь'чная души`.

рм~s. Слове'сная душа` веще'ственное созда'нiе, и= маловре'менную жи'знь презира'я и=збира'етъ небе'сную сла'дость, и= вjь'чную жи'знь, благи'мъ житiе'мъ w\т бг~а сiю` получа'я.

рм~з. И=му'щiи w=черне'нную гря'зiю _о=де'жду, w=скверня'ютъ _о=де'жду прикаса'ющихся къ ни^мъ. Тjь'мъ же w='бразомъ и= sлы'е произволе'нiемъ, и= житiе'мъ непра'вые со простjь'йшими w=браща'яся, глаго'ля съ ни'ми неподоба^ющая, наподо'бiе ти'ны чрез\ъ слу'хъ w=скверня'ютъ ду'шу.

рм~и. Нача'ло грjьха` _е='сть по'хоть, w\т нея'же погиба'етъ слове'сная душа`. Нача'ло же спасе'нiя и= ца'рствiя небе'снагw быва'етъ душjь` любо'вь.

рм~f. JА='коже мjь'дь небрего'мая, и= подоба'ющагw прилjьжа'нiя не о_у=досто'иваемая, w\т ражда'ющiяся ржа'вости, w\т долговре'меннагw связа'нiя, и= неупотребле'нiя, согнива'етъ, и= непотре'бною и= недобро'тною дjь'лается: тjь'мъ же w='бразомъ и= душа` пра'здная, (с. 38) и= не пеку'щаяся w= благо'мъ житiи` и= w=браще'нiи къ бг~у, w\тлуча'ющая себя` чрез\ъ лука^выя дjья^нiя w\т покро'ва бж~iя, по sло'бjь ражда'ющейся w\т лjь'ности, вещество'мъ тjь'ла, jа='кw мjь'дь w\т ржа'вщины потребля'ется, и= недобро'тною и= непотре'бною w=брjьта'ется.

р~н. Бг~ъ _е='сть бла'гъ, безстра'стенъ и= непремjь'ненъ. А='ще же кто` за благосло'вное почита'етъ и= и='стинное, jа='кw бг~ъ не премjьня'ется, но недоумjьва'етъ, ка'кw благи'ми _о='нъ о_у=веселя'ется, sлы'хъ же w\твраща'ется, и= на согрjьша'ющихъ гнjь'вается, почита'емь же милосе'рдъ быва'етъ: подоба'етъ рещи`, jа='кw ниже` ра'дуется бг~ъ, ниже` гнjь'вается: ра'дость бо и= печа'ль су'ть стра^сти: ниже` дара'ми о_у=гожда'ется: сла'стiю бо побjьжда'лся бы. Не лjь'по _е='сть, w\т человjь'ческихъ дjь'лъ благи^мъ и=ли` худы^мъ бы'ти бг~у. Но _о='нъ бла'гъ _е='сть, и= по'льзуетъ то'чiю, а= николи'же вреди'тъ, то'йжде и= _е=дина'ковъ сы'й. Мы' же благи'ми пребыва'я по подо'бiю съ бг~омъ соединя'емся: sлы^ же бу'дучи по несхо'дству, w\тлуча'емся w\т бг~а. И= добродjь'тельнw живя` де'ржимся бг~а: sлы^ же бу'дучи, враго'мъ на'мъ твори'мъ _о='наго, не всу'е гнjь'вающимся, но на грjьхи`, непопуща'ющыя бг~у въ на'съ возсiя'ти, со де'мwнами же мучи'тельными соединя'ющыя. А='ще же моли'твами и= благотворе'нiями разрjьше'нiе грjьхw'въ w=брjьта'емъ, не чти'мъ бг~а, и= не премjьня'емъ, но дjьла'ми, и= w=браще'нiемъ къ бг~у, sло'бу на'шу и=сцjьля'я, па'ки бж~iя бла'гости причаща'емся. Тjь'мже бг~ъ та'кожде w\твраща'ется sлы'хъ, jа='коже и= со'лнце w\т лише'нныхъ зрjь'нiя сокрыва'ется.

рн~а. Благочести'вая душа` вjь'сть бг~а вся'ческихъ. Благоче'стiе бо не что` и=но'е _е='сть, ра'звjь творе'нiе во'ли бж~iя, въ че'мъ состои'тъ вjь'дjьнiе бг~а, си'рjьчь: _е='же незави'стнымъ бы'ти, цjьлому'дреннымъ, кро'ткимъ, благода'тнымъ по си'лjь, w=бщи'тельнымъ, несварли'вымъ, и= твори'ти, _е=ли^ка су'ть о_у=гw'дна во'ли бж~iей.

рн~в. Вjь'дjьнiе бг~а, и= стра'хъ _е=гw`, и=сцjьле'нiе _е='сть страсте'й веще'ственныхъ. Невjь'дjьнiю бо бж~iю, душjь` сопрису'тствующу, пребыва'ющыя неисцjь^льныя стра^сти согно'иваютъ ду'шу, jа='коже (с. 39) w\т долговре'меннагw гно'я согнива'ющей _е='й w\т sло'бы, _е=я'же неви'ненъ бг~ъ, зна'нiе и= ра'зумъ низпосла'вшiй лю'демъ.

рн~г. Человjь'ка позна'нiя и= ра'зума и=спо'лнилъ бг~ъ, стра^сти и= самопроизво'льную sло'бу w=чи'стити тща'ся, и= сме'ртное къ безсме'ртiю, по свое'й бла'гости, преложи'ти хотя`.

рн~д. О_у='мъ, су'щiй въ чи'стой и= боголюби'вой душjь`, вои'стинну зри'тъ бг~а нерожде'ннаго, и= неви'димаго, и= неизглаго'ланнаго, _е=ди'наго чи'стаго для чи'стыхъ се'рдцемъ.

рн~_е. Вjьне'цъ нетлjь'нiя, и= добродjь'тель, и= спасе'нiе человjь'ка _е='сть, благоду'шнw и= благода'рнw сноси'ти sлоключ_е'нiя: о_у=де'рживати же jа='рость, я=зы'къ, чре'во и= сла^сти, ве'лiя _е='сть по'мощь душjь`.

рн~s. Соде'ржитъ мi'ръ про'мыслъ бж~iй, и= нjь'тъ мjь'ста ниеди'нагw, не и=му'щагw про'мысла. Про'мыслъ же _е='сть самоконе'чное сло'во бж~iе, и=з\ъwбразу'ющее гряду'щее въ мi'ръ вещество`, и= творе'цъ и= худо'жникъ всегw` быва'ющагw. Ниже' бо возмо'жно веществу` о_у=краси'тися без\ъ разсужда'ющiя си'лы сло'ва, _е='же _е='сть w='бразъ и= о_у='мъ и= прему'дрость, и= про'мыслъ бж~iй.

рн~з. Су'щая w= помышле'нiя по'хоть, ко'рень _е='сть страсте'й сро'дныхъ тьмjь`: и= душа` су'щая въ помышле'нiи по'хоти, не вjь'сть себя`, jа='кw бж~iе вдунове'нiе _е='сть, и= та'кw несе'тся ко грjьху`, не помышля'я безу^мная w= sлы'хъ, по сме'рти и=мjь'ющихъ бы'ти.

рн~и. Ве'лiя и= неисцjь'льная болjь'знь души` и= поги'бель, _е='сть безбо'жiе и= славолю'бiе. Похотjь'нiе бо sла`, лише'нiе _е='сть бла'га. Бл~го же _е='сть _е='же незави'стнw дw'брая вся^ твори'ти, _е=ли^ка о_у=гw'дна су'ть бг~у всjь'хъ.

рн~f. Человjь'къ _е=ди'нъ богопрiе'млющь _е='сть. Съ си'мъ бо _е=ди'нjьмъ живо'тнымъ бесjь'дуетъ бг~ъ, но'щiю чрез\ъ сновидjь^нiя, дне'мъ же чрез\ъ о_у='мъ: и= чрез\ъ вся^ достw'йнымъ свои^мъ лю'демъ предглаго'летъ, и= предзна'менуетъ бу^дущая блага^я.

р~_кс. Ничто'же неудо'бно _е='сть вjь'рующему, и= жела'ющему разумjь'ти бг~а. А='ще же хо'щеши _е=го` и= зрjь'ти, ви'ждь благоукраше'нiе (с. 40) и= про'мыслъ всегw` бы'вшагw, и= быва'ющагw сло'вомъ _е=гw`. Вся' же для человjь'ка.

р_кс~а. Ст~ы'мъ и=мену'ется чи'стый w\т sло'бы и= грjьхw'въ.Тjь'мже и= ве'лiе _е='сть души` и=справле'нiе, и= о_у=го'дно бг~у, _е=гда` нjь'сть sло'бы въ человjь'кjь.

р_кс~в. И='мя _е='сть знаменова'нiе _е=ди'нагw w\т мно'гихъ. Тjь'мже безу'мно мы'слити, jа='кw бг~ъ, _е=ди'нъ бу'дучи и= _е=дина'ковъ, и=но'е и='мать и='мя. И='мя бо сiе`, бг~ъ, зна'менуетъ безнача'льнаго, вся^ сотво'ршаго для человjь'ка.

р_кс~г. А='ще свjь'дущъ ты` въ себjь` w= дjья'нiяхъ лука'выхъ, w\тсjьцы` _о='ныя w\т души` твоея` ча'янiемъ до'брымъ. Пра'веденъ бо бг~ъ и= человjьколюби'въ.

р_кс~д. Позна'етъ бг~а человjь'къ, и= позна'ется w\т бг~а тща'щiйся вы'ну неразлу'ченъ бы'ти съ бг~омъ. Неразлу'ченъ же съ бг~омъ быва'етъ человjь'къ благi'й во все'мъ, и= вся'кую побjьжда'ющiй сла'сть, не по ску'дости подая'нiя _о='ныхъ, но по и=зволе'нiю и= воздержа'нiю своему`.

р_кс~_е. Благотвори` w=би'дящему тя`, и= дру'гомъ и=мjь'ти бу'деши бг~а. Ни пред\ъ кjь'мъ не w=клеве'тывай врага` твоего`: и=мjь'й любо'вь, цjьлому'дрiе, терпjь'нiе, воздержа'нiе, и= подw'бная. Сiе' бо _е='сть вjь'дjьнiе бг~а, си'рjьчь, смиренному'дрiемъ и= таковы'ми дjьла'ми послjь'дованiе бг~у. Дjьла' же сiя^ су'ть не просты'хъ люде'й, но разу'мныя души`.

р_кс~s. W= нечести'вw дерза'ющихъ называ'ти w=душевле'нными прозяб_е'нiя и= s_е'лiя, написа'хъ главу` простjь'йшымъ для свjь'дjьнiя. Тра'вы жи'знь и=мjь'ютъ _е=сте'ственную, души' же не и=мjь'ютъ. Слове'снымъ же живо'тнымъ человjь'къ глаго'лется, jа='кw о_у='мъ и='мать, и= нау^ки вмjьща'етъ. Другi^я живw'тныя земны^я и= возду^шныя гла'съ въ себjь` и=мjь'ютъ, jа='кw ду'хъ въ ни'хъ _е='сть и= душа`: и= всjь` живw'тныя су'ть расту'щыя и= о_у=меньша'ющыяся, jа='кw живу'тъ и= расту'тъ, но не всjь` и=мjь'ютъ ду'шу. Разли^чiя же четы'ре су'ть живо'тныхъ. И=ны^я бо и=з\ъ _о='ныхъ безсм_е'ртны су'ть и= w=душевл_е'нны, ка'къ-то а='гг~ли: и=ны^я же о_у='мъ, ду'шу и= ду'хъ и=мjь'ютъ, ка'къ-то лю'ди: и=ны^я же ду'хъ и=мjь'ютъ и= ду'шу, ка'къ-то живw'тныя: и=ны^я же то'кмw жи'знь и=мjь'ютъ, ка'къ-то прозяб_е'нiя: (с. 41) то'чiю жи'знь въ прозябе'нiяхъ, без\ъ души`, и= ду'ха, и= о_у=ма`, и= безсме'ртiя состои'тъ. И= вся^ прw'чая без\ъ жи'зни не мо'гутъ бы'ти. Вся'кая же душа`, си'рjьчь человjь'ческая, всегда` дви'жится съ _о=дногw` мjь'ста на друго'е.

р_кс~з. _Е=гда` сла'сти нjь'кiя мечта'нiе воспрiи'меши, блюди` себе`, да не а='бiе совосхище'нъ бу'деши w\т _о='нагw: но ма'лw w\тложи'вши, помяни` сме'рть, и= помы'сли, ка'кw лу'чше _е='сть свjь'дjьти въ себjь`, что` сiю` пре'лесть сла'сти побjьди'вшу.

р_кс~и. JА='коже въ са'момъ рожде'нiи _е='сть стра'сть, быва'ющее бо въ жи'зни и= растлjьва'ется: та'кw и= въ стра'сти _е='сть sло'ба. Да не рече'ши о_у='бw, не мо'гъ бг~ъ sло'бу w\тсjьщи`: сiе' бо глаго'лющiи, и= безчу'вственнw и= безу'мнw глаго'лютъ. Не подоба'ше бг~у w\тсjьщи` вещество`: вещ_ества' бо су'ть сi'и стра^сти. Бг~ъ же по'льзы ра'ди w\тсjьче` sло'бу w\т люде'й, о_у='мъ, зна'нiе и= ра'зумъ, и= разсужде'нiе добра` дарова'вши и=`мъ, да ви'дяще sло'бу, jа='кw поврежда'емся _е='ю, бjьжи'мъ w\т нея`. Безу'мный же человjь'къ послjь'дуетъ sло'бjь, и= хва'лится _е='ю, и= jа='коже во мре'жу попа'дшися, ра'туемь быва'етъ w\т нея`, въ не'й пови'тъ бу'дучи, и= николи'же w\трещи'ся можя`, и= ви'дjьти, и= позна'ти бг~а, вся^ сотво'ршаго во спасе'нiе и= w=боже'нiе человjь'ка.

р_кс~f. Сме'ртное са'мо себя` ненави'дитъ, что` пред\ъузна'етъ свою` сме'рть. И= безсме'ртное, зане` _е='сть бла'го, прилуча'ется преподо'бной душjь`: сме'ртное же, зане` _е='сть sло`, прилуча'ется безу'мной и= _о=кая'нной душjь`.

р~_о. _Е=гда` со благодаре'нiемъ на свое` ло'же w=брати'шися, благодjья^нiя и= толи'кiй про'мыслъ бж~iй w= себjь` помышля'я, и=спо'лнившися благi'я мы'сли, па'че да весели'шися, и= бу'детъ ти` со'нъ тjьле'сный, трезве'нiе души`, и= смеже'нiе _о=че'й твои'хъ, и='стинное видjь'нiе бг~а, и= молча'нiе твое`, и=спо'лнено бу'дучи бла'га, возда'стъ w\т всея` души` и= си'лы воспаря'ющую, w=щути'тельную сла'ву бг~у всjь'хъ. sло'бjь бо не су'щей w\т человjь'ка и= благодаре'нiе _е=ди'ное, па'че вся'кiя многоцjь'нныя же'ртвы, о_у=го'дно бг~у, _е=му'же сла'ва во вjь'ки вjькw'въ, а=ми'нь.

(с. 43)

Преподо'бный _о=те'цъ на'шъ ма'ркъ подви'жникъ процвjьте` _о='колw четы'реста тридеся'тагw лjь'та по рж\ствjь` хр\сто'вjь: о_у=чени'къ бjь` ст~а'гw i=wа'нна златоу'стагw, по свидjь'тельству нiки'фора ка'ллiста въ то'мjь в~, кни'гjь д~_i, главjь` н~г, совреме'ненъ бы'въ ст~о'му нi'лу и= i=сi'дwру пилусiw'тскому, сла^внымъ подви'жникамъ. Трудолюби'въ же сы'й, и= преда'вся и=зуче'нiю бж~е'ственнагw писа'нiя, мнw'гiя написа'лъ словеса`, вся'кагw наставле'нiя и= по'льзы и=спо'лн_енныя: и=з\ъ ни'хъ же w= три'десяти дву'хъ о_у=помина'ется о_у= нiки'фора ка'ллiста, и=з\ъуча'ющихъ вся'кому пути` подви'жническагw житiя`, jа=`же ны'нjь не w=брjьта'ются. Храня'тся же другi^я словеса` _е=гw` _о='смь то'чiю, w= ни'хже и= ка'ллiстъ _о='ный о_у=помина'етъ, и= крi'тiкъ [и=спыта'тель писа'нiй] фw'тiй въ чте'нiи с~, стран. с_кс~и.

И=з\ъ си'хъ слове'съ пе'рвое w= зако'нjь духо'внjьмъ, и= тре'тiе w= мня'щихся w\т дjь'лъ w=правда'тися, на jа='сныя главы^ раздjьл_е'нныя, и= _о=смо'е къ нiкола'ю и='ноку, здjь'сь положены`, jа='кw про'чихъ поле'знjьйшыя. О_у=помина'етъ же w= сочине'нiяхъ _е=гw` и= преподобному'ченикъ пе'тръ дамаски'нъ, и= святы'й григо'рiй fессалонi'тскiй, и= григо'рiй сiнаi'тъ, и= ка'ллiстъ ст~jь'йшiй патрiа'рхъ, и= па'vелъ благодjь'тельный, и= другi'е мно'гiе и=з\ъ _о=тц_е'въ, кото'рые прочита'въ _о='ныя и= на'съ къ чте'нiю _о='ныхъ о_у=вjьщава'ютъ. Сего` и= ст~а'я цр~ковь бж~iя честву'я, _е~ ма'рта па'мять _е=гw` твори'тъ, по'стническiе _е=гw` по'двиги, и= въ словесjь'хъ му'дрость, и= свы'ше да'нную _е=му` благода'ть чуде'съ проповjь'дуя.

(с. 44)

Преподо'бнагw и= бг~оно'снагw _о=тца` на'шегw ма'рка подви'жника, w= зако'нjь духо'внjьмъ с~ гла'въ.

а~. Поне'же вы` мно'жицею хотjь'сте о_у=вjь'дjьти, ка'кw зако'нъ духо'венъ _е='сть по сло'ву а=п\сла, и= како'е и='мутъ разумjь'нiе и= дjь'ланiе хотя'щiи храни'ти _е=го`: сегw` ра'ди по си'лjь рече'мъ.

в~. Пе'рвjье вjь'мы, jа='кw бг~ъ вся'кагw бла'га нача'ло _е='сть, и= среди'на, и= коне'цъ. Благо'е же не мо'жетъ бы'ти вjь'руемо и=ли` дjь'йствуемо, то'чiю w= хр\стjь` i=и~сjь, и= ст~о'мъ дс~jь.

г~. Вся'кое бла'го смотри'тельнjь w\т гд\са дарова'ся, и= та'кw вjь'руяй не погуби'тъ _о='ное.

д~. И=звjь'стная вjь'ра сто'лпъ _е='сть крjь'пкiй, хр\сто'съ же вся^ вjь'рующему быва'етъ.

_е~. Да предначина'етъ тебjь` во вся'комъ твое'мъ начина'нiи бг~ъ, предначина'ющiй вся'кое бла'го, jа='кw да по бз~jь бу'детъ предлежа'щее [дjь'ло].

s~. Смиреному'дрый, и= дjь'ло и=мы'й духо'вно, чтя` бж~е'ств_енныя писа^нiя, вся^ къ себjь` w\тнесе'тъ, а= не ко и=ны^мъ.

з~. Призыва'й бг~а, да w\тве'рзетъ _о='чи се'рдца твоегw`, и= о_у='зриши по'льзу моли'твы и= чте'нiя, и=ску'сомъ разумjьва'емагw.

и~. И=мjь'ющiй дарова'нiе нjь'кое духо'вное, и= состра'ждущiй неиму'щымъ, сострада'нiемъ храни'тъ да'ръ. Кичли'вый же погуби'тъ _е=`, по'мыслы киче'нiя _о='крестъ бiе'мь.

(с. 45)

f~. О_у=ста` смиренному'драгw глаго'лютъ и='стину: проти'ву глаго'ляй же се'й, подо'бенъ _е='сть слузjь` _о='ному, въ лани'ту гд\са о_у=да'рившему.

_i~. Не быва'й о_у=чени'къ хва'лящагw себя` самаго`, да не вмjь'стw смиренному'дрiя, го'рдости научи'шися.

а~_i. Не возноси'ся въ се'рдцjь твое'мъ разумjь'нiемъ писа'нiй, да не въ ду'хъ хулы` о_у=мо'мъ впаде'ши.

в~_i. Не покуша'йся ве'щь неудо'бну разрjьши'ти любопрjь'нiемъ, но и='миже духо'вный зако'нъ повелjьва'етъ, си'рjьчь терпjь'нiемъ и= моли'твою, и= _е=диномы'сленною наде'ждою.

г~_i. Слjь'пъ _е='сть вопiя'й и= глаго'ляй: сн~е дв~довъ, поми'луй мя`! моля'йся тjьле'снjь, и= не о_у=` и=мы'й духо'внагw ра'зума.

д~_i. Слjьпы'й нjь'когда прозрjь'въ, и= ви'дjьвъ гд\са, не ктому` _е=го` сн~а дв~дова, но сн~а бж~iя и=сповjь'давъ, поклони'ся.

_е~_i. Да не вознесе'шися и=злива'я сле'зы въ моли'твjь твое'й: хр\сто'съ бо косну'ся _о='чiю тво_е'ю, и= о_у='мнjь прозрjь'лъ _е=си`.

s~_i. По примjь'ру слjьпа'гw, w\твергi'й ри^зы, и= прибли'живыйся ко гд\су, послjь'дователь _е=му`, и= проповjь'дникъ быва'етъ соверше'ннjьйшихъ о_у=че'нiй. {Ма'рк. гл. _i~, ст. и~.}

з~_i. Sло'ба, въ по'мыслjьхъ размышля'ема, де'рзостнымъ твори'тъ се'рдце: и=стребля'ема же воздержа'нiемъ и= наде'ждою сокруша'етъ _о='ное.

и~_i. Сокруше'нiе се'рдца _о=дно` _е='сть мя'гкое и= поле'зное ко о_у=миле'нiю _е=гw`: друго'е же жесто'кое и= привре'дное, къ запреще'нiю _е=гw` служа'щее.

f~_i. Бдjь'нiе и= моли'тва, и= находя'щихъ терпjь'нiе, сокруше'нiе _е='сть безвре'дное и= поле'зное се'рдцу, то'чiю а='ще лихои'мствомъ не w\тсjьче'мъ и='хъ срастворе'нiе. Сiя^ бо терпя'й, и= въ про'чихъ вспомоществу'емь бу'детъ: нерадя'й же и= w=слабля'яйся, при кончи'нjь нестерпи'мую болjь'знь и=мjь'ти бу'детъ.

(с. 46)

к~. Сластолюби'вое се'рдце темни'цею и= о_у='зами быва'етъ душjь` во вре'мя и=схо'да: трудолюби'вое же, две'рь _е='сть w\тве'рстая.

к~а. Жесто'кое се'рдце _е='сть, желjь^зныя врата` во гра'дъ вводя'щыя: sлостра'ждущему же и= w=скорбле'нному са'ми собо'ю w\тве'рзутся _о='ныя jа='коже и= петро'ви.

к~в. Мно'гiе су'ть w='бразы моли'твы, _е=ди'нъ w\т друга'гw разли'чествующiе. _О=ба'че ни _е=ди'нъ w='бразъ моли'твы нjь'сть вре'денъ, ра'звjь что` нjь'сть моли'тва, но дjь'ланiе сатани'нское.

к~г. Человjь'къ, sло` сотвори'ти хотя'й, пе'рвjье мо'лится мы'слiю по _о=бы'чаю, и= смотри'тельнjь возбране'нъ бу'дучи, по'слjьжде мно'гw благодари'тъ.

к~д. Дв~дъ, о_у=би'ти хотя'й нава'ла карми'льскаго, воспомина'нiемъ бж~е'ственнагw воздая'нiя w\твраще'нъ бы'въ w\т начина'нiя _о='нагw, мно'гw возблагодари'лъ. Вjь'мы же па'ки, jа=кwва` сотвори'лъ _о='нъ забы'въ бг~а, и= не престая'ше, до'ндеже наfа'нъ проро'къ приведе` _е=го` въ воспомина'нiе бг~а.

к~_е. Во вре'мя па'мяти бж~iя о_у=мно'жи моле'нiе, да _е=гда` забу'деши, гд\сь воспомя'нетъ тя`.

к~s. Чита'я бж~е'ственное писа'нiе, разумjьва'й сокров_е'нная въ не'мъ. _Е=ли^ка бо преднапи^сана бы'ша, глаго'летъ, вся^ въ на'ше наказа'нiе пред\ънаписа'шася {Ри'м. гл. _е~_i, ст. д~.}.

к~з. Вjь'ру писа'нiе нарица'етъ о_у=пова'емыхъ и=звjьще'нiемъ {_Е=вр. гл. а~_i.}: и= не познава'ющихъ вселе'нiя хр\сто'ва, неиску'сными и=мену'етъ {в~ Корi'н. гл. г~_i, ст._е~.}.

к~и. Jа='коже w\т дjь'лъ и= слове'съ jа=вля'ется мы'сль, та'кw и= w\т серде'чныхъ дjь'йствiй бу'дущее воздая'нiе.

к~f. Ще'дрое се'рдце jа='вjь, jа='кw о_у=ще'дрится: проти^вная же послjь'дствiе провозглаша'етъ.

л~. Зако'нъ свобо'ды о_у='читъ вся'кой и='стинjь, и= мно'зи чита'ютъ _е=го` по разумjь'нiю, но ма'ли разумjь'ютъ _е=го` по мjь'рjь за'повjьдей дjь'ланiя.

(с. 47)

л~а. Не и=щи` соверше'нства _е=гw` въ добродjь'теляхъ человjь'ческихъ. Соверше'нный бо въ _о='ныхъ не w=брjьта'ется: зане` соверше'нство _е=гw` во кр\стjь` хр\сто'вjь сокрове'но _е='сть.

л~в. Зако'нъ свобо'ды разумjь'нiемъ и='стиннымъ чте'тся, дjь'ланiемъ же за'повjьдей разумjь'ется: и=сполня'ется же щедро'тами хр\сто'выми.

л~г. _Е=гда` ко всjь^мъ за'повjьдемъ бж~iимъ со'вjьстiю направля'тися пону'димся: тогда` о_у=разумjь'емъ, jа='кw зако'нъ гд\снь непоро'ченъ въ на'шихъ дjь'лjьхъ до'брыхъ храни'тся, а= соверши'тися кромjь` щедро'тъ бж~iихъ въ человjь'цjьхъ не мо'жетъ.

л~д. _Е=ли'цы вся'кiя за'повjьди хр\сто'вы должника'ми себе` бы'ти не вмjьни'ша, сi'и зако'нъ бж~iй тjьле'снjь чту'тъ не разумjь'юще, ни jа=`же глаго'лютъ, ни w= ни'хже о_у=твержда'ются: тjь'мъ же и= мня'тъ и=сполня'ти _е=го` дjьла'ми.

л~_е. И=на'я ве'щь _е='сть jа='внw до'брая въ соверше'нiи, а= намjь'ренiе соверша'ющагw _о='ную нjь'сть во благо'е: и=на'я же соверша'ется а='ки лука'вая, а= намjь'ренiе соверша'ющагw _о='ную _е='сть во благо'е. Не то'чiю же дjьла` творя'тъ нjь'цыи, но и= словеса` глаго'лютъ предрече'ннымъ w='бразомъ. Зане` _о='ви премjьня'ютъ ве'щь по неиску'ству и=ли` невjь'дjьнiю, _о='ви же по предложе'нiю лука'вства, и=нi'и же по благоче'стiю.

л~s. Сокрыва'яй въ покро'вjь похва'лъ клевету` и= порица'нiе, не о_у=добоwбрjьта'емь _е='сть простjь'йшымъ: подо'бенъ же сему` _е='сть и= тщесла'вствуяй во смире'ннjьмъ w='бразjь: и=`же на мно'зjь прехищря'юще и='стину лже'ю, попуще'ни бы'вше, по'слjьжде дjь'лы w=блича'ются.

л~з. И=ны'й твори'тъ ве'щь нjь'кую jа='внw jа='кw до'брую. w\тмщева'я бли'жнему: другi'й же не сотвори'вши тоя`, воспо'льзуется во о_у=мjь`.

л~и. И=но'е w=бличе'нiе _е='сть по sло'бjь и= w\тмще'нiю, а= и=но'е _е='сть по стра'ху бж~iю и= и='стинjь.

л~f. Преста'вшаго w\т грjьха`, и= о_у=же` ка'ющагося не ктому` w=блича'й. А='ще же глаго'леши, jа='кw по бз~jь w=блича'еши _е=го`, пе'рвjье своя^ sла^я jа='вными сотвори`.

(с. 48)

м~. Вся'кою добродjь'телiю нача'льствуетъ бг~ъ, jа='коже и= дневны'мъ свjь'томъ со'лнце.

м~а. Сотвори'въ добродjь'тель, помяни` ре'кшаго, jа='кw без\ъ мене` не мо'жете твори'ти ничесw'же {I=wа'н. гл. _е~_i, ст. _е~.}.

м~в. Ско'рби ра'ди блага^я человjь'кwмъ о_у=готw'вана су'ть: подо'бнjь же и= sла^я тщесла'вiя ра'ди и= сла'сти.

м~г. И=збjьга'етъ грjьха` w=би'димый w\т человjь^къ, и= ра'вное ско'рби w=брjьта'етъ заступле'нiе.

м~д. Вjь'руяй хр\сту` w= воздая'нiи, вся'кую _о=би'ду о_у=се'рднw те'рпитъ по мjь'рjь вjь'ры.

м~_е. Моля'йся w= человjь'цjьхъ w=би'дящихъ, сокруша'етъ бjь'сы: сопротивля'яйся же п_е'рвымъ, w\т вторы'хъ о_у=язвля'ется.

м~s. Лу'чше прегрjьш_е'нiя человjь'ч_еская, не'жели бjьсw'вская: благоугожда'яй же гд\сви, _о=бои'хъ побjьжда'етъ.

м~з. Вся'кое бла'го w\т гд\са смотри'тельнjь прихо'дитъ: w\тхо'дитъ же та'йнjь w\т неблагода'рныхъ, неразу'мныхъ и= пра'здныхъ.

м~и. Вся'кая возбране'нная sло'ба w=ка'нчивается сла'стiю, и= вся'кая добродjь'тель духо'внымъ о_у=тjьше'нiемъ. И= jа='коже пе'рвая держа'вствуя, поwщря'етъ своя^, си'це и= втора'я подо'бнjь срw'дная _е='й.

м~f. Поноше'нiе человjь'ческое ско'рбь наво'дитъ се'рдцу, чистоты' же быва'етъ вино'вно терпя'щему.

н~. Невjь'дjьнiе, вопреки` глаго'лати поле'знымъ твори'тъ, и= де'рзостно быва'я, возраща'етъ предлежа^щая sло'бjь.

н~а. Ничи'мже w=тщетева'емь, скw'рбная прiе'мли: и= jа='кw сло'во возда'ти и=мjь'я, лихои'мство w\тве'ргни.

н~в. Согрjьши'въ вта'й, не покуша'йся о_у=таи'ти. Вся^ бо нага^ и= w=б\ъявл_е'на пред\ъ _о=чи'ма гд\са, къ нему'же на'мъ сло'во {_Е=вр. гл. д~, ст. г~_i.}.

н~г. О_у='мственнjь показу'й себя` вл\дцjь: человjь'къ бо на лице`, бг~ъ же на се'рдце зри'тъ {а~ Ца'р. гл. s~_i, ст. з~.}.

(с. 49)

н~д. Ничто'же помышля'й и=ли` содjьва'й без\ъ намjь'ренiя, _е='же по бз~jь. Безразсу'днw бо путеше'ствуяй, су'етнw труди'тися и='мать.

н~_е. Без\ъ ну'жды согрjьша'ющему неудо'бнw ка'ятися быва'етъ: зане'же о_у=таи'тися не мо'жно w\т бж~iя пра'вды.

н~s. Слу'чай болjь'зненный па'мять бж~iю подае'тъ разу'мному, w=скорбля'я по ра'венству забыва'ющаго w= бг~jь.

н~з. Вся'кая нево'льная болjь'знь да науча'етъ тя` па'мятовати бг~а: и= не w=скудjь'етъ ти` вина` къ покая'нiю.

н~и. Забве'нiе са'мо по себjь` ни _е=ди'ну и='мать си'лу, но w\т на'шегw нерадjь'нiя по мjь'рjь о_у=крjьпля'ется.

н~f. Не глаго'ли, что` сотворю`, jа='кw не хощу`, и= прихо'дитъ: зане'же по'мня, пренебре'глъ _е=си` до'лжное.

_кс~. _Е='же по'мниши бла'го, сотвори`: и= _е='же не по'мниши, w\ткро'ется ти`: и= не преда'ждь безразсу'дному забве'нiю мы'сль.

_кс~а. Писа'нiе глаго'летъ: а='дъ и= па'губа jа='вна пред\ъ гд\семъ {При'тч. гл. _е~_i, ст. а~_i.}. Сiя^ же w= серде'чномъ невjь'дjьнiи и= забве'нiи глаго'летъ.

_кс~в. А='дъ бо _е='сть невjь'дjьнiе: _о=боя' бо су'ть не jа='вна [не су^щая]: па'губа же _е='сть забве'нiе: зане'же w\т су'щихъ погибо'ша.

_кс~г. Своя^ и=спыту'й sла^я, а= не бли'жнягw, и= не w=кра'дено бу'детъ о_у='мное твое` дjь'лателище.

_кс~д. W= всjь'хъ поси'льныхъ добродjь'теляхъ неудобопрости'тельно нерадjь'нiе. Ми'лостыня же и= моли'тва возставля'етъ нерадjь'вшихъ.

_кс~_е. Вся'кая ско'рбь по бз~jь суще'ственное дjь'ло _е='сть благоче'стiя. И='стинная бо любо'вь проти'вными и=скуша'ется.

_кс~s. Не глаго'ли, стяжа'ти добродjь'тель без\ъ ско'рби: неиску'сенъ бо _е='сть w\тра'ду и=му'щiй.

_кс~з. Коне'цъ вся'кiя нево'льныя ско'рби разсужда'й, и= w=бря'щеши въ не'мъ и=стребле'нiе грjьха`.

(с. 50)

_кс~и. Мно'гiе совjь'ты бли'жнягw на по'льзу быва'ютъ: кому'ждо же своегw` совjь'та ничто'же _е='сть прили'чнjье.

_кс~f. И=щя` врачева'нiя, пеки'ся w= со'вjьсти, и= _е=ли^ка глаго'летъ ти`, сотвори`, и= w=бря'щеши по'льзу.

_о~. Та^йная коегw'ждо бг~ъ вjь'сть, и= со'вjьсть, и= w\т си'хъ са'мыхъ да прiе'млетъ кi'йждо и=справле'нiе.

_о~а. Человjь'къ, _е=ли'кw мо'жетъ, w=буча'ется по свое'й во'ли: бг~ъ же собы'тiе сегw` твори'тъ по пра'вдjь.

_о~в. А='ще хо'щеши неwсужде'ннw похвалу` w\т человjь^къ прiима'ти, пе'рвjье w= грjьсjь'хъ твои'хъ возлюби` w=бличе'нiе.

_о~г. _Е=ли'къ сра'мъ а='ще кто` прiи'метъ за и='стину хр\сто'ву, стори'цею w\т мно'гихъ просла'вится. Лу'чше же вся'кое бла'го твори'ти бу'дущихъ ра'ди.

_о~д. _Е=гда` человjь'къ человjь'ка воспо'льзуетъ словесы^, и=ли` дjь'лы, бж~iю бы'ти благода'ть да разумjь'ютъ _о='ба. Не разумjь'яй же сегw`, w\т разумjь'ющагw w=блада'нъ бу'детъ.

_о~_е. Похваля'яй бли'жняго по нjь'коему лицемjь'рiю, о_у=ничижи'тъ _е=го` во вре'мя, и= са'мъ посрами'тся.

_о~s. Не вjь'дый подса'ды супоста'тwвъ, о_у=до'бь закала'ется: и= не вjь'дый вины` страсте'й, низпа'даетъ о_у=до'бнjь.

_о~з. W\т сластолю'бiя нерадjь'нiе, а= w\т нерадjь'нiя забве'нiе прихо'дитъ. Поле'знагw бо разумjь'нiе бг~ъ всjь^мъ дарова`.

_о~и. Человjь'къ совjь'туетъ бли'жнему, jа='коже вjь'сть: бг~ъ же дjь'йствуетъ въ слы'шащемъ, jа='коже вjь'рова.

_о~f. Ви'дjьхъ невjь'ждъ, дjь'ломъ смиренному'дрствовавшихъ, и= бы'ша прему'дрыхъ прему'дрjьйшiи.

п~. Другi'й невjь'жда, слы'шавъ _о='ныхъ похваля'емыхъ, смиренному'дрiю и='хъ не подража'етъ, но невjь'жествомъ тщесла'вяся, горды'ню прiе'млетъ.

п~а. О_у=ничижа'яй ра'зумъ, и= невjь'жествомъ хваля'йся, не сло'вомъ то'кмw _е='сть невjь'жда, но и= ра'зумомъ.

п~в. JА='коже бо и=но'е _е='сть прему'дрость въ сло'вjь, и= и=но'е му'дрость: си'це и=но'е _е='сть невjь'жество въ сло'вjь, и= и=но'е безу'мiе.

(с. 51)

п~г. Ни ма'лw не повреди'тъ неиску'сство въ рече'нiяхъ благоговjь'йнjьйшаго, jа='коже ни прему'дрость въ словесjь'хъ смиренному'драгw.

п~д. Не глаго'ли, jа='кw не вjь'мъ подоба'ющагw, и= неизвини'теленъ _е='смь, не творя` _о='нагw. А='ще бо твори'лъ бы _е=си` дw'брая, _е=ли^ка вjь'си, и= прw'чая бы'ти поря'ду w\ткры'лися, _е=ди'но чрез\ъ друго'е о_у=разумjьва'ема. Не по'льзуетъ ти` пре'жде дjь'ланiя пе'рвыхъ, о_у=вjь'дjьти втwра'я. Ра'зумъ бо кичи'тъ w= пра'здности, а= любы` созида'етъ {а~ Корi'нf. гл. и~, ст. а~.}, зане'же вся^ терпи'тъ.

п~_е. Бж~е'ственнагw писа'нiя глаго'лы дjья'ньми чита'й, а= не многосло'вь, кича'ся просты'ми поня'тiями.

п~s. W=ста'вивый дjья'нiе, и= на просто'мъ ра'зумjь о_у=твержда'яйся, вмjь'стw _о=бою'ду _о='стра меча`, тро'стянъ же'злъ де'ржитъ, и='же во вре'мя бра'ни, по писа'нiю, пронзе'тъ ру'ку _е=гw`, и= вни'детъ въ ню`, jа='дъ киче'нiя пре'жде супоста'тwвъ влага'я.

п~з. Мjь'ру и='мать и= вjьсы` пред\ъ бг~омъ вся'кая мы'сль. Мо'щно бо _е='сть то'жде и=ли` встра'стнjь, и=ли` _е=диноwбра'знjь помы'слити.

п~и. Сотвори'вый за'повjьдь, да w=жида'етъ w= не'й и=скуше'нiя. Любо'вь бо ко хр\сту` проти'вными и=скуша'ется.

п~f. Да не помы'слиши когда` нерадjь'ти w= по'мыслjьхъ. Неутае'ма бо _е='сть w\т бг~а вся'кая мы'сль.

ч~. _Е=гда` о_у=ви'диши по'мыслъ, человjь'ческую ти` сла'ву предлага'ющъ, позна'й jа='снw, jа='кw сту'дъ ти` о_у=строя'етъ.

ч~а. Вjь'сть вра'гъ духо'внагw зако'на пра'ведность, и= и='щетъ то'чiю сложе'нiе о_у=ма`. Та'кw бо и=ли` покая'нiя труда'ми пови'нна сотвори'тъ подвла'стнаго, и=ли` нека'ющася нево'льными наведе'ньми болjь'знь причини'тъ _е=му`. _О=вогда' же и= проти'ву невjь'дjьнiй ра'товати под\ъуща'етъ, да и= здjь` болjь^зни о_у=мно'житъ, и= во и=схо'дjь нетерпjь'нiя ра'ди пока'жетъ невjь'рна.

(с. 52)

ч~в. Проти'ву находя'щымъ мно'зи мно'гw воспроти'вишася: но без\ъ моли'твы и= покая'нiя никто'же лю'тыхъ и=збjьже`.

ч~г. Sла^я _е=ди'но чрез\ъ _е=ди'ное прiе'млютъ си'лу, jа='коже и= блага^я дру'гъ w\т дру'га возраста'ютъ, и= своего` прича'стника на пр_е'дняя бо'лjье возбужда'ютъ.

ч~д. Ма^лая согрjьш_е'нiя о_у=меньша'етъ дiа'волъ. И='накw бо на бw'льшая sла^я привести` не мо'жетъ.

ч~_е. Ко'рень сту'дныя по'хоти _е='сть человjь'ческая похвала`, jа='коже и= цjьлому'дрiя w=бличе'нiе w= sло'бjь, не _е=гда` слы'шимъ то'чiю, но _е=гда` и= прiе'млемъ _о='ное.

ч~s. Никоея'же не получа'етъ по'льзы w\трекi'йся, и= сладостра'ствуяй. _Е='же бо творя'ше стяжа'нiемъ, сiе` и= ничегw'же и=мjь'я, дjь'лаетъ.

ч~з. Па'ки возде'ржникъ, а='ще стяжава'етъ пjь'нязи, бра'тъ _е='сть пе'рвому помышле'нiемъ, w\т ма'тере тоя'жде, о_у='мныя ра'ди сла'сти, w\т _о=тца' же друга'гw, по причи'нjь премjьне'нiя стра'сти.

ч~и. И=ны'й w\тсjьца'етъ стра'сть бо'льшагw ра'ди сладостра'стiя, и= w\т невjь'дящихъ _е=гw` намjь'ренiя сла'вимь _е='сть: мо'жетъ же бы'ть и= са'мъ _о='нъ себе` не вjь'сть трудя'ся безполе'знw.

ч~f. Вина` вся'кiя sло'бы _е='сть тщесла'вiе и= сла'сть. Невозненави'дjьвый же сiя^, не и=стребля'етъ стра'сть.

р~. Ко'рень всjь^мъ sлы^мъ, рече'но _е='сть, сребролю'бiе {а~ Тiм. гл. s~, ст. _i~.}. Но сiе` jа='внw _о='ными составля'ется.

р~а. W=слjьпля'ется о_у='мъ си'ми тремя` страстьми`: сребролю'бiемъ, глаго'лю, тщесла'вiемъ и= сла'стiю.

р~в. Сi'и три` дщ_е'ри су'ть пiя^вицы {При'тч. гл. л~, ст. _е~_i.}, по писа'нiю, w\т ма'тере безу'мiя любо'вiю возлю'бл_енны.

р~г. Ра'зумъ и= вjь'ра, _е=стества` на'шегw совоспи'танники, ни w\т чегw` и=но'гw, то'чiю w\т _о='ныхъ притупи'стася.

р~д. Jа='рость, и= гнjь'въ, и= бра^ни, и= о_у=бi^йства, и= вся^ прw'чая sла^я поря'ду, w\т _о='ныхъ въ человjь'цjьхъ sjьлw` о_у=крjьпи'шася.

(с. 53)

р~_е. Та'кw подоба'етъ возненави'дjьти сребролю'бiе, тщесла'вiе и= сла'сть, jа='кw ма'терей sw'лъ, и= ма'чихъ добродjь'телей.

р~s. Си'хъ ра'ди не люби'ти мi'ра, ни jа=`же въ мi'рjь, повелjь'но на'мъ, не да созда^нiя бж~iя безразсу'днw возненави'димъ, но jа='кw да трiе'хъ _о='ныхъ страсте'й вины^ w\тсjьче'мъ.

р~з. Никто'же, глаго'летъ писа'нiе, во'инъ быва'я, w=бязу'ется ку'плями жите'йскими {в~ Тiм. гл. в~, ст. д~.}. Хотя'й бо съ соплете'нiемъ стра^сти побjьди'ти, подо'бенъ _е='сть со пле'велы о_у=гаша'ющему запале'нiе.

р~и. За пjь'нязи, и=ли` за сла'ву, и=ли` за сла'сть гнjь'ваяйся на бли'жняго, не о_у=` позна`, jа='кw пра'веднw о_у=правля'етъ бг~ъ тва'рьми.

р~f. _Е=гда` о_у=слы'шиши гд\са глаго'люща, jа='кw а='ще кто` не w\трече'тся всегw` и=мjь'нiя своегw`, нjь'сть мене` досто'инъ {Луки` гл. д~_i, ст. л~г.}, не то'чiю w= и=мjь'нiи разумjь'й рече'нное, но и= w= всjь'хъ дjь'йствiяхъ sло'бы.

р~_i. Не разумjь'яй и='стины, ниже` и='стиннw вjь'ровати мо'жетъ. Ра'зумъ бо по _е=стеству` предваря'етъ вjь'ру.

ра~_i. JА='коже ка'ждой ви'димой ве'щи w=предjьли'лъ _е='сть бг~ъ сро'дное ка'чество, си'це и= человjь'ч_ескимъ по'мысламъ, а='ще хо'щемъ, и= не хо'щемъ.

рв~_i. А='ще кто` jа='внjь согрjьша'я, и= не ка'яся, ничто'же пострада` да'же до и=схо'да своегw`, да мни'ши, jа='кw сего` неми'лостивъ пости'гнетъ су'дъ.

рг~_i. Моля'йся разу'мнjь, терпи'тъ находя^щая: sлопа'мятуяй же, не о_у=` чи'стjь помоли'ся.

рд~_i. W=би'димь, и=ли` поноше'нъ, и=ли` и=згна'нъ бы'въ w\т когw`, не w= настоя'щемъ помышля'й, но бу'дущагw w=жида'й: и= _о=бря'щеши, jа='кw то'й мно'гихъ ти` бла^гъ бы'сть вино'венъ, не то'чiю въ настоя'щемъ, но и= въ бу'дущемъ вjь'цjь.

р_е~_i. JА='коже sлопи^щныя по'льзуетъ го'рькая пелы'нь: та'кw sлонра^внымъ по'льзуетъ sла^я страда'ти. Зане` _о='вjьхъ здра'выми бы'ти, _о='вjьхъ же ка'ятися врачевства^ содjь'ловаютъ.

(с. 54)

рs~_i. А='ще не хо'щеши sлострада'ти, ниже` sлотвори'ти жела'й. Поне'же то` за си'мъ непресту'пнw послjь'дствуетъ. _Е='же бо а='ще сjь'етъ кi'йждо, то'жде и= по'жнетъ {Гала'т. гл. s~, ст з~.}.

рз~_i. Во'лею sла^я сjь'юще, и= нево'лею _о='ная жну'ще, пра'вдjь бж~iей диви'тися до'лжни _е=смы`.

ри~_i. Поне'же вре'мя нjь'кое между` сjь'янiемъ и= жа'твою w=предjьли'ся, сегw` ра'ди не вjь'руемъ w= воздая'нiи.

рf~_i. Согрjьши'вши не w=бвиня'й дjья'нiе, но мы'сль. А='ще бо не бы` о_у='мъ предте'клъ, то` не бы` тjь'ло припослjь'довало.

р~к. Та'йный sлодjь'тель лука'внjьйшiй _е='сть jа='внjь w=би'дящихъ. Тjь'мже то'й и= sлjь'е му'чится.

рк~а. Кова^рства соплета'яй, и= сокрове'ннjь sлотворя'й, sмi'й _е='сть, по писа'нiю, сjьдя'й на пути`, и= о_у=грыза'яй пя'ту ко'нску {Бытiя` гл. м~f, ст. з~_i.}.

рк~в. И='же вку'пjь въ че'мнибудь похваля'етъ, и= въ че'мнибудь порица'етъ бли'жняго, се'й тщесла'вiемъ и= за'вистiю w=держи'мь _е='сть: и= похвала'ми сокрыва'ти покуша'ется за'висть, порече'нiями же себя` благоиску'снjьйшимъ _о='нагw поставля'етъ.

рк~г. Jа='коже нjь'сть мо'щно вку'пjь и= _о='вцы пасти`, и= во'лки: та'кw не возмо'жетъ получи'ти ми'лость, и='же sло` твори'тъ бли'жнему.

рк~д. Примjьша'яй къ за'повjьди _о='тай свою` во'лю, прелюбодjь'й _е='сть, jа='коже въ прему'дрости показа'ся, и= за ску'дость о_у=ма` болjь^зни и= безч_е'стiя понесе'тъ. {При'тч. гл. s~, ст. л~в и= л~г.}

рк~_е. JА='коже воды` и= _о=гня` совокупле'нiе проти'вно: та'кw сопротивля'ются дру'гъ дру'гу словоwправда'нiе и= смире'нiе.

рк~s. И=ща'й w\тпуще'нiя грjьхw'въ, лю'битъ смиренному'дрiе: w=сужда'яй же друга'го, запечатлjьва'етъ своя^ sла^я.

рк~з. Да не w=ста'виши неизгла'жденнымъ грjь'хъ, а='ще и= малjь'йшiй _е='сть, да не по'слjьжде на бw'льшая sла^я привлече'тъ тя`.

(с. 55)

рк~и. А='ще хо'щеши спасти'ся, и='стинное сло'во возлюби`, и= никогда'же безразсу'днw w=бличе'нiя да w\тврати'шися.

рк~f. Сло'во и='стины премjьни` порожд_е'нiя _е=хi^дныя, и= сказа` и=`мъ бjьжа'ти w\т бу'дущагw гнjь'ва.

р~л. Прiе'мляй словеса` и='стины, прiе'млетъ бг~а сло'ва. Глаго'летъ бо хр\сто'съ: прiе'мляй ва'съ, мене` прiе'млетъ. {Матf. гл. _i~, ст. м~.}

рл~а. Разсла'бленный свjь'шенный сквозjь` кро'ва, _е='сть грjь'шникъ w\т вjь'рныхъ по бз~jь w=блича'емый, и= вjь'ры ра'ди _о='нjьхъ прiе'мляй w\тпуще'нiе. {Луки` гл. _е~, ст. f~_i.}

рл~в. Лу'чше _е='сть съ благоговjь'нiемъ моли'тися w= бли'жнемъ, не'жели w=блича'ти _е=го` w= вся'комъ согрjьше'нiи.

рл~г. Ка'яйся пра'вw, w\т безу'мныхъ поруга'емь быва'етъ. Сiе' же _е=му` _е='сть зна'менiе благоугожде'нiя.

рл~д. Подвиза'яйся w\т всjь'хъ воздержи'тся, {а~ Корi'н. гл.f~, ст. к~г.} и= не престае'тъ твори'ти сiе`, до'ндеже потреби'тъ гд\сь сjь'мя w\т вавv"лw'на.

рл~_е. Помы'сли, jа='кw двана'десять _е='сть страсте'й безче'стныхъ. А='ще _е=ди'ну w= тjь'хъ во'лею возлю'биши, _о='ная и=спо'лнитъ мjь'сто _е=динона'десяти.

рл~s. _О='гнь _е='сть горя'щiй грjь'хъ. Коли'кw о_у='бw w\тсjьче'ши вещество`, толи'кw о_у=га'снетъ, и= коли'кw а='ще приложи'ши, по мjь'рjь возгори'тся.

рл~з. Возвы'сився похвала'ми, w=жида'й безче'стiя. Глаго'летъ бо: Вознося'йся, смири'тся. {Матf. гл. к~г, ст. в~_i.}

рл~и. _Е=гда` вся'кую во'льную sло'бу w\т мы'сли w\тве'ргнемъ: тогда` па'ки бра'нь сотвори'мъ съ су'щими страстьми` по предпрiя'тiю.

рл~f. Предпрiя'тiе _е='сть пре'жнихъ sw'лъ нево'льное воспомина'нiе въ подви'жникjь произы'ти въ стра'сть возбраня'емое, въ побjьди'телjь же до прило'га низвраща'емое.

р~м. Прило'гъ _е='сть безви'дное движе'нiе се'рдца, по подо'бiю за'мка w\т и=ску'сныхъ пред\ъуде'рживаемый.

(с. 56)

рм~а. И=дjь'же су'ть w='брази по'мысла, та'мw сложе'нiе быва'етъ. Движе'нiе бо безви'дное, безвино'вный _е='сть прило'гъ. И= и=ны'й w= си'хъ w\тбjьга'етъ, jа='кw головня` w\т _о=гня`: и=ны'й же не возвраща'ется, до'ндеже возже'тъ пла'мень.

рм~в. Не глаго'ли, jа='кw не хощу`, и= прихо'дитъ: коне'чнw бо а='ще и= не то'жде са'мое, но вины^ лю'биши ве'щи тоя`.

рм~г. И=ща'й похвалы`, w=брjьта'ется во стра'сти, и= w= ско'рби наше'дшей пла'чущiй, лю'битъ сла'сть.

рм~д. JА='коже на вjьса'хъ, непостоя'ненъ _е='сть сладостра'ствующагw по'мыслъ: _о=вогда` пла'четъ и= пла'чется грjьхw'въ ра'ди, _о=вогда' же ра'туетъ, и= противоглаго'летъ бли'жнему, w\тгоня'я сла^сти.

рм~_е. Вся^ и=скуша'яй, и= до'брое содержа'й, послjь'довательнw w\т вся'кагw sла` о_у=дали'тся.

рм~s. Долготерпjьли'въ му'жъ мно'гъ въ ра'зумjь: подо'бнjь и= словес_е'мъ прему'дрости прилага'й о_у='хо свое`.

рм~з. Без\ъ па'мяти бж~iей ра'зумъ и='стинный бы'ти не мо'жетъ. Без\ъ пе'рвагw бо вторы'й ло'женъ _е='сть.

рм~и. Жестокосе'рдаго по'льзуетъ тонча'йшагw ра'зума сло'во: поне'же без\ъ стра'ха, трудw'въ покая'нiя не прiе'млетъ.

рм~f. Кро'ткому человjь'ку вjьрносло'вiе прили'чествуетъ: поне'же не и=скуша'етъ бж~iя долготерпjь'нiя, и= не побjьжда'ется ча'стымъ преступле'нiемъ.

р~н. Му'жа си'льна да не w=бличи'ши w= тщесла'вiи, но покажи` _е=му` и=мjь'ющее нанести'ся безче'стiе. Си'мъ бо w='бразомъ разу'мный сла'дцjь w=блича'емь быва'етъ.

рн~а. Ненави'дяй w=блич_е'нiя, по о_у=мышле'нiю лежи'тъ [погряза'етъ] во стра'сти. Любя'й же [_о='ное] jа='вjь, jа='кw предпрiя'тiемъ хо'дитъ.

рн~в. Не жела'й слы'шати чужда^я лука'вствwванiя: въ таково'й бо во'ли и= черты^ лука'вствованiй напису'ются.

рн~г. Sлы^мъ словес_е'мъ научи'вся, на себя` гнjь'вайся, а= не на глаго'лавшаго. Лука'вагw бо слу'ха, лука'въ и= w\твjьщава'тель.

(с. 57)

рн~д. А='ще кто` съ суесло'вными человjь'ки бесjь'довати бу'детъ, пови'нна себе` да вмjьня'етъ таковы'хъ глагw'лъ, а='ще и= не вско'рjь по'слjь тогw`, но w\т дре'внягw до'лгу.

рн~_е. А='ще о_у=ви'диши кого` лицемjь'рнw хва'ляща тя`, во свое` вре'мя w\т _о='нагw порече'нiя w=жида'й.

рн~s. Настоя'щыя скw'рби премjьня'й на бу^дущая блага^я: и= никогда'же нерадjь'нiе разсла'битъ по'двигъ тво'й.

рн~з. А='ще за тjьле'сное подая'нiе похва'лиши человjь'ка, jа='кw блага'го, кромjь` бг~а, по'слjь то'йжде лука'въ тебjь` jа=ви'тся.

рн~и. Вся'кое бла'го w\т гд\са смотри'тельнjь прихо'дитъ: и= нося'щiе _о='ная, су'ть служи'тели бла^гъ.

рн~f. Сплет_е'нiя бла^гъ и= sw'лъ ра'внымъ по'мысломъ прiе'мли: и= та'кw премjьня'етъ бг~ъ нера'вность веще'й.

р~_кс. Нера'вность помыслw'въ нано'ситъ _о=сw'бныя премjь^ны: зане` бг~ъ нево'льное во'льному сро'днjь приложи'лъ.

р_кс~а. Чу'вств_енная, о_у='мныхъ су'ть порожд_е'нiя, нося'щая подоба'ющее по w=предjьле'нiю бж~iю.

р_кс~в. Се'рдцу сладостра'ствующу, по'мыслы и= словеса` па^губныя прозяба'ютъ: и= w\т ды'ма вну'трь лежа'щее вещество` познава'емъ.

р_кс~г. Пребыва'й въ ра'зумjь, и= не о_у=труди'шися во и=скуше'нiяхъ: w\т_ону'дуже w\тходя` терпи` находя^щая.

р_кс~д. Моли'ся, да не прiи'детъ ти` и=скуше'нiе: прише'дшее же прiими` jа='кw твое`, а= не чу'ждее.

р_кс~_е. W\тврати` мы'сль w\т вся'кагw лихои'мства, и= тогда` возмо'жеши о_у=ви'дjьти кw'зни дiа'вwльскiя.

р_кс~s. Глаго'ляй вся^ ви'дjьти кw'зни дiа'вwльскiя, jа='коже не вjь'сть себе`, соверше'нна себе` jа=вля'етъ.

р_кс~з. _Е=гда` и=зы'детъ о_у='мъ w\т тjьле'сныхъ попече'нiй, ви'дитъ по мjь'рjь о_у=хищр_е'нiя врагw'въ.

р_кс~и. Совосхища'емый по'мыслы w=слjьпля'ется w\т ни'хъ, и= дjь^йствiя грjьха` ви'дитъ, вины' же дjь'йствiй о_у=ви'дjьти не мо'жетъ.

р_кс~f. И=ны'й твори'тъ jа='внjь за'повjьдь, рабо'тая стра'сти, и= лука'выми по'мыслы благо'е дjья'нiе потребля'я.

(с. 58)

р~_о. Вводи'мь въ нача'ло sла`, не глаго'ли, jа='кw не побjьди'тъ мя`. Поколи'ку бо вво'дишися, потоли'ку о_у=же` побjьжде'нъ _е=си`.

р_о~а. Ко'еждо быва'ющее w\т ма'ла начина'ется, и= поча'стнw пита'емо, возраста'етъ.

р_о~в. Мре'жа многоплете'нна _е='сть ко'знь sло'бы, и= ча'стjь запу'тавыйся, а='ще вознеради'тъ, w\твсю'ду w=б\ъе'млется.

р_о~г. Не жела'й слы'шати sлополу'чiя вражде'бныхъ человjь^къ. Слы'шащiи бо такwвы'я глаго'лы, плоды` взе'млютъ своегw` произволе'нiя.

р_о~д. Не вся'ку ско'рбь находи'ти человjь'кwмъ за грjьхи` мни`: су'ть бо нjь'цыи благоугожда'ющiи, и= и=скуша'емiи. Пи'сано бо _е='сть: нечести'вiи и= беззакw'нницы и=зжену'тся. {_Псал. л~s, ст. к~и.} Подо'бнjь, и= хотя'щiи благоче'стнw жи'ти w= хр\стjь`, гони'ми бу'дутъ. {в~ Тiм. гл. г~, ст. в~_i.}

р_о~_е. Во вре'мя ско'рби ви'ждь прило'гъ сла'сти: поне'же бо о_у=тjьша'етъ ско'рбь, благопрiя'тенъ [на'мъ] быва'етъ.

р_о~s. Нjь'цыи му'дрыми глаго'лютъ о_у=доборазсужда'ющихъ w= чу'вственныхъ веща'хъ: му'дри же су'ть w=блада'ющiи свои'ми хотjь'нiями.

р_о~з. Пре'жде и=стребле'нiя sw'лъ, да не повине'шися се'рдцу твоему`: какwва' бо влож_е'нiя и='мать, таковы'хъ и= приложе'нiй взыску'етъ.

р_о~и. JА='коже су'ть sмiи^ срjьта'ющiися въ пеще'рахъ, и= су'ть и=нi'и кры'ющiися во хра'минахъ: та'кw су'ть стра^сти, мы'сленнjь воwбража'_емыя, и= су'ть и=ны^я дjь'ятельнjь дjь'йству_емыя, а='ще и= w\т _е=ди'ныхъ въ другi^я w='бразы преwбража'ются.

р_о~f. _Е=гда` о_у=ви'диши вну'трь лежа^щая си'льнjь дви^жима, и= къ стра'сти призыва^юща безмо'лвствующiй о_у='мъ: вjь'ждь, jа='кw о_у='мъ нjь'когда сiя^ предвари'лъ, и= въ дjья'нiе сiе` приведе`, и= въ се'рдце вложи`.

р~п. Не составля'ется _о='блако без\ъ дыха'нiя вjь'тра, и= не ражда'ется стра'сть без\ъ мы'сли.

(с. 59)

рп~а. _Е=гда` не ктому` твори'мъ по'хwти плотскi^я, по писа'нiю, о_у=до'бь w= гд\сjь преста'нутъ вну'трь предлежа^щая.

рп~в. W='бразы мечта'нiя о_у=ма` лука'внjьйшыя су'ть и= крjь'пльшыя: помы'сл_енныя же си'хъ вино'вни и= предвари'т_ельны су'ть.

рп~г. _Е='сть sло'ба, въ се'рдцjь содержа'щаяся, да'внягw ра'ди предпрiя'тiя, и= _е='сть sло'ба, по'мыслы ра'тующая, повседне'вными вещьми`.

рп~д. Бг~ъ дjья^нiя и= намjь'р_енiя вмjьня'етъ. Да'стъ ти`, глаго'летъ бо, гд\сь по се'рдцу твоему`. {_Псал. f~_i, ст. _е~.}

рп~_е. Въ разсма'триванiи со'вjьсти не пребыва'ющiй, ниже` тjьл_е'сныя труды` w= благоче'стiи прiе'млетъ.

рп~s. Со'вjьсть _е='сть _е=сте'ственная кни'га. Дjь'ятельнjь чита'ющiй _о='ную, и=ску'сомъ познае'тъ бж~е'ственное заступле'нiе.

рп~з. Не прiе'мляй во'льныхъ трудw'въ w= и='стинjь, w\т нево'льныхъ лютjь'е наказу'емь быва'етъ.

рп~и. Позна'вый во'лю бж~iю, и= по си'лjь творя'й _о='ную, ма'лjьми труды` вели'кихъ и=збjьжи'тъ.

рп~f. Кромjь` моли'твы и= терпjь'нiя хотя'й побjьди'ти и=скуш_е'нiя, не w\три'нетъ я=`, но мно'жае w=плете'тся _о='ными.

р~ч. Гд\си сокрове'нъ _е='сть во свои'хъ за'повjьдехъ, и= и='щущымъ _е=го` по мjь'рjь w=брjьта'ется.

рч~а. Да не рече'ши: сотвори'хъ за'пwвjьди, и= не w=брjьто'хъ гд\са. Ра'зумъ бо съ пра'вдою, по писа'нiю, мно'жицею w=брjь'лъ _е=си`, пра'вw же и='щущiи _е=го`, w=бря'щутъ ми'ръ.

рч~в. Ми'ръ _е='сть страсте'й и=збавле'нiе, _е='же без\ъ дjь'йствiя ст~а'гw дх~а не w=брjьта'ется.

рч~г. И=но'е _е='сть дjь'ланiе за'повjьди, а= и=но'е добродjь'тель, а='ще и= дру'гъ w\т дру'га вины^ благопрiе'млютъ.

рч~д. Дjь'ланiе за'повjьди глаго'лется, внегда` содjь'яхомъ повелjь'нное, добродjь'тель же, внегда` содjь'ланное о_у=го'дно _е='сть вои'стинну.

(с. 60)

рч~_е. JА='коже _е=ди'но _е='сть чу'вственное бога'тство, по стяжа'нiю же многоча'стнw: та'кw _е=ди'на _е='сть добродjь'тель, многоwбра^зная же и=мjь'етъ дjь^йствiя.

рч~s. Кромjь` дjь'ла о_у=хищря'яйся и= глаго'ляй словеса`, богатjь'етъ w\т непра'вды, и= труды` _е=гw`, по писа'нiю въ до'мы чу'жды вхо'дятъ.

рч~з. Вся^ повину'тся зла'ту, глаго'летъ писа'нiе, и= благода'тiю бж~iею мы'сл_енная о_у=пра'вл_ена бу'дутъ.

рч~и. Со'вjьсть блага'я моли'твою w=брjьта'ется, и= моли'тва чи'стая со'вjьстiю. _Е=ди'но бо друго'е по _е=стеству` прiе'млетъ.

рч~f. I=а'кwвъ i=w'сифови ри'зу пе'стру сотвори` и= гд\сь кро'ткому ра'зумъ и='стины да'руетъ, jа='коже пи'сано _е='сть: jа='кw научи'тъ гд\си крw'ткiя пут_е'мъ свои^мъ. {_Псал. к~д, ст. f~.}

с~. Всегда` дjь'лай благо'е по си'лjь, и= во вре'мя бо'льшагw не w=браща'йся на ме'ньшее: w=брати'выйся бо вспя'ть, глаго'летъ, нjь'сть о_у=пра'вленъ въ цр\ствiи бж~iи. {Луки` гл. f~, ст. _кс~в.}

(с. 61)

Тогw'жде w= мня'щихся w\т дjь'лъ w=правда'тися, ск~s гла'въ.

а~. Sловjь'рiе внjь'шнихъ въ послjь'дующемъ писа'нiи w=бличи'тся w\т тве'рдw вjь'рующихъ, и= позна'вшихъ и='стину.

в~. Гд\сь вся'кую за'повjьдь показа'ти хотя` до'лжною, сыноположе'нiе же человjь'кwмъ свое'ю кро'вiю дарова'ннымъ, глаго'летъ: _Е=гда` вся^ сотворите` повелjь^нная ва'мъ, тогда` рцы'те, jа='кw раби` неключи'ми _е=смы`, и= _е='же до'лжни бjь'хомъ сотвори'ти, сотвори'хомъ. {Луки` гл. з~_i, ст. _i~.} Сегw` ра'ди нjь'сть мзда` дjь'лъ цр\ствiе небе'сное, но благода'ть вл\дки, вjь^рнымъ рабw'мъ о_у=гото'ванная.

г~. Не тре'буетъ ра'бъ свобо'ды, jа='кw мзды`, но бл~гоугожда'етъ, jа='кw должни'къ, и= по благода'ти w=жида'етъ.

д~. Хр\сто'съ о_у='мре, по писа'нiю, грjь^хъ ра'ди на'шихъ, и= благорабо'тающымъ _е=му` свобо'ду да'руетъ. {а~ Корi'н. гл. _е~_i, ст. г~.} Глаго'летъ бо: До'брjь, ра'бе благi'й и= вjь'рный, w= ма'лjь бы'лъ _е=си` вjь'ренъ, над\ъ мно'гими тя` поста'влю: вни'ди въ ра'дость гд\са твоегw`. {Матf. гл. к~_е, ст. к~г.}

_е~. Не о_у=` вjь'ренъ _е='сть ра'бъ, на просто'мъ ра'зумjь о_у=твержда'яйся, но послуша'нiемъ заповjь'давшему хр\сту` вjь'руяй.

s~. Почита'яй вл\дку твори'тъ повелjьва'_емая: согрjьши'вый же и=ли` преслу'шавый те'рпитъ находя^щая, jа='кw своя^.

з~. Любоуче'нъ сы'й, бу'ди и= трудолюби'въ: просты'й бо ра'зумъ напыща'етъ человjь'ка.

и~. Неча'яннw случа'ющыяся на'мъ и=скуш_е'нiя смотри'тельнjь на'съ трудолюби'выми науча'ютъ бы'ти, и= не хотя'щихъ къ покая'нiю влеку'тъ.

(с. 62)

f~. Находя'щыя скw'рби человjь'кwмъ, порожд_е'нiя су'ть со'бственныхъ и='хъ sw'лъ. А='ще же _о='ныя посре'дствомъ моли'твы те'рпимъ, w=брjьта'емъ па'ки благи'хъ веще'й наведе'нiе.

_i~. Нjь'цыи за добродjь'тель похвале'ни бы'вше, о_у=слади'шася, и= сла'сть тщесла'вiя своегw` возмнjь'ша бы'ти о_у=тjьше'нiе. И= и=нi'и, w= грjьсjь` w=бличе'ни бы'вше, поболjь'ша, и= поле'зную болjь'знь почто'ша бы'ти дjь'йствомъ sло'бы.

а~_i. _Е=ли'цы под\ъ предло'гомъ по'двигwвъ пред\ъ неради'вjьйшими возно'сятся, сi'и w\т дjь'лъ тjьле'сныхъ w=правди'тися мня'тъ: _е=ли'цы же о_у=твержда'ющеся на просто'мъ ра'зумjь, невjь'дящихъ w=хужда'емъ, мно'гw безу'мнjьйши _о='ныхъ быва'емъ.

в~_i. Не о_у=` и=звjь'стенъ ра'зумъ без\ъ дjь'лъ по нему`, а='ще и= и='стиненъ _е='сть: зане'же вся'кой ве'щи, дjь'ло _е='сть и=звjьще'нiе.

г~_i. Мно'жицею w\т нерадjь'нiя w= дjья'нiи и= ра'зумъ помрача'ется. И='же бо дjь'ланiя совсjь'мъ пренебрего'ша, си'хъ и= па'мять пома'лу потреби'тся.

д~_i. Писа'нiе сегw` ра'ди въ ра'зумjь вjь'дjьти бг~а совjь'туетъ, да пра'вw _е=му` дjь'лы рабо'таемъ.

_е~_i. _Е=гда` jа='внjь соверша'емъ за'пwвjьди, сво'йств_енная о_у='бw w\т гд\са по мjь'рjь прiе'млемъ, по'льзуемся же по намjь'ренiю произволе'нiя.

s~_i. Хотя'й что` содjь'яти, и= не могi'й, jа='кw сотвори'вый _е='сть пред\ъ сердцевjь'дцемъ бг~омъ. Сiе' же и= w= благи'хъ, и= w= sлы'хъ дjьла'хъ разумjь'ти подоба'етъ.

з~_i. О_у='мъ кромjь` тjь'ла, блага^я и= sла^я соверша'етъ мнw'гая. Тjь'ло же кромjь` о_у=ма`, ничто'же w\т си'хъ соверши'ти мо'жетъ: зане'же зако'нъ свобо'ды пре'жде дjья'нiя чте'тся.

и~_i. Нjь'цыи не творя'ще за'пwвjьди пра'вw вjь'ровати мня'тъ, нjь'цыи же творя'ще, jа='кw мзды` до'лжныя, цр\ствiя w=жида'ютъ. _О=бои' же w\т и='стины погрjьша'ютъ.

f~_i. W\т вл\дки мзда` раба'мъ не по до'лгу быва'етъ, ниже` па'ки получа'ютъ свобо'ду не рабо'тающiи пра'вw.

к~. А='ще хр\сто'съ за ны` о_у='мре, по писа'нi_емъ, и= не живе'мъ мы` себjь`, но о_у=ме'ршему за ны`, и= воскре'сшему: jа='вjь, jа='кw (с. 63) рабо'тати _е=му` до сме'рти w=должи'хомся. Ка'кw о_у='бw до'лжнымъ бы'ти сыноположе'нiе возмни'мъ;

к~а. А='ще хр\сто'съ вл\дка _е='сть по существу`, и= вл\дка по смотре'нiю: зане` и= не су'щыя сотвори`, и= грjьхо'мъ о_у=ме'ршыя свое'ю кро'вiю и=скупи`, и= та'кw вjь'рующихъ благода'ть дарова`.

к~в. _Е=гда` о_у=слы'шиши писа'нiе глаго'лющее, jа='кw воздае'тъ кому'ждо по дjьлw'мъ _е=гw`: то` да не разумjь'еши, jа='кw дjьла` достw'йна су'ть гее'нны, и=ли` ца'рствiя, но воздае'тъ хр\сто'съ кому'ждо по дjьлw'мъ невjь'рiя въ него`, и=ли` вjь'ры, не jа='кw примири'тель веще'й, но jа='кw бг~ъ, созда'тель и= и=скупи'тель на'шъ.

к~г. _Е=ли'цы ба'ни пакибытiя` сподо'бихомся, блага^я дjьла` не воздая'нiя ра'ди прино'симъ, но хране'нiя ра'ди да'нныя на'мъ чистоты`.

к~д. Вся'кое дjь'ло благо'е, _е='же _е=стество'мъ на'шимъ дjь'лаемъ, о_у=даля'етъ на'съ w\т врага`, приложе'нiя же w=свяще'нiя без\ъ благода'ти сотвори'ти не мо'жемъ.

к~_е. Возде'ржный о_у=даля'ется чревобjь'сiя, нестяжа'тельный лихои'мства, безмо'лвный многосло'вiя, чи'стый любосла'стiя, честны'й блуда`, самодово'льный сребролю'бiя, кро'ткiй смуще'нiя. смиренному'дрый тщесла'вiя, послушли'вый любопрjь'нiя, w=бличи'тельный лицемjь'рiя: подо'бнjь и= моля'йся о_у=даля'ется безнаде'ждiя, ни'щiи многоимjь'нiя, и=сповjь'дникъ w\тверже'нiя, му'ченикъ i=дwлослуже'нiя. Ви'диши ли, ка'кw вся'кая добродjь'тель до сме'рти соверша'емая, не и=но'е что` _е='сть, то'чiю w\т грjьха` о_у=дале'нiе; w\т грjьха' же о_у=дале'нiе _е='сть дjь'ло _е=стества`, а= не мзда` ца'рствiя.

к~s. Человjь'къ _е=два` храни'тъ, jа=`же _е=сте'ств_енна _е=му`: хр\сто'съ же кресто'мъ сыноположе'нiе да'руетъ.

к~з. И=на'я за'повjьдь _е='сть ча'стная, и= и=на'я w=бдержа'щая. Нjь'гдjь бо ча'стнjь повелjьва'етъ подава'ти неиму'щему, нjь'гдjь же заповjь'даетъ всегw` w\трещи'ся и=мjь'нiя.

к~и. И=но'е дjь'йствiе _е='сть благода'ти, младе'нцу невjь'домое, и= и=но'е sло'бы, и='стинjь о_у=подобля'емое. Добро' же _е='сть на такwва'я не взира'ти пре'лести ра'ди, ниже` проклина'ти и='стины (с. 64) ра'ди: но вся^ о_у=пова'нiемъ приноси'ти бг~ови: то'й бо вjь'сть _о=боюполе'зное.

к~f. Хотя'й преплы'ти мы'сленное мо'ре, долготерпи'тъ, смиренному'дрствуетъ, бди'тъ, возде'рживается. Кромjь' же четы'рехъ си'хъ а='ще вни'ти пону'дится, возмуща'етъ се'рдце, прейти' же не мо'жетъ.

л~. Безмо'лвiе _е='сть w\тсjьче'нiе sw'лъ. А='ще же и= четы'ре добродjь'тели сi'и къ моли'твjь прiе'млетъ, ближа'йшiя по'мощи ниеди'ныя нjь'сть _е=му` къ безстра'стiю.

л~а. Невозмо'жно _е='сть безмо'лвствовати о_у=мо'мъ кромjь` тjь'ла, ниже` разори'ти средостjь'нiе си'хъ без\ъ безмо'лвiя и= моли'твы.

л~в. Пло'ть похотству'етъ на ду'ха, и= ду'хъ на пло'ть, ду'хомъ же ходя'щiи пw'хоти плотскi^я не и='мутъ соверша'ти. {Гала'т. гл. _е~, ст. з~_i.}

л~г. Нjь'сть соверше'нна моли'тва без\ъ мы'сленнагw призыва'нiя: безмо'лвнw же вопiю'щую мы'сль о_у=слы'шитъ гд\сь.

л~д. О_у='мъ неразвлече'ннjь моля'йся о_у=тjьсня'етъ се'рдце. Се'рдце же сокруше'нно и= смире'нно бг~ъ не о_у=ничижи'тъ.

л~_е. И= моли'тва добродjь'телiю глаго'лется, а='ще и= ма'терь _о='ныхъ _е='сть: ражда'етъ бо _о='ная w\т соедине'нiя со хр\сто'мъ.

л~s. _Е='же а='ще содjь'емъ без\ъ моли'твы и= благi'я наде'жды, по'слjьжде привре'дно и= несоверше'нно быва'етъ.

л~з. _Е=гда` о_у=слы'шиши, что` бу'дутъ послjь'днiи пе'рви, и= пе'рвiи послjь'дни, {Матf. гл. f~_i, ст. л~.} разумjьва'й прича'стникwвъ добродjь'телей, и= прича'стникwвъ любви`. Любо'вь бо послjь'дняя и=з\ъ добродjь'телей _е='сть по чи'ну, пе'рвая же w=брjьта'ется всjь'хъ по досто'инству, пре'жде себjь` бы'вшiя послjь'дними показу'ющи.

л~и. А='ще о_у=ны'еши моля'ся, и=ли` w\т sло'бы многоwбра'знjь w=скорбля'емь: помяни` и=схо'дъ и= лю^тыя му^ки. Лу'чше же _е='сть прилjьпля'тися бг~ови мл~твою и= о_у=пова'нiемъ, не'жели па'мятовати внjь^шняя, а='ще и= пол_е'зна су'ть.

(с. 65)

л~f. Ни _е=ди'ная же w\т добродjь'телей сама` собо'ю то'чiю w\тверза'етъ _е=сте'ственную на'шу две'рь, а='ще не всjь` _е=ди'на w\т другi'я послjь'довательнw зави'сятъ.

м~. Нjь'сть возде'ржникъ пита'яйся по'мыслы, а='ще бо и= поле'зны су'ть: не су'ть бо поле'знjьйшiи наде'жды.

м~а. Вся'кiй грjь'хъ непокая'нный _е='сть къ сме'рти, w= не'мже а='ще бы и= ст~ы'й за друга'го помоли'лся, не о_у=слы'шимь быва'етъ.

м~в. Ка'яйся пра'вw не ра'вный др_е'внимъ грjьха'мъ вмjьня'етъ тру'дъ, но тjь'мъ бг~а о_у=милостивля'етъ.

м~г. _Е=ли^ка а='ще и='мать _е=стество` на'ше дw'брая, по вся'къ де'нь твори'ти я=` до'лжни _е=смы`. Что` о_у='бw за пре'жде бы^вшая sла^я бг~ови воздади'мъ;

м~д. _Е=ли'кw прiумноже'нiе добродjь'тели дне'сь ни сотвори'мъ, w=бличе'нiе _е='сть преше'дшагw нерадjь'нiя, а= не воздая'нiе.

м~_е. О_у=тjьсня'яйся о_у='мнjь, и= о_у=покоива'яйся тjьле'снjь, подо'бенъ _е='сть тjьле'снjь о_у=тjьсня'ющемуся, и= о_у='мнjь веселя'щемуся.

м~s. Во'льная w\т _о=бою` ско'рбь содjь'йствуетъ взаи'мнw, мы'сленная плотско'й, и= плотска'я мы'сленной. Сло'жность бо и='хъ го'ршею быва'етъ.

м~з. Ве'лiя _е='сть добродjь'тель терпjь'ти находя^щая и= люби'ти бли'жняго ненави'дяща, по сло'ву гд\сню.

м~и. Любве` нелицемjь'рныя зна'менiе _е='сть _о=би'дъ проще'нiе. Та'кw бо и= гд\сь мi'ръ се'й возлюби`.

м~f. Невозмо'жно _е='сть w\т се'рдца прости'ти нjь^кая прегрjьш_е'нiя без\ъ и='стиннагw ра'зума. То'й бо _о=со'бь кому'ждо находя^щая показу'етъ.

н~. Ничто'же погуби'ши w\т тjь'хъ, jа=`же w=ста'вилъ _е=си` гд\са ра'ди, во свое' бо вре'мя мно'жайше прiи'детъ.

н~а. _Е=гда` о_у='мъ забу'детъ цjь'ль благоче'стiя, тогда` и= jа='вственное дjь'ло добродjь'тели безполе'зно быва'етъ.

н~в. А='ще вся'кому человjь'ку вре'денъ _е='сть sлы'й совjь'тъ, мно'гw па'че _о=па'сную жи'знь воспрiя'вшымъ.

(с. 66)

н~г. Дjь'ломъ любому'дрствуй w= совjь'тjь человjь'честjьмъ, и= воздая'нiи бж~iи: нjь'сть бо сло'во мудрjь'е и=ли` поле'знjье дjь'ланiя.

н~д. По трудjь'хъ w= благоче'стiи послjь'дствуетъ заступле'нiе. Сiе' же вjь'дjьти подоба'етъ w\т зако'на бж~iя и= со'вjьсти.

н~_е. _Е=ди'нъ прiя'тъ мудрова'нiе, и= без\ъ разсмотрjь'нiя о_у=держа`: другi'й же прiя'тъ, и= со и='стиною сравни`. Взыска'ти подоба'етъ, кто` и=з\ъ ни'хъ благочести'вjье сотвори`;

н~s. И='стинный ра'зумъ _е='сть терпjь'нiе скорбе'й, и= не w=бвиня'ти люде'й въ свои'хъ бjь'дствiяхъ.

н~з. Творя'й благо'е, и= и=ща'й воздая'нiя, не рабо'таетъ бг~у, но свое'й во'ли.

н~и. Невозмо'жно _е='сть согрjьши'вшему воздая'нiя и=збjь'гнути, то'чiю покая'нiемъ прили'чествующимъ согрjьше'нiю.

н~f. Нjь'цыи глаго'лютъ: не мо'жемъ сотвори'ти благо'е, а='ще не дjь'йственнjь прiи'мемъ благода'ть дх~а.

_кс~. При'снw пребыва'ющiи произволе'нiемъ во сласте'хъ, _е='же по си'лjь w=ставля'ютъ, jа='кw безпомо'щное.

_кс~а. Благода'ть во хр\ста` крести'вшымся та'инственнjь дарова'ся. Дjь'йствуетъ же по мjь'рjь дjь'ланiя за'повjьдей, и= _о='тай благода'ть помоществова'ти на'мъ не престае'тъ, въ на'шей же вла'сти _е='сть твори'ти, и=ли` не твори'ти благо'е по си'лjь.

_кс~в. Пе'рвjье бг~олjь'пнw возбужда'етъ со'вjьсть, w\т_ону'дуже и= sлотво'рцы пока'явшеся бг~ови благоугоди'ша.

_кс~г. Па'ки во о_у=че'нiи бли'жнягw сокрове'на _е='сть. _О=вогда' же и= во чте'нiи мы'сли послjь'дствуетъ, и= _е=сте'ственнымъ послjь'дованiемъ науча'етъ о_у='мъ и='стинjь свое'й. А='ще о_у='бw w\т ча'стнагw сегw` послjь'дованiя не сокры'емъ тала'нтъ, въ ра'дость гд\сню дjь'йственнjь вни'демъ.

_кс~д. Пре'жде дjь'ланiя за'повjьдей, дjь'йствiй ду'ха взыску'яй, подо'бенъ _е='сть рабу`, среброку'плену, и='же w\тне'лjьже ку'пленъ бы'сть, съ цjьно'ю и= свобо'дjь напи'санной бы'ти и='щетъ.

_кс~_е. Внjь^шняя навед_е'нiя пра'вдою бж~iею приходя^щая w=брjьты'й, се'й и=ща` гд\са, w=брjь'те ра'зумъ съ пра'вдою.

(с. 67)

_кс~s. А='ще разумjь'ти бу'деши, по писа'нiю, jа='кw по все'й земли` судьбы^ гд\сни, бу'детъ ти` вся'кiй слу'чай, бг~оразу'мiя о_у=чи'тель.

_кс~з. По коегw'ждо мы'сли, срjьта'ется до'лжное: разли'чiе же наведе'нiя прили'чнагw _е=ди'нъ бг~ъ вjь'сть.

_кс~и. _Е=гда` безче'стiе нjь'кое w\т человjь^къ постра'ждеши, а='бiе разумjь'й сiе` наведе'нiемъ сла'вы w\т бг~а, и= въ безче'стiе безпеча'ленъ, и= без\ъ смуще'нiя бу'деши, въ сла'вjь же, _е=гда` прiи'детъ, вjь'ренъ и= неwсужде'нъ бу'деши.

_кс~f. Похваля'емь w\т мно'гихъ по благоволе'нiю бж~iю, ничто'же самохва'льное да примjь'сиши смотре'нiю гд\сню, да не па'ки w\т премjь'ны въ проти'вное впаде'ши.

_о~. Сjь'янiе не возрасте'тъ без\ъ земли` и= воды`: и= не полу'читъ по'льзы человjь'къ без\ъ во'льныхъ трудw'въ и= бж~е'ственнагw заступле'нiя.

_о~а. Невозмо'жно _е='сть без\ъ _о='блака и=злiя'тися дождю`, ниже` без\ъ со'вjьсти благi'я благоугоди'ти бг~у.

_о~в. Не w\трека'йся науча'тися, а='ще и= sjьлw` му'дръ _е=си`. Смотре'нiе бо бж~iе поле'знjьйше _е='сть на'шея му'дрости.

_о~г. _Е=гда` w\т сла'сти нjь'кiя се'рдце предви'гнется съ мjь'ста трудолю'бiя: тогда`, jа='коже ка'мень тяжча'йшiй на нисхожде'нiе поползну'вшiйся, неудободержи'мо быва'етъ.

_о~д. JА='коже теле'цъ неиску'сенъ на траву` течя` о_у=пада'етъ w\т _о=бою'ду въ стремни'ну: та'кw w=брjьта'ется душа` пома'лу w\т по'мыслwвъ прельща'емая.

_о~_е. _Е=гда` о_у='мъ му'жествовавъ w= гд\сjь, w\твлека'етъ ду'шу w\т долговре'меннагw предпрiя'тiя: тогда` се'рдце, jа='кw w\т спекула'торwвъ му'чится, w\т о_у=ма` и= стра'сти, тя'жущихъ ю=` сю'ду и= сю'ду.

_о~s. JА='коже плову'щiи въ мо'ри, во о_у=пова'нiи прiwбрjь'тенiя, прiя'тнjь те'рпятъ со'лнечный зно'й: та'кw ненави'дящiи sло'бу лю'бятъ w=бличе'нiе, зане'же сопротивля'ется _о='въ вjь'тромъ, _о='въ же страст_е'мъ.

_о~з. JА='коже бjь'гство въ зимjь`, и=ли` въ суббw'ту болjь'знь быва'етъ пло'ти, и= w=скверне'нiе душjь`: та'кw воста'нiе страсте'й [тя'жущихъ] въ ста'ростнjь тjь'лjь и= душjь` w=свяще'ннjьй.

(с. 67)

_о~и. Никто'же та'кw бла'гъ и= ще'дръ, jа='коже гд\сь: не ка'ющемуся же ниже` то'й w\тпуща'етъ.

_о~f. Мно'зи печа'луемъ w= грjьсjь'хъ: вины^ же и='хъ прiя'тнjь прiе'млемъ.

п~. Кро'тъ под\ъ земле'ю по'лзающiй, слjь'пъ сы'й, sвjь'здъ о_у=ви'дjьти не мо'жетъ: и= невjь'руяй привре'м_еннымъ, ниже` вjь^чнымъ вjь'ровати мо'жетъ.

п~а. И='стинный ра'зумъ благода'ть пре'жде благода'ти дарова'ся лю'демъ w\т бг~а, науча'ющiй прича'стникwвъ свои'хъ пре'жде всегw` дарова'вшему вjь'ровати.

п~в. _Е=гда` грjьхо'вная душа` находя'щыя скw'рби не прiе'млетъ, тогда` а='гг~ли w= не'й глаго'лютъ: цjьли'хомъ вавv"лw'нъ, и= не и=сцjьлjь`.

п~г. О_у='мъ, забыва'ющiй и='стинный ра'зумъ, за проти^вная, jа='кw пол_е'зная, съ человjь'ки ра'туется.

п~д. JА='коже въ водjь` _о='гнь о_у=коснjь'ти не мо'жетъ: та'кw ниже` по'мыслъ скве'рный въ бг~олюби'вjь се'рдцjь. Зане'же вся'къ бг~олюби'въ _е='сть и= трудолюби'въ. Во'льный же тру'дъ вра'гъ _е='сть сла'сти по _е=стеству`.

п~_е. Стра'сть са'мымъ дjь'ломъ па'жить о_у=держа'вши доброво'льнw, по'слjьжди и= не хотя'щу прича'стнику, наси'льнjь на'нь возно'сится.

п~s. Нево'льныхъ по'мыслwвъ вины^ лю'бимъ, и= сегw` ра'ди _о=ни` нахо'дятъ: во'льныхъ же jа='вjь, jа='кw и= дjьла` лю'бимъ.

п~з. Мнjь'нiе и= киче'нiе винw'вны су'ть хулы`, сребролю'бiе же и= тщесла'вiе немилосе'рдiя и= лицемjь'рiя.

п~и. _Е=гда` о_у=ви'дитъ дiа'волъ, jа='кw о_у='мъ w\т се'рдца помоли'ся: тогда` в_е'лiя и= sлохудw'жная и=скуш_е'нiя нано'ситъ. Ма^лыя бо добродjь'т_ели вели'кими наведе'ньми потребля'ти хо'щетъ.

п~f. По'мыслъ о_у=коснjьва'я, jа=вля'етъ пристра'стiе человjь'ка: ско'рw же и=стребля'емь, зна'менуетъ бра'нь и= сопротивле'нiе.

ч~. Три` су'ть мы'сл_енныя мjьста`, въ ня'же о_у='мъ w\т премjьне'нiя вхо'дитъ: _е=сте'ственное, пачеесте'ственное и= противуесте'ственное: и= _е=гда` въ мjь'сто _е=сте'ственное вни'детъ, w=брjьта'етъ (с. 69) себя` вино'внымъ лука'выхъ по'мыслwвъ, и= и=сповjь'дуетъ бг~ови грjьхи`, познава'я вины^ страсте'й. _Е=гда' же въ противуесте'ственномъ мjь'стjь бу'детъ, забыва'етъ пра'вду бж~iю, и= съ человjь'ки ра'туется jа='кw съ w=би'дящими _е=го`, _е=гда' же въ пачеесте'ственное приведе'нъ бу'детъ, w=брjьта'ютъ плоды` ст~а'гw дх~а, и=`же нарече` а=п\слъ, любо'вь, ра'дость, ми'ръ, и= прw'чая. И= вjь'сть, jа='кw а='ще пред\ъизбира'етъ тjьл_е'сная попеч_е'нiя, вну'трь пребыва'ти та'мw не мо'жетъ: и= w\тходя'й w\т мjь'ста _о='нагw, впа'даетъ въ грjь'хъ и= въ послjь'дующыя тому` лю^тыя слу'чаи, а='ще и= не вско'рjь, но во свое` вре'мя, jа='коже вjь'сть пра'вда бж~iя.

ч~а. Толи'кw ра'зумъ коегw'ждо и='стиненъ _е='сть, _е=ли'кw кро'тость, смире'нiе и= любы` _е=гw` о_у=твержда'ютъ.

ч~в. Вся'къ крести'выйся правосла'внw, прiя'тъ та'инственнw вся'кую благода'ть. И=звjьству'ется же про'чее, по дjь'ланiю за'повjьдей.

ч~г. За'повjьдь хр\сто'ва, по со'вjьсти соверша'емая, по мно'жеству болjь'зней се'рдца, да'руетъ о_у=тjьше'нiе, _о=ба'че ко'еждо и=з\ъ _о='ныхъ во свое` вре'мя прихо'дитъ.

ч~д. И=мjь'й непреры'вное моле'нiе во вся'кой ве'щи, jа='коже ничто'же соверша'ти без\ъ по'мощи бж~iя.

ч~_е. Ничто'же моли'твы сильнjь'е въ дjь'йствjь, и= къ благоугожде'нiю бж~iю ничто'же _о='ныя поле'знjье.

ч~s. Вся'кое дjь'ланiе за'повjьдей въ не'й w=бдержи'тся: любве` во къ бг~у ничто'же _е='сть вы'шше.

ч~з. Моли'тва непари'тельная _е='сть зна'менiе бг~олю'бiя пребыва'ющагw въ _о='ной, нерадjь'нiи же w= не'й, и= паре'нiе, _е='сть зна'менiе сластолю'бiя.

ч~и. Безско'рбнw бдя'й и= долготерпя'й, и= моля'йся, дх~а ст~а'гw дjь'йственнjь прича'стникъ _е='сть. Стужа'ющiй w\т си'хъ и= хотjь'нiемъ терпя'й, и= се'й ско'рw получа'етъ заступле'нiе.

ч~f. За'повjьдь за'повjьди показу'ется вы'шшею: си'це и= вjь'ра вjь'ры и=звjь'стнjьйшая w=брjьта'ется.

(с. 70)

р~. _Е='сть вjь'ра w\т слу'ха {Ри'м. гл. _i~, ст. з~_i.}, по сло'ву а=п\сла: и= _е='сть вjь'ра о_у=пова'емыхъ и=звjьще'нiе {_Е=вр. гл. а~_i, ст. а~.}.

р~а. Добро` словесы^ по'льзовати вопроша'ющыя, лу'чше же моли'твою и= добродjь'телiю содjь'йствовати _о='нjьмъ. Си'ми бо себе` принося'й бг~ови, помоществу'етъ и= бли'жнему свои'мъ помоществова'нiемъ.

р~в. А='ще хо'щеши кра'ткимъ сло'вомъ воспо'льзовати о_у=ченолюби'ваго, покажи` _е=му` моли'тву, и= вjь'ру пра'вую, и= находя'щихъ терпjь'нiе. Вся^ бо про'чее дw'брая си'ми w=брjьта'ются.

р~г. Въ не'мже кто` о_у=пова` на бг~а, не ктому` w= то'мъ съ бли'жнимъ ра'туется.

р~д. А='ще вся'кое нево'льное w\т во'льныхъ и='мать вину`. по писа'нiю, то` никто'же та'кw вра'гъ _е='сть человjь'ку, jа='коже са'мъ _о='нъ себjь`.

р~_е. Всjь'хъ sw'лъ предваря'етъ невjь'дjьнiе, второ'е же сегw` _е='сть невjь'рiе.

р~s. Бjь'гай и=скуше'нiя терпjь'нiемъ и= моле'нiемъ: а='ще же без\ъ си'хъ сопротивля'ешися, мно'жае нахо'дитъ.

р~з. Кро'ткiй по бз~jь прему'дрыхъ _е='сть прему'дрjьйшiй, и= смире'нный се'рдцемъ си'льныхъ си'льнjьйшiй. Поне'же и='го хр\сто'во въ ра'зумjь но'сятъ.

р~и. _Е=ли^ка без\ъ моли'твы и=ли` глаго'лемъ, и=ли` содjьва'емъ, по'слjьжде и=ли` погрjь^шна, и=ли` вр_е'дна су'ть, и= на'съ невjь'домw дjь'лы w=блича'ютъ.

р~f. W\т дjь'лъ и= слове'съ, и= мы'сли, пра'ведникъ _е=ди'нъ: w\т вjь'ры же и= благода'ти и= покая'нiя, мно'зи пра'в_едницы.

р~_i. JА='коже ка'ющемуся высокому'дрствовати _е='сть чу'ждо: та'кw во'лею согрjьша'ющему смиренному'дрствовати невозмо'жно.

ра~_i. Смиренному'дрiе нjь'сть со'вjьсти зазрjь'нiе, но благода'ть бж~iя, и= позна'нiе милосе'рдiя.

рв~_i. _Е='же _е='сть чу'вственный до'мъ _о='бщему возду'ху, сiе` слове'сный о_у='мъ бж~е'ственнjьй благода'ти. И= _е=ли'кw а='ще и=зве'ргнеши (с. 71) вещество`, толи'кw сама` собо'ю прiи'детъ, и= _е=ли'кw а='ще вложи'ши, толи'кw w\ти'детъ.

рг~_i. Вещество` дома'шнее _е='сть сосу'ды и= бра^шна: вещество' же о_у=ма` тщесла'вiе и= сла'сть.

рд~_i. Простра'нство се'рдца _е='сть о_у=пова'нiе на бг~а, тjьснота' же _е=гw` попече'нiе тjьле'сное.

р_е~_i. _Е=ди'на и= неизмjь'нна _е='сть благода'ть дх~а, дjь'йствуетъ же въ ко'емждо _о=со'бь, jа='коже хо'щетъ.

рs~_i. JА='коже до'ждь и=зли'вшися на зе'млю, произрастjь'нiямъ прили'чное подае'тъ ка'чество, сла^дкимъ сла'дость, крjь^пкимъ же крjь'пость: та'кw и= благода'ть, въ сердца` вjь'рныхъ непрело'жнjь входя'щая, прили'чествующыя добродjь'телемъ дjь^йствiя да'руетъ.

рз~_i. А='лчущему хр\ста` ра'ди быва'етъ пи'ща, жа'ждущему сладча'йшее питiе`, зя'бнущему _о=де'жда, тружда'ющемуся поко'й, моля'щемуся и=звjь'ствованiе, и= пла'чущему о_у=тjьше'нiе.

ри~_i. _Е=гда` о_у='бw о_у=слы'шиши писа'нiе глаго'лющее w= ст~jь'мъ дс~jь, jа='кw сjь'де на _е=ди'номъ ко'емждо w\т а=п\слwвъ, и=ли` нападе` на проро'ка, и=ли` дjь'йствуетъ, и=ли` w=скорбля'емь _е='сть, и=ли` о_у=гаша'емь, и=ли` раздража'емь: и= па'ки, _о='вjьхъ о_у='бw нача'токъ и=му'щихъ, _о='вjьхъ же и=спо'лнь су'щихъ дх~а ст~а: то` не сjьче'нiе, и=ли` преложе'нiе, и=ли` и=змjьне'нiе нjь'кое да разумjь'еши w= дс~jь, но вjь'руй, и='мже w='бразомъ предреко'хомъ, непрело'жна, неизмjь'нна и= всеси'льна _е=го` бы'ти. Тjь'мже и= въ дjь'йствiяхъ пребыва'етъ, _е='же _е='сть, и= кому'ждо подоба'ющее храни'тъ бг~олjь'пнjь. То'й бо, jа='коже со'лнце, на крести'вшыяся соверше'ннjь и=злiя'ся: кi'йждо же w\т на'съ по коли'ку помрача'ющыя стра^сти возненави'дjьвъ w\те'млетъ, по мjь'рjь се'й просвjьща'ется: а= по коли'ку любя` ты^я помышля'етъ w= ни'хъ, подо'бнjь помрача'ется.

рf~_i. Ненави'дяй стра^сти, w\те'млетъ си'хъ вины^: въ вина'хъ же _о='ныхъ пребыва'яй, w\т страсте'й и= не хотя` ра'туемь быва'етъ.

р~к. _Е=гда` лука^выя по'мыслы въ на'съ дjь'йствуютъ, сами'хъ себе`, а= не _о=те'ческiй грjь'хъ да w=бвиня'емъ.

(с. 72)

рк~а. Кор_е'нiя по'мыслwвъ су'ть jа='вств_енныя sлw'бы, jа=`же рука'ми, и= нога'ми, и= о_у=сты` защища'емъ вы'ну.

рк~в. Невозмо'жно прiwбща'тися стра'сти въ мы'сли, нелю'бящему ви'нъ сея`.

рк~г. Кто' бо сты'дъ презира'я, тщесла'вiю прiwбща'ется; и=ли` кто` о_у=ничиже'нiе любя`, безче'стiемъ смуща'ется; кто' же се'рдце сокруше'нно и= смире'нно и=мjь'я, сла'сть плотску'ю прiе'млетъ; и=ли` кто` хр\сту` вjь'руя, пече'тся w= привре'менныхъ, и=ли` ра'туется;

рк~д. W\тмета'емый w\т нjь'коегw, и= ниже` сло'вомъ, ниже` мы'слiю со w\тме'щущимъ нелюбопря'щiйся, ра'зумъ и='стинный стяжа`, и= вjь'ру тве'рдую показу'етъ влады'цjь.

рк~_е. Лжи'ви сы'нове человjь'честiи въ мjь'рилjьхъ, _е='же непра'вдовати {_Псал. _кс~а, ст. _i~.}, для коегw'ждо пра'ведное бг~ови храня'щу.

рк~s. А='ще ниже` w=би'дящу _е='сть и=збы'точествiе, ниже` w=би'димому лише'нiе: w='бразомъ о_у='бw хо'дитъ человjь'къ, _о=ба'че всу'е мяте'тся {_Псал. л~и, ст. з~.}.

рк~з. _Е=гда` о_у=ви'диши кого` во мно'гихъ безче'стiяхъ болjь'знующа, вjь'ждь, jа='кw по'мыслы тщесла'вiя насы'тився, непрiя'тнjь серде'чныхъ сjь'менъ жне'тъ рукоя^ти.

рк~и. Тjьле'сными сластьми` па'че подоба'ющагw наслади'выйся, стори'чными болjь'зньми вознагради'тъ и=збы'точествiе.

рк~f. Нача'льникъ послу'шнику до'лженъ _е='сть глаго'лати до'лжное: _е=гда' же преслу'шаетъ _е=гw`, наведе'нiе sw'лъ предвозвjьща'ти.

р~л. W=би'димый w\т нjь'коегw, и= не и=зыску'яй w\т w=би'дящагw, се'ю ча'стiю вjь'руетъ хр\сто'ви, и= стори'цею прiе'млетъ въ вjь'цjь се'мъ, и= живо'тъ вjь'чный наслjь'дствуетъ.

рл~а. Па'мять бж~iя _е='сть болjь'знь се'рдца, w= благоче'стiи быва'ема: вся'къ же забыва'яй бг~а, сладостра'ствуетъ и= безболjь'зненъ быва'етъ.

рл~в. Не глаго'ли, jа='кw безстра'стный скорбjь'ти не мо'жетъ: а='ще бо не w= себjь`, но w= бли'жнемъ сiе` твори'ти до'лженъ _е='сть.

(с. 73)

рл~г. _Е=гда` вра'гъ бы'вшихъ въ забве'нiи согрjьше'нiй мнw'гая о_у=де'ржитъ рукописа^нiя: тогда` и= въ па'мяти та^яжде твори'ти должника` понужда'етъ, зако'нъ грjьхо'вный благосло'внjь во sло` о_у=потребля'я.

рл~д. А='ще хо'щеши вы'ну помина'ти бг~а, не w\три'ни навед_е'нiя, jа='кw непра'в_едныя, но jа='кw пра'веднw находя'щыя терпи`. Терпjь'нiе бо ка'ждымъ слу'чаемъ па'мять возбужда'етъ, w=ставле'нiе же о_у=маля'етъ о_у='мное се'рдца мудрова'нiе, и= _о=тра'дою забве'нiе произво'дитъ.

рл~_е. А='ще хо'щеши w\т гд\са покры'тися грjьхо'мъ твои'мъ, да не jа='вjь сотвори'ши человjь'кwмъ, а='ще и='маши добродjь'тель. _Е='же бо а='ще содjьва'емъ въ си'хъ, сiе` и= во _о='нjьхъ бг~ъ дjь'лаетъ.

рл~s. Сокры'въ добродjь'тель, не возноси'ся, jа='кw пра'вду соверша'яй. Пра'вда бо _е='сть не то'чiю сокрыва'ти дw'брая, но и= ни w= че'мъ же w\т запреще'нныхъ не помышля'ти.

рл~з. Не ра'дуйся, _е=гда` благосотвори'ши кому`, но _е=гда` непамятоsло'бнjь прете'рпиши послjь'дствующее сопротивле'нiе. И='мже бо w='бразомъ нw'щи дни^, та'кw sлw'бы благотвор_е'нiя прее'мствуютъ.

рл~и. Тщесла'вiе, сребролю'бiе и= сла'сть, нескве'рно благотворе'нiе пребы'ти не w=ставля'ютъ, а='ще не пе'рвjье сiя^ стра'хомъ бж~iимъ низпаду'тъ.

рл~f. Въ нево'льныхъ болjь'знехъ ми'лость бж~iя сокрове'на _е='сть, терпя'щаго къ покая'нiю влеку'щая, и= и=збавля'ющая w\т вjь'чныя му'ки.

р~м. Нjь'цыи творя'ще за'пwвjьди, на вjьса'хъ проти'ву грjьхw'въ и=звjь'сити _о='ныя w=жида'ютъ: нjь'цыи же тjь'ми о_у=ме'ршаго w= грjьсjь'хъ на'шихъ о_у=милостивля'ютъ. Взыска'ти подоба'етъ, кто` w= ни'хъ и='мать пра'вое мудрова'нiе.

рм~а. Стра'хъ гее'нны, и= любо'вь ца'рствiя подаю'тъ терпjь'нiе скорбе'й, и= сiе` не w\т себе`, но w\т вjь'дущагw помышл_е'нiя на^ша.

рм~в. Вjь'руяй бу'дущымъ. здjь'шнихъ сла'достей неистяза'тельнjь о_у=даля'ется: невjь'руяй же, сла'достенъ и= безболjь'зненъ быва'етъ.

(с. 74)

рм~г. Да не рече'ши, ка'кw сладостра'ствовати бу'детъ о_у=бо'гiй, не и=мjь'я вино'вныхъ сегw`: мо'жетъ бо и=ны'й и= по'мыслами _о=кая'ннjье сладостра'ствовати.

рм~д. И=но'е _е='сть ра'зумъ веще'й, и= и=но'е ра'зумъ и='стины. _Е=ли'кw ра'знствуетъ w\т луны` со'лнце, толи'кw второ'е пе'рвагw поле'знjьйше _е='сть.

рм~_е. Ра'зумъ веще'й по мjь'рjь дjь'ланiя за'повjьдей прибыва'етъ: ра'зумъ же и='стины, по мjь'рjь наде'жды на хр\ста`.

рм~s. А='ще хо'щеши спасти'ся, и= въ ра'зумъ и='стины прiити`, покуша'йся всегда` превосходи'ти чу'вств_енная, и= _е=ди'ною наде'ждою прилjьпля'тися бг~у. Та'кw бо нево'лею о_у=клоня'яся, w=бря'щеши нача^ла и= вла^сти, прило'гами бра'нь творя^ща съ тобо'ю. Сiя^ же моли'твою побjьжда'я, и= пребыва'я благонаде'женъ, и=мjь'ти бу'деши благода'ть бж~iю, w\т бу'дущагw гнjь'ва и=збавля'ющую тя`.

рм~з. Разумjь'яй та'инственнjь рече'нное w\т ст~а'гw па'vла, глаго'лавшагw, бра'ни бы'ти къ духовw'мъ sло'бы, о_у=вjь'сть и= при'тчу гд\сню, ю='же глаго'лаше w= то'мъ, jа='кw подоба'етъ всегда` моли'тися, и= не стужа'ти си`.

рм~и. Зако'нъ w=бра'знjь ше'сть дне'й дjь'лати, въ седмы'й же пра'здновати повелjьва'етъ. Зане'же души` _е='сть дjь'ло благотворе'нiе и=мjь'нiемъ, си'рjьчь дjь'лы: о_у=праждне'нiе же _е=я` и= поко'й, прода'ти вся^ и= да'ти ни'щымъ, по словеси` гд\сню, и= w\т нестяжа'нiя почи'вшу во о_у='мнjьмъ пребыва'ти о_у=пова'нiи. Въ се'й о_у='бw поко'й и= па'vелъ со тща'нiемъ на'съ вни'ти поwщря'етъ, глаго'ля: Потщи'мся вни'ти во _о='ный поко'й {_Е=вр. гл. а~_i, ст. а~.}.

рм~f. Сiя^ же рjь'хомъ не заключа'юще бу^дущая, ниже` здjь` все_о'бщему воздая'нiю бы'ти w=предjьля'юще: но jа='кw подоба'етъ пе'рвjье въ се'рдцjь и=мjь'ти дjь'йствующую благода'ть ст~а'гw дх~а, и= та'кw по мjь'рjь вни'ти въ ца'рствiе нб\сное. Сiе` w=б\ъявля'я и= гд\сь глаго'ла: ца'рствiе небе'сное вну'трь ва'съ _е='сть {Лук. гл. з~_i, ст. к~а.}. Сiе` и= а=п\слъ глаго'ла: _е='сть вjь'ра о_у=пова'емыхъ и=звjьще'нiе {_Е=вр. гл. а~_i, ст. а~.}. И= па'ки: та'кw тецы'те, да (с. 75) пости'гнете {а~ Кор. гл. s~, ст. к~д.}. И= па'ки: И=скуша'йте себе`, а='ще _е=сте` въ вjь'рjь: и=ли` не зна'ете, jа='кw i=и~съ хр\сто'съ живе'тъ въ ва'съ, ра'звjь то'чiю чи'мъ неиску'сни _е=сте` {а~ Кор. гл. г~_i, ст. _е~.}.

р~н. Позна'вый и='стину, скw'рбнымъ наведе'нiямъ не сопротивля'ется: вjь'сть бо, jа='кw ко стра'ху бж~iю наставля'ютъ человjь'ка.

рн~а. Дре'внiи грjьси` по ви'ду воспомяну'вшеся вредя'тъ благонаде'жнаго. Съ печа'лiю бо произше'дше, w\т о_у=пова'нiя w\тлуча'ютъ, безпеча'льнjь же и=з\ъwбрази'вшеся, дре'внюю вну'трь скве'рну влага'ютъ.

рн~в. _Е=гда` о_у='мъ w\тверже'нiемъ самаго` себе`, о_у=де'ржитъ _е=диномы'сленную наде'жду: тогда` вра'гъ под\ъ предло'гомъ и=сповjь'данiя пре'жде бы^вшая sла^я и=з\ъwбража'етъ, да благода'тiю бж~iею забв_е'нныя стра^сти воздви'гнетъ, и= _о='тай w=би'дитъ человjь'ка. Тогда' бо и= крjь'пкiй и= страстоненави'стный по ну'ждjь помрачи'тся, смути'вся w= содjь'янныхъ. И= а='ще мра'ченъ _е=ще` и= сластолюби'въ _е='сть, вся'кw о_у=косни'тъ, и= встра'ственнjь бесjь'довати и='мать съ прило'ги, jа='коже предпрiя'тiю w=брjьсти'ся таково'й па'мяти, а= не и=сповjь'данiю.

рн~г. А='ще хо'щеши бг~у приноси'ти и=сповjь'данiе неwсужде'нное, не помина'й по ви'ду прило'ги, но терпи` до'блественнjь наведе'нiе си'хъ.

рн~д. Печа^ли за преждебы'вшыя грjьхи` нахо'дятъ, принося` сро'дное вся'кому прегрjьше'нiю.

рн~_е. Разу'мный, и= вjь'дущiй и='стину, не па'мятiю содjь'янныхъ, но терпjь'нiе находя'щихъ и=сповjь'дается бг~у.

рн~s. W\тве'ргши болjь'знь и= безче'стiе, не w=бjьщава'йся и=ны'ми добродjь'телями ка'ятися. Тщесла'вiе бо и= непоболjь'нiе, рабо'тати грjьху`, и= пра'выми [дjьла'ми] навыко'ша.

рн~з. JА='коже бо добродjь'тель бwлjь'зни и= безч_е'стiя ражда'ти w=быко'ша, та'кw и= sло'бу сла^сти и= тщесла^вiя.

(с. 76)

рн~и. Вся'кая тjьле'сная сла'сть w\т предвари'ьельныя _е='сть _о=тра'ды: _о=тра'ду же ражда'етъ невjь'рiе.

рн~f. Сы'й под\ъ грjьхо'мъ, не мо'жетъ _е=ди'нъ w=долjь'ти плотско'е мудрова'нiе: зане'же раждеже'нiе непреста'нное и= лежа'щее во о_у=десjь'хъ и='мать.

р~_кс. Стра^стнымъ су'щымъ моли'тися подоба'етъ и= повинова'тися. _Е=два' бо возмо'жно _е='сть съ по'мощiю бра'нь сотвори'ти съ предпрiя'тiями.

р_кс~а. Съ повинове'нiемъ и= моли'твою подвиза'яйся во'лею, подви'жникъ _е='сть благохудо'женъ, мы'сленную борьбу` о_у=дале'нiемъ w\т чу'вственныхъ jа='вственнjь показу'я.

р_кс~в. Не примиря'яй съ бг~омъ свою` во'лю, запина'ется во свои'хъ начина'нiяхъ, и= подру'чникъ супоста'тwмъ быва'етъ.

р_кс~г. _Е=гда` о_у=ви'диши двои'хъ sлы'хъ и=му'щихъ дру'гъ ко дру'гу любо'вь, вjь'ждь, jа='кw _е=ди'нъ друго'му содjь'йствуетъ въ во'ли.

р_кс~д. Высокому'дрый и= тщесла'вный прiя'тнjь дру'гъ съ дру'гомъ примиря'ются: то'й бо тщесла'внаго ра'бски подпа'дающа похваля'етъ, се'й же высокому'драго ча'стjь похваля'ема велича'етъ.

р_кс~_е. Бг~олюби'вый слы'шатель w\т _о=бои'хъ получа'етъ по'льзу. Во благи'хъ свидjь'тельствуемь, о_у=се'рднjьйшимъ быва'етъ, во sлы'хъ же w=блича'емь, ка'ятися понужда'ется. Подоба'етъ же на'мъ по преуспjь'янiю и= житiе` и=мjь'ти, и= по житiю` до'лжни _е=смы` бг~ови моли^твы возноси'ти.

р_кс~s. Добро` _е='сть гла'внjьйшую содержа'ти за'повjьдь, и= ни w= че'мже по ви'ду пещи'ся, ниже` по ви'ду моли'тися, но то'кмw и=ска'ти цр\ствiя и= сло'ва бж~iя. А='ще же w= ко'ейждо потре'бjь _е=ще` пече'мся, до'лжни _е=смы` и= w= ко'ейждо моли'тися. Без\ъ моли'твы бо что` творя'й и=ли` пекi'йся, неблагоуспjь'шенъ быва'етъ къ концу` дjь'ла. И= сiе` _е='сть, _е='же рече` гд\сь: не мо'жете без\ъ мене` твори'ти ничесw'же {I=wа'н. гл. _е~_i, ст. _е~.}.

(с. 77)

р_кс~з. Пренебрега'ющаго за'повjьдь w= моли'твjь, безмjь^стнjьйшая преслуша^нiя постига'ютъ, _е=ди'но ко друго'му пресыла'юще _е=го`, jа='коже о_у='зника.

р_кс~и. Настоя'щыя скw'рби ча'янiемъ бу'дущихъ бла^гъ прiе'мляй, ра'зумъ и='стины w=брjь'те, и= гнjь'ва и= печа'ли о_у=до'бнjь и=зба'вится.

р_кс~f. W=sлобле'нiе и= безче'стiе за и='стину прiе'мляй, а=по'стольскимъ путе'мъ ше'ствуетъ, взя'въ кре'стъ, и= вери'гами w=блага'яся. Без\ъ си'хъ же се'рдцу внима'ти покуша'яйся, скита'ется о_у=мо'мъ, и= впа'даетъ во и=скуш_е'нiя и= сjь^ти дiа'вwльскiя.

р~_о. Ни sлы^я по'мыслы без\ъ ви'нъ, ни вины^ без\ъ по'мыслwвъ не возмо'жно _е='сть ра'тующему побjьди'ти николи'же: _е=гда' бо _е=ди'но ча'снjь w\тме'щемъ, не по мно'зjь други'мъ во _о=бои'хъ сод_ержи'мы быва'емъ.

р_о~а. W\т стра'ха sлострада'нiя и= поноше'нiя съ человjь'ки ра'туяйся, и=ли` здjь` наведе'ньми и=зли'шнw sлостра'ждетъ, и=ли` въ бу'дущемъ вjь'цjь неми'лостивнw му'чится.

р_о~в. Вся'кое sло'е наведе'нiе возбрани'ти хотя'й, до'лженъ _е='сть моли'твою примири'ти съ бг~омъ дjьла`, и= и=мjь'ти о_у='мнjь о_у=пова'нiе на него`, попече'нiе же w= чу'вственныхъ по си'лjь пренебрега'ти.

р_о~г. _Е=гда` w=бря'щетъ дiа'волъ без\ъ ну'жды человjь'ка въ тjьле'сныхъ дjь'лjьхъ о_у=пражня'ющася, пе'рвjье похища'етъ коры^сти ра'зума _е=гw`, пото'мъ о_у=пова'нiе на бг~а, jа='кw главу` w\тсjьца'етъ.

р_о~д. А='ще когда` пости'гнеши крjь'пкое мjь'сто чи'стыя моли'твы, то разумjь'нiе веще'й, приноси'мое w\т врага`, во вре'мя _о='но не прiе'мли, да не бо'льшее погуби'ши. Лу'чше бо стрjьла'ми моли'твы стрjьля'ти въ него`, до'лу не'гдjь заключе'нна, не'жели бесjь'довати съ ни'мъ sла^я принося'щимъ, и= w\твлека'ти на'съ w\т моле'нiя на'нь о_у=хищря'ющимся.

р_о~_е. Разумjь'нiе веще'й во вре'мя и=скуше'нiя и= о_у=ны'нiя, по'льзуетъ человjь'ку, во вре'мя же моли'твы поврежда'ти навы'че.

(с. 78)

р_о~s. Получи'въ жре'бiй о_у=чи'ти w= гд\сjь, и= преслуша'емь скорби` о_у='мственнjь, и= не смуща'йся jа='вственнjь: скорбя' бо не бу'деши w=сужде'нъ со преслуша'ющимъ: смуща'яся же въ то'йжде ве'щи, и=скуше'нъ бу'деши.

р_о~з. Во вре'мя и=столкова'нiя да не сокры'еши прили'ч_ествующая прису'тствующымъ, благолjь^пная jа='снjье, жестw'кая же гада'тельнjь повjь'дая.

р_о~и. Не су'щему въ повинове'нiи твое'мъ да не предста'виши согрjьше'нiе пред\ъ лице'мъ. Сiе бо вла'сти _е='сть па'че, не'жели совjь'та.

р_о~f. Мно'жественнjь глаго'л_емая быва'ютъ всjь^мъ пол_е'зна. Зане` ка'ждому своя^ въ со'вjьсти и=з\ъявля'ются.

р~п. Глаго'ляй пра'вw, до'лженъ _е='сть и= са'мъ, jа='кw w\т бг~а прiима'ти глаго'лы. И='стина бо не глаго'лющагw _е='сть, но дjь'йствующагw бг~а.

рп~а. Не и=мjь'й прjь'нiя съ противля'ющимися и='стинjь, и=`же не признаю'тся тебjь` послу'шными, да не не'нависть возбу'диши, по писа'нiю.

рп~в. Послу'шнику противоглаго'лати, и=дjь'же не подоба'етъ, попуща'яй, прельща'етъ _е=го` во _о='ной ве'щи, и= _о=бjь'ты повинове'нiя w\тверга'ти сотворя'етъ.

рп~г. Со стра'хомъ бж~iимъ науча'яй, и= наказу'яй согрjьша'ющаго, сопротивля'ющуюся согрjьше'нiю добродjь'тель себjь` стяжева'етъ: sлопо'мняй же и= sлово'льнjь поноша'яй, въ подо'бную стра'сть по духо'вному впа'даетъ зако'ну.

рп~д. До'брjь научи'выйся зако'ну, бои'тся законополо'жника, и= боя'ся _е=гw`, о_у=клоня'ется w\т вся'кагw sла`.

рп~_е. Не быва'й двоязы'ченъ, и='накw сло'вомъ: и='накw со'вjьстiю бу'дучи расположе'нъ: такова'го бо писа'нiе под\ъ кля'твою поставля'етъ.

рп~s. И=ны'й и='стину глаго'летъ, и= w\т безу'мныхъ ненави'димь быва'етъ, по сло'ву а=п\сла: а= и=ны'й лицемjь'рствуетъ, и= за сiе` люби'мь быва'етъ. _О=ба'че ни то`, ни друго'е w\т воздая'нiй си'хъ (с. 79) долговре'меннw не быва'етъ: зане'же гд\сь во свое` вре'мя кому'ждо подоба'ющее возда'стъ.

рп~з. Бу^дущая sла^я потребля'ти хотя'й, настоя^щая сла'дцjь до'лженъ _е='сть сноси'ти. Та'кw бо о_у='мнjь премjьня'я _о=дну` ве'щь на другу'ю, ма'лыми болjь'зньми вели'кихъ и=збjьжи'тъ муче'нiй.

рп~и. Затвори` о_у='мъ w\т самохвале'нiя, и= по'мыслъ w\т высокомы'слiя, да не попуще'нъ бу'деши, и= содjь'еши проти^вная: не бо` w\т человjь'ка _е=ди'нагw соверша'ется благо'е, но w\т всеви'дца бг~а.

рп~f. Всеви'дjьцъ бг~ъ jа='коже дjьлw'мъ на'шымъ достw'йная навед_е'нiя w=предjьля'етъ: си'це и= помыслw'мъ и= вw'льнымъ разумjь'нiямъ.

р~ч. Нево'льные по'мыслы w\т предвари'тельнагw грjьха` произраста'ютъ, во'льные же w\т самовла'стныя во'ли. Тjь'мже вторы'е винw'вны w=брjьта'ются пе'рвыхъ.

рч~а. Sлы^мъ проти'ву намjь'ренiя прилуча'ющымся мы'слемъ печа'ль послjь'дуетъ: тjь'мже и= ско'рw _о=ни` потребля'ются, су'щымъ же по и=зволе'нiю, ра'дость: тjь'мже и= неудобопремjьня'_емы быва'ютъ.

рч~в. Сластолюби'вый печа'лится w= порече'нiяхъ и= sлострада'нiяхъ: бг~олюби'вый же w= похвале'нiяхъ и= лихои'мствjь.

рч~г. Не познава'яй суде'бъ бж~iихъ, _о='крестъ стремни'нный пу'ть прехо'дитъ о_у=мо'мъ, и= w\т вся'кагw вjь'тра о_у=до'бь низвраща'ется: похваля'емь возно'сится, и= порица'емь w=горчева'ется, пи'ршествуя блу'дствуетъ, и= sлострада'я пла'четъ, разумjь'я пока'зыватися хо'щетъ таковы'мъ, и= не разумjь'я притворя'ется разумjь'ющимъ, богатjь'я кичи'тся, и= о_у=бо'жествуя лицемjь'рствуетъ, насы'тився де'рзокъ быва'етъ, и= постя'ся тщесла'вится, со w=блича'ющими лю'битъ прjь'тися, и= проще'нiе _е=му` подаю'щымъ, jа='кw несмы'сл_еннымъ внима'етъ.

рч~д. А='ще кто` о_у=`бо бл~года'тiю хр\сто'вою ра'зума и='стины и= стра'ха бж~iя не стя'жетъ, то` не то'чiю w\т страсте'й, но и= w\т приключе'нiй лю'тjь о_у=язвля'емь быва'етъ.

(с. 80)

рч~_е. _Е=гда` разрjьши'ти хо'щеши ве'щь неудобопостига'емую, и=щи` w= не'й, что` бг~ови о_у=го'дно, и= w=бря'щеши рjьше'нiе тоя` поле'зное.

рч~s. W= ни'хже а='ще веще'хъ бл~говоли'тъ бг~ъ, си'ми и= вся'ка тва'рь слу'житъ: а= w\т ни'хже то'й w\твраща'ется, подо'бнjь и= тва'рь си^мъ сопротивля'ется.

рч~з. Сопротивля'яйся печа^льнымъ наведе'нiямъ, противура'туетъ, jа='коже не вjь'сть, повелjь'нiю бж~iю: прiе'мляй же та^я съ ра'зумомъ и='стиннымъ, се'й, по писа'нiю, те'рпитъ гд\са.

рч~и. И=скуше'нiю наше'дшу, не и=щи`, почто` и=ли` чрез\ъ что` прiи'де, но jа='кw да _о='ное бл~года'рнjь и= безпеча'льнjь, и= непамятоsло'бнjь прете'рпиши.

рч~f. Чуждо'е sло` не прилага'етъ грjьха`, а='ще не прiи'мемъ мы` _о='ное sлы'ми мы'сльми.

с~. А='ще нjь'сть о_у=до'бно w=брjьсти` благоугоди'вша без\ъ и=скуше'нiй, то` благодари'ти подоба'етъ бг~а w= вся'комъ приключе'нiи.

с~а. А='ще не бы` нощну'ю лови'тву w=ста'вилъ пе'тръ, не бы` дневну'ю получи'лъ: и= а='ще не бы` чу'вственнjь w=слjь'плъ па'vелъ, не бы` мы'сленнjь прозрjь'лъ: и= а='ще не бы` jа='кw ху'льникъ w=клевета'нъ бы'лъ стефа'нъ, не бы` w\тве'рзшымся _е=му` небес_е'мъ о_у=ви'дjьлъ бг~а.

с~в. JА='коже дjь'ланiе по бз~jь, добродjь'тель глаго'лется: та'кw и= неча'янная ско'рбь, и=скуше'нiе и=мену'ется.

с~г. Бг~ъ а=враа'ма и=скуша'ше, то' _е=сть на по'льзу w=скорбля'ше, не да о_у=разумjь'етъ, како'въ _е='сть: вjь'дяше бо _е=го` вjь'дяй вся^ пре'жде бытiя`: но jа='кw да вину` пода'стъ къ соверше'нной вjь'рjь.

с~д. Вся'кая ско'рбь w=блича'етъ о_у=клоне'нiе во'ли: а='ще ли на десна^я преклоня'ется, и=ли` на шу^яя. Сегw` ра'ди случа'йною ско'рбiю и=скуше'нiе и=мену'ется, прича'стнику подаю'щи и=ску'съ сокрове'нныхъ жела'нiй.

с~_е. Стра'хъ бж~iй понужда'етъ на'съ бра'нь твори'ти со sло'бою: на'мъ же ра'тующымъ, бл~года'ть бж~iя ра'туетъ на ню`.

(с. 81)

с~s. Прему'дрость _е='сть, не то'чiю _е=сте'ственнымъ поря'дкомъ о_у=вjь'дjьти и='стину, но и= сноси'ти лука'вство w=би'дящихъ, jа='кw свое`. Зане` въ пе'рвой пребыва'ющiи къ го'рдости возвыша'ются, до второ'й же дости'гшiи смиренному'дрiе стяжева'ютъ.

с~з. А='ще хо'щеши не стужа'емь бы'ти w\т лука'выхъ пw'мыслъ, о_у=ничиже'нiе души`, и= ско'рбь пло'ти прiе'мли, и= сiе` не ча'стнjь, но во вся'комъ вре'мени, мjь'стjь и= ве'щи.

с~и. Въ ско'рбныхъ во'льнjь наказу'емый, w\т нево'льныхъ пw'мыслъ не w=блада'нъ бу'детъ: не прiе'мляй же пе'рвыхъ, w\т вторы'хъ, и= не хотя` плjьня'емь быва'етъ.

с~f. _Е=гда` w=би'диму тебjь` w=жесточи'тся о_у=тро'ба и= се'рдце, не печа'лься, jа='кw смотри'тельнjь подви'жеся внутри` преждележа'вшее: но ра'дуяся низвраща'й привозни'кшыя по'мыслы, вjь'дый, jа='кw си^мъ w\т прило'га и=стребля'_емымъ, и= sло'е по движе'нiи вку'пjь и=стребля'тися w=бы'че. По'мыслwмъ же о_у=чаща'ющымъ, и= _о='ное о_у=жноже'нiе прiима'ти w=бы'че.

с~_i. Без\ъ сокруше'нiя се'рдца невозмо'жно _е='сть совсjь'мъ и=зба'витися w\т sло'бы. Сокруша'етъ же се'рдце трича'стное воздержа'нiе, w\т сна`, глаго'лю, и= пи'щи, и= тjьле'сныя w\тра'ды: и=зли'шество бо си'хъ сладостра'стiе влага'етъ, сладостра'стiе же прiе'млетъ лука^выя по'мыслы, и= сопротивля'ется моли'твjь, и= прили'чествующему служе'нiю.

са~_i. Повелjьва'ти бра'тiею жре'бiй прiя'вшiй, храни` чи'нъ тво'й, и= да не прекосло'вящихъ ра'ди преумолчи'ши подоба^ющая. Въ ни'хже _о=ни` повину'ются, мзду` и=мjь'ти бу'деши ты` за добродjь'тель _о='ныхъ: а= въ ни'хже преслу'шаютъ, совсjь'мъ да w\тпу'стиши и=`мъ, и= прiи'меши ра^вная w\т ре'кшагw: w\тпусти'те, и= w\тпу'стится ва'мъ {Луки` гл. s~, ст. л~з.}.

св~_i. Торго'вли подо'бенъ _е='сть вся'кiй слу'чай: вjь'дый ку'плю содjь'яти, прiwбрjьте'тъ мнw'гая, невjь'дый же о_у=ро'нъ те'рпитъ.

(с. 82)

сг~_i. Неслу'шающагwся w\т _е=ди'нагw сло'ва, не ну'ди съ любопрjь'нiемъ, но прiwбрjь'тенiе, _е='же w\тве'рже _о='нъ, ты` стяжи` себjь`. Мно'жае бо и=справле'нiя _о='нагw воспо'льзуетъ тебя` неsло'бiе.

сд~_i. _Е=гда` вре'дъ _е=ди'нагw ко мнw'гимъ w\тно'сится: тогда` не подоба'етъ долготерпjь'ти, ниже` и=ска'ти своея` по'льзы, но мно'гихъ, да спасу'тся. Зане'же многоча'стная добродjь'тель _е=диноча'стныя поле'знjье _е='сть.

с_е~_i. А='ще кто` впаде'тъ въ ко'елибо согрjьше'нiе, и= не бу'детъ печа'литися по мjь'рjь согрjьше'нiя, о_у=до'бь па'ки въ ту'южде впа'даетъ мре'жу.

сs~_i. JА='коже льви'ца къ ю='ницjь любо'внjь не приступа'етъ: та'кw безсту'дiе не прiе'млетъ прiя'зненнjь по бз~jь печа'ль.

сз~_i. JА='коже съ во'лкомъ _о=вца` не схо'дится къ чадоро'дiю: та'кw ниже` съ сы'тостiю болjь'знь серде'чная къ зача'тiю добродjь'телей.

си~_i. Никто'же мо'жетъ болjь'знь и= печа'ль и=мjь'ти по бз~jь, а='ще не пе'рвjье вины^ си'хъ возлю'битъ.

сf~_i. Стра'хъ бж~iй и= w=бличе'нiе вну'трь вмjьща'ютъ печа'ль: воздержа'нiе же и= бдjь'нiе прiwбща'ются болjь'зни.

с~к. Писа'тельными за'повjьдьми и= о_у=че'нiи не наказу'емый, биче'мъ ко'нскимъ и= рожно'мъ _о=сли'нымъ погна'нъ бу'детъ. А='ще же и= сiя^ w\три'нетъ, броздо'ю и= о_у=здо'ю по че'люстемъ, приведе'нъ бу'детъ.

ск~а. W\т ма'лыхъ о_у=до'бь побjьжда'емый, и= вели'кими по ну'ждjь порабоще'нъ бу'детъ: презира'яй же сiя^, вели^кимъ w= гд\сjь сопротивуста'нетъ.

ск~в. Не покуша'йся w=бличе'ньми по'льзовати хва'лящемуся добродjь'телями. Зане` то'йжде и= любопоказа'теленъ и= и=стиннолю'бецъ бы'ти не мо'жетъ.

ск~г. Вся'кiй глаго'лъ хр\сто'въ ми'лость, и= пра'вду, и= прему'дрость jа=вля'етъ бж~iю, и= си'лу си'хъ посре'дствомъ слу'ха влага'етъ въ слу'шающихъ сла'дцjь: тjь'мже и= неми'лостивiи, и= непра'в_едницы не сла'достнjь слу'шая, прему'дрость бж~iю позна'ти не (с. 83) возмого'ша, но и= о_у=ча'щаго _о='ной распя'ша. И= мы` о_у=`бо да смо'тримъ, сла'дцjь ли _е=го` слу'шаемъ. То'й бо рече`: Любя'й мя`, за'пwвjьди моя^ соблюде'тъ: и= возлю'бленъ бу'детъ _о=ц~е'мъ мои'мъ, и= а='зъ возлюблю` _е=го`, и= jа=влю'ся _е=му` са'мъ {I=wа'н. гл. д~_i, ст. _е~_i и= к~а.}. Ви'диши ли, ка'кw jа=вле'нiе свое` въ за'повjьдехъ сокры'лъ _е='сть; всjь` о_у=`бо за'пwвjьди w=бде'ржитъ любо'вь къ бг~у и= бли'жнему, jа='же w\т о_у=дале'нiя веще'ствъ, и= w\т безмо'лвiя по'мыслwвъ составля'ется.

ск~д. Сiе` вjь'дый гд\сь заповjь'дуетъ на'мъ, глаго'ля: Не пецы'теся w= о_у='треннjьмъ {Матf. s~, ст. л~д.}: да и= пра'ведно. W\т веще'ствъ бо и= попече'нiя w= ни'хъ не и=зба'вивыйся, лука'выхъ пw'мыслъ ка'кw и=зба'вится; по'мыслы же содержи'мый, ка'кw о_у=ви'дитъ под\ъ си'ми кро'ющiйся грjь'хъ веще'ственный, и='же _е='сть тьма` и= мгла` души`, w\т лука'выхъ мы'слей и= дjья'нiй прiе'мляй нача'ло; дiа'волу прило'гомъ не нуди'тельнымъ и=скуша'ющу, и= нача'ло показу'ющу, человjь'ку же сластолю'бiемъ и= тщесла'вiемъ сла'дцjь прiwбщи'вшуся, а='ще по разсужде'нiю и= не хотя'ше, но по дjь'йству о_у=слажда'шеся и= прiе'мляше. Сегw' же w=бдержи'тельнагw грjьха` не о_у=вjь'дjьвый, когда` помоли'вся w= не'мъ w=чи'стится; Не w=чи'стивыйся же, ка'кw w=бря'щетъ мjь'сто чи'стагw _е=стества` {I=езек. гл. л~з, ст. к~з.}; Сегw' же не w=брjьты'й, ка'кw о_у=ви'дитъ вну'треннiй до'мъ хр\сто'въ {Заха'р. гл. в~, ст._i~. I=wа'н. гл. д~_i, ст. к~г. а~ Кор. гл. г~, ст. s~_i.}; Поне'же до'мъ _е=смы` бж~iй, по проро'ческому и= _е=v\гльскому и= а=п\сльскому словеси`.

ск~_е. Подоба'етъ о_у='бw предрече'ннымъ поря'дкомъ и=ска'ти, дабы` w=брjьсти` до'мъ се'й, и= моли'твою неw\тсту'пнw толца'ти, jа='кw да и=ли` здjь`, и=ли` во и=схо'дjь w\тве'рзетъ на'мъ вл\дка, и= да не вознерадjь'вшымъ рече'тъ: Не вjь'мъ ва'съ, w\тку'ду _е=сте` {Луки` гл. г~_i, ст. к~_е.}. Не то'чiю же до'лжни _е=смы` проси'ти и= прiя'ти, но и= да'нное сохрани'ти. Су'ть бо нjь'цыи, и=`же и= по прiя'тiи погуби'ша. Тjь'мже предрече'нныхъ веще'й просто'е разумjь'нiе, и=ли` случа'тельный и=ску'съ, мо'жетъ бы'ть, и= по'здjь наче'ншiи о_у=чи'тися, и= ю='нiи и=мjь'ютъ: продолжи'тельное же съ терпjь'нiемъ дjь'ланiе _е=два` и= благоговjь'йнiи w\т (с. 84) ста'рц_евъ и=мjь'ютъ, и= многоиску'снiи мно'жицею _о='ное невнима'нiемъ погу'бльшiи, и= во'льными труды^ па'ки взыска'вшiи, и= w=брjь'тшiи. Сiе` о_у=`бо и= мы` твори'ти не преста'немъ, до'ндеже _о='ное не w\те'млемо стя'жемъ.

ск~s. Сiя^ духо'внагw зако'на w=правда^нiя, и=з\ъ мно'гихъ немнw'гая позна'хомъ, и=`мже и= вели'кiй _псалмопjь'вецъ непреста'ннw совjь'туетъ науча'тися, и= твори'ти _о='ная ча'стw пою'щымъ w= гд\сjь i=и~сjь. Тому` сла'ва и= держа'ва, и= поклоне'нiе подоба'етъ ны'нjь, и= во вjь'ки, а=ми'нь.

(с. 85)

Тогw'жде преподо'бнагw и= бг~оно'снагw _о=тца` на'шегw ма'рка полви'жника посла'нiе въ нiкола'ю и='ноку.

Превожделjь'нному ча'ду нiкола'ю.

Поне'же пре'жде мно'гw пе'клся _е=си` w= спасе'нiи свое'мъ, и= мно'гое и=мjь'лъ попече'нiе w= жи'зни, jа='же по бз~jь, предложи'лъ _е=си` на'мъ w= себjь` повjь'дая, jа=ковы'ми труды`, и= стремле'нiемъ горя'щимъ прилjьпи'тися хотjь'лъ _е=си` ко гд\су _о=па'снымъ жи'тельствомъ и= воздержа'нiемъ, и= вся'кимъ sлострада'нiемъ, бдjь'нiемъ же мно'гимъ, и= крjь'пкою моли'твою подвиза'яся: и= jа=ковы` бра^ни и= мно'жество плотски'хъ страсте'й въ тjьле'снjьмъ воздвиза'ются _е=стествjь`, и= на ду'шу востаю'тъ w\т грjьхо'внагw зако'на противувою'ющагw зако'ну о_у=ма` на'шегw. Пла'кался же, jа='кw и=зли'шнjье стужа'ешися w\т стра'сти гнjь'ва и= по'хоти, и= спо'соба нjь'коегw и= слове'сна совjь'та и=ска'лъ _е=си`, jа=ковы` труды` и= по'двиги о_у=потреби'въ, побjьди'ти предреч_е'нныя губи'т_ельныя стра^сти возмо'жеши. И= во _о='но вре'мя, _е=ли'кw бjь` мо'щно, въ лице` любви` твое'й совjь'товахомъ, душепол_е'зная разумjь^нiя и= мудрова^нiя предлага'юще и= показу'юще, jа=ковы'ми труды` и= о_у=си'лiями по'стническими съ ра'зумомъ и= просвjьще'ннымъ вjь'дjьнiемъ слове'снымъ, по _е=v\глiю, жи'тельствовавши душа` вjь'рою помоществу'ема благода'тiю, мо'жетъ w=долjь'ти вну'трь sло'бы и=стека^ющая sла^я, па'че же предреч_е'нныя (с. 86) стра^сти. W\т ко'ихъ бо страсте'й по предпрiя'тiю наипа'че и= привы'чкjь ка'къ бы w='бразъ воспрiя'ла душа`, мно'жае w\т _о='ныхъ бу'дучи привлека'ема: проти'ву си'хъ тща'тельнjьйшiй и= непреста'нный по'двигъ воспрiя'ти должна` _е='сть, до'ндеже покори'тъ плотскi^я и= безслов_е'сныя дjь^йствiя се'рдца, и=`мже пе'рвjье покаря'шеся, и= и='миже привлека'шеся, и= ча'стымъ пw'мыслъ воспомина'нiемъ, и= поуче'нiемъ sлы'мъ по вну'треннему мы'слей сложе'нiю плjь'нницею w\тводя'шеся. Поне'же о_у='бw тjьле'снjь вма'лjь w\тстои'мъ w\т тебе` лице'мъ, а= не се'рдцемъ, въ пусты'ню о_у=ше'дше къ и='стиннымъ дjь'лател_емъ и= подви'жникwмъ хр\стw'вымъ, jа='кw да и= мы` хотя` ма'лw нjь'какw подвиза'вшеся, и= сподвиза'ющеся со бра'тiею подвиза'ющеюся проти'ву сопроти'вныхъ дjь'йствiй, и= страст_е'мъ до'блественнjь сопротивля'ющеюся, лjь'ность w\тложи'мъ, о_у=ны'нiе w\ттрясе'мъ, нерадjь'нiе w\т на'съ w\тве'ргнемъ, и= вся'кое тща'нiе и= прилjьжа'нiе воспрiи'мемъ, благоугоди'ти бг~ови тща'щеся. Тjь'мже ма'лый совjь'тъ и= о_у=че'нiе поле'зное воз\ъусе'рдствовахомъ пи'смены начерта'ти и='скренности твое'й, да w= ни'хже въ лице` тебjь` глаго'лахъ, сiя^ вкра'тцjь въ ма'ломъ совjь'тованiя на'шегw пи'смени прочита'я прилjь'жнw, jа='кw прису'тствующымъ на'мъ духо'вныя по'льзы наслади'шися. Нача'ло о_у=`бо по'льзы твоея`, jа='же по бз~jь, _w ча'до, w\тсю'ду твори'ти до'лженъ _е=си`. Незабве'ннw и= приснопа'мятнw въ непреста'нномъ поуче'нiи помышля'ти тебjь` подоба'етъ w= всjь'хъ смотре'нiяхъ, и= благодjья'нiяхъ человjьколюби'вагw бг~а бы'вшихъ къ тебjь`, и= быва'ющихъ ко спасе'нiю души` твоея`: а= не забве'нiемъ sло'бы покрыва'ему, и=ли` по причи'нjь о_у=ны'нiя не помина'ти мнw'гая и= вели^кая _е=гw` благодjья^нiя, и= сегw` ра'ди безполе'знw и= неблагода'рнw, преходи'ти про'чее вре'мя. Такова'я бо непреста'нная па'мять, jа='коже нjь'кiй _о=сте'нъ пробода'ющи се'рдце, подви'житъ _о='ное всегда` ко и=сповjь'данiю, ко смире'нiю, ко благодаре'нiю съ сокруше'нною душе'ю, ко вся'кому тща'нiю бла'гу, къ воздая'нiю нра'вwвъ, и= _о=бы'ча_евъ благи'хъ и= вся'кiя по бз~jь добродjь'тели, се'рдце приснополуча'ющееся съ благосо'вjьстною мы'слiю сему` проро'ческому словеси`: Что` возда'мъ гд\сви w= всjь'хъ, (с. 87) jа=`же воздаде` ми`; {_Псал. р_е~_i, ст. г~.} _Е=гда' бо помы'слитъ душа` w= благодjья'нiяхъ человjьколюби'вагw бг~а, jа=`же w\т рожде'нiя, и=ли` w\т коли'кихъ бjь'дъ мно'жицею и=зба'влена бы'сть, и=ли` коли^кимъ sлы^мъ подпа'дши, и= въ прегрjьш_е'нiя мно'жицею во'лею поползну'вшися, не предана` бы'сть пра'веднw прельсти'вшымъ духовw'мъ въ поги'бель и= сме'рть: но долготерпjьли'внjь человjьколюби'вый вл\дка презира'я согрjьш_е'нiя, w=жида'я w=браще'нiя _е=я`, и= врагw'мъ и= лука^вымъ духw'мъ во'льнjь страстьми` рабо'тавшую, то'й пита'ше, покрыва'я и= вся'чески промышля'я, и= напослjь'докъ благи'мъ ма'нiемъ на пу'ть спасе'нiя наста'ви, и= любо'вь къ подви'жническому житiю` въ се'рдце вложи`, и= съ ра'достiю мi'ръ, и= вся'кую _е=гw` пре'лесть плотски'хъ сласте'й w=ста'вити о_у=крjьпи`, и= а='гг~льскимъ w='бразомъ по'стническагw чи'на о_у=краси`, и= о_у=до'бь прiя'ту бы'ти w\т святы'хъ муже'й въ собра'нiе бра'тства о_у=стро'и. Кто' же благосо'вjьстную и=мjь'я мы'сль, и= сiя^ помышля'я, не всегда` въ сокруше'нiи бу'детъ се'рдца, и=мjь'я толи^кая w=бруч_е'нiя предвари'тельныхъ благодjья'нiй, ни _е=ди'но бла'го пе'рвjье са'мъ сотвори'въ; Не всегда' ли тве'рдую наде'жду воспрiя'лъ бы, сiе` разсмотрjь'въ, jа='кw а='ще и= ни _е=ди'но бла'го мнjь` сотво'ршу, но и= мно'гw пред\ъ ни'мъ согрjьши'вшу, въ нечистота'хъ плотски'хъ и= во и=ны'хъ мно'гихъ sло'бахъ пожи'вшу, не по грjьхw'мъ мои^мъ сотвори'лъ _е='сть, ниже` по беззако'нiямъ мои^мъ возда'лъ _е='сть, но толи^кiя да'ры и= благода'ти во спасе'нiе о_у=стро'и. А='ще всеконе'чнjь преда'мъ себе` про'чее рабо'тати _е=му` во вся'комъ непоро'чномъ пребыва'нiи и= добродjь'телей и=справле'нiи: то коли'кихъ бла^гъ, и= духо'вныхъ дарова'нiй сподо'битъ, на вся'кое дjь'ло благо'е о_у=крjьпля'я, и=справля'я и= наставля'я; Тjь'мже и=мjь'яй всегда` таковы'й по'мыслъ, и= не забыва'яй бж~iихъ благодjья'нiй, преклоня'етъ себе` и= о_у=правля'етъ и= понужда'етъ ко вся'кому w=буче'нiю добродjь'тели благо'му, и= ко вся'кому дjь'ланiю пра'вды, всегда` о_у=се'рденъ, всегда` гото'въ сы'й, во _е='же твори'ти во'лю бж~iю. Сегw` ра'ди, _w ча'до возлю'бленное! и=мjь'яй благода'тiю хр\сто'вою (с. 88) _е=сте'ственный ра'зумъ, сiе` всегда'шнее размышле'нiе, и= поуче'нiе благо'е всегда` въ себjь` храни`, не w\т забве'нiя губи'тельнагw покрыва'емь, ниже` возбраня'емь w\т о_у=ны'нiя творя'щагw о_у='мъ су'етнымъ, и= о_у=клоня'ющагw w\т жи'зни и=ли` w\т невjь'жества, вины` всjь'хъ sw'лъ по'мысломъ помрача'емь, и=ли` w\т нерадjь'нiя всеsло'бнагw прельща'емь, ни w\т сла'сти плотскi'я w\твлека'емь, ни w\т чревобjь'сiя побjьжда'емь, ни w\т по'хоти о_у=мо'мъ плjьня'емь, и= сосложе'нiемъ пw'мыслъ блу'дныхъ w=скверне'нiе въ себjь` производя`, ни w\т гнjь'ва ражда'ющагw братоненавидjь'нiе побjьжда'емь, и= милосе'рдiя ра'ди и= под\ъ предло'гомъ _о=кая'ннымъ w=печа'луя, и= w=печа'луемь, и= приводя` на па'мять лука^выя по'мыслы на бли'жняго, w\т чи'стыя ко бг~у моли'твы о_у=клоня'яся, и= о_у=мо'мъ плjьня'емь, и= sвjь'рскимъ по'мысломъ _е=диноду'шнаго бра'та подзира'я, и= безслове'снымъ плотска'гw мудрова'нiя нра'вомъ въ со'вjьсти связу'емь, и= лука'вымъ духа'мъ, и=`мже повину'лся, въ наказа'нiе предае'мь до вре'мене, до'ндеже w\твсю'ду вознедоумjь'въ о_у='мъ, и= w\т печа'ли и= о_у=ны'нiя поглоще'нъ бы'въ, и= предспjь'янiе, _е='же по бз~jь предвари'тельными вины^ погуби'въ, па'ки начне'тъ воспрiима'ти со мно'гимъ смире'нiемъ нача'ло пути` спасе'нiя: и= мно'гw потруди'вся въ моли'твахъ и= всено'щныхъ бдjь'нiяхъ, разрjьши'въ вины^ смире'нiемъ и= и=сповjь'данiемъ бг~у и= бли'жнему, та'кw начина'етъ па'ки и=стрезвля'тися, и= просвjьще'нiемъ ра'зума _е=v\гльскагw, бж~iею бл~года'тiю просвjьща'емь, позна'етъ, что` не преда'вый себе` соверше'ннjь на кре'стъ мудрова'нiемъ смире'ннымъ и= о_у=ничиже'ннымъ, и= не пове'ргiй себе` под\ъ всjь'ми, _е='же попира'тися и= о_у=ничижа'тися и= презира'тися, и= w=би'диму бы'ти, и= _о=смjьва'ему и= поруга'ему, и= сiя^ вся^ съ ра'достiю гд\са ра'ди терпjь'ти, не w\тмщева'ющiй w\тню'дъ человjь'ческой сла'вjь, и=ли` че'сти, и=ли` похвалjь`, и=ли` сла'сти jа='стiя и=ли` питiя`, и=ли` w=дjья'нiя, хрiстiа'нинъ и='стиненъ бы'ти не мо'жетъ. Тjь'мже таковы^мъ предлежа'щымъ на'мъ по'двигwмъ и= по'чест_емъ, и= вjьнц_е'мъ, доко'лjь мы` w\т притво'рнагw благочести'вагw ви'ду поруга'еми бу'демъ, съ о_у=хищре'нiемъ гд\сви рабо'тающе, и='но w\т человjь^къ почита'еми, а= и='но ви'дими су'ще w\т вjь'дущагw та^йная; (с. 89) святi'и бо w\т мно'гихъ почита'еми, свирjь'пыхъ _е=ще` нра'вwвъ _е=смы`, вои'стинну w='бразъ благоче'стiя и=му'ще, си'лы же _е=гw` пред\ъ бг~омъ не стяжа'вше, {в~ Тiм. гл. г~, ст. _е~.} дjь'вственниками и= чи'стыми w\т мно'гихъ почита'еми, и= пред\ъ вjь'дущимъ та^йная нечи'стыми сложе'нiи пw'мыслъ блу'дныхъ внутрьу'ду w=скверня'ющеся, и= дjь'йствiями страсте'й w=каля'ющеся, и= ра'ди притво'рнагw _е=ще` подви'жничества на'шегw, и= w\т похва'лъ человjь'ческихъ поница'юще, и= о_у=мо'мъ w=слjьпля'ющеся. Доко'лjь о_у=`бо въ суетjь` о_у=ма` хо'димъ, за _е=v\гльское мудрова'нiе не _е='млющеся, и= жи'тельство по со'вjьсти не познава'емъ, да со тща'нiемъ сiе` пожене'мъ, jа='кw да и= въ со'вjьсти дерзнове'нiе w=бря'щемъ: но _е=ще` на мни'мой внjь'шнягw человjь'ка пра'вдjь _е=ди'ной о_у=твержда'емся, лише'нiя ра'ди и='стиннагw ра'зума, и= внjь'шними то'чiю w=буче'нiи себе` прельща'емъ, человjь'кwмъ о_у=гожда'ти хотя'ще, и= сла'вы w\т ни'хъ, и= че'сти и= похва'лъ и=щя`; Прiи'детъ вои'стинну та'йная тьмы` w\ткрыва'яй, и= w=б\ъявля'яй совjь'ты серд_е'чныя: {а~ Корi'нf. глава` д~, стi'хъ _е~.} неwбольсти'мый судiя`, ни бога'тагw срамля'яйся, ни ни'щагw ми'луяй, w='бразъ внjь'шнiй w\те'мляй, и= и='стину внутрьу'ду сокрове'нную w=б\ъявля'яй, по со'вjьсти жи'тельствующихъ и='стинныхъ подви'жникwвъ и= страда'льц_евъ въ прису'тствiи а='гг~лъ пред\ъ свои'мъ _о=ц~е'мъ вjьнча'яй: а= притво'рныхъ и= w='бразомъ благоче'стiя w=дjь'янныхъ, и= ви'димое то'чiю житiе` человjь'кwмъ показу'ющихъ, и= на се'мъ су'етнjь о_у=твержда'ющихся, и= о_у=мо'мъ прельща'ющихъ себе`, пред\ъ вы'шнею це'рковiю святы'хъ, и= пред\ъ всjь'мъ небе'снымъ во'инствомъ и=з\ъwблича'яй, и= та'кw лю'тjь стыдя'щихся во тьму` кромjь'шную посыла'яй, по w='бразу ю=ро'дивыхъ дjь'въ, jа=`же внjь'шнее дjь'вство сохрани'ша: нима'лw бо за сiе` не порече'ни бы'ша, но и= _е=ле'й w\т ча'сти въ сосу'дjьхъ и=мjь'яху, то' _е=сть, добродjь'телей нjь'кихъ и= и=справле'нiй внjь'шнихъ, и= дарова'нiй нjь'кихъ прича^стницы бя'ху. Тjь'мже и= свjьти'льницы и=`хъ до нjь'коегw вре'мени горя'ху: по нерадjь'нiю же и= невjь'жеству, и= о_у=ны'нiю, промышле'нiя не сотвори'ша, и= кро'ющееся внутрьу'ду (с. 90) мно'жество страсте'й w\т лука'выхъ духw'въ дjь'йствуемое и=звjь'стнw не позна'ша: но w\т сопроти'вныхъ дjь'йствъ ра'зумы и='хъ и=стлjьва'ху, сосложе'нiемъ помыслw'въ прiwбща'ющеся съ ни'ми, и= прельща'еми та'йнw, и= побjьжда'еми за'вистiю sло'бнjьйшею, ре'вностiю доброненави'стною, ра'спрею, любопрjь'нiемъ, не'навистiю, гнjь'вомъ, го'рестiю, памятоsло'бiемъ, лицемjь'рiемъ, jа='ростiю, горды'нею, тщесла'вiемъ, человjькоуго'дiемъ, самоуго'дiемъ, сребролю'бiемъ, о_у=ны'нiемъ, по'хотiю плотско'ю, по'мыслы сладостра'стiе содjьва'ющими, невjь'рiемъ, безстра'шiемъ, боя'знiю, печа'лiю, прекосло'вiемъ, сла'бостiю, сно'мъ, высокомы'слiемъ, w=правда'нiемъ, возноше'нiемъ, киче'нiемъ, несы'тствомъ, невозде'ржностiю, лихои'мствомъ, w\тча'янiемъ всегw` лютjь'йшимъ, и= то'нкими sло'бы дjь'йствiи: jа=`же, дjь^вы, и= до'брыхъ дjь'ланiе, и=ли` житiе` честно'е, _е='же мня'ху пред\ъ человjь'ки твори'ти, и= для получе'нiя w\т ни'хъ похва'лъ, а='ще и= нjь'кихъ дарова'нiй прича^стницы бя'ху, духовw'мъ тщесла'вiя и= человjькоуго'дiя продава'ху _о='ная, и= прw'чимъ страст_е'мъ прiwбща'ющеся, смjь'шаваху дw'брая w=буч_е'нiя съ лука'выми и= плотски'ми мудрова'нiями. Тjь'мже непрiя'тными и= нечи'стыми _о='ная содjь'ловаху, jа='коже ка'iнову же'ртву, женихо'вы ра'дости лиши'вшеся, и= черто'га небе'снагw внjь` затворе'ни бы'вше. Сiя^ о_у='бw помышля'юще и= разсужда'юще, и= и=скуша'юще, позна'имъ и= о_у=разумjь'имъ, въ кi'ихъ дjь'лjьхъ _е=смы`: да доко'лjь _е=ще` вре'мя покая'нiя и= w=браще'нiя и='мамы, себе` и=спра'вимъ, jа='кw да дw'брая на^ша дjьла` чи'стjь соверша'_ема, и='стинна и= дwбра` бу'дутъ, съ плотски'мъ мудрова'нiемъ не смjь'шива_ема да не w\тве'рж_ена бу'дутъ jа='кw же'ртва поро'чна, за безстра'шiе и= нерадjь'нiе, и= и='стиннагw ра'зума w=скудjь'нiе: да не ка'кw и= тру'дъ дjь'вства, и= воздержа'нiя, и= бдjь'нiя, и= поста` и= страннолю'бiя прете'рпимъ, и= дни^ и=ждиве'мъ, и= за предреч_е'нныя страсте'й вины^, мни^мыя на'ши w=правда^нiя же'ртвою поро'чною w=брjь'тшеся, непрiя^тны бу'дутъ небе'сному свяще'ннику, хр\сту`. W= вjь'дjьнiи о_у='бw, _w ча'до! и= ра'зумjь предвари'тельнw тща'тися подоба'етъ хотя'щему кре'стъ взя'ти, и= послjь'довати съ непреста'ннымъ въ себjь` и=спыта'нiемъ помыслw'въ свои'хъ, и= мно'гимъ (с. 91) попече'нiемъ w= спасе'нiи и= ра'зумjь, и= мно'гимъ къ бг~у тща'нiемъ, и= вопроше'нiемъ _е=диноду'шныхъ и= _е=диному'дренныхъ рабw'въ бж~iихъ, и= тjь'мъ же по'двигомъ подвиза'ющихся, да не невjь'дый, гдjь` и= ка'кw хо'дитъ, во тьмjь` без\ъ свjь'та свjьти'льнична ше'ствуетъ: и='же бо самочи'ннjь, без\ъ _е=v\гльскагw ра'зума и= наставле'нiя ко'егw ше'ствуетъ, мно'гw претыка'ется, и= во мнw'гiя jа='мы и= сjь^ти лука'вагw впа'даетъ, и= мно'гw заблужда'етъ, и= во мнw'ги впа'даетъ бjьды^, и= не вjь'сть, како'въ коне'цъ получа'етъ. Мно'зи бо мно'гими труды`, и= по'стничествомъ, и= sлострада'нiемъ проидо'ша, и= труды` мно'ги бг~а ра'ди претерпjь'ша: но самочи'нiе, и= неразсужде'нiе, и= нетре'бованiе w\т бли'жнягw по'льзы, таковы^я труды` и='хъ нетве'рдыми и= су'етными содjь'лаша. Ты` о_у='бw, _w ча'до возлю'бленное! въ нача'лjь о_у=вjьща'нiя сло'ва, бы'вшыя къ тебjь` покланя'емагw и= человjьколюби'вагw бг~а благодjья^нiя не забыва'й, w\твлека'емь краде'нiемъ sло'бы и= о_у=ны'нiя, но jа=`же w\т нача'ла рожде'нiя твоегw` да'же до ны'нjь, и=ли` тjьл_е'сная и=ли` духw'вная благодjья^нiя пред\ъ _о=ча'ми полага'я, размышля'й w=б\ъ _о='ныхъ, и= при'снw поуча'йся, по рече'нному: Не забыва'й всjь'хъ воздая'нiй _е=гw`, {_Псал. р~в, ст. в~.} да о_у=до'бнw ко стра'ху бж~iю и= любви` се'рдце дви'жется, _е='же и=спо'лнити по си'лjь житiе` _о=па'сно, жи'тельство добродjь'тельно, со'вjьсть благочести'ву, сло'во благосли'чно, вjь'ру пра'ву, мудрова'нiе смире'нно, и= про'стjь рещи`: всего` себе` бг~у возложи'ти, о_у=бjьжда'яся па'мятiю благодjья'нiй _е=гw`, jа=`же прiя'лъ _е=си` w\т блага'гw и= человjьколюби'вагw бг~а, jа='кw да сами'мъ w= себjь`, нjь'кимъ w='бразомъ, таково'ю благодjья'нiй па'мятiю, па'че же содjь'йствующей ти` и= свы'ше по'мощи, въ любо'вь и= жела'нiе о_у=язвля'ется се'рдце твое`: зане` jа=`же и=нjь'мъ мно'гw лу'чшымъ тебе`, не сотвори'лъ _е='сть чу^дная, неизрече'ннымъ свои'мъ человjьколю'бiемъ тебjь` сотвори'лъ _е='сть. Вся^ о_у='бw бы^вшая ти` w\т бг~а блага^я въ па'мяти непреста'ннjьй содержа'ти потщи'ся. _О=со'беннw же _о='ную вели'кую и= ди'вную благода'ть и= благодjья'нiе (с. 92) непреста'ннw помина'й, ю='же w\тплы'вшу тебjь` ку'пнw съ ма'терiю твое'ю w\т святы'хъ мjь'стъ къ кwнстантi'ну гра'ду, подаде` тебjь`, jа='коже на'мъ повjь'далъ _е=си`: _е=гда` стра'шная _о='ная и= неудержи'мая бу'ря, и= волне'нiе въ нощи` воздви'жеся, и= вси` бы'вшiи въ корабли` ку'пнw съ кора'бленниками, и= съ са'мою ма'терiю твое'ю погибо'ша во глубинjь`, и= пресла'вною бж~е'ственною си'лою _е=ди'нъ ты` со двjьма` и=нjь'ма и=зве'ржени бы'вше спасо'стеся, и= ка'кw о_у=стро'и прiити` тебjь` во а=гкv'ру, и= _о=те'ческими о_у=тро'бами w\т нjь'коегw щедролю'бца прiя'ту бы'ти тебjь`, и= любо'вiю сопряже'ну бы'ти съ благоговjь'йнjьйшимъ ча'домъ _е=пiфа'нiемъ, да _о='ба наста'вльшеся преподо'бнымъ му'жемъ, прiити` на пу'ть спасе'нiя, и= w\т ст~ы'хъ рабw'въ бж~iихъ, jа='кw ча^да и='скренняя прiя'ты бы'ти. W= си'хъ о_у=`бо всjь'хъ w\т бг~а тебjь` бы'вшихъ благодjья'нiяхъ, что` досто'йно и='маши возда'ти призва'вшему ду'шу твою` въ живо'тъ вjь'чный; Себjь' бо про'чее пра'веднjь не ктому` жи'ти до'лженъ _е=си`, но за тя` о_у=ме'ршему и= воскре'сшему хр\сту` во вся'кой добродjь'тели, пра'вдjь, во вся'комъ и=справле'нiи за'повjьдей, и=щя` при'снw, что' _е=сть во'ля бж~iя, блага'я и= соверше'нная, и= о_у=го'дная, {Ри'мл. гл. в~_i, ст. в~.} и= сiе` все'ю мо'щiю тща'тися постига'ти. _О=ба'че ю='ность твою`, ча'до, та'кw покори` сло'ву бж~iю, jа='коже са'мо ти` сло'во и=стязу'етъ, предста'вити тjь'ло же'ртву жи'ву, свя'ту, благоуго'дну бг~ови, слове'сное служе'нiе, {Ри'мл. гл. в~_i, ст. а~.} и= вся'ку мокро'ту по'хоти плотскi'я малотре'бованiемъ, и= малопи'тiемъ, и= всено'щными бдjь'нiи и=зся'кнути сотвори` и= и=зсуши`, да и= са'мъ w\т завjьща'нiя рече'ши: Бы'хъ jа='кw мjь'хъ на сла'нjь, w=правда'нiй твои'хъ не забы'хъ: {_Псал. ри~_i, ст. п~г.} и= позна'въ, jа='кw хр\сто'въ _е=си`, пло'ть свою` распни`, по а=по'стольскому гла'су, со страстьми` и= похотьми`: {Гала'т. гл. _е~, ст. к~д.} и= о_у='ды, jа=`же на земли`, о_у=мертви`, не то'чiю дjья'нiе блуда`, но и= дjь'йствуемую w\т лука'выхъ духw'въ во пло'ти нечистоту`. И= не то'чiю до сегw` поставля'етъ по'двигъ и='стиннагw и= нескве'рнагw и= всесоверше'ннагw дjь'вства вjьнца` w=жида'яй, но послjь'дствуя а=по'стольскому о_у=че'нiю, и= са'мыя тоя` стра'сти (с. 93) jа=вле'нiе и= движе'нiе о_у=мерщвля'ти подвиза'ется: и= ниже` та'кw _е=ще` и=звjь'ствуемь быва'етъ sjь^льнымъ раче'нiямъ, а='гг~льское и= пречи'стое дjь'вство во свое` тjь'ло всели'ти ча'я, но и= са'мому воспомина'нiю то'нкiя по'хоти въ _е=ди'номъ по'мыслjь без\ъ движе'нiя и= дjь'йства тjьле'сныя стра'сти, jа='кw во вре'мя развjь'янiя о_у=ма` восходя'щему и=стреби'тися мо'лится. Сему' же по'мощiю свы'ше, и= си'лою и= подая'нiемъ дх~а _е=ди'нымъ и=спра'витися мо'щно. Су'ть ли о_у='бw нjь'цыи благода'ти сея` сподобля'ющiися; Та'кw чи'стагw, и= невеще'ственнагw, и= нескве'рнагw дjь'вства вjьнца` w=жида'яй, распина'етъ по'стническими труды` пло'ть, о_у=мерщвля'етъ о_у='ды, jа=`же на земли`, продолжи'тельнымъ и= непреста'ннымъ воздержа'нiемъ, и=стлjьва'я внjь'шняго человjь'ка, и= и=стончава'я _е=го`, и= w=бетшава'я, и= и=зсо'хшимъ содjь'ловая, да вjь'рою, и= по'двиги, и= дjь'йствiемъ благода'ти вну'треннiй человjь'къ w=бновля'ется де'нь w\т дне`, на лу'чшее пред\ъуспjьва'я, любо'вiю расты'й, кро'тостiю о_у=краша'яся, ра'дованiемъ ду'ха веселя'ся, ми'ромъ хр\сто'вымъ любода'рствуемь, благода'тiю води'мь, благосты'нею стрего'мь, стра'хомъ бж~iимъ w=бдержи'мь, ра'зумомъ и= вjь'дjьнiемъ w=свjьща'емь, прему'дростiю просвjьща'емь, смиренному'дрiемъ наставля'емь. Си'ми и= си^мъ подо'бными добродjь'тельми w=бновля'емь, о_у='мъ w\т дх~а, бг~ови'днагw w='браза начерта'нiе въ себjь` познава'етъ, и= влады'чнягw подо'бiя мы'сленную и= неизрече'нную добро'ту о_у=смотрjьва'етъ, и= самонауче'нныя и= саморазу'мныя прему'дрости завjьща'тельнагw зако'на бога'тство постиза'етъ. И=стончи` о_у=`бо, _w ча'до! ю='ношескую пло'ть, и= предрече'нными о_у=тучни` безсме'ртную ду'шу: предрече'нными добродjь'тельми w=бнови` о_у='мъ содjь'йствiемъ дх~а. Ю='ностная бо пло'ть, о_у=тучне'нная разли'чными бра'шны и= вiнопи'тiемъ, _е='сть jа='кw ве'прь гото'вый на заколе'нiе, _е=го'же раждеже'нiемъ тjьле'сныхъ сласте'й душа` закала'ется, и= распале'нiемъ sлы'я по'хоти о_у='мъ плjьня'ется, противля'тися сласт_е'мъ плотски^мъ не могi'й. Втече'нiе бо кро'ве, w\тхожде'нiе дх~а содjь'ловаетъ. _О=со'беннw же причаще'нiя вiна` ниже` да w=боня'етъ ю='ность: да не сугу'бымъ пожа'ромъ jа=вля'ющимся во вну'треннjьмъ дjь'йствjь (с. 94) стра'сти, и= w\твнjь` вiнопи'тiемъ w=блива'емь, и='миже сла'сть плотска'я па'че возгара'ется, духо'вную сла'дость болjь'зненнагw о_у=миле'нiя w\т нея` w\тжене'тъ, и= слiя'нiе и= нечу'вствiе въ се'рдцjь сотвори'тъ: но жела'нiя ра'ди дх~о'внагw, и= воды` въ сы'тость ю='ношество да не прiе'млетъ: sjьлw' бо къ содjь'йствiю цjьлому'дрiя помоществу'етъ ску'дость воды`. И= сiе` дjь'ломъ и=скуси'въ, самjь'мъ тjь'мъ и=ску'сомъ и=звjьствова'нiе прiи'меши. Не бо` jа='кw jа=ре'мъ ну'жды тебjь` наложи'ти хотя'ще, сiе` законополага'емъ и=ли` повелjьва'емъ, но jа='кw о_у=мышле'нiю и= худо'жеству бла'гу къ содjь'йству и='стиннагw дjь'вства, и= и=звjь'стнагw цjьлому'дрiя любе'знjь поуча'емъ и= совjь'туемъ, самовла'стному твоему` произволе'нiю w=ставля'юще твори'ти, _е='же хо'щетъ.

Про'чее прiиди`, и= w= безслове'сной стра'сти гнjь'ва ма'лw разсу'димъ, вся'кую ду'шу w=пустоша'ющей, и= смуща'ющей, и= помрача'ющей, и= sвjьр_е'мъ подо'бна человjь'ка показу'ющей во вре'мя движе'нiя и= дjь'йствiя своегw`, наипа'че же о_у=добопоползнове'ннагw и= быстропрекло'ннагw къ не'й. Стра'сть сiя` _о=со'беннw го'рдостiю о_у=твержда'ется, и= о_у=крjьпля'ется, и= не разори'ма быва'етъ, до'ндеже напля'емо быва'етъ сiе` дiа'вольское дре'во, го'рести и= гнjь'ва и= jа='рости, sло'ю го'рдости водо'ю, благоцвjьту'що и= благорасту'що мно'гъ пло'дъ беззако'нiя прино'ситъ. И= та'кw неразори'мо быва'етъ въ души` зда'нiе лука'выхъ, и=му'що о_у=твержде'нiе и= о_у=крjьпле'нiе w=снова'нiя го'рдости. А='ще о_у='бw хо'щеши дре'ву сему` беззако'нiя, стра'сти, глаго'лю, го'рести, и= гнjь'ва, и= jа='рости въ тебjь` и=зсуши'тися, и= безпло'дну бы'ти, да сjьки'ра дх~а прише'дши посjьче'тъ _е=`, и= во _о='гнь вве'ржетъ, по _е=v\гльскому гла'су, и= потреби'тъ со вся'кою sло'бою: и= а='ще хо'щеши до'му сему` беззако'нiя, _е=го'же лука'вый зи'ждетъ sлjь` въ души` при'снw, jа='кw ка'менiе, вины` разли^чныя благослw'вныя, и=ли` безслов_е'сныя собира'я, дjьла` вещества` и=ли` глаго'лы въ по'мыслjьхъ, и= зда'нiе sло'бы въ души` соwружа'я, въ о_у=твержде'нiе и= о_у=крjьпле'нiе по'мыслы го'рдости подлага'я: а='ще глаго'лю, хо'щеши сему` до'му разори'тися и= раскопа'тися: то` и=мjь'й смире'нiе гд\сне незабве'нно въ се'рдцjь твое'мъ, (с. 95) кто` сы'й, и= что` бы'сть на'съ ра'ди, и= w\т jа=ковы'я высоты` свjь'та бж~ества` w\ткрове'ннагw, по си'лjь го'рнихъ суще'ствъ, и= на небесjь'хъ сла'вимагw w\т всегw` слове'снагw _е=стества` а='гг~лъ, а=рха^гг~лъ, престw'лъ, гд\сьствiй, нача^лъ, власте'й, херувi^мъ и= серафi^мъ, и= не и=мену'емыхъ о_у='мныхъ си'лъ, и='хже не достиго'ша къ на'мъ и=мена`, по проро'честву а=по'стола, въ jа=кову` глубину` смире'нiя человjь'ческагw по неизрече'нной бла'гости сни'де по всему` о_у=подо'блься на'мъ, во тьмjь` и= сjь'ни сме'ртнjьй сjьдя'щымъ, и= а=да'мовымъ преступле'нiемъ плjь'нникwмъ бы'вшымъ, и= дjь'йствiемъ страсте'й w\т врага` w=блада'_емымъ. Въ таковjь'мъ о_у='бw плjьне'нiи лю'тjь су'щымъ на'мъ, и= w=блада'_емымъ w\т неви'димыя и= го'рькiя сме'рти, не постыдjь'ся вл\дка всея` тва'ри ви'димыя и= неви'димыя: но смири'въ себе`, и= воспрiе'мь w\т страсте'й безче'стiя, и= запреще'нiя, и= влады'чнягw и=зрече'нiя w=сужде'ннагw человjь'ка, по всему` подо'бенъ на'мъ бы'сть кромjь` грjьха`, то' _е=сть кромjь` страсте'й безче'стiя. Навед_е'нная бо грjьха` ра'ди преступл_е'нiя w\т влады'чнягw и=зрече'нiя человjь'ку въ наказа'нiе, си'рjьчь сме'рть, тру'дъ, а='лчбу, жа'жду, и= такова^я вся^ воспрiя'тъ, бы'въ _е='же мы` _е=смы`: да бу'демъ, _е='же _о='нъ _е='сть, сло'во пло'ть бы'сть, да пло'ть бу'детъ сло'во: бога'тъ сы'й w=бнища` на'съ ра'ди, да мы` нището'ю _о='нагw w=богати'мся: о_у=подо'бися мно'гагw ра'ди человjьколю'бiя на'мъ, да вся'кою добродjь'телiю о_у=подо'бимся мы` _е=му`. W\тне'леже бо прiи'де хр\сто'съ, вои'стинну по w='бразу и= по подо'бiю но'вый человjь'къ благода'тiю дх~а и= си'лою w=бновля'ется, въ мjь'ру соверше'нныя любве` достиза'ющи, во'нъ и=згоня'ющiя стра'хъ, не ктому` под\ъ паде'нiемъ бы'ти могу'щыя: любы' бо никогда'же па'даетъ. {а~ I=wа'н. гл. д~, ст. s~_i.} Бг~ъ бо, глаго'летъ i=wа'ннъ, любы` _е='сть, и= пребыва'яй въ любви`, въ бз~jь пребыва'етъ. Сея` мjь'ры сподо'бившеся а=по'столи, и= подо'бнjь тjь'мъ добродjь'тели w=бучи'вшiися, и= соверше'нныхъ себе` гд\севи предста'вльшiи, и= соверше'ннымъ жела'нiемъ во все'й жи'зни свое'й хр\сту` послjь'довавшiи. Таково'е о_у='бw смире'нiе, _е='же любве` ра'ди къ на'мъ неизрече'ннымъ (с. 96) человjьколю'бiемъ воспрiя'тъ гд\сь, а='ще всегда` незабве'ннw разсмотрjьва'еши, то' _е=сть, въ ложесна'хъ бг~а сло'ва вселе'нiе, воспрiя'тiе человjь'ка, рожде'нiе w\т жены`, тjьле'снагw во'зраста по ча'сти растjь'нiе, безче'стiе, доса^ды, понош_е'нiя, поруга^нiя, о_у=кор_е'нiя, бi_е'нiя, w=плева^нiя, насмjья'нiе, наруга'нiе, червле'нную хламv'ду, терно'вый вjьне'цъ, князе'й на него` и=зрече'нiе, беззако'нныхъ i=уд_е'й _е=диноплеме'нныхъ су'щихъ на него` вопи'тiе: Возми`, возми`, распни` _е=го`: {I=wа'н. f~_i, ст. s~_i.} кр\стъ, гво'здiе, копiе`, напая'нiе _о='цтомъ и= же'лчемъ, торжествова'нiе jа=зы'кwвъ, насмjья'нiе тjь'хъ, и=`же хожда'ху и= глаго'лаху: а='ще сн~ъ _е=си` бж~iй, сни'ди со креста`, и= вjь'руемъ въ тя`: {Матf. к~з, ст. к~а} и= прw'чiя стра^сти, jа=`же на'съ ра'ди претерпjь`: распя'тiе, сме'рть, тридне'вное во гро'бjь погребе'нiе, во а='дъ соше'ствiе, та'же страсте'й приплw'дiя jа=ковы^ и= кi^я; то' _е=сть, и=з\ъ ме'ртвыхъ воскресе'нiе, а='да и= сме'рти плjьне'нiе, ше'дшихъ съ гд\семъ ду'шъ на небеса` вознесе'нiе, w=десну'ю _о=ц~а` сjьдjь'нiе, превы'ше вся'кагw нача'льства и= вла'сти, и= вся'кагw и='мене и=мену'емагw, че'сть и= сла'ву, всjь'хъ а='гг~лъ поклоне'нiе пе'рвенцу ме'ртвыхъ, вины` ра'ди страсте'й, {_Е=фес. а~, ст. к~а.} по а=по'стольскому сло'ву глаго'лющему: Сiе` да му'дрствуется въ ва'съ, _е='же и= во хр\стjь` i=и~сjь, и='же во w='бразjь бж~iи сы'й, не восхище'нiемъ непщева` бы'ти ра'венъ бг~у, но себе` о_у=ма'лилъ, зра'къ раба` прiи'мъ, въ подо'бiи человjь'честjьмъ бы'въ, и= w='бразомъ w=брjь'теся, jа='коже человjь'къ, смири'лъ себе`, послушли'въ бы'въ да'же до сме'рти, сме'рти же кр\стныя. Тjь'мже и= бг~ъ _е=го` превознесе`, и= дарова` _е=му` и='мя, _е='же па'че вся'кагw и='мене: да w= и='мени i=и~съ хр\сто'вjь вся'ко колjь'но поклони'тся небе'сныхъ и= земны'хъ, и= преиспо'днихъ, и= прw'чая. {Фiлiп. в~, ст. _е~, и= слjь'д.} Се` предрече'нныхъ вины^ по пра'вдjь бж~iей, въ какове` сла'ву и= высоту` гд\сня человjь'ка возведо'ша! Тjь'мже а='ще любо'вiю и= жела'нiемъ незабве'ннw па'мятовати сiя^ бу'деши въ се'рдцjь твое'мъ, не и='мать w=блада'ти тобо'ю стра'сть го'рести гнjь'ва и= jа='рости. W=снова'нiемъ бо стра'сти го'рдости, смире'нiемъ хр\сто'вымъ, _е='же разсмотрjьва'еши, на ве'рхъ и=зше'дшымъ, все` зда'нiе беззако'нiя, (с. 97) jа='рости, гнjь'ва и= печа'ли о_у=до'бнjь и= са'мо w= себjь` разоря'ется. Ко'е бо жесто'кое и= ка'менное се'рдце, а='ще и='мать во о_у=мjь` при'снw толи'кое _е=диноро'днагw бж~ество`, на'съ ра'ди смири'вшееся, и= и=счи'сленныхъ предрече'нныхъ страсте'й па'мять не сокруши'тся, не о_у=мили'тся, не смири'тся; не земля' ли и= пе'пелъ, и= попра'нiе w\т всjь'хъ человjь^къ во'льнjь, по писа'нiю, бу'детъ; та'коже смиря'емjьй и= сокруша'емjьй душjь`, на смире'нiе хр\сто'во смотря'ющей, ка'я jа='рость _е='ю воз\ъwблада'ти возмо'жетъ; кi'й гнjь'въ; ка'я го'ресть w=долjь'ти; Но jа='коже мни'тся, забве'нiе по'льзующихъ си'хъ, и= животворя'щихъ ны` по'мыслwвъ, и= сестра` _е=гw` о_у=ны'нiе, и= си^мъ содjь'йствующее и= _е=динонра'вное невjь'дjьнiе, тяжча'йшыя вну'треннjьйшыя души` стра^сти, неудобоwбрjьта'_емыя, и= неудобоисправля'_емыя любопы'тствомъ лю'тымъ ду'шу покрыва'юще и= помрача'юще, прw'чимъ sло'бы страст_е'мъ дjь'йствовати и= кры'тися въ не'й сотворя'ютъ: зане` безстра'шiе и= нерадjь'нiе w= до'брыхъ дjь'лjьхъ влага'ютъ, входи'ти же и= дjь'йствовати ка'ждой стра'сти де'рзостнjь о_у=до'бь попуща'ютъ. Покрове'ннjьй бо души` w\т всеsла'гw забве'нiя, и= губи'тельнагw о_у=ны'нiя, и= всjь'хъ sw'лъ ма'тере и= пита'тельницы невjь'дjьнiя, къ коему'ждо w\т ви'димыхъ, и=ли` разумjьва'емыхъ, и=ли` слы'шимыхъ о_у=до'бь привязу'ется _о=кая'нный и= слjьпотству'ющiй о_у='мъ: си'рjьчь, а='ще добро'ту о_у=ви'дитъ жены`, а='бiе о_у=язвля'ется плотско'ю по'хотiю. И= та'кw про'чее прее'мстовавше па'мяти встра'ственнjь, и= сла'дцjь ви'дjьнное, и=ли` слы'шанное, и=ли` w=ся'занное воwбраже'нiемъ мы'слей, и= sлы'мъ поуче'нiемъ вну'трь w='бразы живонапису'ютъ. И= та'кw w=стра'ственный _е=ще` и= _о=кая'нный w=скверня'ютъ о_у='мъ дjь'йствiемъ блу'дныхъ духw'въ. Про'чее бо и= пло'ть, а='ще бу'детъ тучна`, и=ли` ю=нjь'йша, и=ли` мокро'тнjьйша, таковы'ми воспомина'нiями о_у=до'бь возбужда'ема, стра'стiю дjь'йствуетъ своя^ си`, къ по'хоти дви'жущися, и=ли` _о=вогда` во снjь`, и=ли` jа='вjь ничистоту` дjь'лающи, а='ще во ви'димыхъ женjь` и= не прiwбщи'лся _е='сть. Цjьлому'дрымъ, и= дjь'вственникомъ, и= чи'стымъ w\т мно'гихъ почита'емый, а='ще и= свя'та мни'тъ себя`, пред\ъ та^йная же назира'ющимъ скве'рненъ, и= блудни'къ, и= прелюбодjь'й су'дится (с. 98) бы'ти, и= пра'веднjь во _о='нъ де'нь w=сужда'ется, а='ще не пла'четъ, и= рыда'етъ, и= поще'ньми и= бдjь'нiи, и= моли'твами непреста'нными пло'ть и=ста'явъ, и= о_у='мъ воспомина'ньми и= поуче'нiи сло'ва бж~iя и=сцjьли'въ, и= и=спра'вивъ, досто'йное покая'нiе бг~ови не принесе'тъ, пред\ъ ни'мже sла^я помы'слилъ _е='сть, и=ли` сотвори'лъ. Нело'женъ бо _е='сть живы'й гла'съ ре'кшiй: А='зъ же глаго'лю ва'мъ: вся'къ, и='же воззри'тъ на жену`, ко _е='же вожделjь'ти _е=я`, о_у=же` любодjь'йствова съ не'ю въ се'рдцjь свое'мъ. {Матf. гл. _е~, ст. к~и.} Сегw` ра'ди поле'зно _е='сть ю='нымъ наипа'че, _е='же w\тню'дъ, а='ще мо'щно _е='сть, не бесjь'довати со жена'ми, а='ще и= свя'ты бы'ти мня'тся: а='ще ли же мо'щно, и= внjь` человjь^къ пребыва'ти, легча'йшу бра'нь соверша'етъ, и= jа=снjь'е разумjь'етъ свое` предспjь'янiе: па'че же, а='ще _о=па'снjь внима'етъ себjь`, и= съ малотре'бованiемъ, и= малопи'тiемъ воды`, и= бдjь'нiемъ мно'гимъ въ моли'твjь пребыва'етъ, подвиза'яся и= съ дх~о'вными и=ску'сными _о=тцы` соwбраща'тися и= сопребыва'ти, и= наставля'тися w\т ни'хъ тща'ся. Бjь'дственно бо наединjь`, и= самочи'нно и= несвидjь'тельствованно, и= съ неиску'сными дх~о'вныя бра'ни вку'пjь жи'ти: и=нjь'ми бо w='бразы бра'ней таковi'и _е='млеми быва'ютъ. Зане` мнw'гiя су'ть sло'бы кw'зни, и= подса^ды сокров_е'нны, и= разли^чныя сjь^ти вра'жiя w\твсю'ду водруже'ни су'ть. Сегw` ра'ди, а='ще мо'щно _е='сть, вку'пjь ходи'ти, си'рjьчь ча'стw приходи'ти къ разу'мнымъ мужа'мъ тща'тися подоба'етъ, и= подвиза'тися, jа='кw да а='ще са'мъ и= не и='мать свjьти'льника и='стинна ра'зума, за несоверше'нность _е=ще` о_у='мнагw во'зраста, и= младе'нчество: то со и=му'щимъ вку'пjь ше'ствуя, не хо'дитъ во тьмjь`, не бjь'дствуетъ w\т тене'тъ и= сjь'тей, и= въ мы'сл_енныя не па'даетъ sвjь'ри, во тьмjь` пасу'щыяся, и= въ не'й без\ъ о_у='мнагw свjьти'льника бж~е'ственнагw сло'ва ходя'щихъ похища'ющыя и= о_у=бива'ющыя. А='ще о_у='бw хо'щеши, ча'до, свjьти'льникъ сво'й о_у='мнагw свjь'та и= ра'зума дх~о'внагw вну'трь о_у='ду и=мjь'ти, да не преткнове'ннw во глубоча'йшей но'щи вjь'ка сегw` ходи'ти возмо'жеши, и= w\т гд\са стwпы` твоя^ напра'вятся, {_Псал. ри~_i, ст. рл~а.} (с. 99) jа='кw да пути` _е=v\глiа восхо'щеши sjьлw`, по проро'ческому словеси`, то' _е=сть, съ вjь'рою горяча'йшею соверше'ннjьйшыя _е=v\гльскiя за'пwвjьди проходи'ти, и= стр\сте'й гд\снихъ жела'нiемъ и= моли'твою прича'стникъ бы'ти: показу'ю тебjь` худо'жество ди'вное, и= о_у=мышле'нiе нра'ва духо'внагw, не тjьле'снагw труда`, и=ли` по'двига тре'бующее, но душе'внагw труда`, и= о_у=ма` настоя'тельства, и= внима'тельныя мы'сли тре'бующее. стра'хомъ и= любо'вiю бж~iею поспjьшеству'емое, и='мже о_у=мышле'нiемъ по'лкъ вра'жескiй о_у=до'бь побjьди'ти возмо'жеши, по примjь'ру блаже'ннагw давi'да, о_у=би'вшагw _е=ди'наго и=споли'на w\т и=ноплем_е'нникъ вjь'рою и= о_у=пова'нiемъ на бг~а, и= та'кw тьмы` врагw'въ о_у=до'бь со свои'ми людьми` побjьди'вшагw. Содержа'нiе же на'шегw сло'ва тре'хъ си'льныхъ и= крjь'пкихъ и=ноплеме'нничихъ и=споли'нwвъ зри'тъ, на ни'хже о_у=твержда'ется вся` мы'сленнагw _о=лофе'рна сопроти'вная си'ла: и=`мже низлож_е'ннымъ и= о_у=мерщвл_е'ннымъ бы'вшымъ, о_у=до'бь про'чее во о_у=бiе'нiи вся'кая лука'выхъ духw'въ и=знемо'жетъ си'ла. Су'ть же и=споли'ни лука'вагw, мня'щiися крjь'пцы, три` о_у=же` предрече'ннiи: невjь'дjьнiе, ма'ти всjь'хъ sw'лъ: забве'нiе, сестра` сегw`, и= содjь'йственница, и= помо'щница: и= о_у=ны'нiе, те'мную че'рнагw _о='блака _о=де'жду, и= покрыва'ло души` соткава'ющее, и= п_е'рвыя _о='ба о_у=твержда'ющее и= о_у=крjьпля'ющее, и= составле'нiе си^мъ подаю'щее, и= въ неради'вjьйшей душjь` sло` всажде'ннымъ и= тве'рдымъ содjь'ловающее. W\т о_у=ны'нiя во, забве'нiя же и= невjь'дjьнiя, про'чихъ страсте'й подтвержд_е'нiя о_у=крjьпля'ются и= о_у=вели'чиваются. Помw'щницы бо дру'гъ дру'гу су'ще, и= _е=ди'но без\ъ друга'гw соста'витися не могу'ще, крjь'пкими сопроти'внагw си'лами показу'ются, и= крjь'пкими лука'вагw кня^зи, и='миже все` во'инство духw'въ лука'вствiя w=браща'ется и= подтвержда'ется, и= помышл_е'нiя соверша'ти возмога'етъ, без\ъ ни'хже соста'витися предреч_е'нная не мо'гутъ. А='ще о_у='бw хо'щеши над\ъ страстьми` предрече'нными побjь'ду w=держа'ти, и= по'лкъ мы'сленныхъ и=ноплем_е'нникъ о_у=до'бь побjьди'ти, моли'твою и= содjь'йствомъ бж~iимъ въ себе` прише'дъ, и= во глубину` се'рдца входя`, и=зслjь'дуй тре'хъ си'хъ си'льныхъ дiа'вола и=споли'нwвъ: забве'нiе, глаго'лю, и= о_у=ны'нiе, и= невjь'дjьнiе, (с. 100) подтвержде'нiе мы'сленныхъ и=ноплем_е'нникъ, и='миже прw'чiя sло'бы стра^сти w=браща'ющеся дjь'йствуютъ и= живу'тъ, и= возмога'ютъ въ сердца'хъ сластолю'бц_евъ, и= въ душа'хъ ненака'занныхъ. И= мно'гимъ внима'нiемъ, и= о_у=ма` настоя'тельствомъ съ по'мощiю, jа='же свы'ше, w=брjь'тъ про'чымъ невjь'дwмая, и= ниже` бы'ти непщу'_емая, губи'т_ельнjьйшая же про'чихъ су^ща sла^я, _о=ру'жiи пра'вды сопроти'вными _о='нjьмъ, па'мятiю благо'ю, глаго'лю, вино'ю, всjь'хъ благи'хъ, и= ра'зумомъ просвjьще'ннымъ, и='мже бо'дрствующи душа` тьму` невjь'дjьнiя w\тгоня'етъ w\т себе`, и= о_у=се'рдiемъ и=зря'днjьйшимъ ко спасе'нiю о_у=готовля'ющимъ, и= возбужда'ющимъ ду'шу: въ сiя^ добродjь'тели _о=ру^жiя w=бле'кшися, си'лою дх~а ст~а'гw, вся'кою моли'твою и= моле'нiемъ до'блественjь и= му'жественнjь побjьди'ши мы'сл_енныя и=ноплеме'нники, предреч_е'нныя три` и=споли'ны, и=зря'днjьйшую па'мятiю бг~а: _е=ли^ка су'ть и='стинна, _е=ли^ка ч_е'стна, _е=ли^ка пра'в_една, _е=ли^ка пречи^ста, _е=ли^ка доброхва^льна, а='ще ка'я добродjь'тель, и= а='ще ка'я похвала`, всегда` помышля'я, {Фiлiп. гл. д~, ст. и~.} всеsлjь'йшее забве'нiе w\т себе` w\тгоня'я: просвjьще'ннымъ же и= нб\снымъ ра'зумомъ губи'тельное невjь'дjьнiе тьмы` и=стребля'я: вседобродjь'тельнымъ же и= добрjь'йшимъ о_у=се'рдiемъ безбо'жное о_у=ны'нiе, содjь'ловающее sло` въ душjь` всажде'ннымъ и=згоня'я. Сiя^ же добродjь'т_ели не просты'мъ _е=ди'нjьмъ произволе'нiемъ, но си'лою бж~iею и= содjь'йствомъ дх~а ст~а'гw со мно'гимъ внима'нiемъ и= моли'твою стяжа'въ, та'кw возмо'жеши и=зба'витися предрече'нныхъ крjь'пкихъ трiе'хъ и=споли'нwвъ лука'вагw. Ра'зума бо и='стиннагw, и= па'мяти слове'съ бж~iихъ, и= блага'гw о_у=се'рдiя согла'сiемъ, благода'тiю дjь'йственною въ душjь` соста'витися ну'дящимся, и= прилjь'жнw храня'щимся: забве'нiя и= невjь'дjьнiя, и= о_у=ны'нiя слjь'дъ въ не'й потребля'ется, и= въ не су'щее превраща'ется, благода'ти про'чее ца'рствующей въ не'й, w= хр\стjь` i=и~сjь гдjь` на'шемъ, _е=му'же сла'ва и= держа'ва во вjь'ки вjькw'въ, а=ми'нь.

(с. 101)

Ст~ы'й _о=т_е'цъ на'шъ сv"меw'нъ, по дарова'ннjьй _е=му` w\т бг~а благода'ти богосло'вiя, нарече'нный но'вый богосло'въ, бjь` во вре'мя ца'рствованiя кwнстантi'на порфv"роро'днагw, въ деся'томъ столjь'тiи по рж\ствjь` хр\сто'вjь. О_у=ченико'мъ же бы'вши сv"меw'на, нарица'емагw благочести'вагw, и= w\т негw` по'стнич_ескимъ по'двигамъ w=бучи'вшися, до толи'кiя высоты` добродjь'тели и= безстра'стiя вознесе'ся, и= то'ль бога'тнw бж~е'ственныя благода'ти сподо'бися, что` _е=два` возмо'жно писа'нiемъ преда'ти w= не'мъ jа='коже w=писа'нiе житiя` _е=гw`, бу'дучи многостi'шно, па'че вся'кагw и=но'гw простра'ннjьйше повjьству'етъ. Всю' бо, jа='коже рещи`, си'лу о_у=тjь'шителя дх~а въ себя` прiя'въ, и= прiя'телищемъ сiя'нiй _е=гw` бы'въ, показа'ся богосло'вiя и=сто'чникъ, бж~е'ственнагw просвjьще'нiя гости'нница, та^инъ неизрече'нныхъ сладча'йшее _о=бита'лище, и= вкра'тцjь рещи`, вся'кiя прему'дрости и= бж~е'ственнагw ра'зума жили'ще. Се'ю си'лою просвjьща'емь бу'дучи, многоразли'чныхъ мы'слей сочин_е'нiя, и= по стiха'мъ, и= по слова'мъ пи'санныя соста'вилъ, число` почти` превыша'ющыя, и= мно'гiя по'льзы и=спо'лн_енныя. W\т ни'хже то'чiю настоя'щыя и=збра'вше, въ се'й кни'зjь положи'хомъ: мно'гая бо и= незави'стная w\т _о='ныхъ w\ткрыва'ется чту'щымъ по'льза.

(с. 102)

Преподо'бнагw _о=тца` на'шегw сv"меw'на, но'вагw бг~осло'ва.

Главы^ дjь'ят_ельныя и= бг~ослw'вскiя, рн~в.

а~. Вjь'ра _е='сть, _е='же хр\ста` ра'ди за за'повjьдь _е=гw` о_у=мре'ти, и= вjь'ровати, jа='кw сме'рть сiя` жи'зни вино'вна _е='сть: о_у=бо'жество, jа='кw бога'тство вмjьня'ти: ху'дость и= о_у=ничиже'нiе, jа='кw сла'ву вои'стинну и= свjь'тлость: и= внегда` ничто'же и='мамы, вjь'ровати, jа='кw вся^ соде'ржимъ. Па'че же стяжа'ти неизслjь'дное бога'тство ра'зума хр\сто'ва, и= jа='кw на бре'нiе и=ли` ды'мъ, на вся^ ви^димая взира'ти.

в~. Вjь'ра во хр\ста` _е='сть, _е='же не то'чiю презрjь'ти, jа=`же въ житiи` су'ть сла'дwстная, но и= _е='же понести` и= претерпjь'ти вся'ко и=скуше'нiе гряду'щее съ печа'льми и= скорбьми` и= бjьда'ми, до'ндеже восхо'щетъ и= посjьти'тъ на'съ бг~ъ: Терпя' бо, глаго'летъ давi'дъ, потерпjь'хъ гд\са, и= вня'тъ ми` {_Псал. л~f, ст. в~.}.

г~. Предпочита'ющiи свои'хъ роди'телей въ нjь'чесомъ за'повjьди бж~iей, вjь'ры не стяжа'ша ко хр\сту`: вся'кw бо w\т своея` су'дятся со'вjьсти, а='ще со'вjьсть жи'ву и='мутъ въ невjь'рiи свое'мъ: вjь'рныхъ бо сiе` _е='сть, _е='же w\тню'дъ ни въ чесо'мъ за'повjьдь вели'кагw бг~а и= сп~са на'шегw i=и~са хр\ста` не преступа'ти.

д~. Вjь'ра, jа='же во хр\ста` и='стиннаго бг~а, жела'нiе добра` ражда'етъ, и= стра'хъ муче'нiй: жела'нiе же лу'чшагw и= стра'хъ муче'нiй, блюде'нiе _о=па'сное за'повjьдей содjь'ловаетъ: _о=па'сное же за'повjьдей (с. 103) блюде'нiе, свое'й не'мощи человjь'ки и=з\ъуча'етъ: разумjь'нiе же и='стинныя не'мощи на'шея, па'мять сме'рти ражда'етъ: сожи'тельницу же сiю` стяжа'вый, научи'тися болjь'зненнw взы'щетъ, каково` бу'детъ _е=му` по и=схо'дjь w\т житiя` сегw` w\тше'ствiе. Бу^дущая же разумjь'ти тща'йся, пе'рвjье всjь'хъ себе` лиши'ти настоя'щихъ до'лженъ _е='сть: въ си'хъ бо да'же и= до худа'гw чесогw` w\т пристра'стiя держи'мый, _о='нjьхъ ра'зума соверше'нна не мо'жетъ стяжа'ти. А='ще же сегw` и= вку'ситъ по смотре'нiю бж~iю, а='ще не скорjь'е та^я w=ста'витъ, w\т ни'хже и= въ ни'хже по пристра'стiю держи'мь _е='сть, и= ве'сь такова'гw не бу'детъ и=спо'лненъ ра'зума, ничто'же па'че сегw` и='но w\твнjьу'ду разумjь'ти во'лею прiе'мля: и= то`, _е='же мни'тся и=мjь'ти, во'змется w\т негw`.

_е~. W\трече'нiе мi'ра, и= всеконе'чное w\тше'льствiе, воспрiе'мшее w\т всjь'хъ о_у=стране'нiе, jа=`же су'ть въ житiи`, веще'ствъ, и= нра'вwвъ, и= произволе'нiй, и= ли'цъ, и= w\тверже'нiе тjь'ла и= во'ли, вели'кiя по'льзы вино'вно быва'етъ, та'кw те'плjь w\тре'кшемуся въ кра'тцjь вре'мени.

s~. О_у=бjьга'я мi'ра, зри`, да не да'си ду'шу твою` во о_у=тjьше'нiе, въ нача'лjь во _о='номъ w=бита'я, а='ще и= вси` срw'дницы и= дру'зи сiе` твори'ти тя` понужда'ютъ: сiе' бо _о='нjьмъ бjь'сове совjь'туютъ, jа='кw да теплоту` погася'тъ твоегw` се'рдца. А='ще бо и= несоверше'ннjь воспрепя'тствуютъ намjь'ренiю, но слабjь'йше сiе` вся'кw и= не'мощно содjь'лаютъ.

з~. _Е=гда` ко всjь^мъ житiя` сегw` сла'достемъ w=бря'щешися му'жественъ и= без\ъутjь'шенъ: тогда` а='кибы къ милосе'рдiю бjь'сове, сро'дникwвъ w=брати'вше, пла'кати возбу'дятъ и= рыда'ти пред\ъ лице'мъ твои'мъ тебе` ра'ди. И= сiе` и='стинно бы'ти позна'еши, _е=гда` ты` о_у='бw непрело'женъ въ се'мъ пребу'деши прило'зjь, а= _о='нjьхъ въ неи'стовство, _е='же на тя`, и= не'нависть внеза'пу возже'гшихся о_у=ви'диши, и= jа='кw врага` w\твраща'ющихся тебе`, и= зрjь'ти не хотя'щихъ.

и~. W\т роди'телей и= бра'тiй и= другw'въ твои'хъ ско'рбь зря` тебjь` быва'ему, смjь'йся под\ъуща'ющему разли'чнjь _о='нымъ на тя` (с. 104) находи'ти бjь'су, и= со стра'хомъ и= тща'нiемъ мно'гимъ w\тступи`, и= бг~а прилjь'жнjь о_у=моля'й, _е='же скорjь'е во приста'нище до'брагw _о=ц~а` дости'гнути тебjь`, въ не'мже ду'шу твою`, и= тружда'ющуся и= w=бремене'нну су'щу, то'й о_у=поко'итъ: пучи'на бо житiя` сегw` мнw'гая и='мать винw'вная бjь'дъ и= поги'бели кра'йнiя.

f~. Хотя'й возненави'дjьти мi'ръ, любо'вь и=з\ъ глубины` души` и=мjь'ти до'лженъ _е='сть къ бг~у, и= па'мять сегw` непреста'нну: ниже' бо и='но что`, jа='коже сiя^, вся^ съ ра'достiю w=ставля'ти, и= а='ки о_у=ме'тwвъ w\твраща'тися твори'тъ.

_i~. Не жела'й по благосло'внымъ вина'мъ, и=ли` безслов_е'снымъ, въ мi'рjь пребы'ти w\тню'дъ, но _е=гда` зва'нъ бу'деши, ско'рw послу'шай: ни w= чесо'мъ бо и=но'мъ та'кw бг~ъ, jа='коже w= ско'рости на'шей весели'тся. Поне'же и= лу'чше _е='сть послуша'нiе ско'рое со о_у=бо'жествомъ, не'жели ме'дленность со мно'жествомъ и=мjь'нiй.

а~_i. А='ще мi'ръ, и= jа=`же въ мi'рjь, прехо'дятъ вся^, бг~ъ же _е=ди'нъ нетлjь'ненъ и= безсме'ртенъ _е='сть: ра'дуйтеся, _е=ли'цы _е=гw` ра'ди тлjь^нная w=ста'висте. Тлjь^нна же су'ть не то'чiю бога'тство и= пjь'нязи, но и= вся'ка сла'сть и= наслажде'нiе грjьха`, тля` су'ть. _Е=ди^ны же за'пwвjьди свjь'тъ су'ть и= живо'тъ, и= си'це w\т всjь'хъ нарица'ются.

в~_i. А='ще пла'мень прiя'лъ _е=си`, бра'те, и= те'кши прише'лъ _е=си` во _о='бщее житiе`, и=ли` къ духо'вному _о=тцу`, сегw` ра'ди а='ще поуча'емь _е=си` w\т негw`, и=ли` w\т подви'жничествующихъ съ тобо'ю бра'тiй, ба'ней и=ли` бра'шенъ, и=ли` и=ны'хъ врачева'нiй о_у=потреби'ти поко'я ра'ди, да не прiи'меши сiе`: но при'снw о_у=гото'ванъ бу'ди къ поще'нiю, къ sлострада'нiю, къ воздержа'нiю кра'йнjьйшему, да а='ще w\т твоегw` w= гд\сjь _о=тца` понужде'нъ бу'деши вкуси'ти w\т трапе'зы, w=бря'щешися _о='ному о_у=`бо послушли'въ, свою' же во'лю ниже` въ се'мъ творя`: а='ще ли же не съ ра'достiю те'рпиши, jа=`же во'лею сотвори'ти не восхотjь'лъ _е=си`, w=бря'щешися душе'внjь по'льзуемь. Сiе' бо храня`, бу'деши вы'ну во всjь'хъ jа='кw постя'йся и= возде'рживающiйся, и= своея` во'ли по всему` w\трекi'йся: не то'чiю же, но и= су'щiй въ се'рдцjь твое'мъ пла'мень неугаси'мь соблюде'ши, вся^ презира'ти тя` понужда'ющiй.

(с. 105)

г~_i. _Е=гда` вся^ w\т себе` бjь'сове содjь'ютъ, и= намjь'ренiе на'ше, _е='же по бз~jь, поколеба'ти и=ли` возбрани'ти не возмо'гутъ, тогда` въ лицемjь'рствующихъ благоговjь'нiемъ _о='тай входя'ще, тjь'ми подвиза'ющихся возбраня'ти покуша'ются. И= пе'рвjье о_у='бw, jа='кw w\т любве`, си'рjьчь, и= милосе'рдiя дви'жими, въ тjьле'сный поко'й входи'ти тjь^мъ совjь'туютъ: да не и= тjь'ло и=знемо'жетъ, глаго'лютъ, и= во о_у=ны'нiе впаде'тъ. Та'же и= въ бесjь^ды непол_е'зны и=ззыва'юще, дни' въ си'хъ прiиждива'ти тjь'хъ понужда'ютъ. А='ще о_у='бw кто` w\т тщали'выхъ послу'шавъ о_у=подо'бится тjь^мъ, w=браща'ются и= насмjьва'ются поги'бели _е=гw`: а='ще же не покори'тся и='хъ словес_е'мъ, но блюде'тъ себе` стра'нна w\т всjь'хъ, и= w=смотри'тельна и= бездерзнове'нна, дви'жутся на за'висть, и= вся^ творя'тъ и= дjь'ютъ, до'ндеже и= w\т _о=би'тели _е=го` и=зжену'тъ: не те'рпитъ бо тщесла'вiе безче'стное, похваля'емо смире'нiе ви'дjьти пред\ъ собо'ю.

д~_i. Болjь'знуетъ тщесла'вный, зря` смиренному'дра пролива'юща сле'зы, и= сугу'бw по'льзуема, дjь'лающа _о='ными бг~а ми'лостивымъ, и= человjь'ки къ безво'льнjьй похвалjь` привлека'юща.

_е~_i. W\тне'лjьже себе` всего` духо'вному твоему` _о=тцу` преда'си, вjь'ждь, jа='кw стра'ненъ _е=си` w\т всjь'хъ, и='миже w\твнjьу'ду кичи'лся _е=си`, человjь'ческихъ, глаго'лю, веще'й и= и=мjь'нiй. Без\ъ негw'же ничто'же тjь'ми содjь'яти и=ли` сотвори'ти да восхо'щеши: но ни ма'лу, ни вели'ку ве'щь да попро'сиши w\т негw`, ра'звjь то'чiю что` са'мъ _о='нъ свои'мъ произволе'нiемъ, и=ли` повели'тъ прiя'ти, и=ли` са'мъ своеру'чнjь пода'стъ тебjь`.

s~_i. Не да'ждь без\ъ _о=тца` твоегw`, и='же по бз~jь ми'лостыню w\т пjь'нязей, jа=`же прине'слъ _е=си`, и= ни чрез\ъ хода'тая w\т _о='нагw прiя'ти нjь^кая w\т тjь'хъ да восхо'щеши: лу'чше бо ни'щу и= стра'нну бы'ти и= нарица'тися тебjь`, не'жели расточа'ти пjь'нязи, и= дая'ти о_у=бw'гимъ новонача'льну су'щу. Вjь'рою же чи'стою вся^ jа='кw въ ру'ку бж~iю, въ ру'ку духо'внагw твоегw` _о=тца` возложи'ти да восхо'щеши.

з~_i. Ниже` прiя'ти питiя` воды` да попро'сиши а='ще и= случи'тся тебjь` w\т жа'жды пали'му бы'ти. до'ндеже са'мъ w= себjь` подви'гнувся духо'вный тво'й _о=те'цъ побуди'тъ тя`. О_у=друча'й себя` и= понужда'й (с. 106) во все'мъ, покаря'я и= глаго'ля по'мыслwмъ: а='ще хо'щетъ бг~ъ, и= досто'инъ _е=си` питiя`, w\ткры'етъ вся'кw духо'вному _о=тцу` твоему`, и= рече'тъ ти`: пi'й. И= тогда` пiе'ши съ чи'стою со'вjьстiю, а='ще и= не прiи'де вре'мени тогw` ча'съ.

и~_i. И=ску'съ и=мjь'яй духо'вныя по'льзы, и= чи'сту вjь'ру стяжа'вый, свидjь'теля и='стины бг~а предлага'я, глаго'летъ: положи'хъ тако'въ во мнjь` по'мыслъ, jа='кw ни jа='сти ни пи'ти попроси'ти когда` w\т _о=тца` моегw`, и=ли` кромjь` _е=гw` причасти'тися чесогw` w\тню'дъ, до'ндеже бг~ъ и=звjь'стна сотвори'тъ _е=го`, и= повели'тъ ми`. И= та'кw сы'й, никогда'же, глаго'летъ, въ намjь'ренiи мое'мъ погрjьши'хъ.

f~_i. Вjь'ру стяжа'вый и=звjь'стну ко _о=ц~у` своему`, и='же по бз~jь, зря` _е=го`, зрjь'ти самаго` мни'тъ хр\ста`. И= съ ни'мъ сы'й и=ли` послjь'дуя _е=му`, со хр\сто'мъ бы'ти и= послjь'довати и=звjь'стнw вjь'руетъ. Таковы'й ни вожделjь'етъ съ и=нjь'мъ нjь'кимъ побесjь'довати когда`, ни предпочте'тъ что` w\т мiрски'хъ веще'й па'мяти и= любве` _о='нагw. Что' бо и= лу'чше и=ли` поле'знjьйше въ настоя'щемъ и=ли` въ бу'дущемъ животjь` тогw`, _е='же бы'ти со хр\сто'мъ; что' же краснjь'йше и=ли` сла'ждше видjь'нiя _е=гw`; А='ще же и= бесjь'ды _е=гw` сподобля'ется, вся'кw живо'тъ вjь'ченъ w\т сея` почерпа'етъ.

к~. И='же w\т о_у=се'рдiя лю'битъ о_у=коря'ющихъ и=ли` _о=би'дящихъ и=ли` лиша'ющихъ _е=го`, и= w= си'хъ мо'лится, въ предспjь'янiе вели'ко вма'лjь восхо'дитъ: въ чу'вствjь бо се'рдца сiе` быва'емо, въ бе'здну смире'нiя и= въ и=сто'чники сле'зъ слове'сность низво'дитъ, въ ни'хже потопля'ется трича'стность души`: возво'дитъ же на не'бо безстра'стiя о_у='мъ, и= зри'теленъ содjь'ловаетъ, и= вкуше'нiемъ та'мошнiя бла'гости вся^ ностоя'щагw житiя` за о_у=ме'ты вмjьня'ти твори'тъ, и= са'мую пи'щу и= питiе` не сла'стнjь и=ли` не ча'стjье прiима'ти.

к~а. Не дjья'нiй лука'выхъ то'чiю w\тступа'ти, но и= пw'мыслъ, и= мы'слей проти'вныхъ тща'тися подоба'етъ подви'жнику свобо'дну бы'ти: о_у=праждня'тися же при'снw въ душеполе'зныхъ и= духо'вныхъ помышле'нiихъ, да та'кw безпопечи'теленъ w= жите'йскихъ пребу'детъ.

(с. 107)

к~в. JА='коже все` свое` w=бнажи'вый тjь'ло, а='ще покро'вомъ нjь'кимъ покрове'ннjь и='мать _о='чи, а='ще не восхо'щетъ w\ттрясти` _о='ной, не мо'жетъ w\т _е=ди'нагw w=бнаже'нiя о_у=ви'дjьти свjь'тъ про'чiягw тjьлесе`: си'це и= вся^ и=ны^я в_е'щи вку'пjь и= и=мjь'нiе презрjь'вый, и= са'мыхъ тjь'хъ страсте'й и=зба'вивыйся, а='ще и= w\т жите'йскихъ воспомина'нiй и= лука'выхъ мы'слей не свободи'тъ душе'вное _о='ко, никогда'же о_у='зритъ о_у='мнагw свjь'та гд\са на'шего i=и~са хр\ста` и= бг~а.

к~г. JА='коже покро'въ на _о='чи наложе'нъ, та'кw по'мыслы мiрскi^я, и= жит_е'йскiя воспомина^нiя въ мы'сли, си'рjьчь во _о='цjь душе'внjьмъ быва'ютъ. Во _е=ли'ко о_у='бw вре'мя допуще'ни бу'дутъ, не и='мамы ви'дjьти: внегда' же w\ти'мутся па'мятiю сме'рти, тогда` jа='снw о_у=ви'димъ свjь'тъ и='стинный, и='же просвjьща'етъ вся'каго человjь'ка, въ го'рнiй мi'ръ гряду'щаго.

к~д. И='же w\т рождества` _е='сть слjь'пъ, не о_у=разумjь'етъ, ниже` вjь'ровати и='мать пи'шемыхъ си'лjь: прозрjь'ти же нjь'когда сподо'бивыйся, созасвидjь'тельствовати и='мать, jа='кw и='стинна су'ть пи'ш_емая.

к~_е. Ви'дяй чу'вственныма _о=чи'ма, вjь'сть когда` но'щь, когда' же де'нь _е='сть: слjьпы'й же _о=боя` не вjь'сть, и= духо'внjь прозрjь'вый и= о_у='мныма зря'й _о=чи'ма, о_у=ви'дjьвъ и='стинный и= незаходи'мый свjь'тъ, _е=гда` w\т о_у=ны'нiя на пре'жнюю возврати'тся слjьпоту`, и= свjь'та лиши'тся, благоразу'мнjь w=щуща'етъ сегw` лише'нiе, и= w\тку'ду се'й [слjьпотjь`] случи'ся бы'ти, не не вjь'сть. Пребыва'яй же слjь'пъ w\т рождества`, ничто'же w\т си'хъ, ни и=ску'сомъ, ни дjь'йствомъ вjь'сть, ра'звjь что` w\т слу'ха о_у=слы'шитъ и= о_у=разумjь'етъ w= тjь'хъ, jа=`же никогда'же ви'дjь, и= повjь'сть и=нjь'мъ, jа=`же слы'ша са'мъ: и= слы'шащымъ, w= каковы'хъ веще'хъ дру'гъ со дру'гомъ бесjь'дуютъ, не вjь'дящымъ.

к~s. Не возмо'жно _е='сть, и= пло'ть сы'тостiю бра'шенъ наполня'ти, и= духо'внjь о_у='мныя и= бж~е'ственныя наслажда'тися бла'гости: _е=ли'кw бо кто` чре'ву рабо'тати бу'детъ, толи'кw _о='ныя себе` лиши'тъ: по _е=ли'ку же тjь'ло о_у=дручи'тъ, по толи'ку и= духо'вныя пи'щи и= о_у=тjьше'нiя и=спо'лнится.

(с. 108)

к~з. W=ста'вимъ вся^, jа=`же на земли`, не бога'тство то'чiю и= зла'то, и= и=на^я жит_е'йская вещ_ества`, но и= жела'нiе къ си^мъ w\т ду'шъ на'шихъ соверше'ннjь w\тжене'мъ. Возненави'димъ не то'чiю сла^сти тjьлесе`, но и= безслов_е'сная движ_е'нiя _е=гw`, и= потщи'мся о_у=мертви'ти сiе` труды^: чрез\ъ сiе' бо дjь'йствуютъ по'хwти, и= въ дjь'ло произво'дятся. И= живу'щу тому` ну'жда вся'ка души` на'шей ме'ртвjьй бы'ти, и= неудободви'жнjьй ко вся'кой бж~iей за'повjьди, и=ли` и= всеконе'чнjь недви'жнjьй.

к~и. JА='коже пла'мень _о='гненный на высоту` при'снw взе'млется, и= наипа'че а='ще w=брати'ши вещество`, и='мже возжига'ется: та'кw и= тщесла'вное се'рдце смири'тися не мо'жетъ. Но jа='коже а='ще рече'ши _е=му` хвалы^ _е=гw`, па'че возно'сится: w=блича'емь бо и=ли` о_у=чи'мь, проти'ву глаго'летъ sjь'льнjь: похваля'емь же и= моли'мь возвыша'ется sлjь`.

к~f. Человjь'къ поучи'вся противоглаго'лати, са'мъ себjь` _о=бою'ду _о='стръ _е='сть ме'чь, о_у=бива'я невjь'домw свою` ду'шу, и= вjь'чныя жи'зни чу'жда себе` дjь'лая.

л~. Противуглаго'ляй, подо'бенъ _е='сть во'лею пре'данна себе` творя'щему, _о='тай сопрwти'внымъ цар_е'вымъ врагw'мъ: прекосло'вiе бо о_у='дица _е='сть, льще'нiе и=му'щи словоwправда'нiе, _е=гw'же ра'ди прельща'еми, о_у='дицу грjьха` поглоща'емъ: _е='юже и= похища'тися w=бы'че _о=кая'нная душа` я=зы'комъ и= горта'нiю w\т духw'въ лука'вствiя, и= _о=вогда` на высоту` го'рдости возводи'тися, _о=вогда' же въ про'пасть бе'здны грjьха` погружа'тися, и= со и=спа'дшими съ нб~се` w=сужда'тися.

л~а. Безче'ствуемый и=ли` досажда'емый, и= sjьлw` болjь'знуяй се'рдцемъ, познава'емь _е='сть w\т сегw`, jа='кw дре'вняго sмi'а w=бно'ситъ въ нjь'дрjьхъ. А='ще о_у='бw съ молча'нiемъ прете'рпитъ, и=ли` со мно'гимъ смире'нiемъ w\твjьща'ти бу'детъ, не'мощна сего` и= разсла'бленна содjь'ла: а='ще же съ го'рестiю противорече'тъ и=ли` возглаго'летъ съ де'рзостiю, даде` крjь'пость sмi'ю jа='дъ и=злiя'ти въ се'рдце _е=гw`, и= свирjь'пw пояда'ти вну'тр_енняя _е=гw`, jа='коже w\тсю'ду на вся'къ де'нь о_у=крjьпля'ему тому`, снjь'дiю твори'ти и=справле'нiе (с. 109) во благи'хъ, и= крjь'пость _о=кая'нныя _е=гw` души`, и= жи'ти _е=му` w\тто'лjь грjьху`, ме'ртву же всеконе'чнw бы'ти пра'вдjь.

л~в. А='ще w\трещи'ся восхо'щеши, и= _е=v\гльскому житiю` научи'тися, да не неиску'сну ниже` стра'стну о_у=чи'телю себе` вда'си, да не вмjь'стw _е=v\гльскагw, дiа'вольскому житiю` научи'шися: поне'же до'брыхъ о_у=чи'телей, дwбра` о_у=чи'т_ельства: sлы'хъ же sла^я, и= сjь'менъ лука'выхъ, вся'кw лука^ва су'ть воздjь^ланiя.

л~г. Моли'твами и= слеза'ми бг~а о_у=моли` посла'ти ти` наста'вника безстра'стна и= свя'та. И=спыту'й же и= са'мъ бж~е'ств_енная писа^нiя, и= писа^нiя. ст~ы'хъ _о=т_е'цъ, наипа'че дjь'ят_ельная, да си^мъ проти'ву приложи'въ w\т о_у=чи'теля и= предстоя'теля тобо'ю о_у=чи^мая и= содjьва'_емая, jа='кw въ зерца'лjь ви'дjьти возмо'жеши сiя^, и= разумjьва'ти, и= согласу'ющая о_у='бw съ писа'нiемъ внjьдря'ти, и= содержа'ти та^ въ мы'сли: лw'жная же и= чу^ждая различа'ти и= w\тсыла'ти, да не прельсти'шися: мно'зи бо, вjь'ждь, прел_е'стницы и= лжеучи'тели во дне'хъ си'хъ бы'ша.

л~д. Вся'къ неви'дяй, и=нjь'хъ же наставля'ти w=бjьщава'яся, преле'стникъ _е='сть, и= послjь'дующихъ _е=му` въ ро'въ поги'бели вверга'етъ, по гд\сню гла'су: слjьпе'цъ слjьпца` а='ще во'дитъ, _о='ба въ jа='му впаду'тъ {Матf. _е~_i, ст. д~_i.}.

л~_е. Слjьпы'й во _е=ди'номъ, слjь'пъ ве'сь во все'мъ _е='сть ви'дяй же во _е=ди'номъ, во видjь'нiи всjь'хъ _е='сть: и= видjь'нiя всjь'хъ w\тстои'тъ, и= во видjь'нiи всjь'хъ быва'етъ, и= ви'димыхъ внjь` _е='сть. Во _е=ди'номъ та'кw сы'й, вся^ ви'дитъ: и= во всjь'хъ сы'й, ничто'же w\т всjь'хъ ви'дитъ. Ви'дяй же во _е=ди'номъ, _е=ди'нагw ра'ди и= себе` и= всjь'хъ, и= вся'ч_еская зри'тъ: и= сокрове'нъ сы'й въ не'мъ, ничто'же. w\т вся'ческихъ зри'тъ.

л~s. Во w='бразъ гд\са на'шегw i=и~са хр\ста`, небе'снагw человjь'ка и= бг~а въ слове'снjьмъ и= о_у='мнjьмъ человjь'цjь благоразу'мнjь и= познава'тельнjь не w=блекi'йся, кро'вь то'чiю _е='сть и= пло'ть, духо'вныя сла'вы чу'вствованiе не могi'й сло'вомъ прiя'ти: jа='коже и= w\т (с. 110) рождества` слjьпi'и, сло'вомъ то'чiю свjь'та со'лнечнагw позна'ти не мо'гутъ.

л~з. Слы'шай та'кw и= ви'дяй и= разумjь'яй, вjь'сть глаго'лемыхъ си'лу, jа='кw о_у=же` w='бразъ нося'й небе'снагw, и= въ му'жа прише'дый и=сполне'нiя хр\сто'ва {_Е=фес. гл. д~, ст. г~_i.}, и= та'кw сы'й мо'жетъ до'брjь и= наставля'ти на пу'ть за'повjьдей бж~iихъ ста'до бж~iе: невjь'дый же и='наковъ сы'й, jа='вjь jа='кw ни чу^вства душ_е'вная и= о_у=ясн_е'нна и= здра^ва въ себjь` и='мать. _Е=му'же и= па'че до'брjь прили'чествовати бу'детъ, _е='же води'му бы'ти, не'жели води'ти прибjь'дственнw.

л~и. На о_у=чи'теля и= наста'вника своего`, jа='кw на бг~а зря'й, сопроти'въ глаго'лати не мо'жетъ: а='ще же мни'тъ и= глаго'летъ _о=боя^ и=мjь'ти, да вjь'сть, jа='кw прельсти'лся _е='сть: какову' бо бж~iи къ бг~у и='мутъ любо'вь, не вjь'сть.

л~f. Вjь'руяй въ руцjь` па'стыря своегw` бы'ти животу` _е=гw` и= сме'рти, никогда'же проти'ву рече'тъ: си'хъ же невjь'дjьнiе, прекосло'вiе ражда'етъ, вино'вное мы'сленныя и= вjь'чныя сме'рти.

м~. Пре'жде не'же прiя'ти и=зрече'нiе w=су'жденнику, мjь'сто дае'тся w\твjь'тствованiя _е=му` глаго'лати судiи` w= тjь'хъ, jа=`же содjь'я: по jа=вле'нiи же содjь'янныхъ, и= судiи'номъ и=зрече'нiи, ничто'же и=ли` ма'ло и=ли` вели'ко и=стязу'ющымъ прекосло'витъ.

м~а. Пре'жде не'же вни'ти въ сiе` суди'лище и='ноку, и= jа=ви'ти _е=му` серд_е'чная, мо'жетъ бы'ть, и= противоглаго'лати досто'итъ _е=му`, _о='ва о_у='бw по невjь'дjьнiю, _о='ва же и= jа='кw мня'щуся кры'ти своя^ си`. По w\ткрове'нiи же по'мыслwвъ и= чи'стjьй и='сповjьди, не досто'итъ сопроти'въ глаго'лати судiи` по бз~jь и= w=блада'телю своему`, да'же до сме'рти. И='нокъ бо, въ сiе` суди'лище въ нача'лjь вше'дый, и= w=б\ъяви'вый та^йная се'рдца своегw`, и=звjьсти'лся _е='сть w\т нача'ла, а='ще и= ра'зумъ како'въ нибу'дь и='мать, jа='кw безчи'сленныхъ смерте'й досто'инъ _е='сть, и= послуша'нiемъ свои'мъ и= смире'нiемъ вся'кагw томле'нiя и= муче'нiя и=зба'витися вjь'руетъ, а='ще вои'стинну та'инства w='бразъ вjь'сть.

(с. 111)

м~в. Храня'й сiя^ неизглажда'емw во свое'й мы'сли, никогда'же се'рдцемъ подви'гнется наказу'емь, и=ли` о_у=чи'мь, и=ли` w=блича'емь. Поне'же впа'даяй въ такова^я sла^я, глаго'лю же въ прекосло'вiе и= невjь'рiе, _е='же къ духо'вному _о=ц~у` своему` и= о_у=чи'телю, въ сjь'ть и= глубину` а='дову _е=ще` жи'въ сы'й, _о=кая'ннjь низво'дится, и= до'мъ сатани'нъ и= вся'кiя _е=гw` нечи'стыя си'лы быва'етъ, jа='кw непокори'въ и= сы'нъ поги'бели.

м~г. Молю' тя послу'шника, да сiя^ w=браща'еши ча'стjь въ мы'сли твое'й, и= вся'цjьмъ тща'нiемъ подвиза'тися, _е='же не сни'ти въ реч_е'нная а='дwва sла^я, но та'кw моли'тися те'плjь бг~ови на вся'къ де'нь и= глаго'лати: бж~е и= гд\си всjь'хъ! вся'кагw дыха'нiя и= души` и=мы'й вла'сть, _е=ди'нъ и=сцjьли'ти мя` могi'й, о_у=слы'ши моле'нiе мя` _о=кая'ннагw, и= гнjьздя'щагося во мнjь` sмi'а наи'тiемъ всест~а'гw и= животворя'щагw дх~а о_у=мертви'въ, потреби`: и= мене` ни'ща и= на'га вся'кiя добродjь'тели су'ща, къ нога'мъ ст~а'гw моегw` _о=тца` со слеза'ми припа'сти сподо'би, и= ст~у'ю _е=гw` ду'шу къ милосе'рдiю, _е='же поми'ловати мя`, привлецы`. И= да'ждь, гд\си, въ се'рдцjь мое'мъ смире'нiе и= по'мыслы бла'ги, подоба'ющыя грjь'шнику согласи'вшуся тебjь` ка'ятися, и= да не вконе'цъ w=ста'виши ду'шу, _е=ди'ною сочета'вшуся тебjь`, и= и=сповjь'давшу тя`, и= вмjь'стw всегw` мi'ра и=збра'вшу, и= предпоче'тшу тя`: вjь'си во гд\си, jа='кw хощу` спасти'ся, а='ще и= лука'вый мо'й _о=бы'чай препя'тствiемъ ми` быва'етъ: но возмw'жна тебjь`, вл\дко, су'ть вся^, _е=ли^ка невозмw'жна су'ть w\т человjь^къ.

м~д. До'брое w=снова'нiе вjь'ры и= наде'жды во дворjь` бл~гоче'стiя положи'вшiи со стра'хомъ и= тре'петомъ, и= на ка'мени послуша'нiя духо'внымъ _о=тце'мъ нw'зjь незы'блеми о_у=тверди'вшiи, и= jа='кw w\т бж~iихъ о_у='стъ w\т _о='нjьхъ заповjь'ду_емая слу'шающiи, на w=снова'нiи се'мъ послуша'нiя без\ъ сомнjь'нiя назида'юще _о='ная во смире'нiи души` а='бiе и=справля'ютъ: и= и=справля'ется и='ми вели'кое сiе` и= пе'рвое дjь'ло, самjь'хъ себе` w\тверже'нiемъ. _Е='же бо и=сполня'ти чу'жду во'лю, а= не свою`, не то'чiю w\тверже'нiе своея` души`, но и= о_у=мерщвле'нiе, _е='же ко всему` мi'ру, содjь'ловаетъ.

(с. 112)

м~_е. W= сопроти'въ глаго'лющемъ своему` _о=тцу`, сора'дуются бjь'си: смиря'ющуся же да'же до сме'рти, о_у=дивля'ются а='гг~ли: дjь'ло бо бж~iе таковы'й дjь'лаетъ, о_у=подобля'яся сн~у бж~iю, и=спо'лнившему послуша'нiе своему` _о=ц~у` да'же до сме'рти, сме'рти же кре'стныя.

м~s. Мно'гое и= безвре'менное сокруше'нiе се'рдца, помрача'етъ и= возмуща'етъ смы'слъ, и= чи'стую моли'тву и= о_у=миле'нiе w\т души` и=стребля'етъ: болjь'знь же серде'чну сотворя'етъ. W\тсю'ду же жесто'кость и= нечу'вство безчи'сленно, си'ми же духw'внымъ муж_е'мъ w\тча'янiе бjь'сове о_у=строя'ютъ.

м~з. Внегда` тя` сiя^, и='ноче, сря'щутъ, и= w=бря'щеши ре'вность и= жела'нiе соверше'нства въ души' твое'й, jа='кw вожделjь'ти вся'ку за'повjьдь бж~iю и=спо'лнити, и= ниже` до пра'здна словесе` па'дати и= согрjьша'ти, и= ни w\т _е=ди'нагw w\т дре'внихъ святы'хъ w\тста'ти дjья'нiемъ, и= ра'зумомъ, и= видjь'нiемъ: зри'ши же себе` возбраня'ема w\т _о='тай сjь'ющагw пле'велы печа'ли, и= не w=ставля'етъ тя` взы'ти на толи'ку высоту` святы'ни, внегда` подмета'ти _е=му` по'мыслы печа'ли, и= глаго'лати: не мо'щно ти` посредjь` мi'ра спасти'ся, и= сохрани'ти вся^ за'пwвjьди бж~iя без\ъ w=скудjь'нiя, тогда` ты` во _е=ди'номъ сjь'дъ о_у=глjь`, наединjь` стягни` себе`, и= собери` по'мыслъ, и= да'ждь бла'гъ совjь'тъ души` твое'й, и= рцы`: вску'ю приско'рбна _е=си`, душе` моя`; и= вску'ю смуща'еши мя`; о_у=пова'й на бг~а, jа='кw и=сповjь'мся _е=му`, сп~се'нiе лица` моегw` не дjьла` моя^, но бг~ъ мо'й _е='сть {_Псал. м~а, ст. s~.}. Кто' бо w\т дjь'лъ зако'на w=правди'тся; не w=правди'тся бо пред\ъ тобо'ю вся'къ живы'й {_Псал. рм~в, ст. в~.}: но w\т вjь'ры, jа='же въ са'маго бг~а моего`, о_у=пова'ю спасти'ся неизрече'ннымъ милосе'рдiемъ _е=гw` ту'не. И=ди` за мно'ю, сатано`. Гд\су моему` кла'няюся, и= тому` w\т ю='ности моея` служу`, могу'щему спасти` мене` _е=ди'ною ми'лостiю свое'ю. W\тступи` о_у=`бо w\т мене`: бг~ъ, сотвори'вый мя` по w='бразу и= по подо'бiю своему`, сокруши'тъ тя`.

м~и. Бг~ъ w\т на'съ человjь'кwвъ ничто'же взыску'етъ и='но, но то'кмw _е='же не согрjьша'ти: сiе' же нjь'сть дjь'ло зако'на, но хране'нiе (с. 113) непресту'пно w='браза и= го'рнягw досто'инства. Въ ни'хже по _е=стеству` стоя'ще, и= ри'зу нося'ще просвjьще'нну дх~а, въ бз~jь пребыва'емъ, и= то'й въ на'съ, положе'нiемъ бо'зи и= сы'нове су'ще, свjь'томъ ра'зума бж~iя зна'менаеми.

м~f. О_у=ны'нiе и= тя'жесть тjь'ла, w\т лjь'ности и= нерадjь'нiя прибыва'ющыя въ души`, w\т _о=бы'чнагw w\тставля'ютъ пра'вила, и= помраче'нiя о_у=му` винw'вна быва'ютъ и= печа'ли, jа='коже w\тсю'ду помыслw'мъ страхова'нiя и= хулы` jа=вля'тися въ се'рдцjь, и= ниже` во _о=бы'чное мjь'сто моли'твы вни'ти w\т бjь'са о_у=ны'нiя и=скуша'емому мощи`: но и= лjьни'тися _е=му`, и= на творца` всjь'хъ помышля'ти безмjь^стная. Позна'въ о_у=`бо вину`, и= w\тку'ду на тя` сiя^ наидо'ша, тща'тельнjь вни'ди во _о=бы'чное мjь'сто моли'твы твоея`, и= къ человjьколю'бцу бг~у припа'дъ помоли'ся со стена'нiи и= слеза'ми въ болjь'зни се'рдца твоегw`, w= и=збавле'нiи тя'жести, о_у=ны'нiя и= лука'выхъ пw'мыслъ, и= да'стся тебjь` вско'рjь си'хъ свобожде'нiе. болjь'зненнjь толку'щу и= терпя'щу.

н~. Се'рдце чи'сто стяжа'вый, страхова'нiе побjьди`. _Е=ще' же w=чища'ющiися _о=вогда` низлага'етъ _е~, _о=вогда' же низлага'емь _е='сть w\т негw`. W\тню'дъ же неподвиза'яйся, и=ли` всеконе'чнjь не чу'вствуетъ, и= внегда` дру'гомъ бы'ти _е=му` страсте'й и= бjьсw'въ, све'рхъ тщесла'вiя и= возноше'нiемъ неду'гуетъ, мня'ся бы'ти что`, ничто'же сы'й: и=ли` страхова'нiю ра'бъ _е='сть и= подчине'нъ, трепе'щя jа='кw младе'нецъ мудрова'нiемъ, и= боя'ся стра'ха та'мw, и=дjь'же нjь'сть стра'ха ниже` страхова'нiя боя'щымся гд\са.

н~а. Боя'йся гд\са, бjьсо'вскихъ стремле'нiй не бои'тся, ниже` немощны'хъ нахожде'нiй и='хъ, но ниже` преще'нiй лука'выхъ человjь^къ. И= jа='коже нjь'кiй пла'мень, и=ли` паля'щь _о='гнь ве'сь сы'й, въ непроходи'мыхъ и= те'мныхъ мjь'стjьхъ въ нощи` и= во дни` проходя` w\тгоня'етъ бjь'сы, бjьжа'щыя _е=гw` па'че, не'жели _о='нъ и='хъ, дабы` не w=пали'тися и=`мъ w\т и=сходя'щагw w\т негw` пламеннови'днагw луча` бж~е'ственнагw _о=гня`.

н~в. И='же стра'хомъ бж~iимъ хо'дитъ, се'й съ му'жи лука'выми w=браща'яся не бои'тся, стра'хъ _е=гw` вну'трь и=мjь'я, и= нося` неwбори'мое (с. 114) вjь'ры _о=ру'жiе, съ ни'мже возмога'етъ и= мо'жетъ вся^ твори'ти, и= jа=`же мня'тся мнw'гимъ неудw'бна и= невозмw'жна. Но jа='коже нjь'кiй и=споли'нъ посредjь` _о=безья'нъ, и=ли` ле'въ рыка'ющiй посредjь` псw'въ и= ли'сwвъ пребыва'яй, о_у=пова'етъ на гд\са: и= тве'рдостiю мудрова'нiя о_у=язвля'етъ и='хъ, и= о_у=страша'етъ смы'слы и='хъ, jа='кw же'злъ желjь'зный, прему'дрое наводя` сло'во.

н~г. Не безмо'лвствуяй то'чiю и=ли` повину'яйся, но и= и=гу'менствуяй, и= мно'гихъ предстоя'тель сы'й, и= са'мъ то'й служа'й, без\ъ попече'нiя до'лженъ бы'ти, си'рjьчь свобо'денъ w\т всjь'хъ жите'йскихъ веще'й несомнjь'ннw. А='ще бо пеце'мся, пр_есту'пницы за'повjьди бж~iя w=брjьта'емся, глаго'лющiя: не пецы'теся душе'ю ва'шею что` jа='сте, и=ли` что` пiе'те, и=ли` во что` w=блече'теся, всjь'хъ бо си'хъ jа=зы'цы и='щутъ {Матf. гл. s~, ст. к~_е и= л~в.}. И= па'ки: зри'те, да не когда` w=тягча'ютъ сердца` ва^ша w=б\ъяде'нiемъ и= пiя'нствомъ, и= печа'льми жите'йскими {Луки` гл. к~а, ст. л~д.}.

н~д. W= жите'йскихъ веще'хъ пеку'щiйся по'мыслъ и=мы'й, нjь'сть свобо'денъ: попече'нiемъ бо w= си'хъ содержи'мь _е='сть и= порабоща'емь, а='ще w= себjь` само'мъ пече'тся си'ми, а='ще w= и=нjь'хъ. Свобо'дный же w\т си'хъ, ни w= себjь` само'мъ, ни и=нjь'хъ ра'ди попече'тся w= жите'йскихъ, а='ще и= _е=пi'скопъ, а='ще и= дiа'конъ, а='ще и= и=гу'менъ бы'ти случи'тся. Но ниже` пра'зденъ и='мать бы'ти когда`, и=ли` что` пре'зритъ w\т худjь'йшихъ и= малjь'йшихъ: бг~оуго'днjь же вся^ творя` и= содjьва'я, без\ъ попече'нiя во всjь'хъ ве'щехъ пребу'детъ, и= во все'мъ житiи`.

н~_е. Да не разори'ши хра'мину твою`, внегда` хотjь'ти ти` бли'жнягw созда'ти: ви'ждь бо, ко'ль тру'дно _е='сть дjь'ло сiе` и= неудо'бно, да не когда` произволя'ющу тебjь` сiе`, и= твою` низложи'ши, и= _о='нагw созда'ти w\тню'дъ не возмо'жеши.

н~s. А='ще несоверше'нное безпристра'стiе веще'й жите'йскихъ и= и=мjь'нiй стя'жеши, да не восхо'щеши вруче'ну бы'ти тебjь` о_у=правле'нiю [во _о=би'тели] дjь'лъ, да не jа='тъ бы'въ си'ми, вмjь'стw _е='же прiя'ти мзду` слу'жбы, w=сужде'нiе та'тя и= священнокра'дца понесе'ши. (с. 115) А='ще же w\т предстоя'теля на сiе` понужде'нъ бу'деши, jа='кw _о='гнь паля'щь во о_у=правле'нiи бу'ди: и= прило'гъ по'мысла и='сповjьдiю и= покая'нiемъ возбраня'я, невреди'мь моли'твою предстоя'теля соблюде'шися.

н~з. Не бы'вый безстра'стенъ, ниже` jа='кw _е='сть безстра'стiе, вjь'сть, и= ниже` вjь'руетъ бы'ти кому` такову` на земли`. Ка'кw бо себе` не w\твергi'йся пе'рвjье, и= кро'вь свою` не и=стощи'вый о_у=се'рднjь блаже'нныя ра'ди вои'стинну жи'зни сея`, возмни'тъ, jа='кw и=ны'й сiя^ сотвори`, во _е='же стяжа'ти безстра'стiе; та'коже и= мня'йся и=мjь'ти дх~а ст~а, ничто'же и=мjь'я, не вjь'руетъ никогда'же, слы'ша дjь^йствiя _е=гw` познава'_ема во и=му'щихъ дх~а ст~а'го, jа='кw _е='сть кто` въ ро'дjь се'мъ ра'венъ а=п\слwмъ хр\стw'вымъ, и= су'щымъ w\т вjь'ка ст~ы^мъ, дjь'йствуемь и= дви'жимь бж~е'ственнымъ дх~омъ, и=ли` во видjь'нiи сегw` и= въ чу'вствiи бы'въ. Кi'йждо во w\т своегw` о_у=строе'нiя, и= w= дjьла'хъ бли'жнягw су'дитъ, jа=кwва` су'ть, и=ли` w= добродjь'тели рещи`, и=ли` w= sло'бjь.

н~и. И='но _е='сть безстра'стiе души`, и= и='но безстра'стiе тjь'ла: _о='во бо и= тjь'ло w=свяща'етъ свое'ю свjь'тлостiю, и= свjьтоли'тiемъ ст~а'гw дх~а: _о='во же _е=ди'но са'мо w= себjь` ни въ чесо'мъ стяжа'вшаго по'льзовати мо'жетъ.

н~f. JА='коже w\т кра'йнiя нищеты` въ бога'тство и= свjь'тлый са'нъ царе'мъ возведе'нный, и= во о_у='тварь w\т негw` свjь'тлу w=блече'нный, и= пред\ъ лице'мъ _е=гw` стоя'ти повелjь'нiе получи'вшiй, и= самаго` того` царя` съ вожделjь'нiемъ ви'дитъ, и= jа='кw благодjь'теля вельми` лю'битъ, и= о_у='тварь, въ ню'же w=блече'ся, jа='снjь разсма'триваетъ, и= са'нъ познава'етъ, и= да'нное _е=му` бога'тство вjь'сть: та'кw и= и='нокъ вои'стинну w\т мi'ра и= веще'й _о='нагw w\тше'дъ, и= присту'пль ко хр\сту`, воззва'нъ бы'въ благоразу'мнw, и= къ высотjь` духо'внагw видjь'нiя дjь'ланiемъ за'повjьдей возведе'нъ бы'въ, и= самаго` бг~а непреле'стнjь зри'тъ, и= бы'вшее въ себjь` и=змjьне'нiе jа='снjь о_у=сма'триваетъ. Ви'дитъ бо при'снw благода'ть животворя'щагw дх~а, w=сiява'ющую _е=го`, jа='же и= w=дjья'нiе нарица'ется, и= ца'рская багряни'ца, па'че же самаго` хр\ста` гд\са, зане` во хр\ста` вjь'рующiи, въ него` w=блека'ются.

(с. 116)

_кс~. Мно'зи чту'тъ бж~е'ств_енная писа^нiя, и= _о='ви чтw'мая слы'шатъ: ма'ли же что'мыхъ си'лу и= ра'зумъ пра'вw вjь'дjьти мо'гутъ: и=`же _о=вогда` невозмw'жна бы'ти, jа=`же w\т бж~е'ственныхъ писа'нiй о_у=твержда'ютъ: _о=вогда'же и= невjь^рна всеконе'чнjь мня'тъ, и=`же и=носказу'ютъ сiя^ sлjь`. И= по настоя'щему вре'мени глаго'л_емая су'дятъ, jа='кw въ бу'дущемъ произы'дутъ: w= бу'дущихъ же реч_е'нная, jа='кw о_у=же` бы^вшая, и= на вся'къ де'нь быва^ющая сказу'ютъ. И= та'кw нjь'сть суда` пра'ва въ ни'хъ, ниже` распозна'нiя и='стинна въ бж~е'ственныхъ и= человjь'ческихъ ве'щехъ.

_кс~а. Всjь'хъ вjь'рныхъ jа='кw _е=ди'наго зрjь'ти до'лжни _е=смы` вjь'рнiи, и=, jа='кw при _е=ди'номъ ко'емждо и='хъ _е='сть хр\сто'съ, помышля'ти: та'кw къ нему` любо'вiю расположены` бы'ти, jа='кw готw'вымъ бы'ти за него` положи'ти ду'шы своя^. W\тню'дъ бо ниже` глаго'лати и=ли` мнjь'ти до'лжни _е=смы` кого` лука'ва, но на всjь'хъ, jа='кw благи'хъ зрjь'ти, jа='коже реко'хомъ. А='ще бо и= w\т страсте'й стужа'ема о_у=ви'диши кого`, не бра'та, но стра^сти возненави'ждь ра'тующыя _е=го`. А='ще и= w\т по'хотей и= предпрiя'тiй му'чима, наипа'че о_у=милосе'рдися, да не когда` и= са'мъ и=скуше'нъ бу'деши, jа='кw под\ъ премjь'ною сы'й вещества` о_у=добоизмjьня'емагw.

_кс~в. А='ще кто` ло'женъ w\т лицемjь'рiя и=ли` w\т дjь'лъ поро'ченъ, и=ли` вма'лjь о_у=я'звленъ w\т _е=ди'ныя стра'сти, и=ли` нjь'коликw лиша'емь w\т нерадjь'нiя въ нjь'коей ча'сти _е='сть, не счисля'ется со всjь'ми, но jа='кw непотре'бенъ и= w\тве'рженъ w\тме'щется: jа='кw да не вовре'мя протяже'нiя расто'ргнутися сотвори'тъ сою'зу вери'ги, и= раздjьле'нiе въ нераздjьле'нныхъ, и= печа'ль въ _о=бои'хъ содjь'лаетъ пред\ъ ни'мъ w= послjь'днихъ, си^мъ же w= разлуче'нiи предваря'ющихъ болjь'знующымъ.

_кс~г. И='мъ же w='бразомъ на пла'мень горя'щiя пе'щи пе'рсть пове'ргшiй кто'-либо, о_у=гаша'етъ _о='ный: тjь'мъ же w='бразомъ и= жит_е'йская попеч_е'нiя, и= вся'ко пристра'стiе худы'я и= малjь'йшiя ве'щи, возже'гшуюся въ нача'лjьхъ теплоту` се'рдца потребля'ютъ.

_кс~д. Вся'кагw jа='стiя и= питiя`, и= о_у=краше'нiя ри'знагw, зачина'яй вну'трь себе` стра'хъ сме'рти, возгнуша'ется, и= не бу'детъ (с. 117) сла'достнjь jа='сти хлjь'ба, ни пи'ти воды`: пода'стъ же _е=ди'ну потре'бу тjьлеси`, _е=ли'кw то'чiю самодово'льно _е='сть къ житiю`: вся'кiя во'ли своея` w\тве'ржется, и= ра'бъ всjь'хъ съ разсужде'нiемъ повелjьва'емыхъ бу'детъ.

_кс~_е. Въ раба` себе` преда'вый су'щымъ по бз~jь _о=тц_е'мъ свои^мъ стра'ха ра'ди му'ки, не бы` повелjьва'_емая w=блегчава^ющая болjь'знь се'рдца _е=гw` и=збра'лъ, ни рjьша^ющая о_у='зы стра'ха, ниже` на такwва'я любо'внjь и=ли` ласка'тельнjь и=ли` повели'тельнjь поwщря'ющихъ послу'шаетъ: но па'че возраща^ющая _е=го` предпочте'тъ, и= спекула'тора возмога'юща возлю'битъ. И= въ си'хъ пребыва'етъ, jа='кw не ча'я когда` свобо'ду прiя'ти w\тню'дъ w\т тjь'хъ: о_у=пова'нiе бо и=збавле'нiя болjь'знь легча'йшу дjь'лаетъ, _е='же _е='сть безполе'зно ка'ющемуся те'плjь.

_кс~s. Вся'кому по бз~jь жи'ти начина'ющему поле'зенъ _е='сть стра'хъ му'ки, и= болjь'знь w\т негw` ражда'емая: без\ъ таковы'я же болjь'зни, и= о_у='зъ нача'ло положи'ти мечта'яйся, не на песцjь` то'чiю дjья'нiй свои'хъ w=снова'нiе полага'етъ, но и= на возду'сjь мни'тся без\ъ. w=снова'нiй составля'ти хра'мину, _е='же w\тню'дъ невозмо'жно. Болjь'знь бо сiя` ско'рw вся'ку ра'дость ражда'етъ, и= о_у='зы сiя^ всjь'хъ согрjьше'нiй и= страсте'й о_у='зы расте'рзываютъ, и= спекула'торъ се'й не сме'рти, но жи'зни вjь'чныя вино'венъ быва'етъ.

_кс~з. И='же а='ще не восхо'щетъ w\тскочи'ти и= w\тбjь'гнути ражда'ющiяся болjь'зни w\т стра'ха вjь'чныя му'ки, но произволе'нiемъ се'рдца послjь'дуетъ _е='й, и= востя'гнетъ на себе` о_у='зы сея` по мjь'рjь, скорjь'е ше'ствовати и='мать, и= сiя` пред\ъ лице'мъ цр~я` ца'рствующихъ предста'витъ _е=го`. Сему' же бы'вшу, ку'пнw _е='же воззрjь'ти _е=му` не jа='снjь къ сла'вjь _е=гw`, а='бiе разрjьша'тся о_у='зы, спекула'торный же стра'хъ бjьжа'ти и='мать w\т негw`, и= jа='же въ се'рдцjь _е=гw` болjь'знь преложи'тся въ ра'дость, и= и=сто'чникъ бу'детъ точа'щъ чу'вственнjь сле'зы подоборjь'чнjь приснотеку'щыя, мы'сленнjь же тишину`, кро'тость и= неизрече'нну сла'дость, _е=ще' же му'жество, _е='же ко вся'кому послуша'нiю за'повjьдей бж~iихъ свобо'днjь и= невозбра'ннjь тещи`, _е='же _е=ще` новонача^льнымъ невозмо'жно _е='сть: (с. 118) къ средjь' же по предспjь'янiю восше'дшымъ и= сво'йственно _е='сть: соверш_е'ннымъ же быва'ющымъ свjь'тъ быва'етъ и=сто'чникъ се'й, се'рдцу а='бiе и=змjьня'ему и= прелага'ему.

_кс~и. И=мы'й вну'трь себе` свjь'тъ всест~а'гw дх~а, не терпя` сегw` зрjь'ти, на зе'млю ни'цъ па'даетъ, зове'тъ и= вопiе'тъ во о_у='жасjь и= стра'сjь мно'зjь, jа='кw па'че _е=стества`, па'че сло'ва, па'че мы'сли дjь'йство ви'дjьвъ и= w=щути'въ: и= быва'етъ подо'бенъ человjь'ку горя'щу w\т чесогw'либо вну'трь о_у='ду _о=гне'мъ и='мже пали'мь, и= жже'нiя пла'мене не могi'й терпjь'ти, быва'етъ jа='кw и=зступи'вшiй, и= ниже` сво'й бы'ти w\тню'дъ могi'й. Слеза'ми же полива'емь присноте'чнjь, и= си'ми прохлажда'емь _о='гнь возжига'етъ жела'нiя sjь'льнjье: w\тсю'ду же сле'зы пролива'етъ мно'жае, и= си'хъ и=злiя'нiемъ w=мыва'емь, свjьтлjь'е сiя'етъ. _Е=гда' же ве'сь разже'гся jа='кw свjь'тъ бу'детъ, тогда` и=сполня'ется рече'нное: бг~ъ съ w=божа'емыми w\т негw` человjь'ки соединя'емь и= и='ми познава'емь, и= толи'кw, мо'жетъ бы'ть, _е=ли'кw о_у=же` съ совокупи'вшимися соедини'ся, и= позна'вшымъ w\ткры'ся.

_кс~f. Пре'жде пла'ча и= сле'зъ никто'же на'съ да прельща'етъ тще'тными словесы^, ниже` са'ми прельща'емъ себе`: нjь'сть въ на'съ покая'нiя, ниже` и='стинна раска'янiя, ни стра'ха бж~iя въ сердца'хъ на'шихъ, ни зазрjь'хомъ себе`, ни въ чу'вство бу'дущагw суда` и= вjь'чныхъ му'къ прiи'де душа` на'ша. А='ще бо зазрjь'ли бы'хомъ себе`, и= стяжа'ли бы'хомъ сiя^, и= въ сiя^ пришли` бы'хомъ, а='бiе и= сле'зы произвели` бы'хомъ: си'хъ бо кромjь` ни жестокосе'рдiе на'ше о_у=мягчи'тися когда` мо'жетъ, ни душа` на'ша духо'внw смире'нiе стя'жетъ, ни смире'ни бы'ти возмо'жемъ. Тако'въ же не бы'вый, соедини'тися дх~у ст~о'му не мо'жетъ: сему' же w=чище'нiемъ не соедини'выйся, ниже` во видjь'нiе и= ра'зумъ бж~iй прiити` мо'жетъ, ниже` досто'инъ _е='сть добродjь'телемъ смире'нiя та'инственнjь и=з\ъуча'тися.

_о~. Притворя'ющихся добродjь'тельными, и= ко'жею _о='вчею по w='бразу и='но jа=вля'ющихъ и='но же су'щихъ по вну'треннему человjь'ку, вся'кiя не'гли и=спо'лненныхъ непра'вды, по'лныхъ за'висти и= рве'нiя, и= сласте'й sлосмра'дiя, jа='кw безстра'стныхъ мно'жайшiи, jа='кw ст~ы'хъ (с. 119) чту'тъ, неwчище'нно и=му'ще душе'вное _о='ко, ниже` позна'ти и=`хъ могу'ще w\т плодw'въ и='хъ: во благоговjь'нiи же и= добродjь'тели и= простотjь` се'рдца пребыва'ющихъ, и= ст~ы'хъ су'щихъ вои'стинну jа='кw про'чiихъ w\т человjь^къ пренебрега'ютъ, и= презира'юще и=`хъ притека'ютъ, и= за ничто'же вмjьня'ютъ.

_о~а. Глаго'ливаго и= тщесла'внаго, о_у=чи'тельнымъ па'че и= духо'внымъ таковi'и бы'ти вмjьня'ютъ: молчали'ваго же и= w\т праздносло'вiя блюду'щагося, невjь'ждою и= безгла'снымъ бы'ти о_у=твержда'ютъ.

_о~в. Дх~омъ ст~ы'мъ вjьща'ющаго, высокому'дреннiи и= го'рдостiю неду'гующiи дiа'волею, jа='кw высокому'дра и= го'рда w\твраща'ются, w\т слове'съ _е=гw` о_у=жаса'ющеся, па'че не'жели о_у=миля'ющеся. W\т чре'ва же и=ли` о_у=че'нiй тонкосло'вствующаго, и= проти'ву спасе'нiя своегw` лгу'щаго, вельми` похваля'ютъ и= прiе'млютъ: и= та'кw никто'же _е='сть и=з\ъ таковы'хъ до'брjь, и= jа=кова` _е='сть ве'щь, разсуди'ти и= о_у=ви'дjьти могу'щiй.

_о~г. Блаже'ни, глаго'летъ бг~ъ, чи'стiи се'рдцемъ, jа='кw тi'и бг~а о_у='зрятъ {Матf. _е~, ст. и~.}: чи'сто же се'рдце, не _е=ди'на добродjь'тель, ни двjь`, ни де'сять w=быко'ша соверша'ти, но вся^ вку'пjь, jа='коже рещи`, а='ки _е=ди'на нjь'кая су'щи и= соверше'ннjь и=спра'влени бы'вше: и= ниже` та'кw чи'сто се'рдце _е=ди'ни сотвори'ти мо'гутъ без\ъ дjь'йствiя и= прише'ствiя ст~а'гw дх~а. JА='коже бо кова'чь худо'жество _о=ру'дiи свои'ми показу'етъ, без\ъ _о='гненнагw же дjь'йствiя ничто'же w\тню'дъ произвести` въ дjь'ло мо'жетъ: та'кw и= человjь'къ вся^ твори'тъ, и= jа='кw _о=ру^дiя, о_у=потребля'етъ добродjь'т_ели: без\ъ прише'ствiя же духо'внагw _о=гня`, недjь'йств_енны пребыва'ютъ и= безпол_е'зны, скве'рну и= нечистоту` не w=чища'ющыя душе'вную.

_о~д. W\т бж~е'ственнагw креще'нiя согрjьше'нiй прiе'млемъ w=ставле'нiе и= пре'жднiя кля'твы свобожда'емся, и= прише'ствiемъ ст~а'гw дх~а w=свяща'емся: соверше'нную же благода'ть, по сему`: Вселю'ся въ ни'хъ, и= похожду` {в~ Кор. s~, ст. s~_i.} не тогда`: сiе' бо _е='сть и=звjьстновjь'рныхъ, (с. 120) и= w\т дjь'лъ сiю` показу'ющихъ. По креще'нiи бо на'шемъ, къ лука^вымъ и= сту^днымъ дjья'нi_емъ о_у=клоня'ющеся, и= са'мо то` w=свяще'нiе вся'чески w\тме'щемъ. покая'нiемъ же и= и='сповjьдiю и= слеза'ми по мjь'рjь w=ставле'нiе пре'жнихъ согрjьше'нiй прiе'млемъ: и= та'кw w=свяще'нiе со благода'тiю, jа='же свы'ше прiе'млемъ.

_о~_е. W\тмы'тiе скве'рны сту'дныхъ дjья'нiй покая'нiемъ быва'етъ, посе'мъ же прича'стiе ст~а'гw дх~а: не про'стjь же, но по вjь'рjь, и= завjьща'нiю, и= смире'нiю, w\т всея` души` ка'ющихся: не то'чiю же тогда`, но и= по прiя'тiи соверше'ннагw w=ставле'нiя согрjьше'нiй w\т _о=тца` и= воспрiе'мника. Сегw` ра'ди добро` _е='сть, на вся'къ де'нь ка'ятися, по за'повjьди повелjьва'ющей: пока'йтеся, прибли'жибося ца'рствiе нб\сное {Матf. г~, ст. в~.}, непредjь'льно на'мъ jа=вля'етъ дjь'ланiе.

_о~s. Бл~года'ть всест~а'гw дх~а о_у=невjьща'ющымся хр\сту` душа'мъ jа='кw w=бруче'нiе дае'тся. И= jа='коже без\ъ w=бруче'нiя не и='мать о_у=твержде'нiя жена`, _е='же сочета'нiю съ му'жемъ когда'либо по'длиннw бы'ти: та'кw ниже` душа` тве'рдое прiе'млетъ и=звjь'ствованiе когда'либо, _е='же со вл\дкою свои'мъ и= бг~омъ во вjь'ки вку'пjь бы'ти. И=ли` та'инственнw и= неизрече'ннw съ ни'мъ соединя'тися, и= непресту'пныя добро'ты _е=гw` наслажда'тися, а='ще w=бруче'нiя благода'ти _е=гw` не прiи'метъ, и= разу'мнjь _е=гw` себjь` не стя'жетъ.

_о~з. И='мъ же w='бразомъ пи'ш_емыя согла^сныя хартiи` а='ще по'дписей достовjь'рныхъ свидjь'телей не прiи'мутъ, нjь'сть w=бруче'нiе и=звjь'стно: та'кw ниже` пре'жде дjь'ланiя за'повjьдей и= добродjь'телей стяжа'нiя, просвjьще'нiе благода'ти тве'рдо быва'етъ. _Е='же бо въ согла'сiяхъ свидjь'телiе, сiе` въ духо'внjьмъ w=бруче'нiи дjь'ланiе за'повjьдей и= добродjь'т_ели су'ть: соверше'нное бо си'ми прiе'млетъ w=держа'нiе w=бруче'нiя кi'йждо w\т и=му'щихъ спасти'ся.

_о~и. Пе'рвjье а='ки согла^сiя пи'шутся дjь'ланiемъ за'повjьдей, та'же w\т добродjь'телей запечатлjьва'ются и= подпису'ются: и= тогда` дае'тъ пе'рстень жени'хъ хр\сто'съ невjь'стjь души`, си'рjьчь w=бруче'нiе дх~а.

(с. 121)

_о~f. JА='коже невjь'ста пре'жде бра'ка w=бруче'нiе то'чiю w\т жениха` прiе'млетъ: прида'ное же по согла'сiю и= _о=бjьща'нныя въ _о='номъ да'ры по бра'цjь прiя'ти w=жида'етъ. Та'кw о_у='бw и= невjь'ста вjь'рныхъ це'рковь, и= душа` _е=ди'нагw когw'ждо и=з\ъ на'съ, пе'рвjье w\т жениха` хр\ста` w=бруче'нiе то'чiю прiе'млетъ дх~а: вjь^чная же блага^я и= нб\сное цр\ствiе по w\тше'ствiи w\тсю'ду прiя'ти w=жида'етъ, и=звjьству'ема w=бруче'нiемъ показу'ющимъ _е='й сiя^ jа='кw въ зерца'лjь, и= о_у=твержда'ющимъ блага^я, на ня^же согласи'ся со вл\дкою свои'мъ и= бг~омъ.

п~. JА='коже косня'щу жени'хъ во w\тше'ствiи, и=ли` о_у=пражня'ющуся во и=нjь'хъ нjь'кихъ дjь'лjьхъ, и= бра'къ _е=ще` w\тлага'ющу сотвори'ти, а='ще разгнjь'вавшися невjь'ста, любо'вь _о='нагw пре'зритъ, и= w=бручи'тельную хартiю` и=ли` и=згла'дитъ, и=ли` раздере'тъ: w\тпаде'тъ а='бiе w\т наде'жды на жениха`: та'кw и= съ душе'ю w=бы'че быва'ти: внегда' бо рече'тъ кто` w\т подвиза'ющихся, доко'лjь sлострада'ти до'лженъ _е='смь; и= по'стнич_ескiя по'двиги и= труды` пренебреже'тъ, и= нерадjь'нiемъ за'повjьдей, и= w=ставле'нiемъ всегда'шнягw покая'нiя, а='ки и=згла'дитъ и= раздере'тъ согла^сiя: а='бiе w\тпа'даетъ и= w\т w=бруче'нiя, и= w\т наде'жды на бг~а соверше'ннw.

п~а. JА='коже невjь'ста, а='ще ко и=но'му любо'вь w=бруче'ннагw съ не'ю жениха` прело'житъ, и= сожи'тельствовати и='мать съ ни'мъ jа='вjь и=ли` _о='тай: не то'чiю ничто'же w\т w=бjьща'нныхъ _е='й w\т жениха` прiе'млетъ, но и= ка'зней и= w=сужде'нiя w\т зако'на ча'яти бу'детъ досто'йнw. Та'кw и= съ на'ми быва'ти w=бы'че. А='ще бо прело'житъ кто` любо'вь жениха` хр\ста` на и='ну нjь'кую ве'щь jа='вjь и=ли` _о='тай, и= о_у=де'ржано бу'детъ се'рдце _е=гw` въ не'й: ненави'стно _е='сть женихо'ви, и= ме'рзко и= недосто'йно соедине'нiя _е=гw`. рече` бо: а='зъ лю'бящыя мя` люблю` {При'тч. гл. и~, ст. з~_i.}.

п~в. Подоба'етъ кому'ждо w\т таковы'хъ зна'менiй смотрjь'ти, а='ще w=бруче'нiе ду'ха w\т жениха` и= вл\дки хр\ста` прiя'лъ _е='сть. И= а='ще о_у='бw прiя'лъ _е='сть, да тщи'тся сiе` содержа'ти: а='ще не о_у=` сiе` (с. 122) прiя'ти сподо'бися, да потщи'тся дjь'лы благи'ми и= дjья'нiи и= теплjь'йшимъ покая'нiемъ по си'хъ прiя'ти и= сохрани'ти _е=` дjь'ланiемъ за'повjьдей и= добродjь'телей притяжа'нiемъ.

п~г. JА='коже покро'въ всея` хра'мины w=снова'ньми и= про'чiимъ зда'нiемъ стои'тъ, и= jа='коже w=снова^нiя тогw` ра'ди полага'ются, дабы` держа'ли покро'въ, jа='кw ну^жныя и= потр_е'бныя, и= ниже` покро'въ без\ъ w=снова'нiя стоя'ти w=бы'че, ниже` w=снова^нiя без\ъ покро'ва къ житiю` потр_е'бна и=ли` вся'кw пол_е'зна су'ть: та'кw и= благода'ть дх~а соблюда'ется дjь'ланiемъ за'повjьдей, и= дjья^нiя за'повjьдей по да'ру бж~iю, jа='кw w=снова^нiя полага'ются. И= ниже` бл~года'ть дх~а пребыва'ти въ на'съ w=бы'че без\ъ дjь'ланiя за'повjьдей, ниже` дjь'ланiе за'повjьдей без\ъ благода'ти бж~iя потре'бно и= поле'зно _е='сть.

п~д. И='мже w='бразомъ безпокро'вная хра'мина, w\т нерадjь'нiя созда'вшагw та'кw w=ста'вленная, не то'чiю непотре'бна _е='сть, но и= вино'вна быва'етъ тогw`, _е='же посмjьва'ему бы'ти созда'вшему: та'кw и= w=снова^нiя дjь'ланiя за'повjьдей полага'яй, и= стjь'ны высо'кихъ добродjь'телей возста'вивый, а='ще и= благода'ть ст~а'гw дх~а во видjь'нiи и= ра'зумjь души` прiи'метъ, несоверше'нъ _е='сть, w= не'мже соверше'ннiи состра'ждутъ, w\т двою' бо се'ю вину^ соверше'ннw лиша'ется: и=ли' бо w= покая'нiи вознерадjь`, и=ли` w\т сосло'вiя добродjь'телей, jа='кw w\т безчи'сленнагw вещества` w\тре'кшися, w=ста'ви нjь^кая w\т мня'щихся на'мъ малjь'йшихъ: ну'ждныхъ же су'щихъ къ соверше'нiю до'му добродjь'телей, jа='коже не мощи` без\ъ _о='нjьхъ благода'тiю дх~а покры'тися _е=му`.

п~_е. А='ще сегw` ра'ди на зе'млю сн~ъ бж~iй и= бг~ъ сни'де, да собо'ю со свои'мъ _о=ц~е'мъ примири'тъ на'съ су'щыя враги`, и= совокупи'тъ на'съ себjь` разу'мнw ст~ы'мъ и= _е=диносу'щнымъ дх~омъ свои'мъ. Сея` w\тпа'даяй благода'ти, ку'ю и='ну полу'читъ; ниже` вся'кw примири'ся съ ни'мъ, ниже` соедине'нiе съ ни'мъ прича'стiемъ дх~а и='мать.

п~s. Стра'стныхъ по'хотей и= сласте'й и=збавля'ется причасти'выйся бж~е'ственнагw дх~а: съ тjьле'сными же _е=стества` ну'ждами не (с. 123) разлуча'ется. И= jа='коже о_у='бw свобожде'нъ бы'въ о_у='зъ стра'стнагw похотjь'нiя, совоку'плься съ безсме'ртною сла'вою и= сла'достiю, непреста'ннw горjь` понужда'ется бы'ти, и= съ бг~омъ пребыва'ти, и= ниже` вма'лjь w\т видjь'нiя _е=гw` w\тстоя'ти, и= ненасы'тимагw наслажде'нiя: а= jа='коже тjь'ломъ и= тле'ю w=ко'вываемь сы'й, w\т негw` низвлека'ется и= влече'тся, и= къ з_емны'мъ w=браща'ется: толи'ку тогда` w= си'хъ печа'ль и='мать, _е=ли'ку, мню`, и='мать душа` грjь'шника, разлуча'ющаяся w\т тjь'ла.

п~з. JА='коже мiролюби'вому, тjьлолюби'вому и= жизнолюби'вому, пристра'стному къ вре'менной су'етной жи'зни, и= сластолюби'вому разлуче'нiе w\т таковы'хъ сме'рть _е='сть: та'кw чистолюби'вому и= бг~олюби'вому, невеществолюби'вому и= хр\столюби'вому, сме'рть вои'стинну _е='сть и= ма'лое мы'слiю w\т таковы'хъ разстоя'нiе. А='ще бо свjь'тъ ви'дяй чу'вственный а='ще ма'лw смjьжи'тъ _о='чи, и=ли` лише'нъ бу'детъ си'хъ w\т и=но'гw, печа'луетъ и= скорби'тъ, и= сноси'ти w\тню'дъ сiе` не мо'жетъ, и= наипа'че а='ще ну^ждная нjь^кая и= чу^дная зрjь`: кольми` па'че ст~ы'мъ дх~омъ просвjьща'емый, и= блага^я _о='ная зря'й па'че о_у=ма`, бдя` и= спя`, и='хже _о='ко не ви'дjь, и= о_у='хо не слы'ша, и= на се'рдце человjь'ку не взыдо'ша, въ ня'же прини'кнути а='гг~ли жела'ютъ, а='ще w\тто'рженъ бу'детъ w\т видjь'нiя таковы'хъ, w\т нjь'коегw, w=печа'лится и= w=скорби'тся: сме'рть бо _е=му` пра'веднw мни'тся сiе`, и= w\тчужде'нiе вjь'чныя жи'зни.

п~и. Мно'зи пусты'нное, и=нi'и же сопребыва'тельное, си'рjьчь _о=бщежи'тельное о_у=блажи'ша житiе`. И=нi'и же, _е='же нача'льствовати людьми`, совjь'товати и= о_у=чи'ти, и= составля'ти ц_е'ркви. И=`же разли'чни су'ще, и=нi'и тjьле'снw, и=нi'и душе'внw w=быко'ша препитава'тися: а='зъ же ни _е=ди'но w\т и='хъ па'че друга'гw предпоче'лъ бы'хъ. Ниже` _о=но` о_у='бw похвалы`, сiе' же порече'нiя досто'йно ре'клъ бы'хъ: но во вся'комъ, и= во всjь'хъ дjь'лjьхъ и= дjья'нiяхъ, житiе` бг~а ра'ди и= по бз~jь преблаже'нно _е='сть.

п~f. JА='коже w= разли'чныхъ житiя` и=ску'сствъ и= худо'жествъ человjь'ческое житiе` составля'ется, и=но'му и='но дjь'лающу, jа='вjь jа='кw и= споспjьша'ющу, и= дру'гъ дру'гу преподаю'ще, и= дру'гъ w\т дру'га (с. 124) прiе'млюще. живу'тъ человjь'цы, тjьл_е'сная тре'бwванiя _е=стеству` подаю'ще, та'кw мо'щно о_у=ви'дjьти и= при духо'вныхъ ве'щехъ, и=но'му и='ну добродjь'тель проходя'щу, и= друго'му другi'й житiя` пу'ть соверша'ющу, и= во _е=ди'но намjь'ренiе w\т всjь'хъ си'хъ вси` стека'ются.

ч~. Намjь'ренiе всjь'хъ жи'тельствующихъ по бз~jь _е='сть, _е='же благоугоди'ти хр\сту` бг~у на'шему, и= примире'нiе со _о=ц~е'мъ прiя'ти прише'ствiемъ дх~а и=ли` прича'стiемъ, и= спасе'нiе свое` си'мъ прiwбрjьсти`: сiе' бо вся'кiя души` и= вся'кагw человjь'ка спасе'нiе _е='сть. _Е=му'же не бы'вшу, тще'тенъ тру'дъ, и= су'етно _е='сть дjь'ланiе на'ше, и= безполе'зенъ вся'къ житiя` пу'ть къ сему`, _о='нымъ теку'щагw не приводя'щiй.

ч~а. Мi'ръ ве'сь w=ста'вивый, въ го'ру же jа='кw на безмо'лвiе w\тше'льствовавый, и= w\т_ону'ду тщесла'внjь пиша` къ су'щымъ въ мi'рjь, _о='вjьхъ о_у=блажа'я, _о='вjьхъ же ласка'я и= похваля'я, о_у=подо'бися разве'дшемуся съ жено'ю блудни'цею, во вре'тище w=блече'нною и= всеsло'бною, и= на страну` дале'ку w\тше'дшему, во _е='же и=зба'витися и= па'мяти _о='нjьй, та'же забы'вшему намjь'ренiе, _е=гw'же ра'ди въ го'ру дости'же, и= къ соwбраща'ющымся съ блудни'цею _о='ною да реку`, и= соwскверня'ющымся писа'ти жела'ющему, и= тjь'хъ о_у=блажа'ющему. И='же а='ще и= не тjь'ломъ, но се'рдцемъ вся'кw и= о_у=мо'мъ состра'ждетъ, по намjь'ренiю таковы'хъ прiе'мля, соедине'нiя ра'ди и='хъ со _о='ною.

ч~в. _Е=ли'кw посредjь` мi'ра w=браща'ющiися и= w=чища'ющiи чу^вства и= се'рдце w\т вся'кiя лука'выя по'хоти, су'ть похва'льни и= блаже'ни: толи'кw въ гора'хъ и= въ верте'пjьхъ пребыва'ющiи, и=`же похва'лъ и= о_у=блаже'нiй человjь'ческихъ жела'ютъ, поро'чни су'ть и= w\тве'ржени. JА='коже бо прелюбодjь'йствующiи бу'дутъ пред\ъ бг~омъ и=спыту'ющимъ на^ша сердца`. Жела'яй бо о_у=слы'шану бы'ти житiю` _е=гw` и= и='мени и= жи'тельству въ мi'рjь, любодjь'йствуетъ w\т бг~а, по w='бразу дре'внягw i=уде'йскагw наро'да, jа='коже глаго'летъ давi'дъ.

ч~г. Вjь'рою несомнjь'нною къ бг~у, мi'ра и= jа=`же въ мi'рjь w\трекi'йся, вjь'руетъ, jа='кw ми'лостивъ _е='сть и= ще'дръ гд\сь, и= прiе'млетъ (с. 125) съ покая'нiемъ приступа'ющыя къ нему`, вjь'дый чрез\ъ безче'стiе почита'ти рабы^ своя^, и= чрез\ъ нищету` кра'йнюю w=богаща'ти и=`хъ, чрез\ъ досажд_е'нiя и= о_у=ничиж_е'нiя прославля'ти и=`хъ, и= сме'ртiю вjь'чныя жи'зни прича'стники и= наслjь'дники я=` о_у=строя'ти: поспjьша'етъ jа='кw _е=ле'нь жа'ждущiй, си'ми и=ти` jа='кw по лjь'ствицjь къ безсме'ртному и=сто'чнику и= къ го'рнему, _е='юже а='гг~ли восхо'дятъ и= нисхо'дятъ: бг~ъ же свы'ше, по си'лjь на'шей предложе'нiя и= тща'нiя w=жида'я, сjьди'тъ, не jа='кw трудя'щихся на'съ весели'тся зрjь'ти, но jа='кw до'лгъ мзду` хотя` да'ти на'мъ, чл~вjьколю'бецъ.

ч~д. Бг~ъ несумнjь'ннw къ нему` приходя'щихъ, w\тню'дъ не w=ставля'етъ низпа'сти, но и=знемога'ющихъ ви'дя и=`хъ, содjь'йствуетъ и= помога'етъ, подая` и=`мъ ру'ку си'лы свы'ше, и= къ себjь` w=браща'етъ. Содjь'йствуетъ же ку'пнw jа='вjь и= не jа='вjь, вjь'домw и= невjь'домw: до'ндеже на всю` возше'дше лjь'ствицу, къ нему` прибли'жатся, и= вси` совсjь'мъ соединя'тся, и= вся^ забу'дутъ земна^я, су'ще съ ни'мъ та'мw, а='ще въ тjь'лjь, и=ли` кромjь` тjь'ла не вjь'мъ, и= сожи'тельствующе, и= вjь'чныхъ съ ни'мъ наслажда'ющеся бла^гъ.

ч~_е. Пра'ведно _е='сть, пре'жде и='гу за'повjьдей хр\сто'выхъ подложи'ти своя^ вы^и, и= не jа=ри'тися, ниже` вспя'ть о_у=ступа'ти, но пра'вw и= о_у=се'рднw да'же до сме'рти ходи'ти въ ни'хъ, и= самjь'хъ себе` но'выми дjь'лати, но'вый вои'стинну бж~iй ра'й, до'ндеже сн~ъ со _о=ц~е'мъ чрез\ъ ст~а'го дх~а вни'детъ, и= всели'тся въ на'съ. И= тогда` _е=гда` всего` того` стя'жемъ все'льшася и= о_у=ча'ща себе`, _е=му'же w\т на'съ а='ще что` повели'тъ, и= jа=ково` ввjь'ритъ служе'нiе. сiе` тому` вручи'тся, и= jа='коже _о='ному _е='сть о_у=го'дно, сотвори'тъ о_у=се'рднw. Не лjь'ть же _е='сть, пре'жде вре'мене сiе` и=ска'ти, но ниже` дае'мое w\т человjь^къ прiима'ти, но пребыва'ти въ за'повjьдехъ вл\дки на'шегw и= бг~а, и= повелjь'нiя _е=гw` w=жида'ти.

ч~s. Повнегда` вруче'ну бы'ти на'мъ служе'нiю бж~е'ственныхъ веще'й, и= въ не'мъ просiя'ти, а='ще повелjь'но на'мъ бу'детъ w\т дх~а ко и=но'му прейти` служе'нiю, и=ли` дjь'ланiю, и=ли` дjья'нiю, не сопротивля'имся. (с. 126) Бг~ъ бо ниже` пра^зднымъ на'мъ бы'ти, ниже` въ _е=ди'номъ и= то'мжде дjь'ланiи, _е='же нача'хомъ, до конца` пребыва'ти хо'щетъ: но предспjь'ющымъ и= приснодви^жнымъ бы'ти къ получе'нiю лу'чшихъ, бж~е'ственною си'рjьчь, а= не свое'ю ходя'щымъ во'лею.

ч~з. И='же свою` во'лю тщи'тся о_у=мертви'ти, бж~iю твори'ти во'лю до'лженъ _е='сть, и= вмjь'сто своея` во'ли, бж~iю вводи'ти въ себе`, и= всажда'ти и= вонза'ти сiю` въ се'рдце свое`: и= къ си'мъ w=па'снw смотрjь'ти, а='ще насажда'_ема и= вонза'_ема, _о='ва во глубину` нjь'гдjь вкорени^вшася прозяба'ютъ, _о='ва же соwструпjь'вша и= соедини^вшася, во дре'во быва'ютъ, а='ще возрасто'ша и= процвjьто'ша, и= пло'дъ красе'нъ и= сла'докъ сотвори'ша, jа='коже не не вjь'дjьти _е=му` и= предпод\ъе'мшей сjь'мя земли` и= ко'рени, на не'мже прицjьпи'лося _е='сть недоразумjьва'емое и= неизрече'нное _о='ное, и= живоно'сное прозябе'нiе.

ч~и. W\тсjьца'яй во'лю свою` стра'ха ра'ди бж~iя, невjь'домо та'кw, jа='коже не вjь'сть. Бг~ъ да'руетъ _е=му` во'лю свою`, и= неизглажда'ему ту` соблюда'етъ въ се'рдцjь _е=гw`, и= w\тверза'етъ _о='чи смы'сла _е=гw`, _е='же познава'ти ю=`, и= крjь'пость дае'тъ и=сполня'ти ю=`: сiя' же благода'ть ст~а'гw дх~а дjь'йствуетъ, и= без\ъ нея` ничто'же быва'етъ.

ч~f. А='ще всjь'хъ твои'хъ согрjьше'нiй w=ставле'нiе прiя'лъ _е=си`, и=ли` и='сповjьдiю, и=ли` w=дjья'нiемъ ст~а'гw и= а='гг~льскагw w='браза, коли'кую тебя` сiе` возбужда'етъ и=мjь'ти любо'вь и= благодаре'нiе и= смире'нiе, jа='кw безчи'сленныхъ сы'й муче'нiй досто'инъ, не то'чiю си'хъ и=зба'вился _е=си`, но и= сыноположе'нiя, и= сла'вы, и= небе'снагw сподо'бился _е=си` ца'рства. Сiя^ w=браща'я въ мы'сли, и= вы'ну помышля'я, гото'въ бу'ди, и= пред\ъуготовля'йся не w=безче'стити сотво'ршаго тебе` и= поче'тшаго, и= безчи'сл_енная прости'вшаго согрjьш_е'нiя, но всjь'ми твои'ми дjь'лы просла'вити и= почти'ти _е=го`, да и= то'й тя` вя'щше возпросла'витъ, _е=го'же почте` па'че вся'кiя ви'димыя тва'ри, и= дру'га своего` и=менова'ти тя` бу'детъ и='скрення.

р~. _Е=ли'кw душа` честнjь'йша тjьлесе` _е='сть, толи'кw слове'сный человjь'къ честнjь'йшiй _е='сть всегw` мi'ра, не на вели'чество бо су'щихъ (с. 127) въ не'мъ созда'нiй смотря`, и= сегw` ра'ди честнjь'йшими _о='ныя себе` бы'ти вмjьня'й, человjь'че: но къ да'ннjьй тебjь` благода'ти воззрjь'въ, и= о_у='мныя и= слове'сныя души` твоея` досто'инство о_у=разумjь'въ, воспjьва'й па'че всjь'хъ ви'димыхъ почти'вшаго тя` бг~а.

р~а. Да смо'тримъ, ка'кw просла'вимъ бг~а: сла'вится же w\т на'съ не и=на'кw, то'чiю jа='коже w\т сн~а просла'вися: и='миже бо то'й _о=ц~а` своего` просла'ви, просла'вися и= сн~ъ w\т _о=ц~а` тjь'ми. Та^яжде и= мы` со тща'нiемъ содjь'имъ, да си'ми просла'вимъ прiе'мшаго нарица'тися _о=ц~е'мъ на'шимъ су'щимъ на нб~сjь'хъ, и= просла'вимся w\т негw` си'лою сн~о'внею, ю='же и=мjь'яше о_у= негw`, пре'жде мi'ръ не бы'сть. Сiя' же су'ть кр\стъ, си'рjьчь, о_у=мерщвле'нiе w\т всегw` мi'ра, скw'рби, и=скуш_е'нiя, и= что'либо и='но w\т стр\сте'й хр\сто'выхъ, jа=`же снося'ще терпjь'нiемъ мно'гимъ, подража'емъ хр\стw'вымъ страст_е'мъ. Прославля'емъ же и='ми _о=ц~а` на'шего и= бг~а, jа='кw сы'нове _е=гw` благода'тiю, и= наслjь^дницы хр\стw'вы.

р~в. Душа`, соверше'ннw навыкнове'нiя и= пристра'стiя къ ви^димымъ благоразу'мнw не и=зба'вльшаяся, приключа'ющыяся _е='й печа^ли, и= находя^щая на ню` и=скуш_е'нiя w\т бjьсw'въ и= человjь^къ, безпеча'льнw сноси'ти не мо'жетъ: но а='ки сою'зомъ свя'зана су'щи пристра'стiемъ человjь'ческихъ веще'й, тщето'ю и=мjь'нiя о_у=грыза'ется, и= w= лише'нiи веще'й печа'луетъ, и= w= jа='звахъ, наноси'мыхъ тjьлеси` _е=я`, sjьлw` болjь'знуетъ.

р~г. А='ще кто` w\т навыкнове'нiя и= жела'нiя чу'вственныхъ w\тто'рже ду'шу свою`, и= съ бг~омъ сiю` связа`, не то'чiю и= стяжа^нiя и= пjь'нязи свои` пре'зритъ, и= jа='кw w= чужди'хъ и= стра'нныхъ, лиша'емь си'хъ, не бу'детъ печа'литися, но и= наводи^мая на тjь'ло _е=гw` болjь'зн_енная, съ ра'достiю и= прили'чествующимъ благодаре'нiемъ терпjь'ти бу'детъ, ви'дя при'снw, по сло'ву бж~е'ственнагw а=п\сла, внjь'шняго тлjь'ема человjь'ка, вну'тренняго же де'нь w\т дне` w=бновля'ема. {в~ Кор. гл. д~, ст. s~_i.} И='накw же невозмо'жно _е='сть скw'рби по бз~jь съ (с. 128) ра'достiю претерпjь'ти: ра'зумъ бо соверше'нный въ си'хъ потре'бенъ, и= прему'дрость духо'вная. Си'хъ же лише'нный во тьмjь` безнаде'ждiя и= неразу'мiя при'снw хо'дитъ: не могi'й свjь'та терпjь'нiя и= о_у=тjьше'нiя w\тню'дъ о_у=ви'дjьти.

р~д. Вся'къ мня'йся му'дрствовати w\т и=зуче'ннагw худо'жества, въ та^йны бж~iя прони'кнути и= о_у=ви'дjьти не сподо'бится никогда`, до'ндеже смири'тися пе'рвjье восхо'щетъ, и= бу'й бу'детъ, съ высокоу'мiемъ w\тве'ргши ра'зумъ, _е=го'же стяжа`. Сiе' бо творя'й, и= прему^дрымъ въ бж~е'ственныхъ разумjь'нiяхъ съ несомнjь'нною вjь'рою послjь'дствуя, и= w\т си'хъ руководи'мь, вхо'дитъ съ ни'ми во гра'дъ жива'гw бг~а, и= w\т бж~е'ственнагw дх~а наставля'емь и= просвjьща'емь, зри'тъ и= науча'ется, jа=`же никто'же w\т про'чiихъ человjь^къ о_у=ви'дjьти и= научи'тися когда` мо'жетъ и= быва'етъ тогда` бг~омъ науче'нъ.

р~_е. Науче'нныхъ бг~омъ, о_у=ченицы` прему'дрыхъ вjь'ка сегw` человjь^къ, мня'тъ бы'ти бу'ихъ, са'ми су'ще вои'стинну бу'и, w\т w=б\ъюродjь'вшiя прему'дрости внjь'шнiя и=з\ъwстри'вшеся, ю='же w=буи` бг~ъ, по сло'ву бж~е'ственнагw а=п\сла, ю='же и= бг~осло'вный гла'съ и=сповjь'дуетъ бы'ти зе'мну, душе'вну, бjьсо'вску, по'лну рве'нiя и= за'висти. {I=а'кwв. г~, ст. _е~_i.} Внjь' бо су'ще таковi'и бж~е'ственнагw свjь'та, не могу'ще о_у=ви'дjьти чудеса`, jа=`же въ не'мъ, водворя'ющихся во свjь'тjь, и= jа=`же въ не'мъ, ви'дящихъ, и= о_у=ча'щихъ, jа='кw прельще'нныхъ вмjьня'ютъ, прельще'ни су'ще са'ми, и= невку'сни неизрече'нныхъ бж~iихъ бла^гъ.

р~s. JА='кw и= ны'нjь су'ть безстра'стнiи и= ст~i'и, и= и=спо'лненнiи бж~е'ственнагw свjь'та, пребыва'ющiи посредjь` на'съ, и= толи'кw о_у=мертви'вшiи о_у='ды своя^, jа=`же на земли`, w\т вся'кiя нечистоты` и= стра'стнjьйшiя по'хоти, jа='кw не то'чiю w\т себе` никогда'же помышля'ти и=ли` сотвори'ти что` w\т sлы'хъ, но ниже` w\т и=но'гw на сiе` влекw'мымъ, и=змjьне'нiе нjь'кое прили'чествующагw себjь` безстра'стiя терпjь'ти: вjь'дjьли бы си'хъ, а='ще бы вjь'дjьли на вся'къ де'нь чтw'мая бж~е'ств_енная словеса`, и= пjьва'_емая w\т ни'хъ (с. 129) не разли'чiе такwвы'мъ припису'ющiи, и= невjь'рующiи w= бж~е'ственныхъ та'инствахъ о_у=ча'щымъ прему'дростiю дх~а. А='ще бо разумjь'ли бы'ша соверше'ннjь бж~е'ственное писа'нiе, вjь'ровали бы'ша глагw'ланнымъ w\т бг~а, и= дарwва'ннымъ на'мъ благи^мъ. А= поне'же неприча'стни су'ть таковы'хъ бла^гъ w\т возноше'нiя и= нерадjь'нiя, и= прича'стникwвъ бы'вшихъ, и= w= таковы'хъ о_у=ча'щихъ не вjь'рующе w=болгава'ютъ.

р~з. Сегw` ра'ди то'чiю приходи'ти и= ви'дjьти су'щихъ въ мi'рjь хотя'тъ, благода'ти бж~iя и=спо'лненнiи, и= соверше'ннiи ра'зумомъ и= прему'дростiю, jа='же свы'ше, да мзду` нjь'кую подаду'тъ и=`мъ воспомина'нiемъ за'повjьдей бж~iихъ, и= благодjь'ланiемъ, а='ще послу'шаютъ, а='ще о_у=разумjь'ютъ и= повину'тся. Поне'же бж~iимъ не води'мiи дх~омъ во тьмjь` хо'дятъ, и= не вjь'дятъ, ниже` гдjь` и='дутъ, ниже` въ кi'ихъ пред\ъуспjьва'ютъ за'повjьдехъ. Не'гли бо нjь'когда воспряну'вше w\т w=бдержа'щагw и=`хъ мнjь'нiя, прiи'мутъ и='стинное ст~а'гw дх~а о_у=че'нiе, и= во'лю бж~iю и='скреннjь и= не корче'мнjь слы'шавше пока'ются, и= сотво'рше ю=`, прича^стницы бу'дутъ нjь'коегw дарова'нiя духо'вна. А='ще же таковы'я по'льзы не возмо'гутъ и=`мъ бы'ти вино'вни, пла'чуще w= w=слjьпле'нiи се'рдца и='хъ, возвратя'тся во хра^мины ке'ллiи своея`, но'щь и= де'нь моля'щеся w= спасе'нiи и='хъ. W= и=но'мъ бо чесо'мъ никогда'же w=печа'лятся съ бг~омъ непреста'ннw су'щiи, и= преисполня'ющiися вся'кагw бла'га.

р~и. Ко'е намjь'ренiе _е='сть смотре'нiя воплоще'нiя бж~iя сло'ва, во все'мъ бж~е'ственномъ писа'нiи проповjь'дуемое, и= w\т на'съ прочи'тываемое, но не познава'емое; То'чiю, да прiwбщи'вся на'шегw [_е=стества`] прича'стники сотвори'тъ ны` своегw`: сн~ъ бо бж~iй сегw` ра'ди сн~ъ человjь'чь бы'сть, да сы'ны бж~iя сотвори'тъ ны` человjь'ки, _е='же _е='сть по _е=стеству` то'й, [къ сему`] по благода'ти возводя` ро'дъ на'шъ, ражда'я ны` свы'ше дх~омъ ст~ы'мъ, и= а='бiе вводя` ны` въ ца'рствiе небе'сное, па'че же вну'трь на'съ ца'рствiе небе'сное и=мjь'ти на'мъ да'руя, {Луки` з~_i, ст. к~а.} jа='кw не во о_у=пова'нiи бы'ти на'мъ, _е='же (с. 130) вни'ти во _о='ное, но w=бдержа'щымъ сiе` вопи'ти: живо'тъ же на'шъ сокрове'нъ _е='сть со хр\сто'мъ въ бз~jь.

р~f. Самовла'стiя и= самопроизволе'нiя на'шегw не w\те'млетъ креще'нiе, но свобо'ду на'мъ да'руетъ, _е='же не ктому`, и= не хотя'щымъ на'мъ му^чимымъ бы'ти w\т дiа'вола. Въ на'шемъ же произволе'нiи _е='сть, по креще'нiи и=ли` пребыва'ти самово'льнjь въ за'повjьдехъ хр\ста`, въ него'же крести'хомся, вл\дки бг~а, и= путе'мъ ходи'ти повелjь'нiй _е=гw`, и=ли` о_у=клоня'тися w\т пра'вагw пути` сегw`, и= къ супоста'ту и= врагу` на'шему дiа'волу лука'выми дjья'ньми вспя'ть возврати'тися.

р~_i. Повину'ющiися по ст~jь'мъ креще'нiи хотjь'нiямъ лука'вагw, и= совjь'ты _о='нагw и=сполня'ющiи, самjь'хъ себе` w\т ст~ы'хъ ложе'снъ ст~а'гw креще'нiя w\тчужда'ютъ, по рече'нному w\т дв~да. Ниже' бо и=змjьня'ется кi'йждо w\т на'съ, и=ли` w\т тогw` _е=стества`, jа='коже созда'ся, прелага'ется: {_Псал. н~з, ст. д~.} но бла'гъ созда'нъ бы'въ w\т бг~а, [sло'е бо бг~ъ не сотвори`] непрело'женъ _е=стество'мъ, jа='коже созда'ся, и= существо'мъ сы'й, jа=`же доброво'льною мы'слiю произволя'етъ и= хо'щетъ, сiя^ и= содjьва'етъ, а='ще блага^я, а='ще sла^я. JА='коже бо ме'чь, а='ще и= на sло` кто` то'й, а='ще и= на добро` о_у=потреби'тъ, w\т своегw` не прелага'ется _е=стества`, но пребыва'етъ желjь'зо су'щи: та'кw и= человjь'къ дjь'йствуетъ о_у='бw и= содjьва'етъ, та'коже рече'ся, jа=`же хо'щетъ: и=з\ъ своегw' же не и=зступа'етъ _е=стества`.

ра~_i. Спаса'етъ не сiе`, _е='же _е=ди'наго поми'ловати: но, _е='же _е=ди'нагw презрjь'ти, во _о='гнь посыла'етъ. Взалка'хся бо, и= возжада'хся, не jа='кw _е=ди'ною, рече'ся, ни jа='кw во _е=ди'нъ де'нь, но чре'зъ все` житiе` jа=вля'етъ: не jа='кw напита'тися хр\сту`, напои'тися и= w=дjь'ятися, и= что'либо и='но си^мъ послjь'дствуетъ, не _е=ди'ною, но jа='кw вы'ну и= во всjь'хъ w\т рабw'въ свои'хъ сiя^ прiе'млетъ, и=сповjь'да гд\сь на'шъ и= бг~ъ. {Матf. к~_е, ст. л~_е.}

рв~_i. Стw'мъ да'вый ми'лостыню, могi'й же и= други^мъ да'ти, напои'ти же и= напита'ти мно'гихъ моля'щихъ _е=го`, и= вопiю'щихъ (с. 131) w\тсла'вый, jа='кw ни напита'въ хр\ста`, суди'мь бу'детъ w\т негw`. Поне'же во _о='нjьхъ всjь'хъ са'мъ то'й _е='сть, и='же и= во _е=ди'номъ ко'емждо w\т малjь'йшихъ пита'емь _е='сть w\т на'съ.

рг~_i. Всjь^мъ о_у='бw вся^ къ тре'бованiю тjьлесе` пода'вый дне'сь, могi'й же и= нау'трiе сiе` сотвори'ти, а='ще вознеради'тъ w= нjь'коей бра'тiи, и= гла'домъ, и= жа'ждою, и= хла'домъ w=ста'витъ о_у=мре'ти, презрjь'лъ ю=`, _е='же о_у=мре'ти, презрjь'лъ и= самаго` ре'кшаго: Поне'же сотвори'сте _е=ди'ному си'хъ ме'ньшихъ, мнjь` сотвори'сте.

рд~_i. Сегw` ра'ди коегw'ждо о_у=бо'га лице` воспрiя'ти благоизво'ли, и= вся'кому о_у=бо'гу себе` о_у=подо'би, да никто'же w\т вjь'рующихъ въ него`, на бра'та возно'сится: но кi'йждо ви'дя бра'та своего` и= бли'жняго jа='кw бг~а своего`, да вмjьня'етъ малjь'йша себе` па'че бра'та, jа='кw старjь'йшагw _е=гw`, и= jа='кw сего` да прiе'млетъ и= почита'етъ, и= вся^ да и=стощава'етъ и=мjь^нiя къ служе'нiю _е=гw`, jа='коже хр\сто'съ и= бг~ъ на'шъ и=стощи'лъ _е='сть кро'вь свою` за спасе'нiе на'ше.

р_е~_i. _Е=му'же бли'жняго и=мjь'ти jа='кw самаго` себе` повелjь'но бы'сть, то'й не _е=ди'нъ де'нь, но чрез\ъ все` житiе` сего` и=мjь'ти та'кw до'лженъ _е='сть: и= _е=му'же вся'кому прося'щему дая'ти повелjь'но, сiе` твори'ти повелjьва'ется _е=му` во все'й жи'зни свое'й. И= хотя'й, да творя'тъ _е=му` и=нi'и блага^я, jа=`же хо'щетъ, сiя^ и= то'й твори'ти и=нjь^мъ потре'бу и=мjь'ти бу'детъ.

рs~_i. Jа='коже о_у=`бо и=мjь'яй бли'жняго jа='кw самаго` себе` ничто'же и=мjь'ти мно'жае бли'жнягw те'рпитъ. А='ще же и='мать, и= не подае'тъ и=з\ъ_оби'льw, до'ндеже и= са'мъ ни'щь бу'детъ, и= бли^жнимъ свои'мъ о_у=подо'битися, за'повjьди вл\дчнiя и=сполни'тель не w=брjьта'ется. Ни и='же всjь^мъ прося'щымъ дая'ти хотя'й, а='ще да'же до пjь'нязя и=ли` о_у=кру'ха хлjь'ба и=мjь'я, w\тврати'тъ кого` w\т прося'щихъ о_у= негw`: ни'же бли'жнему не творя'й, _е=ли'кw хо'щетъ, да и='нъ сотвори'тъ къ нему`. Та'кw и= вся'каго о_у=бо'га и= малjь'йша напита'вый, напои'вый, w=дjь'явый, и= и='ная вся^ пред\ъ ни'мъ содjь'лавый, _е=ди'наго (с. 132) же то'чiю пренебрегi'й, и= того` презрjь'вый, jа='кw хр\ста` бг~а презрjь'въ а='лчуща и= жа'ждуща и= то'й вмjьни'тся.

рз~_i. Тя'гостна сiя^ всjь^мъ не'гли jа=вя'тся, тjь'мже и= возмня'тъ благосло'внjь глаго'лати въ себjь`: кто` о_у='бw сiя^ вся^ сотвори'ти мо'жетъ, jа='коже всjь^мъ послужи'ти и= напита'ти, и= w\тню'дъ кого` w\т си'хъ не презрjь'ти: Но да о_у=слы'шатъ па'vла, проявле'ннjь вопiю'ща: Любы` во хр\сто'ва w=бдержи'тъ на'съ суди'вшихъ сiе`, jа='кw а='ще _е=ди'нъ за всjь'хъ о_у='мре, то` о_у='бw вси` о_у=мро'ша. {в~ Кор. _е~, ст. д~_i.}

ри~_i. JА='коже гла'внjьйшыя за'пwвjьди w=бдержа'тъ въ себjь` всjь` ча^стныя за'пwвjьди, та'кw и= гла'внjьйшыя добродjь'т_ели w=б\ъе'млютъ въ себjь` ча^стныя добродjь'т_ели: прода'вый бо и=мjь'нiе свое`, и=ли` расточи'вый _е=` ни'щымъ, и= о_у=бо'гъ _е=ди'ною бы'вый, вся^ _е=ди'ною ча^стныя за'пwвjьди и=спо'лни: не ктому' бо потре'бу и='мать прося'щему дая'ти, и=ли' не w\тврати'тися w\т хотя'щагw зая'ти w\т негw`. Та'кw и= непреста'ннw моля'йся въ се'мъ вся^ созаключи`, и= не ктому` седмери'цею дне'мъ хвали'ти гд\са, и=ли` ве'черъ, и= зау'тра, и= полу'дне ну'жду и='мать, jа='кw вся^ о_у=же` и=спо'лнивъ: _е=ли^ка о_у=`бо пра'вильнjь и= во w=предjьл_е'нныя времена` и= часы` мо'лимся и= пое'мъ. Та'кw и= даю'щаго ра'зумъ человjь'кwмъ бг~а стяжа'вый въ себjь` разу'мнw, все` ст~о'е писа'нiе про'йде, и= вся'ку w\т чте'нiя по'льзу прiwбрjь'те, и= не ктому` кни'ги чте'нiя востре'буетъ: ка'кw бо востре'буетъ вдохну'вшаго въ написа'вшихъ бж~е'ств_енная писа^нiя собесjь'дникомъ стяжа'вый, и= w\т негw` науча'емый неизреч_е'ннымъ сокров_е'ннымъ та'йнамъ; Но кни'га сiя` прw'чiимъ бг~одухнове'нна бу'детъ, нw'выя и= др_е'внiя та^инства содержа'щи, пи^санная пе'рстомъ бж~iимъ въ не'й: jа='кw вся^ соверши'въ и= почи'въ w\т всjь'хъ дjь'лъ свои'хъ въ бз~jь, въ нача'льнjьмъ соверше'нствjь.

рf~_i. Приключа'ющееся во снjь` и=стече'нiе w\т мно'гихъ ви'нъ w=бы'че быва'ти: w\т чревобjь'сiя, w\т тщесла'вiя, и= w\т за'висти бjьсw'въ. (с. 133) Быва'етъ же и= w\т мно'га бдjь'нiя, ко сну` клоня'щуся тjьлеси`: и= w\т стра'ха, _е='же не пострада'ти сiе`: и=ли` бж~е'ственныя ра'ди лiтургi'и сщ~е'ннику су'щу, и=ли` и= ра'ди причаще'нiя: и= съ си'ми по'мыслы сочетава'яся боя'знь на _о=дрjь`, _е='же ка'кw не пострада'ти, о_у=сну'въ сiе` стра'ждетъ: и= сiе` са'мое за'висти бjьсо'вскiя _е='сть дjь'ло. И= и='накw: ви'дjьвъ кто` благозра'чно лице` во дни`, та'же на ло'жи напису'я сiе` въ мы'сли, о_у='снетъ съ блу'дными пw'мыслы, по разслабле'нiю не w\три'нувъ и=`хъ, па'даетъ во снjь`, не'гли же и= бо'дръ лежа` на ло'жи. И= и='накw су'ть нjь'цыи о_у=ны'ли, jа='коже а='зъ, сjьдя'щiи, и= w= стра'стныхъ бесjь'дующiи ве'щехъ, и=ли` стра'стнjь, и=ли` ни`; та'же на ло'же гряду'ще, и= сiя^ во о_у=мjь` и=му'ще, и= съ сочита'нiемъ си'хъ о_у=сыпа'юще, во снjь` стра'ждутъ, не'гли же и= въ са'мой бесjь'дjь w\т _е=ди'нагw человjь'ка другi'й вре'дъ прiя'тъ. Сегw` ра'ди внима'ти себjь` подоба'етъ всегда`, и= словеси` проро'ческому поуча'тися: Предзрjь'хъ гд\са предо мно'ю вы'ну, jа='кw w=десну'ю мене` _е='сть, да не подви'жуся: {_Псал. _е~_i, ст. и~.} и= слу'хъ загражда'ти w\т таковы'хъ слове'съ. Мно'жицею и= w\т моли'твы нjь'цыи о_у=праздни'вшеся, въ движ_е'нiя плотска^я ври'нушася, jа='коже и= во главjь` w= моли'твjь jа=ви'хомъ.

р~к. Бра'те, въ нача'лjь w\трече'нiя потщи'ся благi^я добродjь'т_ели въ тебjь` само'мъ насади'ти, jа='кw да и= _о='бществу бу'деши потре'бенъ, и= возвели'читъ тя` напослjь'докъ гд\си. Да не и='маши когда` дерзнове'нiя пред\ъ и=гу'меномъ, jа='коже и= во и=но'мъ мjь'стjь рjь'хомъ, ниже` и=щи` w\т негw` че'сти. Да не стя'жеши дру'жбы съ преиму'щими, ниже` к_е'ллiи и='хъ w=бходи`, вjь'дый, jа='кw си'мъ не то'чiю стра'сть тщесла'вiя вкореня'тися начина'етъ въ тебjь`, но и= ненави'димь w\т предстоя'теля бу'деши: а= _е='же ка'кw, разумjь'яй да разумjь'етъ. Сjьди' же въ ке'ллiи твое'й, jа='коже возмо'жно _е='сть, съ ми'ромъ: и= w\т хотя'щагw съ тобо'ю бесjь'довати да не w\тврати'шися благоговjь'нiя ра'ди, но совjь'томъ _о=те'ческимъ съ си'мъ бесjь'довавъ не повреди'шися, а='ще _о='нъ и= w\т сопроти'вныхъ _е='сть: (с. 134) а='ще же не ви'диши поле'зно сiе`, намjь'ренiю поле'зному подоба'етъ слjь'довати.

рк~а. Подоба'етъ же вы'ну стра'хъ бж~iй и=мjь'ти, и= на вся'къ де'нь себе` и=стя'зовати: что` о_у='бw бла'го, что' же w\т sлы'хъ содjь'яно _е='сть тобо'ю. И= блага^я о_у='бw забы'ти, да не ка'кw въ стра'сть тщесла'вiя впаде'ши: w= сопроти'вныхъ же сле'зы и=злива'ти со и=сповjь'данiемъ и= моли'твою крjь'пкою. Да бу'детъ же и=стяза'нiе та'кw, сконча'вшуся дню`, и= ве'черу пости'гшу, въ себjь` размышля'ти: ка'кw о_у=`бо съ по'мощiю бж~iею де'нь проведо'хъ; Не w=суди'хъ ли кого`, и=ли` досади'хъ, и=ли` соблазни'хъ; и=ли` на лице` чiе` стра'стнjь смотрjь'хъ: и=ли` настоя'теля въ служе'нiи преслу'шахъ, и= w= то'мъ вознеради'хъ; и=ли` прогнjь'вахся на кого`; и=ли` въ собра'нiи стоя'щу ми`, о_у=мо'мъ въ безполе'зныхъ о_у=пражня'хся; и=ли` о_у=ны'нiемъ w=тягче'нъ бы'въ, це'ркве и= пра'вила о_у=дали'хся; _Е=гда' же во всjь'хъ си'хъ себе` непови'нна w=бря'щеши, _е='же _е='сть невозмо'жно: Никто'же бо чи'стъ _е='сть w\т скве'рны ниже` а='ще _е=ди'нъ де'нь бу'детъ житiя` _е=гw`: {I='wва д~_i, ст. д~.} и= никто'же похва'лится чи'сто и=мjь'ти се'рдце: {При'тч. к~, ст. f~.} тогда` къ бг~у со мно'гими слеза'ми возопi'й: гд\си! прости` мя`, _е=ли^ка сло'вомъ и= дjь'ломъ и= вjь'дjьнiемъ, и= невjь'дjьнiемъ согрjьши'хъ: мнw'га бо согрjьша'емъ, и= не вjь'мы.

рк~в. Подоба'етъ же на вся'къ де'нь и=сповjь'дати вся'кiй по'мыслъ духо'вному _о=тцу`, и= глаго'лемое тебjь` w\т негw`, jа='кw w\т бж~iихъ о_у='стъ, прiима'ти со вся'кимъ и=звjьствова'нiемъ, и= не произноси'ти и=но'му кому` сiя^: jа='кw сiе` и= сiе` вопроси' мя _о=те'цъ, и= сiе' ми провjьща`: и= добро' ли о_у='бw рече`, и=ли` ни`: и= что` о_у='бw до'лженъ _е='смь содjь'яти ко о_у=врачева'нiю; Сi'и бо глаго'лы невjь'рiя по'лны су'ть ко _о=тцу` и= душевр_е'дны, jа=`же наипа'че случа'тися w=быко'ша съ новонача'льными.

рк~г. Подоба'етъ же всjь'хъ су'щихъ во _о=бщежи'тiи jа='кw ст~ы'хъ зрjь'ти, и= себе` то'чiю грjь'шна и= послjь^дня помышля'ти: jа='кw и=з\ъ всjь'хъ спаса'емыхъ _о='нъ _е=ди'нъ му'читися и='мать въ де'нь (с. 135) _о='ный. И= въ собра'нiи стоя`, сiе` помышля'я да не преста'неши со о_у=миле'нiемъ те'плjь пла'кати, не творя` сло'ва соблазня'ющымся w= се'мъ, и=ли` посмjьва'ющымся. А='ще же ви'диши себе` w\т сегw` во тщесла'вiе пополза'ющася, и=зходя` и=з\ъ це'ркве вта'йнjь сiе` твори`, па'ки ско'рw въ свое` мjь'сто возвраща'яся. Сiе' бо новонача^льнымъ sjьлw` _е='сть добро`: па'че же во вре'мя шесто_пса'лмiя, и= стiхосло'вiя, и= чте'нiя, и= бж~е'ственной лiтургi'и. Внемли' же, дабы` не w=суди'ти когw`, но сiе` положи` во о_у=мjь`, jа='кw _е=ли'цы ви'дятъ мя` та'кw пла'чуща, помышля'юще многогрjь'шна бы'ти мене`, мо'лятся w= мое'мъ спасе'нiи. И= вои'стинну, сiе` при'снw помышля'я и= непреста'ннw соверша'я, вельми` воспо'льзуешися, и= благода'ть бж~iю привлече'ши, и= бж~е'ственнагw блаже'нства прича'стникъ бу'деши.

рк~д. Да не прихо'диши же въ ке'ллiю чiю` кромjь` и=гу'менскiя, и= сiе` рjь'дцjь. Но а='ще w= по'мыслjь ко'емъ того` вопроси'ти хо'щеши: въ це'ркви сiе` твори`. W\т собра'нiя же а='бiе въ ке'ллiю w\тходи`, та'же си'це на служе'нiе. По па'вечерницjь же внjь` ке'ллiи и=гу'менскiя положи'въ покло'нъ: и= прося` моли'твы, па'ки пони'къ съ молча'нiемъ въ ке'ллiю притека'й: лу'чше бо _е='сть _е=ди'но трист~о'е со внима'нiемъ, внегда` ко сну` w\тходи'ти, не'жели бдjь'нiе четыре'хъ часw'въ въ бесjь'дахъ безполе'зныхъ. _О=ба'че и=дjь'же _е='сть о_у=миле'нiе и= пла'чь духо'вный, та'мw и= просвjьще'нiе бж~е'ственно: сегw' же наи'тiемъ w\тгоня'ется о_у=ны'нiе и= неду'гъ.

рк~_е. Любо'вь же _о=со'бну съ каковы'млибо лице'мъ да не стя'жеши, па'че же съ новонача'льнымъ, а='ще и= возмни'тся ти` житiе` и=зря'нjьйше и=мjь'ти, а= не зазо'рно. И='бо w\т духо'вныя любве` прелага'етъ тя` въ стра'стну наиможа'йше, и= впа'даеши въ скw'рби безпол_е'зны: сiе' бо наипа'че w=бы'че подвиза'ющымся случа'тися. _О=ба'че смире'нiе и= ча'стая моли'тва сему` нау'читъ: не бо` _е='сть вре'мя подро'бнw w= си'хъ глаго'лати, разумjь'яй же да разумjь'етъ.

рк~s. Подоба'етъ же и=мjь'ти себе` w\т вся'кагw бра'та су'щаго во _о=бщежи'тiи стра'ннымъ, мно'жае же w\т зна'емыхъ въ мi'рjь: (с. 136) всjь'хъ же ра'внw люби'ти, и= благоговjь'йныхъ и= подвиза'ющихся jа='кw ст~ы'хъ вмjьня'ти: w= су'щихъ же, jа='коже а='зъ, о_у=ны'лыхъ о_у=се'рднw моли'тися. _О=ба'че, jа='коже вы'шше jа=ви'хомъ, всjь'хъ ст~ы'ми вмjьня'я, тщи'ся пла'чемъ w\т страсте'й w=чи'ститися, jа='кw да просвjьти'шися w\т благода'ти, всjь'хъ ра'внjь вмjьня'ти: и= блаже'нство чи'стыхъ се'рдцемъ получи'ши.

рк~з. Сiе' же вмjьня'й, бра'те, глаго'латися w\тше'льство соверше'нно w\т мi'ра, всеконе'чное во'ли своея` о_у=мерщвле'нiе: та'же къ роди'тел_емъ, дома^шнимъ и= другw'мъ безпристра'стiе и= w\трече'нiе.

рк~и. Та'же, и= _е='же всегw` w=бнажи'тися и=мjь'нiя, раздjьли'вшу о_у=бw'гимъ, по ре'кшему: Прода'ждь и=мjь'нiе твое`, и= да'ждь ни'щымъ: {Матf. f~_i, ст. к~а.} и= забы'ти ли'ца всjь'хъ, jа=`же по свойству` люби'лъ _е=си` и=ли` тjьле'снjь, и=ли` духо'внjь.

рк~f. И= и=сповjь'данiе всjь'хъ та'йныхъ се'рдца w\т младе'нчества и= да'же до сегw` часа` тобо'ю содjь'янныхъ, духо'вному _о=тцу`, и=ли` и=гу'мену, jа='кw самому` бг~у и=стязу'ющему сердца` и= о_у=трw'бы, вjь'дая, jа='кw i=wа'ннъ креща'ше креще'нiемъ покая'нiя, и= вси` грядя'ху къ нему`, и=сповjь'дающе грjьхи` своя^. {Ма'рка гл. а~, ст. д~ и= _е~.} И='бо w\т сегw` вели'ка ра'дость души`, и= w=блегче'нiе со'вjьсти быва'етъ, по проро'ческому словеси`: Глаго'ли ты` пе'рвjье грjьхи` твоя^, да w=правди'шися. {И=са'iи гл. м~г, ст. к~s.}

р~л. _Е='же положи'ти въ по'мыслjь таково'е и=звjьствова'нiе по вхо'дjь во _о=бщежи'тельство, jа='кw о_у=мро'ша вси` роди'телiе и= дру'зи, и= то'чiю вмjьня'ти за _о=тца` и= ма'терь, бг~а и= предстоя'теля: и= никогда'же тjьле'сныя ра'ди тре'бы w\т ни'хъ что` попроси'ти. А='ще же и= про'мысломъ w\т ни'хъ что` тебjь` по'слется, прiими`, и= помоли'ся w= и='хъ прилjьжа'нiи, и= пода'й по'сланное въ страннопрiи'мницу, и=ли` въ больни'цу. И= сiе` сотвори` со смире'нiемъ: не бо соверше'нныхъ _е='сть сiе`, но малjь'йшихъ.

рл~а. Твори'ти же вся'ку ве'щь, jа='же _е='сть добра`, со смире'нiемъ помышля'ющу w= ре'кшемъ: _Е=гда` сотворите` вся^, глаго'лите, (с. 137) раби` неключи'ми _е=смы`: _е='же до'лжни бjь'хомъ сотвори'ти сотвори'хомъ. {Луки` гл. з~_i, ст. _i~. }

рл~в. Храни'тися же, и= дабы` никогда'же причаще'нiя прiя'ти, и=му'щу ти` на кого` да'же и= прило'гъ по'мысла, доне'лjьже покая'нiемъ примире'нiе содjь'лаеши: _о=ба'че и= сему` w\т моли'твы научи'шися.

рл~г. Гото'ву же бы'ти на вся'къ де'нь къ под\ъя'тiю вся'кiя ско'рби, помышля'ющу, jа='кw сi'и и=збавле'нiе су'ть w\т мно'гихъ долгw'въ, и= благодаре'нiя ст~о'му бг~у. W\т си'хъ бо стяжева'ется дерзнове'нiе непосты'дно, по сло'ву вели'кагw а=п\сла: Ско'рбь бо терпjь'нiе содjь'ловаетъ, терпjь'нiе же и=ску'сство, и=ску'сство же о_у=пова'нiе, о_у=пова'нiе же не посрами'тъ. {Ри'мл. гл. _е~, ст. г~, д~, _е~.} И='бо и='хже _о='ко не ви'дjь, и= о_у='хо не слы'ша, и= на се'рдце человjь'ку не взыдо'ша, {а~ Корi'н. гл. в~, ст. f~.} сiя^ су'ть по нело'жному w=бjьтова'нiю показу'ющымъ въ ско'рбехъ терпjь'нiе, содjь'йствующей благода'ти: без\ъ благода'ти бо не мо'жетъ что'либо и=спра'витися.

рл~д. Не стяжа'ти же что` w\т веще'ственныхъ въ ке'ллiи да'же и= и=глы`, кромjь` рогози'ны, ко'жи _о='вчiя, и= ря'сы, и= тогw`, и='мже w=дjь'ешися, а='ще возмо'жно, ниже` подно'жiя: _е='сть бо и= w= си'хъ нjь'кое сло'во. _О=ба'че разумjь'яй да разумjь'етъ.

рл~_е. Ниже` па'ки проси` w\т и=гу'мена нjь'что w\т потре'бныхъ веще'й, кромjь` предрече'нныхъ, и= сiя^ _е=гда` са'мъ призва'въ пода'стъ, ника'коже повину'яся совjь'тующему по'мыслу премjьни'ти нjь'что w\т подае'мыхъ, но jа=кова` су'ть, jа='кw w\т бг~а съ благодаре'нiемъ прiима'й, и= тjь'ми w=кормля'йся: невозмо'жно же купова'ти и='но. W=черне'нную же ри'зу два'жды въ лjь'то подоба'етъ и=змыва'ти, прося'щу въ w='бразjь ни'ща и= стра'нна со вся'кимъ смире'нiемъ о_у= и=но'гw бра'та _о=де'жды, доне'лjьже своя` и=змове'нна w\т со'лнца и=зсо'хнетъ. Та'же си'це па'ки съ благодаре'нiемъ w\тдая'ти, та'кожде и= ря'су и= что'либо и='но.

рл~s. Труди'тися же по си'лjь въ служе'нiи, въ ке'ллiи же пребыва'ти въ моли'твjь со о_у=миле'нiемъ и= внима'нiемъ, и= ча'стыми (с. 138) слеза'ми, и= не полага'ти въ мы'сли, jа='кw дне'сь преизли'шше о_у=труди'вся, о_у=йму` нjь'что w\т моли'твы тjьле'снагw ра'ди труда`: глаго'лю бо ти`, jа='кw _е=ли'кw а='ще кто` себе` пону'дитъ въ служе'нiи лиши'вся моли'твы, ве'лiе нjь'что погуби'ти да мни'тся. Та'кw бо _е='сть.

рл~з. Пре'жде же всjь'хъ притека'ти въ церкw'вная собра^нiя, и= по'слjьжде w\тходи'ти, кромjь` вели'кiя ну'жды, па'че же на о_у='трени и= на лiтургi'и.

рл~и. Вся'кое же повинове'нiе стяжа'ти къ твоему` и=гу'мену, w\т негw'же и= постри'глся _е=си`, и= несумнjь'ннw повелjьва^емая w\т негw` и=сполня'ти да'же до сме'рти, а='ще и= невозмо'жно тебjь` мни'тся: въ се'мъ бо подража'еши послу'шавшагw да'же до сме'рти, сме'рти же кре'стныя. Не то'чiю же и=гу'мена, но и= все` бра'тство, и= того`, _е=му'же служ_е'нiя вруч_ена` су'ть, не подоба'етъ преслу'шати въ чесо'мъ: но а='ще и= па'че си'лы бу'детъ повелjьва'емое, положи'въ покло'нъ, проси` проще'нiя. А='ще же на сiе` не соизволя'етъ, помышля'й самаго` себе` ну'дити: ну'дящихся бо ца'рствiе небе'сное _е='сть, и= ну'ждницы восхища'ютъ _е~. {Матf. гл. а~_i, ст. в~_i.}

рл~f. _Е='же съ сокруше'ннымъ се'рдцемъ поверга'тися при нога'хъ всегw` бра'тства, jа='кw безвjь'стну и= незна'ему, и= w\тню'дъ не су'щу. И='бо си'це въ житiи` пребыва'яй, дерза'ю рещи`, прозри'теленъ бы'въ, мнw'га предглаго'летъ благода'ти содjь'йствующей. Таковы'й и= w= грjьсjь'хъ други'хъ пла'четъ, неразвлека'емь w\т пристра'стiя къ веще'мъ пребыва'я, дх~о'вному и= бж~е'ственному раче'нiю не w=ставля'ющу _е=го` въ сiя^ поползну'тися. Не ди'вно же _е='сть, jа='кw предглаго'летъ: мно'жицею же случа'ется и= w\т бjьсw'въ сему` приходи'ти. Но разумjь'яй разумjь'ти бу'детъ. _О=ба'че а='ще начне'тъ кто` прiима'ти и=сповjь^данiя, мо'жетъ бы'ть и= лиша'ется сегw`, о_у=праждня'яся въ то'мъ, _е='же по'мыслы други'хъ и=стя'зовати: а='ще же па'ки w\т мно'га смире'нiя w\т сегw` преста'нетъ, си'рjьчь, w\т _е='же глаго'лати и= слы'шати, па'ки возво'дится въ пре'жднее о_у=строе'нiе. (с. )Вjь'сть же такова^я _е=ди'нъ бг~ъ: а='зъ бо стра'хомъ содержи'мь, w= таковы'хъ не смjь'ю провjьща'ти.

р~м. И=мjь'ти же о_у='мъ всегда` ко бг~у, и= во снjь` и= бо'дрости, во вре'мя jа='стiя и= бесjь'ды, въ рукодjь'лiи же и= во вся'комъ и=но'мъ дjья'нiи, по словеси` проро'ческому: Предзрjь'хъ гд\са предо мно'ю вы'ну. {_Псал. гл. _е~_i, ст. и~.} Вмjьня'й же себе` бы'ти грjь'шнjьйшимъ вся'кагw человjь'ка: пребыва'ющей бо таково'й па'мяти, w=бы'че быва'ти во о_у=мjь` просвjьще'нiе, а='ки лу'чь, и= _е=ли'кw сегw` и='щеши съ мно'гимъ внима'нiемъ и= неразвлека'емою мы'слiю, трудо'мъ мно'гимъ и= слеза'ми, свjьтлjь'е ви'дится, ви'димо же люби'мо быва'етъ, люби'мо же w=чища'етъ: w=чища'я же бг~ови'дна содjь'ловаетъ, просвjьща'я и= о_у=чя` различа'ти до'брое w\т го'ршагw. _О=ба'че, бра'те, мно'гагw тре'буется труда` съ по'мощiю бж~iею, _е='же соверше'ннjь сему` всели'тися въ ду'шу твою`, и= си'мъ просвjьти'ти ю=`, jа='коже просвjьща'етъ луна` нощны'й мра'къ. Внима'ти же подоба'етъ и= прило'гwмъ помыслw'въ тщесла'вiя и= мнjь'нiя, _е='же не w=сужда'ти когw` зря` неподо'бно что` дjь'юща. Бjь'сове бо, ви'дяще ду'шу w\т страсте'й и= и=скуше'нiй вселе'нiемъ благода'ти и= ми'рнагw о_у=строе'нiя свобожде'нну, предлага'ютъ такова^я: _о=ба'че по'мощь _е='сть w\т бг~а. Да бу'детъ же ти` и= пла'чь всегда'шнiй, и= сы'тости въ слеза'хъ да не бу'детъ. Блюди'ся же, дабы` не пострада'ти что` w\т мно'гiя ра'дости и= о_у=миле'нiя, ниже` помы'слити jа='кw w\т своегw` труда`, а= не w\т благода'ти бж~iя сiя^ су'ть, и= w\ти'мутся w\т тебе`, и= мно'гw взы'щеши моли'твою, и= не w=бря'щеши: и= о_у=вjь'си, како'въ да'ръ погуби'лъ _е=си`. Но никогда'же, гд\си, да лиши'мся твоея` бл~года'ти. _О=ба'че, бра'те, а='ще случи'тся сiе`, возве'рзи на гд\са не'мощь твою`, и= воста'въ воздjь'въ ру'цjь, помоли'ся, глаго'ля си'це: Гд\си! поми'луй мя` грjь'шнаго и= немощна'го, и= _о=кая'ннаго, и= низпосли` на мя` бл~года'ть твою`, не w=ставля'я и=скуси'тися ми` па'че, _е='же могу`. Ви'ждь, гд\си, мно'зи грjьси` мои`, въ какову` печа'ль и= по'мыслы приведо'ша мя`. А='зъ гд\си, а='ще и= восхощу` w\т бjьсw'въ и= мнjь'нiя (с. 140) помы'слити w= лише'нiи твоегw` о_у=тjьше'нiя, не могу`: вjь'мъ бо проти'ву си'хъ самjь'хъ w=полча'тися, во'лю твою` те'плjь соверша'ющихъ. А='зъ же, во'лю и='хъ на вся'къ де'нь и=сполня'я, ка'кw w\т ни'хъ и=скуша'емь бу'ду; и=скуша'юся же вои'стинну w\т свои'хъ грjьхw'въ. И= ны'нjь, гд\си мо'й, гд\си, а='ще _е='сть во'ля твоя`, и= мнjь` _е='сть поле'зно, да вни'детъ па'ки бл~года'ть твоя` въ раба` твоего`, jа='кw да ви'дя сiю`, ра'дуюся со о_у=миле'нiемъ и= пла'чемъ, просвjьща'емь w\т сегw` присносвjь'тлагw просвjьще'нiя, сохраня'емь w\т скве'рныхъ пw'мыслъ и= вся'кiя лука'выя ве'щи, и= на вся'къ де'нь мно'ю твори'мыхъ въ вjь'дjьнiи и= невjь'дjьнiи, дjь'лъ же и= слове'съ, прiе'мля и=звjь'ствованiе въ дерзнове'нiи къ тебjь`, гд\си, w\т приключа'ющихся на вся'къ де'нь скорбе'й рабу` твоему` w\т бjьсw'въ и= человjь^къ, и= w\т w\тсjьче'нiя своея` во'ли, помышля'я и= о_у=готw'ванная блага^я лю'бящымъ тя`, гд\си. Ты' бо ре'клъ _е=си`, гд\си, jа='кw прося'й прiе'млетъ, и= и=ща'й w=брjьта'етъ, и= толку'щему w\тве'рзется. {Матf. гл. з~, ст. и~.} Къ си^мъ же, бра'те, и= и='на, _е=ли'ка пода'стъ бг~ъ въ мы'сль твою`, пребу'ди моля`, неразслабля'емь w\т о_у=ны'нiя: и= бг~ъ благi'й не w=ста'витъ тя`.

рм~а. Въ ке'ллiи же, ю='же w\т предстоя'теля въ нача'лjь прiя'лъ _е=си`, пребу'ди да'же до конца`: а='ще же ве'тхости ра'ди и=ли` паде'нiя _е=я` w\т по'мысла стужа'ешися, положи'въ покло'нъ предстоя'телю, со смире'нiемъ воспомяни`. И= а='ще о_у='бw о_у=слы'шитъ тя`, ра'дуйся: а='ще ли же ни`, и= та'кw благодари`, воспомяну'въ вл\дку твоего`, не и=мjь'вшаго гдjь` главу` подклони'ти. А='ще бо два'жды и= три'жды, и=ли` четы'режды w= се'мъ стужа'лъ _е=си`, ражда'ется дерзнове'нiе, та'же невjь'рiе, и= наконе'цъ презрjь'нiе. А='ще о_у='бw хо'щеши ти'хое и= безмо'лвное житiе` препроводи'ти: не и=спра'шивай w\тню'дъ тjьле'сныя потре'бы w\т и=гу'мена: и='бо въ нача'лjь не сiе` w=бjьща'лся _е=си`, но и= w\т всjь'хъ презира'емь и= о_у=ничижа'емь бы'ти по за'повjьди гд\сней, и= терпjь'ти до'блественнjь. А='ще о_у='бw хо'щеши вjь'ру и= любо'вь къ нему` храни'ти, и= jа='кw на ст~а'го того` зрjь'ти, три` (с. 141) сiя^ сохрани`: не проси'ти, jа=`же на потре'бу тjьле'сну, и= не глаго'лати съ дерзнове'нiемъ, и= не о_у=чаща'ти къ нему`, jа='коже нjь'цыи творя'тъ, а='ки си'рjьчь врачу'еми w\т негw`: не и='ноческое _е='сть дjь'ло сiе`, но человjь'ческое, не w=сужда'ю же, и= _е='же не скрыва'ти w\т негw` вся'кiй по'мыслъ приходя'щiй тебjь`. А='ще бо сiя^ сохрани'ши, неволну'емw пре'йдеши жите'йское мо'ре, и= _о=тца`, како'въ ни _е='сть, свя'та возмни'ши. А='ще же прише'дъ вопроси'ти въ це'ркви твоего` _о=тца` w= по'мыслjь, w=бря'щеши и=но'го предвари'вша тя` тоя'жде ра'ди вины`, и=ли` и= и=ны'я ра'ди нjь'кiя, и= сегw` ра'ди презрjь'нна тя` на ма'лое вре'мя: да не печа'луеши, ниже` проти'вное что` помы'слиши. Но _о=со'бь сто'й, ру'цjь и=мjь'я сложе'ннjь да'же до и=сполне'нiя потре'бы тогw`, и= твоегw` призва'нiя. W=бы'че бо сiе` быва'ти на'мъ w\т _о=т_е'цъ не'гли и= во'лею ко и=скуше'нiю и= и=збавле'нiю w\т преждебы'вшихъ грjьхw'въ.

рм~в. Пости'тися же три` поста`. Въ вели'кiй по'стъ сугу'бw, кромjь` вели'кагw пра'здника, суббw'ты и= недjь'ли: въ два' же другi^я, чрез\ъ _е=ди'нъ де'нь. Во про'чыя же дни^ лjь'та, _е=ди'ною дне'мъ jа='сти, кромjь` суббw'ты и= недjь'ли и= пра'здника, но не къ сы'тость.

рм~г. Потщи'ся же w='бразъ поле'зный всему` бра'тству бы'ти, ко вся'кой добродjь'тели, смире'нiю и= кро'тости, къ ми'лостыни и= послуша'нiю да'же и= худjь'йшымъ, къ безгнjь'вiю и= безпристра'стiю, къ нестяжа'нiю и= о_у=миле'нiю, къ неsло'бiю и= нелюбопы'тству, къ простотjь` нра'ва, и= о_у=стране'нiю w\т вся'кагw человjь'ка, къ посjьще'нiю немощству'ющихъ, къ о_у=тjьше'нiю скорбя'щихъ, _е='же не w\тврати'тися когw` w\т тре'бующихъ по'льзы w\т тебе` собесjь'дованiя ра'ди съ бг~омъ: лу'чше бо мл~твы _е='сть любы`. Сострада'тельну же бы'ти тебjь` ко всjь^мъ, нетщесла'вну, бездерзнове'нну, неwбличи'тельну, неистязу'ющу что` w\т предстоя'теля, и=ли` w\т нjь'коегw w\т служи'телей, ко всjь^мъ сщ~е'нникwмъ че'сть храня'щу: внима'нiе въ моли'твjь и= о_у=строе'нiе неухищре'нное, и= любо'вь ко всjь^мъ пока'зовати. Не сла'вы ра'ди тща'тися любопы'тствовати и= и=спы'товати писа^нiя: моли'тва бо, jа='же со слеза'ми, и= _е='же w\т благода'ти просвjьще'нiе сему' тя (с. 142) нау'читъ. Вопроша'емь о_у=`бо w= чесо'млибо прили'чествующемъ, со мно'гимъ смире'нiемъ w\т житiя` твоегw`, jа='кw w\т и=но'гw бж~е'ственнымъ дjь'ломъ подаю'щей благода'ти, о_у=чи` не тщесла'внымъ по'мысломъ, кто` бы ни случи'лся по'льзы жела'яй. И= w\т и='щущагw воспо'льзоватися въ по'мыслjь w\т тебе` да не w\тврати'шися, но воспрiими` согрjьш_е'нiя _е=гw`, jа=кwва` ни су'ть, пла'чя w= не'мъ и= моля'ся: зна'менiе бо су'ть и= сiя` любве` и= соверше'ннагw сострада'нiя. И= тогw` ра'ди, дабы` не повреди'тися w\т слу'шанiя таковы'хъ, да не w\три'неши прише'дшагw: благода'ти содjь'йствующей, ничто'же повреди'шися. _О=ба'че, дабы` не причини'ти вре'дъ мнw'гимъ, въ та'йнjь мjь'стjь сiе` подоба'етъ рещи`, а='ще не'гли и= прило'гъ по'мысла jа='кw человjь'къ прете'рпиши. А='ще бо и= благода'ти и=спо'лненъ бу'деши, ниже` сiе` да о_у=вjьща'етъ тя` w\тврати'тися. И='бо поуча'емся мы` не своегw` и=ска'ти, но jа=`же и=нjь'хъ, да спасу'тся. И= jа='коже предреко'хомъ, храни'ти тебjь` подоба'етъ безмо'лвное житiе`, и= нестяжа'тельное. И= самаго` себе` тогда` возмни'ши дjь'йствуема бы'ти w\т благода'ти, грjь'шнjьйша всjь'хъ человjь^къ: сiе' же ка'кw быва'етъ, не могу` глаго'лати, бг~ъ вjь'сть.

рм~д. Часы' же бдjь'нiя, до'лженъ _е='сть чести` часа` два`, и= два` моли'тися во о_у=миле'нiи со слеза'ми, и= канw'нъ, jа=ко'въ хо'щеши, и= двана'десять _псалмы`, а='ще хо'щеши, и= моли'тву, нескве'рная: и= моли'тву ст~а'гw _е=vстра'тiа, сiя^ въ вели'кiя нw'щи. Въ ма^лыя же, кратча'йшее послjь'дованiе, по си'лjь дае'мой тебjь` w\т бг~а: без\ъ негw' бо ниеди'но бла'го и=справля'ется, jа='коже глаго'летъ проро'къ: w\т гд\са стwпы` человjь'ку и=справля'ются {_Псал. л~s, ст. к~г.}. И= самому` сп~су ре'кшу: без\ъ мене` не мо'жете твори'ти ничесw'же {I=wа'н. _е~_i, ст. _е~.}. Без\ъ сле'зъ же никогда'же да причасти'шися.

рм~_е. JА='сти же предлага'_емая ти`, jа=кwва` ни су'ть: подо'бнjь же и= вiно` съ воздержа'нiемъ без\ъ ропта'нiя. А='ще же и= наединjь` сjьди'ши не'мощи ра'ди, су'рwва s_е'лiя съ ма'слинами. А='ще же кто` w\т бра'тiи снjь'дно что` по'слетъ ти`, прiими` съ благодаре'нiемъ и= (с. 143) смире'нiемъ jа='кw стра'ненъ, и= w\т тогw` причасти'ся, а='ще что'либо _е='сть: а= w=ста'вшееся посли` и=но'му бра'ту ни'щу и= благоговjь'йну. А='ще же кто` позове'тъ тя` на трапе'зу, w\т всjь'хъ предлага'емыхъ тебjь` вкуси`, но по ма'лу, по за'повjьди, воздержа'нiе храня`. Востая' же положи'въ покло'нъ по _о=бы'чаю стра'нна и= ни'ща, благодаре'нiе тому` возда'ждь, глаго'ля: бг~ъ _о='тче ст~ы'й, мзду` да да'стъ тебjь`. Блюди'ся же глаго'лати что`, а='ще бы не'гли и= поле'зно бы'ло.

рм~s. А='ще ли же кто` w\т бра'тiй w=скорбле'нъ бы'въ, и=ли` w\т предстоя'теля, и=ли` i=коно'ма, и=ли` w\т и=но'гw когw`, и= прiи'детъ къ тебjь`, о_у=тjь'ши _е=го` си'це: вjь'ру ми` и=ми`, бра'те, ко и=скуше'нiю тебjь` сiе` бы'сть. и= мнjь' бо разли'чнjь сiе` случа'лося, и= w\т малоду'шiя печа'ловахъ: а= поне'же и=звjьсти'хся, jа='кw сiя^ быва'ютъ ко и=скуше'нiю, то` сношу` благода'рнjь. и= ты` о_у='бw та'кw твори`, и= па'че да возвесели'шися w= таковы'хъ ско'рбjьхъ. А='ще же и= доса'довати бу'детъ, ниже` та'кw да w\тврати'шися, но jа='коже благода'ть пода'стъ тебjь`, о_у=тjь'ши _е=го`: мнw'га бо су'ть разсужд_е'нiя, и= jа='коже разумjь'еши о_у=строе'нiе бра'та и= по'мыслы: примиря'й _е=го`, да не w=ста'виши неуврачева'нна _е=го` w\тити`.

рм~з. Немощству'ющу же бра'ту, а='ще случи'тся тебjь` не посjьти'ти до'лгw, подоба'етъ ти` нjь'что предпосла'ти jа=вля'я и= сiе`, jа='кw вjь'ру и=ми`, _о='тче ст~ы'й, дне'сь о_у=разумjь'хъ w= неду'зjь, и= прошу` проще'нiя. Та'же си'це ше'дъ, и= покло'нъ положи'въ, и= моли'тву соверши'въ, та'кw рцы` _е=му`: ка'кw бг~ъ помо'же ти`, _о='тче ст~ы'й; И= сjь'дъ сложи'въ ру'цjь, молчи`. А='ще же и= и=нi'и прiидо'ша посjьще'нiя ра'ди, блюди'ся сопобесjь'довати w= че'мъ и=ли` w\т писа'нiй, и=ли` w\т _е=сте'ственнагw разсу'дка, па'че же невопроша'емь, да не по'слjьжде скорбjь'ти и='маши: сiе' бо наимно'жайше случа'ется съ простjь'йшею бра'тiею.

рм~и. Съ благоговjь'йною бра'тiею а='ще случи'тся о_у=чрежда'ему бы'ти, w\т предлежа'щихъ без\ъ сумнjь'нiя подоба'етъ ти` причаща'тися, а='ще что'либо бу'детъ. А='ще же за'повjьдь чiю` и='маши, и=ли` (с. 144) ры^бы, и=ли` и=но'гw чесогw` не jа='сти, су'ть же предлага'_ема: а='ще бли'зъ ти` бу'детъ за'повjьдь да'вый, ше'дъ о_у=моли` _е=го`, да попу'ститъ ти` вкуси'ти: а='ще же не прису'тствуетъ, и=ли` и= зна'еши, jа='кw не попу'ститъ ти`, и= па'ки тjь'хъ не хо'щеши соблазни'ти, по о_у=чрежде'нiи возвjьсти` _е=му` дjь'ланiе свое`, прося` проще'нiя. А='ще же ни тогw`, ни друга'гw w\т си'хъ не хо'щеши, лу'чше ти` _е='сть не пойти` къ ни^мъ: и='бо сугу'бw прiwбря'щеши, и= бjь'са тщесла'вiя и=збjьжи'ши, и= тjь'хъ собла'зна и= ско'рби и=зба'виши. А='ще же _о=ни' дебелjь'йши су'ть, сохрани` пра'вило, лу'чше же _е='сть, и= при ни'хъ w\т всегw` по ма'лу причасти'тися. Подо'бнjь и= при о_у=тjьше'нiи чiе'мъ, по а=п\слу законополага'ющу, все` предлага'емое jа='сти подоба'етъ, ничто'же сумня'щеся, за со'вjьсть {а~ Кор. _i~, ст. к~з.}.

рм~f. А='ще творя'щу ти` въ ке'ллiи твое'й моли'тву, о_у=да'ритъ кто` во две'рь, w\тве'рзи _е=му`, и= сjь'дъ побесjь'дуй со смире'нiемъ, а='ще что'либо предложи'тъ w\т прили'чествующихъ на по'льзу. И= а='ще w\т ско'рби _е='сть w=тягче'нъ, потщи'ся и=ли` сло'вомъ и=ли` дjь'ломъ о_у=врачева'ти _е=го`. И= па'ки тому` w\тше'дшу затвори'въ, воспрiе'мь моли'тву соверша'й. И='бо подо'бно примире'нiю _е='сть и= врачева'нiе приходя'щихъ. Съ мiрски'ми же не та'кw подоба'етъ твори'ти: но и=спо'лня моли'тву, та'кw съ ни'ми бесjь'довати.

р~н. Моля'щуся же тебjь`, а='ще страхова'нiе нjь'кое, и=ли` шу'мъ, и=ли` jа='кw свjь'тъ w=сiя'етъ, и=ли` и='но что` случи'тся, ты` да не о_у=жасне'шися, но па'че прилjь'жнjье въ моли'твjь пребу'ди: смуще'нiе бо быва'етъ бjьсо'вское, и= тре'петъ, и= о_у='жасъ, jа='кw да разсла'бився моли'тву w=ста'виши, и= про'чее прiwбы'кшу ти` къ сему` воз\ъwблада'ютъ тобо'ю. А='ще же моли'тву соверша'ющу ти`, и='нъ свjь'тъ w=сiя'етъ тя`, _е=го'же не возмо'жно и=зрещи`, и= душа` ра'дости и=спо'лнена бу'детъ, и= жела'нiе лу'чшихъ, и= сле'зъ тече'нiе со о_у=миле'нiемъ: вjь'ждь, jа='кw бж~е'ственно посjьще'нiе сiе` _е='сть и= заступле'нiе. И= а='ще пребыва'етъ надо'лзjь, да не бу'детъ ти' что` мно'жае (с. 145) w\т продолже'нiя сле'зъ, плjьни` о_у='мъ тво'й въ нjь'что w\т тjьле'сныхъ, и= си'мъ да смири'шися. Мл~тву же, внемли`, да не w=ста'виши w\т о_у=страше'нiя вра'жiя: но jа='коже _о='трокъ w\т нjь'кихъ личи'нъ о_у=страше'нъ под\ъ w=б\ъя^тiя ма'тере и=ли` _о=тца` прибjьга'я, стра'хъ си'хъ w\тгоня'етъ, та'кw и= ты` моли'твою къ бг~у восте'къ, стра'ха си'хъ и=збjьжи'ши.

рн~а. А='ще сjьдя'щу ти` въ ке'ллiи бра'тъ нjь'кiй прише'дъ вопро'ситъ тя` w= плотско'й бра'ни, да не w\тврати'ши такова'го: но со о_у=миле'нiемъ тjь'ми, jа=`же благода'ть бж~iя пода'стъ тебjь`, и= _е='же w\т дjья'нiя стяжа'лъ _е=си`, воспо'льзуй _е=го`, и= та'кw w\тпусти`. И=зходя'щу же, положи'въ покло'нъ къ нему`, рцы`, вjь'ру и=ми`, бра'те, о_у=пова'ю на человjьколю'бiе бж~iе, jа='кw бjьжа'ти и='мать w\т тебе` такова'я бра'нь, то'чiю да не _о='тай о_у=сту'пиши, и=ли` разсла'бишися. И=зше'дшу же тому`, воста'въ и= воwбрази'въ бра'нь _е=гw`, воздjь'въ ру'цjь со слеза'ми ко бг~у, со стена'нiемъ w= бра'тjь помоли'ся, глаго'ля: гд\си бж~е, не хотя'й сме'рти грjь'шнагw, jа='коже вjь'си, на по'льзу бра'ту сему` о_у=стро'й. И= бг~ъ, вjь'дый вjь'ру _е=гw` къ тебjь`, твое' же w\т любве` сострада'нiе и= чи'стую w= не'мъ мл~тву, w=блегчава'етъ бра'нь _е=гw`.

рн~в. Сiя^ же вся^ потр_е'бна су'ть, бра'те, ко о_у=миле'нiю, и= подоба'етъ съ сокруше'ннымъ се'рдцемъ, терпjь'нiемъ и= благодаре'нiемъ соверша'ти, jа=`же сле'зъ су'ть винw'вна, и= низлага'ютъ стра^сти, и= небе'снагw винw'вна ца'рствiя: ну'дящихся бо _е='сть ца'рствiе небе'сное, и= ну'ждницы восхища'ютъ _е=` {Матf. гл. а~_i, ст. в~_i.}. И='бо а='ще сiя^ и=спра'виши, w\т дре'внихъ нра'вwвъ соверше'ннjь w\тсту'пиши, не'гли и= w\т са'мыхъ прило'гwвъ по'мысла: w=бы'че бо о_у=ступа'ти свjь'ту тьма`, и= со'лнцу сjь'нь. И='бо а='ще w= си'хъ вознеради'тъ кто` въ нача'лjь разслабля'я по'мыслъ, любопы'тенъ бы'въ, благода'ти лиша'ется. И= тогда` во стра^сти sлы^я впа'дъ, познава'етъ свою` не'мощь, боя'зни и=сполня'емь. Не подоба'етъ же и= и=справля'ющему помышля'ти, jа='кw свои'мъ трудо'мъ сiе` и=справля'етъ, но благода'тiю бж~iею. (с. 146) Пред\ъwчища'ти же подоба'етъ себе`, по ре'кшему {в~ Корi'н. гл. з~, ст. а~.}: w=чища'тися пе'рвjье, та'же съ чи'стымъ бесjь'довати подоба'етъ. W\т мно'гихъ бо сле'зъ о_у=му` w=чище'ну бы'вшу, и= просвjьще'нiе бж~е'ственнагw свjь'та под\ъе'млющу, _е=го'же мi'ръ ве'сь а='ще прiи'метъ, не о_у=маля'етъ, о_у='мнjь то'й въ бу'дущихъ пребыва'етъ.

Вопроше'нъ бы'сть нjь'когда ст~ы'й и= блаже'нный се'й сv"меw'нъ: како'въ до'лженъ _е='сть бы'ти сщ~е'нникъ; И= w\твjьща`, глаго'ля: а='зъ о_у='бw нjь'смь досто'инъ бы'ти сщ~е'нникъ, _о=ба'че како'въ бы'ти до'лженъ _е='сть и=му'щiй священнодjь'йствовати бг~ови, тве'рдw вjь'мъ. Вопе'рвыхъ о_у='бw чи'стъ не тjь'ломъ то'чiю, но и= душе'ю, и= къ си^мъ не прича'стенъ бы'ти вся'кагw грjьха`. Второ'е же, смире'нъ и= внjь'шнимъ нра'вомъ, и= вну'треннимъ души` о_у=строе'нiемъ. Та'же, _е=гда` предстои'тъ ст~jь'й и= сщ~е'ннjьй трапе'зjь, о_у='мнjь о_у='бw бж~ество`, чу'вственнjь же предлежа^щая ст~а^я зрjь'ти до'лженъ _е='сть несомнjь'ннw. Не то'чiю же, но и= самаго` того` въ тjь'хъ ст~ы'хъ да'рjьхъ неви'димw су'щаго, живу'ща стяжа'ти до'лженъ _е='сть въ се'рдцjь свое'мъ разу'мнw, да мо'жетъ си'це со дерзнове'нiемъ мольбы^ приноси'ти, и= jа='кw дру'гъ ко дру'гу бесjь'дуя, та'кw глаго'лати: _о='ч~е на'шъ, и='же _е=си` на нб~сjь'хъ, да святи'тся и='мя твое`: jа=вля'ющей моли'твjь, jа='кw _е=стество'мъ су'щагw сн~а бж~iя и='мать живу'ща въ себjь` со _о=ц~е'мъ и= ст~ы'мъ дх~омъ. Таковы` ви'дjьхъ пресвv'теры, прости'те ми`, _о=тцы` и= бра'тiе.

Глаго'лаше же и= сiе`, jа='кw w= и=но'мъ нjь'коемъ, себе` о_у=таева'я, и= человjь'ческiя сла'вы и=збjьга'я, w\т человjьколю'бiя же са'мъ себе` по ну'ждjь jа=вля'етъ. Слы'шахъ, глаго'летъ, w\т нjь'коегw и='нока сщ~е'нника дерзнове'нiе и=му'щагw ко мнjь`, jа='кw къ возлю'бленному своему` сiе`: никогда'же служи'хъ а='зъ, не ви'дя дх~а ст~а'го, jа='коже того` ви'дjьхъ прише'дша на мя`, _е=гда' мя рукополага'ху, и= моли'тву сщ~е'нническу митрополi'тъ глаго'лаше, тре'бнику лежа'щу на _о=кая'нной мое'й главjь`. Вопроше'нъ о_у='бw бы'въ w\т мене`, ка'кw сего` ви'дjь тогда` и= въ каково'мъ зра'кjь лица`; Рече`, про'ста о_у='бw (с. 147) и= безви'дна, _о=ба'че jа='кw свjь'тъ. И= jа='коже диви'хся въ нача'лjь ви'дя, _е='же никогда'же ви'дjьхъ, и= что` бы бы'ло сiе` размышля'ющу ми`, глаго'ла ми` та'инственнw _о='нъ, jа='коже въ ра'зумjь гла'са: а='зъ на вся^ проро'ки и= а=п\слы и= ны^нjьшнiя и=збра^нныя бж~iя и= ст~ы^я нахожду`: дх~ъ бо ст~ы'й _е='смь бж~iй. Тому` сла'ва и= держа'ва во вjь'ки, а=ми'нь.

(с. 148)

Тогw'жде преподо'бнагw _о=тца` на'шегw сv"меw'на но'вагw бг~осло'ва,

СЛО'ВО

W= вjь'рjь, и= о_у=че'нiе къ тjь'мъ, и='же глаго'лютъ, jа='кw не возмо'жно пребыва'ющымъ въ мi'рjь, и= и=мjь'ющымъ попеч_е'нiя жит_е'йская, дости'гнути до соверше'нства добродjь'тели: и= по'вjьсть w= се'мъ въ нача'лjь вельми` поле'зная.

Переведено` съ проста'гw гре'ческагw я=зы'ка.

Возлю'бленная моя^ бра'тiя и= _о=тцы`! вельми` до'брое и= душеполе'зное _е='сть дjь'ло, проповjь'дывати всjь^мъ _о='бще ве'лiю и= безконе'чную ми'лость всеблага'гw и= многоми'лостивагw бг~а на'шегw, и= jа=вля'ти всjь^мъ бра'тiямъ на'шымъ хрiстiа'намъ пучи'ну благоутро'бiя и= бла'гости бж~iя, ю='же и='мать къ на'мъ. А='зъ о_у='бw jа='коже ви'дите бра'тiя моя^, и= зна'ете до'брjь, ни поще'нiй мно'гихъ и= преизли'шнихъ не сотвори'хъ, ни бдjь'нiй, ни долулега'нiй, и= ниже` и=ны'хъ си^мъ подо'бныхъ жесто'кихъ преизли'шнихъ тjьле'сныхъ w=буче'нiй, но позна'хъ недосто'инство мое`, и= помы'слихъ w= грjьсjь'хъ мои'хъ, и= w=суди'хъ себе`, и= смири'хся, и= многоблагоутро'бный и= всеблагi'й гд\сь си'мъ мя` спасе`, jа='коже глаго'летъ и= бж~е'ственный дв~дъ: Смири'хся, и= спасе' мя {_Псал. рд~_i, ст. _е~.}. И= да реку` ва'мъ сiе` (с. 149) вкра'тцjь, вjь'ровахъ то'чiю словес_е'мъ бж~iимъ, и= прiя'тъ мя` гд\си и= бг~ъ мо'й се'ю вjь'рою. Зане'же мнw'гая су'ть препя^тiя, возбраня^ющая стяжа'ти смире'нiе: w=брjьсти' же вjь'ру, и= словес_е'мъ бж~iимъ о_у=вjь'ровати, нjь'сть ниеди'нагw препя'тствiя возбраня'ющагw. Сегw` ра'ди, а='ще восхо'щемъ w\т всея` души` на'шея w=брjьсти` вjь'ру, а='бiе без\ъ вся'кагw труда` w=брjьта'емъ ю=`: зане'же вjь'ра _е='сть да'ръ всеблага'гw бг~а, _е=го'же дарова` на'мъ _е=сте'ственнw, да и=мjь'емъ _о='ный въ произволе'нiи на'шемъ, и= и=мjь'емъ, _е=гда` хо'щемъ. Сегw` ра'ди ви'димъ, jа='кw и= скv'fы и= ва'рвары, и= вся^ jа=зы'ки и=мjь'ютъ вjь'ру _е=сте'ственнw, и= вjь'руетъ _е=ди'нъ словес_е'мъ друга'гw, и= показу'ютъ вjь'ру между` собо'ю. И= да покажу` ва'мъ сiе` дjь'ломъ, а= не словесы`, то'чiю внемли'те слjь'дующей по'вjьсти. Нjь'кто, геw'ргiй и='менемъ, ю='нъ вельми` во'зрастомъ jа='кw два'десяти лjь'тъ, живя'ше въ кwнстантiнопо'ли во времена` на^ша, и='же бя'ше благоwбра'зенъ вельми` ви'домъ, и= таковы'й зра'къ внjь'шнiй и=мjь`, jа='кw мно'зи и=мjь'яху w= не'мъ сту^дныя мы^сли, наипа'че тi'и, _е=ли'цы _о=быкнове'ннw смо'трятъ то'кмw на внjь'шнiй w='бразъ человjь'ка, и= не зна'я ка'ждагw та'йныхъ, w=сужда'ютъ, и= быва'ютъ судiи^ други^мъ безразсу'дни. Се'й ю='ноша позна'ся со и='нокомъ нjь'кiимъ, му'жемъ ст~ы'мъ, и='же живя'ше въ монастырjь` нjь'коемъ кwнстантiнопо'льскомъ, и= jа=вля'я _е=му` вся^ та^йная се'рдца своегw`, рече` и= сiе`, jа='кw хо'щетъ _о='нъ спасти'ся, и= и=мjь'етъ ве'лiе жела'нiе и=зы'ти w\т мi'ра, и= бы'ти и='нокомъ. Честны'й же _о='ный ста'рецъ похвали` _е=гw` намjь'ренiе, _е='же и=мjь` и= поучи` _е=го`, jа='коже подоба'ше, и= даде` _е=му` кни'гу ст~а'гw ма'рка подви'жника прочести`, въ не'йже пи'сано w= зако'нjь духо'внjьмъ: ю='же ю='ноша прiя` съ толи'кимъ жела'нiемъ и= благоговjь'нiемъ, jа='кw _о=на` посла'ся w\т бг~а, и= толи'кw вjь'рова _о='ной, jа='кw о_у=пова` получи'ти велича'йшую по'льзу, и= прише'дъ въ до'мъ сво'й а='бiе нача'тъ чита'ти ю=` съ вели'кимъ внима'нiемъ, и= прочте` всю` со мно'гимъ благоговjь'нiемъ три'жды и= четы'режды, и= па'ки и=з\ъ ру'къ свои'хъ не выпуска'ше, и= jа='коже о_у=пова`, воспо'льзовася мно'гw w\т кни'ги _о='ныя. _О=ба'че и=збра` три` то'чiю главы^, и= впечатлjь` _о='ныя въ се'рдцjь свое'мъ, и= положи` са'мъ въ себjь` (с. 150) и=спо'лнити _о='ныя дjь'ломъ, и= сохрани'ти со вся'кимъ внима'нiемъ. Въ пе'рвой главjь` рече'ся сiе`: а='ще хо'щеши w=брjьсти` и=сцjьле'нiе души` твоея`, потре'ба и=мjь'ти ве'лiе прилjьжа'нiе и= попече'нiе, да сохрани'ши до'брjь со'вjьсть твою`, jа='кw да не w=блича'етъ тя` ни во _е=ди'ной ве'щи, и= _е=ли^ка дw'брая дjьла` глаго'летъ ти` со'вjьсть твоя`, да сотвори'ши, да не w=тягчи'шися, но сотвори` _о='ная, и= w=бря'щеши ве'лiю по'льзу. Въ друго'й главjь` рече'ся сiе`: И=ща'й взыска'ти дjь'йствiя ст~а'гw дх~а пре'жде дjь'ланiя за'повjьдей бж~iихъ, подо'бенъ _е='сть ку'плену рабу` прося'щему w\т господи'на своегw` свобо'ды себjь` въ то'тъ са'мый ча'съ, _е=гда` да'стъ _о='нъ цjь'ну и=скупи'ти _е=го`. И= въ тре'тiей главjь` рече'ся сiе`: Кто` мо'лится о_у=стна'ми, и= не стяжа'лъ _е=ще` ра'зума духо'внагw, ниже` вjь'сть о_у='мнjь моли'тися, се'й подо'бенъ _е='сть слjьпо'му тому`, и='же вопiя'ше: сн~е дв~довъ, поми'луй мя` {Луки` и~_i, ст. л~и.}. Но то'тъ, кто` стяжа'лъ ра'зумъ духо'вный, и= мо'лится о_у='мнjь, и= w\тве'рзе _о=чеса` души` своея`, подо'бенъ _е='сть тому'жде слjьпо'му, _е=гда` и=сцjьли` _е=го` гд\си w\т слjьпоты`, _е=гда` получи` свjь'тъ _о='чiю сво_е'ю, и= ви'дjь гд\са, и= не ктому` и=менова` _е=го` сн~омъ дв~довымъ, но и=сповjь'да _е=го` сн~омъ бж~iимъ, и= поклони'ся _е=му`, jа='коже подоба'ше. Сi'и три` главы^ о_у=гw'дны бя'ху вельми` ю='ношjь _о='ному, и= sjьлw` _о='нымъ почуди'ся, и= прiя` и=звjьще'нiе въ душjь` свое'й, и= о_у=вjь'рова несомнjь'ннw, jа='кw w=бря'щетъ ве'лiю по'льзу, а='ще внима'ти бу'детъ до'брjь со'вjьсти свое'й, jа='коже глаго'летъ ст~ы'й ма'ркъ, и= jа='кw наслади'тся дара'ми ст~а'гw дх~а и= си'лою _е=гw`, а='ще храни'ти бу'детъ за'пwвjьди бж~iя: и= тре'тiе, jа='кw да'ромъ ст~а'гw дх~а сподо'бится w\тве'рсти _о=чеса` души` своея`, и= зрjь'ти о_у='мнjь гд\са. W\т_ону'дуже о_у=пова'я ви'дjьти неизрече'нную _о='ную красоту` гд\сню, о_у=я'звленъ бы'сть въ се'рдцjь любо'вiю _е=я`, и= и=мjь'яше ве'лiе жела'нiе къ сему` _О=ба'че не сотвори` и=на'гw ничегw`, jа='коже мя` о_у=вjь'ри по'слjьжде съ кля'твою, кромjь` тогw` то'чiю: по вся'къ ве'черъ, _е=гда` w\тхожда'ше на _о='дръ сво'й почи'ти, творя'ше пе'рвjье моли'тву и= покло'ны _о='ныя, jа=`же заповjь'да (с. 151) ст~ы'й _о='ный ста'рецъ, и= тогда` возлега'ше почи'ти. По проше'ствiи о_у='бw нjь'коегw вре'мени, внима'ющу _е=му` до'брjь со'вjьсти свое'й, _е=гда` и=сполня'ше _о='нъ пра'вило _о='нагw ста'рца, во _е=ди'нъ ве'черъ глаго'летъ _е=му` со'вjьсть _е=гw`, да сотвори'тъ и= другу'ю моли'тву _е=ще`, и= другi^я покло'ны, и= да глаго'летъ _е=ще` и= сiе`: гд\си i=и~се хр\сте`, поми'луй мя`! многокра'тнjь, _е=ли'кw мо'жетъ сiе` твори'ти. И= _о='нъ повину'ся тому` съ вели'кимъ о_у=се'рдiемъ, _е='же рече` _е=му` со'вjьсть, и= нача'тъ без\ъ вся'кагw сомнjь'нiя то` твори'ти, вjь'руя, jа='кw са'мъ бг~ъ глаго'ла _е=му` _о='ная, jа=`же творя'ше. И= w\тто'лjь не ктому` возлега'ше на _о='дръ почи'ти, а='ще не сотвори'тъ пе'рвjье, _е='же глаго'ла _е=му` со'вjьсть _е=гw`, jа='кw мо'жетъ то` сотвори'ти. И= таки'мъ w='бразомъ повину'ющуся _е=му` со'вjьсти свое'й, и= _о='ною вы'ну просвjьща'ющуся, глаго'лющей _е='й. да твори'тъ сiе` мно'жае, и= въ ма'лое вре'мя толи'кw возрасте` моли'тва, что` творя'ше ю=`, jа='коже реко'хомъ, по вся'къ ве'черъ. Зане` въ де'нь не и=мjь` благовре'менiя моли'тися, поне'же и=мjь` нача'льствованiе над\ъ всjь'мъ до'момъ вели'кагw нjь'коегw кня'зя, и= и=мjь'я мнw'гiя попеч_е'нiя и= дjьла`, хожда'ше ка'ждый де'нь въ ца^рскiя пала^ты, и= не w=става'шеся _е=му` вре'мени дне'мъ моли'тися, но ка'ждый ве'черъ, _е=гда` w\тхожда'ше почи'ти, моля'шеся, jа='коже реко'хомъ и= нача` согрjьва'тися се'рдце _е=гw`, и= приходи'ти во о_у=миле'нiе, и= точи'ти w\т _о='чiю сво_е'ю сле'зы мнw'гiя, и= твори'ти ча'стw колjьнопреклон_е'нiя, и= глаго'лати мнw'гiя моли^твы къ бг~ома'тери съ воздыха'нiи и= болjь'знiю серде'чною: и= помышля'ше, jа='кw предстои'тъ пред\ъ гд\семъ, и= припа'даше къ пречи^стымъ нога'мъ _е=гw`, и= моля'ше _е=го` со слеза'ми, да о_у=милосе'рдится над\ъ ни'мъ, jа='коже над\ъ слjьпы'мъ, w= не'мже глаго'летъ свяще'нное _е=v\глiе, и= да да'руетъ свjь'тъ _о=ча'мъ души` _е=гw`. И= де'нь w\т дне` толи'кw возсiява'ше моли'тва твори'мая по вся'къ ве'черъ, jа='кw содержа'ше _о='ную да'же до полу'нощи, и= _е=гда` моля'шеся, неподви'жнw стоя'ше а='ки нjь'кiй сто'лпъ, и= не дви'заше ни но'гъ соверше'ннjь свои'хъ, ни и=ны'я какi'я ча'сти тjь'ла своегw`, ниже` _о='чи свои` w=браща'ше сjь'мw и= _о=ва'мw, _е='же смотрjь'ти, но стоя'ше съ вели'кимъ стра'хомъ и= (с. 152) тре'петомъ, не дре'млющи, ниже` о_у=ныва'я, и= не лjь'ностнjь. Во _е=ди'нъ о_у='бw ве'черъ, _е=гда` моля'шеся, и= глаго'лаше мы'сленнjь о_у=мо'мъ свои'мъ сiе`: бж~е! ми'лостивъ бу'ди мнjь` грjь'шнику: внеза'пу w=свjьти` _е=го` сiя'нiе нjь'кое бж~е'ственное, и= и=спо'лнися свjь'та _о='нагw, и= бjь` ю='ноша _о='ный блаже'нный, глаго'лю, геw'ргiй во и=зступле'нiи, и= забы` себе` самаго`, а='ще w=брjьта'шеся _о='нъ въ хра'минjь, поне'же всю'ду зря'ше свjь'тъ, и= бя'ше внjь` самогw` себя`, и= не постига'ше тогда`, а='ще на земли` _о='нъ хожда'ше, и=ли` стои'тъ на возду'сjь: и= ни _е=ди'нагw попече'нiя тjьле'снагw и=ли` мiрска'гw всеконе'чнjь не и=мjь`, но забы` соверше'ннjь ве'сь мi'ръ, и= и=змjьни'ся ве'сь, и= бы'сть соедине'нъ съ бж~е'ственнымъ _о='нымъ свjь'томъ, и= jа=вля'шеся _е=му`, jа='кw и= са'мъ _о='нъ содjь'лася свjь'тъ, и= бjь` ве'сь и=спо'лненъ сле'зъ, и= ра'дости неизрече'нныя: и= та'же восхище'нъ бjь` о_у='мъ _е=гw` на не'бо, и= та'мw ви'дjь и=ны'й свjь'тъ мно'жае свjьтлjь'йшiй, и= при _о='номъ свjь'тjь о_у=зрjь` стоя'ща ст~а'го _о='наго ста'рца, и='же даде` _е=му`, jа='коже реко'хомъ, кни'гу а='ввы ма'рка и= пра'вило, _е='же творя'ше. А='зъ о_у='бw о_у=слы'шавъ сiя^ w\т ю='ноши, разумjь'хъ, jа='кw моли'тва ст~а'гw ста'рца содjь'йствоваше вельми` въ се'мъ, и= си'це о_у=стро'и сiе` бг~ъ, _е='же показа'ти ю='ношjь, въ каково'й высо'цjьй добродjь'тели w=брjьта'шеся ст~ы'й _о='ный ста'рецъ, сегw` ра'ди ви'дjь _е=го` стоя'ща при _о='номъ свjь'тjь. Тогда` ю='ноша _о='ный, jа='коже w\ти'де сiе` видjь'нiе, и= прiи'де па'ки въ себе` самаго`, и=спо'лненъ бjь`, jа='коже глаго'лаше, ра'дости и= о_у='жаса, и= и=спуска'ше w\т се'рдца своегw` сле'зы, и= вку'пjь со _о='ными слеза'ми послjь'доваше сла'дость ве'лiя. Наконе'цъ возлеже` на _о='дръ, _е='же почи'ти ма'лw, и= въ то'й же ча'съ возгласи` пjь'телъ, и= вско'рjь нача'ху клепа'ти въ це'рквахъ къ о_у='трени, и= воста` ю='ноша, _е='же прочести` по _о=бы'чаю своему` о_у='треню, и= во _о='ную но'щь w\тню'дъ не спа`, ниже` въ мы'сль со'нъ прiи'де _е=му` всеконе'чнjь. Сiя^ повjь'да ю='ноша, jа=`же бjь'ша съ ни'мъ, и=`же ничто'же и='но сотвори`, jа='коже са'мъ мя` о_у=вjь'ри, кромjь` си'хъ, jа=`же слы'шасте, _е=ди'ну и=мjь'яше вjь'ру и= о_у=пова'нiе несомнjь'нное, и= сегw` ра'ди сподо'бися ви'дjьти таково'е видjь'нiе. И= да не рече'тъ кто`, jа='кw _о='нъ сотвори` сiя^ хваля'ся: (с. 153) поне'же _о='нъ, jа='коже ми` глаго'ла, ниже` помышля'ше w= се'мъ, _е='же и=ска'ти когда`, но и=мjь'яше несомнjь'нную вjь'ру: w\тсе'лjь w\тве'ргши w\т себе` вся'кiй и=ны'й по'мыслъ плотскi'й и= мiрскi'й, то'ль вели'кое прилjьжа'нiе воз\ъимjь`, _е='же сохрани'ти со'вjьсть свою` и= и=спра'вити, jа=`же глаго'лаше со'вjьсть, jа='коже ко всjь^мъ веще'мъ сегw` мi'ра w=брjьта'шеся jа='кw безчу'вственъ, и= w\тню'дъ не w=щуща'ше, ниже` jа='сти и=ли` пи'ти и=мjь` жела'нiе, та'кw jа='кw мно'жицею пребыва'ше въ постjь`. Слы'шасте ли, бра'тiя моя^ возлю'бл_енная, каковы^я дjьла` и=справля'етъ вjь'ра, и= коли'кую и='мать си'лу, _е=гда` о_у=твержда'ется благи'ми дjь'лы; Позна'сте ли, jа='кw ни ю='ность вреди'тъ на'съ ничто'же, ни ста'рость не по'льзуетъ на'мъ, а='ще w=скудjьва'етъ въ на'съ стра'хъ бж~iй; Научи'стеся ли дне'сь, jа='кw ниже` въ мi'рjь, и= во гра'дjь жи'тельствованiе не воспяща'етъ на'мъ твори'ти за'пwвjьди бж~iя, а='ще и=мjь'емъ о_у=се'рдiе; Ниже` па'ки w\тше'льство w\т мi'ра и= о_у=едине'нiе по'льзуютъ на'съ, а='ще пребыва'емъ мы` въ лjь'ности и= нерадjь'нiи; Вси` мы` слы'шимъ w= дв~дjь, jа='кw при толи'кихъ попече'нiяхъ и= ца'рскомъ о_у=правле'нiи и=мjь'яше о_у='мъ сво'й соверше'ннw ве'сь въ бз~jь, и= о_у=дивля'емся сему`, и= глаго'лемъ, jа='кw дв~дъ бы'сть тако'въ, jа=ко'въ не бjь` и='нъ. И= се` съ ю='ношею си'мъ вя'щше дв~да послjь'дова: зане` дв~дъ прiя` зва'нiе w\т самагw` бг~а, пома'занъ бы'сть во проро'ка и= царя`, прiя` и= благода'ть ст~а'гw дх~а. А='ще о_у='бw и= согрjьши` къ бг~у, и= лиши'ся благода'ти ст~а'гw дх~а и= досто'инства проро'ческагw, и= о_у=дали'ся w\т соедине'нiя съ бг~омъ, по'слjьжде прiи'де въ чу'вство, и= помы'сли w= благи'хъ, jа='же и=мjь`, и= погуби`, и= и=ска'ше па'ки w=брjьсти` _о='ная, каково'е о_у=дивле'нiе; Ди'вно же и= достохва'льно, jа='кw человjь'къ ю='ный два'десяти лjь'тъ, и='же прилjьпле'нъ бы'сть соверше'ннw къ мiрски^мъ веще'мъ, и= къ си^мъ привре'м_еннымъ и=мjь` пригвожде'нъ о_у='мъ сво'й, и= кромjь` си'хъ ничегw` и=на'гw высоча'йшагw не помышля'ше, ко'ему ниже` во о_у='мъ прихожда'ше сицевы'й по'мыслъ, и= кото'рый то'чiю о_у=слы'ша ма'лw w\т ст~а'гw _о='нагw ста'рца, и= прочте` три` главы^ _о='ныя а='ввы ма'рка, а='бiе о_у=вjь'рова несомнjь'ннw пи^саннымъ и= и=спо'лни дjь'ломъ со о_у=пова'нiемъ тве'рдымъ, и= ма'лымъ _о='нымъ дjь'ланiемъ, (с. 154) _е='же творя'ше, сподо'бися восхище'нiя о_у=ма` на не'бо, и= преклони` бг~ома'терь къ милосе'рдованiю w= не'мъ, да хода'тайствомъ свои'мъ къ бг~у толи'кw примири'тъ _е=го` съ ни'мъ, jа='кw да низпо'слетъ свы'ше бж~е'ственное свое` просвjьще'нiе, и= благода'ть всест~а'гw дх~а, jа='же да о_у=крjьпи'тъ _е=го` дости'гнути блаже'нства, и= наслади'тися _о='нагw свjь'та, _е=гw'же мно'зи жела'ютъ, но не мно'зи получа'ютъ. Къ тому'жъ блаже'нный се'й ю='ноша геw'ргiй, и='же ни мнw'гiя лjь^та пости'ся, и=ли` бдjь`, и=ли` и=ны^я по'двиги по'стнич_ескiя сотвори`, ниже` спа` когда` на земли`, ниже` власяни'цу нося'ше, ниже` и='нокомъ бя'ше, ниже` w\т мi'ра w\ти'де тjьле'снjь: то'чiю ма'лымъ бдjь'нiемъ и= моли'твою, ю='же творя'ше, содjь'лася земны'й а='гг~лъ, и= человjь'къ нб\сный: человjь'къ по ви'ду, и= безтjьле'сенъ по о_у=му`, веще'ственный и= невеще'ственный, всjь'ми ви'димый, и= _е=ди'нъ пребыва'ющiй со _е=ди'нjьмъ бг~омъ вjь'дущимъ вся^. Сегw` ра'ди и= сподо'бися зрjь'ти сладча'йшiй _о='ный свjь'тъ о_у='мнагw со'лнца пра'вды: да и= пра'веднw. Поне'же любо'вь и= вожделjь'нiе, _е='же и=мjь` _о='нъ къ бг~у, содjь'лаша, jа='кw бjь` _о='нъ внjь` мi'ра дх~о'внjь, и= забы` мi'ръ и= пло'ть, и= всjь` су'_етныя в_е'щи мi'ра, и= прилjьпи'ся соверше'ннjь къ бг~у: и= си'це бы'сть ве'сь духо'венъ, и= ве'сь просвjьти'ся, и= ви'дjь сицево'е видjь'нiе, и= наслади'ся толи'кагw наслажде'нiя. А= наипа'че, jа='кw живя'ше во гра'дjь, и= во гра'дjь сицево'мъ, и=дjь'же пребыва'ше въ ца'рскихъ пала'тахъ, и= и=мjь` прито'мъ нача'льство вели'кагw кня'зя над\ъ толи'кими нево'льниками и= и=ны'ми мно'гими служи'телями, и= служ_е'нiя, и= дjьла` вели^кiя и= мнw'гiя.

Но довw'льна су'ть сiя^, jа=`же реко'хомъ къ похвалjь` ю='ноши _о='нагw, и= къ возбужде'нiю ва'шему, да прiи'дете и= вы` къ вожделjь'нiю сицево'му, и= да подража'ете _е=му`, да сподо'битеся прiя'ти ра'вную благода'ть w\т бг~а. И=ли` хо'щете, да реку` ва'мъ и= и='на бw'льша си'хъ, jа=`же реко'хъ ва'мъ; Но что` и='но бо'льше _е='сть стра'ха бж~iя; jа='коже глаго'летъ бг~осло'въ григо'рiй, си'рjьчь: jа='кw нача'ло прему'дрости _е='сть стра'хъ бж~iй. Зане` и=дjь'же _е='сть стра'хъ бж~iй, та'мw _е='сть и= хране'нiе за'повjьдей: а= и=дjь'же _е='сть хране'нiе за'повjьдей, та'мw _е='сть w=чище'нiе пло'ти, jа='же _е='сть густо'е нjь'кое (с. 155) _о='блако пред\ъ душе'ю, и= не попуща'етъ _е='й ви'дjьти jа='снw бж~е'ственное сiя'нiе. И= па'ки: и=дjь'же _е='сть w=чище'нiе пло'ти, та'мw _е='сть сiя'нiе бж~е'ственное, и= и=дjь'же _е='сть сiя'нiе бж~е'ственное, та'мw _е='сть соверше'нiе бж~е'ственнагw жела'нiя. Тjь'мже w=сiя'нiе бж~е'ственнагw свjь'та и= просвjьще'нiе ст~а'гw дх~а, _е='сть коне'цъ неконча'емый вся'кiя добродjь'тели, и= дости'гшiй сегw` конца`, забыва'етъ вся^ чу'вств_енная, и= начина'етъ приходи'ти въ позна'нiе духо'вныхъ дарова'нiй. Сiя^ су'ть, бра'тiя моя^, ди^вная дjьла` всеблага'гw бг~а, си'мъ jа=вля'етъ прему'дрый бг~ъ сокрове'нныхъ ст~ы'хъ свои'хъ, и= да подража'ютъ и=`мъ другi'е, и= прохо'дятъ житiе` jа='коже _о=ни`, и=ли` а='ще ни бу'дутъ подража'ти, да пребу'дутъ без\ъw\твjь^тны, и= да не и='мутъ рещи` ниеди'нагw w\твjь'та. Поне'же и= тjь`, ко'и w=брjьта'ются въ попече'нiяхъ и= смуще'нiяхъ, а='ще жи'тельствуютъ, jа='коже подоба'етъ, спаса'ются, и= сподобля'ются прiя'ти w\т бг~а в_е'лiя блага^я _е=ди'ною вjь'рою, ю='же и='мутъ въ него`. Поболи'те о_у=`бо, бра'тiе, душе'ю ва'шею, и= о_у=вjь'руйте всjь'мъ се'рдцемъ ва'шимъ несомнjь'ннw гд\су ва'шему, и= словес_е'мъ _е=гw`, и= возненави'дите преходя'щыя сi'и в_е'щи мi'ра, и= w=ста'вите _о='ныя jа='кw привр_е'менныя, и= прiиди'те къ бг~у, и= прилjьпи'теся къ нему`. Поне'же без\ъ бг~а ничто'же _е='сть въ мi'рjь: всjь` ве'щи су'ть ничто`, _е=гда` не прилjьпля'емся къ бг~у. Сегw` ра'ди пла'чу и= рыда'ю и= скорблю` sjьлw`, _е=гда` помы'шлю, jа='кw и='мамы сицева'го гд\са богатодарови'таго и= человjьколюби'ваго, и='же _е=ди'ныя ра'ди вjь'ры, дjь'ломъ показу'емыя къ нему` и= къ w=бjьща'нiямъ _е=гw`, подае'тъ на'мъ сицевы^я да'ры, jа=`же слы'шахомъ и= ви'дjьхомъ: и= мы` несмы'сленнjь jа='коже безслов_е'сныя живw'тныя почита'емъ па'че зе'млю, и= земны^я и= тлjь^нныя в_е'щи, jа=`же всеблагi'й бг~ъ кра'йнягw ра'ди благоутро'бiя своегw` даде` на'мъ богатода'рнw для потре'бы тjь'лу, да о_у=потребля'емъ _о='ныя о_у=мjь'реннjь, _е=ли'кw ну'жнw для жи'зни, и= душа` да не и=мjь'етъ ни _е=ди'нагw препя'тствiя, дjь'йствовати свои` мы^сли, и= да жи'тельствуетъ, jа='коже подоба'етъ, и= да пита'ется о_у='мною пи'щею, и= благода'тiю ст~а'гw дх~а. Поне'же человjь'къ сегw` ра'ди со'зданъ въ мi'ръ се'й, да w=бря'щетъ вину` w\т си'хъ мiрски'хъ (с. 156) веще'й просла'вити бг~а да'вшаго _е=му` сiя^, и= да позна'етъ благодjь'теля своего` и= всеблага'го, и= да лю'битъ _е=го`, и= благодари'тъ и= сло'вомъ и= бг~оуго'дными дjь'лы, и= си'це да сподо'бится прiя'ти и= и=ны^я благодjья^нiя w\т бг~а, и= дарова^нiя велича'йшыя и= вjь^чныя. Но мы`, о_у=вы`! w\тню'дъ не помышля'емъ w=б\ъ _о='ныхъ бу'дущихъ дарова'нiяхъ, то'чiю пригвожда'емся настоя'щымъ, и= w= си'хъ пече'мся и= тщи'мся, jа='кw да стя'жемъ _о='ныя, jа='кw да и=збы'точествуемъ _о='ными: а= w= то'мъ, и='же даде` на'мъ _о='ныя, w\тню'дъ не мы'слимъ, но показу'емъ ве'лiю неблагода'рность къ нему`, и= быва'емъ подо'бни бjьсовw'мъ, и=ли` и= ху'ждшы, а='ще подоба'етъ рещи` и='стину. И= сегw` ра'ди подоба'етъ на'мъ нака^заннымъ бы'ти вя'щше _о='ныхъ, зане` вя'щшыя и= благодjья^нiя прiя'хомъ. Поне'же мы` роди'хомся хрiстiа'не, прiя'хомъ толи^кiя та^инства, толи^кiя дарова^нiя духw'вныя, и= вjь'руемъ во _е=ди'наго бг~а, и='же бы'сть на'съ ра'ди человjь'къ, и= претерпjь` толи^кiя страда^нiя, и= наконе'цъ сме'рть кре'стную, да на'съ свободи'тъ w\т ле'сти дiа'воли и= w\т грjьха`: и= при все'мъ то'мъ вjь'руемъ въ него` словесы` то'чiю, а= дjь'лы на'шими преслу'шаемъ _е=гw` коне'чнjь. Не проповjь'дуется ли и='мя хр\сто'во дне'сь повсю'ду, и= во гра'дjьхъ, и= ве'сjьхъ, и= монастырjь'хъ, и= пусты'нjьхъ; А='ще же ли хо'щеши, и=спыта'й и=звjь'стнw, да позна'еши, _е=ли'цы хрiстiа'не храня'тъ за'пwвjьди _е=гw`: и= _е=два` между` толи'кими w=бря'щеши _е=ди'наго и='стиннаго хрiстiа'нина и= словесы^ и= дjь'лы. Не рече' ли гд\сь на'шъ во сщ~е'нномъ _е=v\глiи: Вjь'руяй въ мя`, дjьла`, jа=`же а='зъ творю`, и= то'й сотвори'тъ, и= бw'льша си'хъ сотвори'тъ {I=wа'н. гл. д~_i, ст. в~_i.}; Дне'сь кто` и=з\ъ на'съ де'рзнетъ рещи`, jа='кw а='зъ творю` дjьла` хр\стw'вы, и= вjь'рую пра'вw въ него`; Ви'дите ли бра'тiя, jа='кw невjь'рни и=мjь'емъ w=брjьсти'ся въ стра'шный _о='ный де'нь суда`, и= и=мjь'емъ му'читися го'рше _о='ныхъ, и=`же не вjь'дятъ коне'чнjь хр\ста`, ниже` вjь'руютъ _е=му`; Поне'же надлежи'тъ, и=ли` на'мъ w=сужд_е'ннымъ бы'ти jа='кw невjь^рнымъ, и=ли` гд\су на'шему i=и~су хр\сту` самои'стиннjь jа=ви'тися неи'стинствующымъ, _е='же _е='сть невозмо'жно. И= сiя^ (с. 157) писа'хъ, бра'тiя моя^, не съ таковы'мъ намjь'ренiемъ, дабы` возбрани'ти хрiстiа'намъ w\тше'льствовати и= безмо'лвствовати, предпочита'я лу'чше житiе` мiрско'е. Да не бу'детъ сiе` николи'же: но намjь'ренiе мое`, да и=звjьщу` всjь'хъ и=му'щихъ чита'ти настоя'щую по'вjьсть, jа='кw хотя'й и= жела'яй w\т всея` души` и= се'рдца, твори'ти бла'го, и= добродjь'тель прiе'млетъ си'лу w\т всеси'льнагw бг~а, дабы` мощи` твори'ти сiе` во вся'комъ мjь'стjь, и= да сподо'бится прiя'ти дарова^нiя духw'вныя и= бж~е'ств_енныя видjь^нiя, jа='коже и= се'й и='ноша блаже'нный, глаго'лю, геw'ргiй: _е=го'же и=мjь'я а='зъ зна'емымъ и= дру'гомъ себjь` при'снымъ, проси'хъ, да сiя^ ми` повjь'даетъ, jа='коже та` написа'хъ. Сегw` ра'ди, бра'тiя моя^ w= хр\стjь` молю` вы`, да прiи'мемъ и= мы` о_у=се'рдiе и= жела'нiе въ се'рдцjь на'шемъ твори'ти добро`, и= да тече'мъ съ вjь'рою несомнjь'нною и= о_у=пова'нiемъ, да и=спра'вимъ за'пwвjьди бж~iя: и= вjь'ренъ и= нело'женъ _е='сть гд\сь на'шъ, ли'ца на^ша не постыдя'тся. И='стиннw возмо'жемъ и=спра'вити вся'кое добро`, въ не'мже бы мjь'стjь не бы'хомъ: и=ли` во гра'дjьхъ, и=ли` въ ве'сехъ, и=ли` въ монастырjь'хъ, и=ли` въ пусты'нехъ. Поне'же всеблагi'й бг~ъ по w=бjьща'нiю своему` w\тверза'етъ врата` ца'рствiя своегw` вся'кому толку'щему, и= нjь'сть w='браза сицева'гw, дабы` и=ща'й вседу'шнw не w=брjь'лъ бога'тства дарова'нiй бж~iихъ. _Е=му'же сла'ва во вjь'ки вjькw'въ, а=ми'нь.

(с. 158)

Тогw'жде преподо'бнагw _о=тца` на'шегw сv"меw'на, но'вагw бг~осло'ва,

СЛО'ВО

w= трiе'хъ w='бразjьхъ моли'твы.

Три` су'ть w='бразы внима'нiя и= моли'твы, и='миже душа` и=ли` возво'дится и= пред\ъуспjьва'етъ, и=ли` низверга'ется и= погубля'ется. И= а='ще сi'и три` w='бразы о_у=потребля'етъ во свое` вре'мя, jа='коже подоба'етъ, то` пред\ъуспjьва'етъ: а='ще же о_у=потреби'тъ несмы'сленнw и= безвре'меннw, низверга'ется. Внима'нiе о_у=`бо до'лженствуетъ бы'ти толи'кw связу'емо и= неразлу'чно съ моли'твою, jа='коже связу'ется и= не разлуча'ется тjь'ло съ душе'ю, и= _е=ди'но без\ъ друга'гw не мо'жетъ состоя'ти. И= внима'нiе до'лженствуетъ предваря'ти и= стрещи` врагw'въ, jа='кw нjь'кiй стра'жъ, и= _о='ное пе'рвjье да подвиза'ется на грjь'хъ, и= да противустои'тъ лука^вымъ помыслw'мъ приходя'щымъ въ се'рдце, внима'нiю же да послjь'дуетъ моли'тва, jа='же потребля'етъ и= о_у=мерщвля'етъ а='бiе всjь` лука^выя _о='ныя по'мыслы, съ ни'миже бра'нь пе'рвjье внима'нiе творя'ше: поне'же сiе` _е=ди'ное не мо'жетъ и=`хъ о_у=мертви'ти. И= въ се'мъ вре'мени бра'ни внима'нiя и= моли'твы, состои'тъ живо'тъ и= сме'рть души`, jа='кw а='ще внима'нiемъ храни'тъ моли'тву чи'сту, то` пред\ъуспjьва'емъ: а='ще же не тщи'мся храни'ти ю=` чи'сту, но w=ставля'емъ нестрего'му, то` w=скверня'ется _о=на` w\т лука'выхъ помыслw'въ, и= мы` быва'емъ непотре'бни и= неуспjь'шни. Поне'же (с. 159) о_у=`бо, jа='коже реко'хомъ, три` w='бразы су'ть внима'нiя и= моли'твы: подоба'етъ и=з\ъясни'ти и= w= сво'йствахъ ка'ждагw w='браза, да и=збере'тъ лу'чшее, и='же хо'щетъ спасти'ся, а= не ху'ждшее.

W= пе'рвомъ w='бразjь внима'нiя и= моли'твы.

Пе'рвагw w='браза свw'йства су'ть сiя^: _е=гда` кто` предстоя` на моли'твjь, возво'дитъ на не'бо ру'цjь свои`, и= _о='чи, и= о_у='мъ, и= воwбража'етъ во о_у=мjь` свое'мъ бж~е'ств_енныя совjь'ты, неб_е'сная блага^я, чи'ны святы'хъ а='гг~лъ, и= ски^нiи святы'хъ: и= вкра'тцjь, вся^, _е=ли^ка слы'ша w\т бж~е'ственнагw писа'нiя, собира'етъ во о_у='мъ сво'й, и= размышля'етъ w=б\ъ _о='ныхъ во вре'мя моли'твы, и= зри'тъ на не'бо, и= возбужда'етъ _о='ными ду'шу свою` къ жела'нiю и= любви` бж~е'ственной, и=ногда` и=спуща'етъ сле'зы, и= пла'четъ. И= таковы'мъ w='бразомъ ма'лw пома'лу кичи'тся се'рдце _е=гw`, не понима'я тогw` о_у=мо'мъ, и= воwбража'етъ, jа='кw _е='же твори'тъ _о='нъ, быва'етъ w\т благода'ти бж~е'ственныя ко о_у=тjьше'нiю _е=гw`, и= мо'литъ бг~а, да сподо'битъ _е=го` w=брjьта'тися въ сицево'мъ дjь'ланiи: jа=`же су'ть зна'менiе пре'лести: поне'же до'брое нjь'сть добро`, _е=гда` не бу'детъ проходи'мо до'брjь, и= jа='коже подоба'етъ. Тjь'мже таковы'й человjь'къ, а='ще и= безмо'лвствовати бу'детъ безмо'лвiемъ соверше'ннымъ, не мо'жетъ не и=зступи'ти и=з\ъ о_у=ма`, и= не безу'мствовати: а='ще же и= не прилучи'тся сегw` съ ни'мъ, _о=ба'че не возмо'жно николи'же прiити` _е=му` въ ра'зумъ, и= дости'гнути добродjь'тели, и=ли` безстра'стiя. Си'мъ w='бразомъ прельсти'шася ви'дjьвшiи свjь'тъ, и= сiя'нiе _о=чесы^ си'ми тjьле'сными, и= w=боня'вшiи благовw'нiя w=боня'нiемъ свои'мъ, и= слы'шавшiи о_у=шесы^ свои'ми гла'сы, и= и=на^я си^мъ подw'бная: и= _о='ви w\т ни'хъ возбjьснова'шася, и= прехожда'ху о_у=мовре'днjь съ мjь'ста на мjь'сто: _о='ви же прiя'ша бjь'са, и= jа='вльшася и= преwбрази'вшася во а='гг~ла свjь'тла, и= прельсти'шася, и= пребы'ша неиспра'влени да'же до конца`, не прiе'мля совjь'та ни w\т _е=ди'нагw бра'та: _о='ви же w\т ни'хъ, под\ъуща'еми дiа'воломъ, са'ми себе` о_у=би'ша: _о='ви же во стремни^ны низверго'шася, _о='ви о_у=дави'шася: (с. 160) и= кто` мо'жетъ и=зрещи` разли^чная прельщ_е'нiя дiа'вwля, и='миже _о='нъ прельща'етъ, и= jа=`же су'ть неисповjьди^ма; _О=ба'че w\т си'хъ, jа=`же реко'хомъ, вся'къ разу'мный человjь'къ мо'жетъ научи'тися, кi'й вре'дъ происхо'дитъ w\т сегw` пе'рвагw w='браза внима'нiя и= моли'твы. А='ще же случи'тся кому` w\т _о='ныхъ, и=`же о_у=потребля'ютъ се'й w='бразъ, не пострада'ти ниеди'нагw sла` w\т тjь'хъ, jа=`же реко'хомъ, ра'ди сожи'тельствованiя съ бра'тiею, [зане` _о='ная sла^я стра'ждутъ наипа'че w\тше'льники, и=`же су'ть _е=ди'ни]: но сицевы'й прово'дитъ всю` жи'знь свою` без\ъуспjь'шнw.

W= второ'мъ w='бразjь внима'нiя.

Вторы'й w='бразъ внима'нiя и= моли'твы _е='сть се'й: _е=гда` кто` собира'етъ о_у='мъ сво'й къ себjь`, w\твлека'я _е=го` w\т всегw` чу'вственнагw, и= храни'тъ чу^вства свои`, и= собира'етъ вся^ по'мыслы своя^, да не скита'ются въ су'етныхъ ве'щехъ сегw` мi'ра, и= _о=вогда` и=стязу'етъ по'мыслы своя^, _о=вогда` внима'етъ словес_е'мъ моли'твы, ю='же глаго'летъ: и= во и='нъ ча'съ собира'етъ къ себjь` вся^ по'мыслы, своя^ плjьн_е'нныя w\т дiа'вола, и= превращ_е'нныя въ лука^вая и= су'_етная, и= во и='нъ ча'съ па'ки съ трудо'мъ мно'гимъ и= ну'ждею прихо'дитъ въ самаго` себя`, бы'въ w=блада'нъ и= побjьжде'нъ каково'юлибо стра'стiю. И= и=мjь'я се'й по'двигъ, и= бра'нь въ себjь`, не мо'жетъ ми'ренъ бы'ти николи'же, ниже` w=брjьсти` вре'мя твори'ти добродjь'т_ели, и= прiя'ти вjьне'цъ пра'вды. Зане'же сицевы'й о_у=подо'бися творя'щему бра'нь со враги` свои'ми но'щiю во тьмjь`, и='же гла'сы вра^жiя слы'шитъ и= ра^ны прiе'млетъ w\т ни'хъ, но не мо'жетъ ви'дjьти jа='снw, кто` _о=ни` су'ть, и= w\тку'ду прiидо'ша, и= ка'кw, и= чесw` ра'ди бо'рютъ _е=го`. Поне'же тьма` jа='же _е='сть во о_у=мjь` _е=гw`, и= бу'ря, ю='же и='мать въ по'мыслjьхъ, прино'сятъ _е=му` сiю` тщету`, и= не мо'жетъ николи'же свободи'тися w\т вра^гъ свои'хъ мы'сленныхъ, и=`же бы не сокруша'ли _е=гw`, и= таковы'й тру'дъ под\ъе'млетъ, мзды' же лиша'ется, зане` w=кра'дается тщесла'вiемъ, не понима'я сегw`, мни'тъ w= себjь`, jа='кw _о='нъ внима'теленъ _е='сть: и= мно'гажды (с. 161) w\т го'рдости презира'етъ други'хъ, и= и=`хъ w=хужда'етъ, и= поставля'етъ себя` досто'йнымъ, по своему` мечта'нiю, бы'ти па'стыремъ _о=ве'цъ, и= путеводи'тельствовати и=`хъ, и= о_у=подобля'ется слjьпцу` покуша'ющуся води'ти и=ны^я слjьпцы`.

Се'й _е='сть вторы'й w='бразъ внима'нiя, и= подоба'етъ вся'кому хотя'щему спасе'нiя, и= внима'ти до'брjь, познава'ти вре'дъ, _е=го'же се'й нано'ситъ душjь`. _О=ба'че се'й вторы'й w='бразъ лу'чше _е='сть пе'рвагw, jа='коже лу'чше _е='сть но'щь, jа='же и='мать луну`, но'щи мра'чныя, и= тоя`, jа='же _е='сть без\ъ луны`.

W= тре'тiемъ w='бразjь внима'нiя.

Тре'тiй w='бразъ _е='сть вои'стинну ве'щь пресла'вная и= неудобьсказу'емая, и= невjь'дящымъ не то'чiю неудобопостижи'ма _е='сть, но и= w\тню'дъ невjьроя'тна. Поне'же во времена` сiя^ w=брjьта'ется се'й w='бразъ не вельми` во мно'гихъ: и= jа='коже а='зъ мню`, притека'етъ къ на'мъ сiе` бла'го w\т послуша'нiя. Поне'же послуша'нiе, jа=вля'емое духо'вному своему` _о=тцу`, вся'каго твори'тъ безпеча'льнымъ: сицевы'й о_у=же` дале'къ _е='сть w\т пристра'стiя мi'ра сегw`, и= вельми` до'брый и= нелjь'ностный дjь'латель сегw` тре'тiягw w='браза, а='ще то'чiю w=брjь'те о_у=чи'теля и= духо'внаго _о=тца` и='стиннаго, не не заблужда'ющаго, не и=му'щаго ни _е=ди'ныя ле'сти. Зане'же возложи` себе`, и= всю` печа'ль свою` на бг~а, и= на духо'внаго своего` _о=тца`, и= послуша'нiемъ и='стиннымъ не ктому` живе'тъ себjь`, _е='же бы твори'ти во'лю свою`, но о_у=мертви'ся w\т вся'кагw пристра'стiя мiрска'гw и= своегw` тjь'ла. Се'й w\т каковы'я привре'менныя ве'щи мо'жетъ бы'ти побjьжде'нъ и= порабоще'нъ; и=ли` ку'ю печа'ль и= попече'нiе мо'жетъ и=мjь'ти сицевы'й человjь'къ; Си'мъ о_у='бw w='бразомъ быва'ющимъ чрез\ъ послуша'нiе, всjь` хи'трwсти бjьсw'вскiя, и= всjь` и=з\ъwбрjь'т_енiя и='хъ, и='миже о_у=хищря'ются привлещи` о_у='мъ ко мнw'гимъ и= разли^чнымъ по'мысламъ, и=счеза'ютъ и= разруша'ются: и= тогда` о_у='мъ _о='нагw человjь'ка быва'етъ свобо'денъ w\т всегw`, и= съ вели'кою вла'стiю благовре'меннjь и=стязу'етъ по'мыслы всjьва'_емыя (с. 162) w\т бjьсw'въ, и= съ вели'кимъ и=ску'сствомъ w\тгоня'етъ _о='ныя, и= се'рдцемъ чи'стымъ прино'ситъ моли'твы своя^ бг~у. Сiе` _е='сть нача'ло и='стиннагw житiя`, и= _е=ли'цы не творя'тъ сегw` нача'ла, всу'е тружда'ются, и= не разумjь'ютъ сегw`.

Нача'ло сегw` тре'тiягw w='браза внима'нiя нjь'сть сiе`, _е='же взира'ти на не'бо, и= воздjьва'ти ру'цjь свои`, и= и=мjь'ти о_у='мъ сво'й въ небе'сныхъ воwбраже'нiихъ, и= w\тту'ду проси'ти по'мощи, зане` сiя^, jа='коже реко'хомъ, су'ть свw'йства пе'рвагw w='браза пре'лести: ниже` па'ки сiе`, _е='же храни'ти о_у=мо'мъ своя^ чу^вства и= внима'ти соверше'ннw сему`, и= вну'тр_еннiя бра^ни, душjь` причиня'_емыя w\т врагw'въ, не зрjь'ти, ниже` внима'ти _о='нымъ, jа='кw сiя^ су'ть свw'йства втора'гw w='браза, и= творя'щiй _о='ныя низлага'ется w\т бjьсw'въ, но са'мъ не низлага'етъ: поража'ется, и= не вjь'сть тогw`: плjьня'ется, и= порабоща'ется, и= не мо'жетъ сотвори'ти w\тмще'нiе плjьни'вшымъ _е=го`, но всегда` враги` jа='внw и= та'йнw ра'туютъ _е=го`, и= дjь'лаютъ тщесла'вна и= самомни'тельна.

Ты' же, возлю'бленне, а='ще хо'щеши спасти'ся, до'лженъ _е=си` нача'ти се'й тре'тiй w='бразъ w\тсю'ду. По соверше'ннjьмъ послуша'нiи, w= не'мже предреко'хомъ, jа='кw подоба'етъ ти` храни'ти _о='ное къ духо'вному твоему` _о=тцу`, и= твори'ти вся^ дjьла` твоя^ съ чи'стою со'вjьстiю а='ки пред\ъ лице'мъ бг~а. Кромjь' бо послуша'нiя не возмо'жно николи'же бы'ти со'вjьсти чи'стой: и= со'вjьсть твою` къ тре'мъ веще'мъ подоба'етъ ти` храни'ти чи'стую: пе'рвjье къ бг~у, пото'мъ къ духо'вному твоему` _о=тцу`, и= тре'тiе ко и=ны^мъ лю'демъ, и= къ веще'мъ.

И= къ бг~у до'лгъ и='маши сохрани'ти со'вjьсть твою` чи'стую: си'рjьчь не твори'ти, _е=ли^ка вjь'си, jа='кw непрiя^тна бг~у, и= неугw'дна су'ть _е=му`. Къ духо'вному твоему` _о=тцу` та'кожде, да твори'ши вся^, _е=ли^ка ти` глаго'летъ, ни бо'лjье заповjь'данныхъ, ни ме'нjье, но по предложе'нiю и= по во'ли _е=гw` си'це да хо'диши. Ко и=ны^мъ же лю'демъ подоба'етъ ти` храни'ти со'вjьсть чи'стую, не твори'ти и=`мъ тогw`, _е='же са'мъ ненави'диши и= не хо'щеши, дабы` твори'ли сiе` _о=ни` тебjь`. И= въ веще'хъ па'ки, до'лгъ и='маши храни'тися w\т (с. 163) sлоупотребле'нiя, си'рjьчь да о_у=потребля'еши все` подоба'ющимъ w='бразомъ, пи'щу, питiе` и= _о=де'жду: и= вкра'тцjь, все` до'лженъ _е=си` твори'ти jа='кw пред\ъ лице'мъ бг~а, и= w\тню'дъ да ни во _е=ди'номъ дjь'лjь w=блича'етъ и= терза'етъ тя` со'вjьсть твоя`, jа='кw не до'брjь сотвори'лъ _е=си`. И= си'це да прохо'диши и='стинный и= неле'стный пу'ть тре'тiягw w='браза внима'нiя и= моли'твы, и='же _е='сть се'й: о_у='мъ да храни'тъ се'рдце во вре'мя моли'твы, и= да пребыва'етъ при'снw вну'трь _о='нагw, и= w\тту'ду, сi'есть, и=з\ъ глубины` се'рдца, да возсыла'етъ моли^твы къ бг~у: и= _е=гда` w\т среды` се'рдца вку'ситъ, jа='кw бла'гъ гд\сь, и= о_у=слади'тся, не ктому` бу'детъ и=сходи'ти w\т мjь'ста серде'чнагw: и= тогда` рече'тъ, jа='коже а=по'столъ пе'тръ, добро` _е='сть на'мъ здjь` бы'ти {Матf. гл. з~_i, ст. д~.}. И= вы'ну въ сiе`, си'рjьчь, вну'трь се'рдца зрjь'ти, и= та'мw w=браща'тися бу'детъ, вымышля'я w='бразъ нjь'кiй прогоня'ти всjь` по'мыслы всjьва'_емыя та'мw w\т врага` дiа'вола. _О=ба'че тjь^мъ, _е=ли'цы не и='мутъ никакова'гw вjь'дjьнiя w= спаси'тельномъ се'мъ дjь'ланiи, мно'жицею jа=вля'ется _о=но` вельми` тру'днымъ и= тjь'снымъ. Но _е=ли'цы вкуси'ша сла'дость, ю='же и='мать, и= наслади'шася сла'достiю во глубинjь` се'рдца своегw`, сi'и съ бж~е'ственнымъ па'vломъ возглаго'лютъ: Кто' ны разлучи'тъ w\т любве` хр\сто'вы {Ри'м. гл. и~, ст. л~_е.}; и= прw'чая.

Святi'и _о=тцы` на'ши, слы'шя гд\са глаго'люща во свяще'нномъ _е=v\глiи, jа='кw w\т се'рдца и=схо'дятъ помышл_е'нiя sла^я, о_у=бi^йства, прелюбодjья^нiя, любодjья^нiя, татьбы^, лжесвидjь'т_ельства, хулы^, и= jа='кw сiя^ су'ть скверня^щая человjь'ка {Матf. гл. _е~_i, ст. f~_i и= к~.}: и= па'ки слы'шя въ друго'мъ мjь'стjь _е=v\глiа, jа='кw заповjь'дуетъ на'мъ, w=чи'стити внутрьу'ду сткля'ницы, да бу'детъ и= внjь'шнее чи'сто {Матf. гл. к~г, ст. к~s.}: w=ста'виша вся'кое и=но'е дjь'ло, и= подвиза'хуся вся'чески въ се'мъ дjь'ланiи, си'рjьчь въ хране'нiи се'рдца, вjь'дяще и=звjь'стнw, jа='кw вку'пjь съ си'мъ дjь'ланiемъ стя'жутъ о_у=до'бнw вся'кую и=ну'ю добродjь'тель: но кромjь` сегw` не мо'жетъ стяжа'тися и= пребы'ти ни _е=ди'ная добродjь'тель. Сiе` дjь'ланiе нjь'цыи w\т _о=т_е'цъ на'шихъ и=менова'ша (с. 164) безмо'лвiе серде'чное: и=нi'и _о='ное нареко'ша внима'нiе, и=нi'и трезвjь'нiе и= противорjь'чiе, и=нi'и и=стяза'нiе по'мыслwвъ и= хране'нiе о_у=ма`. Поне'же вси` о_у=праждня'хуся въ се'мъ, и= си'мъ сподо'бишася бж~е'ственныхъ дарова'нiй, и= w= се'мъ глаго'летъ и= _е=кклесiа'стъ: Весели'ся, ю='ноше, въ ю='ности твое'й, и= ходи` въ путе'хъ се'рдца твоегw` непоро'ченъ {_Е=ккл. гл. а~_i, ст. f~.} и= чи'стъ, и= о_у=дали` се'рдце твое` w\т помышле'нiй. И= w= се'мъ са'момъ глаго'летъ и= при'точникъ: а='ще взы'детъ на тя` прило'гъ дiа'вола, да не w=ста'виши вни'ти въ мjь'сто твое` {_Е=ккл. гл. _i~, ст. д~.}, мjь'сто же разумjь'етъ се'рдце. И= гд\си на'шъ глаго'летъ во сщ~е'нномъ _е=v\глiи: не возноси'теся {Луки` гл. в~_i, ст. к~f.}, си'рjьчь, не расточа'йте о_у=ма` ва'шегw сjь'мw и= _о=ва'мw. и= во и=но'мъ мjь'стjь па'ки глаго'летъ: блаже'ни ни'щiи ду'хомъ {Матf. гл. _е~, ст. г~.}, си'рjьчь, блаже'ни су'ть тjь`, _е=ли'цы не стяжа'ша въ се'рдце свое` ни _е=ди'ныя мы'сли сегw` мi'ра, но су'ть ни'щи w\т вся'кагw по'мысла мiрска'гw. И= вси` бж~е'ственнiи _о=тцы` на'ши писа'ша мно'гw w= се'мъ, и= кто` хо'щетъ прочести` писа^нiя и='хъ, да ви'дитъ, _е=ли^ка написа` подви'жникъ ма'ркъ, и= _е=ли^ка рече` ст~ы'й i=wа'ннъ лjь'ствичникъ, и= преподо'бный и=сv'хiй, и= сiнаи'тъ фiлоfе'й, и= а='вва и=са'iа, и= вели'кiй варсоно'фiй, и= и='ни мно'зи.

И= вкра'тцjь: кто` не вне'млетъ храни'ти о_у='мъ сво'й, то'тъ не мо'жетъ бы'ти чи'стъ се'рдцемъ, и= сподо'битися зрjь'ти бг~а. Кто` не вне'млетъ, то'тъ не мо'жетъ бы'ти ни'щь дх~омъ, ниже` мо'жетъ пла'кати и= рыда'ти, и=ли` бы'ти кро'токъ и= смире'нъ, и=ли` бы'ти ми'лостивъ и= миротво'рецъ, и=ли` и=згна'нъ пра'вды ра'ди: и= да реку` во_обще`: не мо'жно стяжа'ти другi'я добродjь'т_ели и=ны'мъ w='бразомъ, то'чiю си'мъ внима'нiемъ. Сегw` ра'ди па'че всегw` w= не'мъ подоба'етъ ти` пещи'ся, да пости'гнеши и=ску'сомъ сiя^, jа=`же ти` глаго'лю. А='ще же хо'щеши позна'ти и= w='бразъ, ка'кw сiе` твори'ти, а='зъ ти` реку` и= w= се'мъ по си'лjь, ты' же внемли` до'брjь.

Три` в_е'щи потре'ба ти` храни'ти пре'жде всегw` и=но'гw: пе'рвое, безпопече'нiе w= вся'кой ве'щи ка'къ благосло'вной, та'къ и= неблагосло'вной и= су'етной, си'рjьчь, о_у=мерщвле'нiе w\т всjь'хъ си'хъ: (с. 165) второ'е, со'вjьсть чи'сту во все'мъ, jа='коже реко'хомъ, да не w=блича'етъ тя` со'вjьсть ни во _е=ди'ной ве'щи: и= тре'тiе, безпристра'стiе соверше'нное, да не о_у=клоня'ется по'мыслъ тво'й въ пристра'стiе ни _е=ди'ныя мiрскi'я ве'щи. Посе'мъ ся'ди во _е=ди'номъ мjь'стjь _о=со'бенномъ и= безмо'лвномъ наединjь`, во _е=ди'номъ о_у=глjь`, и= затвори` две'рь, и= собери` о_у='мъ тво'й w\т вся'кiя привре'менныя и= су'етныя ве'щи, та'же прилjьпи` къ пе'рсемъ браду` твою`, и= внима'й въ се'рдцjь о_у=мо'мъ твои'мъ и= чу'вственными твои'ми _о=ча'ми, и= о_у=держи` ма'ло дыха'нiе твое`, и= да и='маши та'мw о_у='мъ тво'й, и= и=спыту'й о_у='мнjь w=брjьсти` мjь'сто, и=дjь'же _е='сть се'рдце твое`, да бу'детъ та'мw соверше'ннw и= о_у='мъ тво'й: и= въ нача'лjь w=бря'щеши та'мw тьму`, и= w=слjьпле'нiе мно'гое, и= жесто'кость: по'слjьжде, _е=гда` твори'ти бу'деши, сiе` внима'нiе непреста'ннw но'щь и= де'нь, w=бря'щеши, _w чудесе`! непреста'нное весе'лiе. Поне'же о_у='мъ подвиза'яся въ се'мъ w=бря'щетъ мjь'сто серде'чное, и= тогда` а='бiе о_у='зритъ та'мw сиц_ева'я, jа=`же не ви'дjь николи'же, ниже` вjь'дяше. О_у='зритъ бо возду'хъ _о='ный w=брjьта'ющiйся та'мw вну'трь се'рдца, и= всего` себе` свjь'тла, и= и=спо'лненна вся'кагw благоразу'мiя и= разсужде'нiя. И= w\тто'лjь и= впре'дь, w\тку'да бы ни возни'къ, и= ни jа=ви'лся нjь'кiй по'мыслъ, пре'жде не'жели _о='нъ вни'детъ, и= и=з\ъwбрази'тся, а='бiе прогоня'етъ _е=го` w\тту'ду, и= потребля'етъ и='менемъ i=и~совымъ, си'рjьчь си'мъ: гд\си i=и~се хр\сте`, поми'луй мя`! И= w\тсю'ду о_у=же` о_у='мъ человjь'чь начина'етъ и=мjь'ти памятоsло'бiе и= не'нависть къ бjьсw'мъ, и= бра'нь непреста'нную, и= воздвиза'етъ на ни'хъ jа='рость _е=сте'ственную, го'нитъ и=`хъ, бiе'тъ и= потребля'етъ. Прw'чая же, jа=`же навыко'ша бы'ти, позна'еши по си'хъ съ по'мощiю бж~iею, са'мъ и=ску'сомъ посре'дствомъ внима'нiя о_у=ма` твоегw`, и= держа` въ се'рдцjь i=и~са, си'рjьчь моли'тву сiю`: гд\си i=и~се хр\сте`, и= прw'чая: глаго'летъ бо и= нjь'кiй w\т _о=т_е'цъ: Сjьди` въ ке'ллiи твое'й, и= _о=на` тя` всему` нау'читъ.

Воп: Чесw` ра'ди пе'рвый и= вторы'й w='бразъ, w= ни'хже реко'хомъ, не мо'гутъ и=спра'вити сегw`;

W\тв: Поне'же не прохо'димъ мы` сiя^, jа='коже подоба'етъ. Зане` и= ст~ы'й i=wа'ннъ лjь'ствичникъ о_у=подобля'етъ сi'и три` w='бразы (с. 166) лjь'ствицjь w= четыре'хъ степе'нехъ, и= глаго'летъ: _о='ви о_у=кроща'ютъ и= о_у=маля'ютъ стра^сти: и= _о='ви пою'тъ, си'рjьчь, мо'лятся о_у=сты^ свои'ми: и= _о='ви о_у=праждня'ются во о_у='мной моли'твjь: и= _о='ви восхо'дятъ къ видjь'нiю. Тjь'мже хотя'щiи взы'ти на сi'и четы'ре степ_е'ни, да не начина'ютъ съ верху` и=дти` на ни'зъ, но съ ни'зу на ве'рхъ да восхо'дятъ на пе'рвую степе'нь, пото'мъ на втору'ю, и= тогда` на тре'тiю, а= по'слjь на четве'ртую. И= си'мъ w='бразомъ мо'жетъ вся'къ w\т земли` возста'ти, и= взы'ти на не'бо. И= пе'рвjье потре'ба подвиза'тися, jа='кw да о_у=кроти'тъ и= о_у=ма'литъ стра^сти: второ'е, да о_у=праждня'ется во _псалмопjь'нiи, си'рjьчь, да мо'лится о_у=сты^: _е=гда' бо о_у=ма'лятся стра^сти, тогда` о_у=же` моли'тва по _е=стеству` подае'тъ весе'лiе и= сла'дость я=зы'ку, и= вмjьня'ется благоуго'дною бг~ови: тре'тiе, да мо'лится о_у='мнjь: и= четве'ртое, да восхо'дитъ къ видjь'нiю. И= пе'рвое _е='сть новонача'льныхъ, второ'е возраста'ющихъ въ пред\ъуспjь'янiи, тре'тiе дости'гшихъ до кра'йнягw предспjь'янiя, а= четве'ртое _е='сть соверше'нныхъ.

И= та'кw нача'ло нjь'сть и='но, то'чiю о_у=мале'нiе страсте'й, jа=`же не о_у=маля'ются въ душjь` и=нjь'мъ w='бразомъ, то'чiю хране'нiемъ се'рдца и= внима'нiемъ. W\т се'рдца бо и=схо'дятъ, jа='коже глаго'летъ вл\дка на'шъ, помышл_е'нiя sла^я, скверня^щая человjь'ка {Матf. гл. _е~_i, ст. f~_i.}, и= та'мw тре'буется бы'ти хране'нiю и= внима'нiю. И= _е=гда` стра^сти преста'нутъ и= о_у=ма'лятся w\т бра'ни и= сопротивле'нiя, _е='же твори'тъ на ни'хъ се'рдце, тогда` о_у='мъ жела'етъ и= взыску'етъ, ка'кw бы примири'тися съ бг~омъ, и= си'це о_у=множа'етъ моли'тву, и= о_у=праждня'ется въ не'й: и= си'мъ жела'нiемъ и= моли'твою о_у=крjьпля'емь, прогоня'етъ вся^ _о='крестъ по'мыслы, и=`же покуша'ются вни'ти въ се'рдце, поража'я и=`хъ моли'твою. И= тогда` быва'етъ бра'нь, ра'туютъ съ вели'кимъ возмуще'нiемъ лука'вiи бjь'си, и= дjь'йствiемъ страсте'й творя'тъ мяте'жъ и= бу'рю въ се'рдцjь, но и='менемъ i=и~са хр\ста` потребля'ются и= разруша'ются, jа='коже во'скъ w\т _о=гня`. И= па'ки, _е=гда` w\тгна'ни бу'дутъ, и= w\ти'дутъ w\т се'рдца, не престаю'тъ, но (с. 167) возмуща'ютъ о_у='мъ внjь'шними чу'вствы w\твнjь`: и= сегw` ра'ди sjьлw` ско'рw w=щуща'етъ о_у='мъ тишину` и= безмо'лвiе въ себjь`: _е=гда' бо не и='мутъ си'лы возмути'ти о_у='мъ во глубинjь`, возмуща'ютъ _е=го` w\твнjь` мечта'нiями. Тjь'мже невозмо'жно свободи'тися соверше'ннw бра'ни, и= не ра'туему бы'ти w\т лука'выхъ си'хъ духw'въ. Поне'же сiе` _е='сть соверше'нныхъ и= тjь'хъ, _е=ли'цы о_у=дали'шася соверше'ннw w\т всегw`, и= пребыва'ютъ вы'ну во внима'нiи се'рдца. И='же о_у='бw прохо'дитъ сiя^ по чи'ну, ка'ждое во вре'мя свое`, се'й мо'жетъ по w=чище'нiи се'рдца своегw` w\т страсте'й, и= во _псалмопjь'нiи о_у=праждня'тися соверше'ннjь ве'сь, и= по'мыслwмъ противора'товати, и= на не'бо взира'ти чу'вственными _о=ча'ми, _е=гда` потре'бно бу'детъ, о_у='мными же душе'вными зрjь'ти _о='ное, и= моли'тися чи'стw во и='стинjь, jа='коже подоба'етъ.

_О=ба'че взира'ти на не'бо sjьлw` рjь'дкw подоба'етъ стра'ха ра'ди лука'выхъ на возду'сjь духw'въ, сегw` ра'ди и= и=мену'ются возду'шнiи ду'си, и='же произво'дятъ мнw'гiя и= разли^чныя пре'л_ести на возду'сjь: подоба'етъ о_у=`бо на'мъ внима'ти. Поне'же сегw` то'чiю тре'буетъ w\т на'съ бг~ъ, да бу'детъ w=чище'нно се'рдце на'ше хране'нiемъ и= внима'нiемъ. И= а='ще ко'рень _е='сть свя'тъ, jа='коже глаго'летъ а=по'столъ, jа='вjь, jа='кw и= вjь^тви су'ть свя'ти и= пло'дъ {Ри'м. гл. а~_i, ст. s~_i.}. Без\ъ сегw' же w='браза, w= не'мже реко'хомъ, возводя'й _о='чи свои` и= о_у='мъ сво'й на не'бо, и= хотя'й воwбража'ти нjь'что о_у='мственно, мечта^нiя зри'тъ, и= лw'жныя пре'л_ести, а= не и='стинныя, зане` и='мать нечи'сто се'рдце свое`. Ча'стw, jа='коже реко'хомъ, пе'рвый и= вторы'й w='бразъ во о_у=спjь'янiе не приво'дятъ человjь'ка. JА='коже бо хотя'ще зда'ти до'мъ, пе'рвjье не полага'емъ ве'рхъ, пото'мъ w=снова'нiе, поне'же сiе` _е='сть невозмо'жно: но пе'рвjье полага'емъ w=снова'нiе, пото'мъ зи'ждемъ до'мъ, та'же полага'емъ ве'рхъ. Си'це подоба'етъ на'мъ твори'ти и= въ духо'вномъ дjь'ланiи: пе'рвjье да полага'емъ w=снова'нiе, си'рjьчь, да сохрани'мъ се'рдце, и= да о_у=ма'лимъ w\т негw` стра^сти, пото'мъ да сози'ждемъ духо'вный до'мъ, си'рjьчь, да w\трази'мъ (с. 168) возмуще'нiе лука'выхъ духw'въ, вою'ющихъ на на'съ чрез\ъ чу'вствы, и= да бjьжи'мъ скорjь'е бра'ни и='хъ, и= тогда` да полага'емъ и= ве'рхъ, си'рjьчь, да о_у=клони'мся соверше'ннw w\т всjь'хъ веще'й, да ми'рни бу'демъ, jа='коже подоба'етъ, и= да соедини'мся соверше'ннw бг~у. И= си'це да соверша'емъ духо'вный до'мъ w= хр\стjь` i=и~сjь гд\сjь на'шемъ, _е=му'же сла'ва во вjь'ки вjькw'въ, а=ми'нь.

(с. 169)

И='же во ст~ы'хъ _о=т_е'цъ на'шихъ григо'рiй на сiна'йстjьй горjь` во и='нока бы'сть постри'женъ, и= сегw` ра'ди сiнаи'тъ нарече'ся, процвjьте' же во вре'мя ца'рствованiя а=ндронi'ка, _о='колw ты'сящи три'ста тридеся'тагw го'да, во а=fw'нъ же го'ру прише'дъ, и= та'мwшнiя w=бше'дъ _о=би'тели и= безмо'лвнич_ества: мно'гихъ о_у=`бо w=брjь'те смы'сломъ и= нра'вwвъ чистото'ю о_у=кра'шенныхъ, и= w= дjья'нiи то'чiю тщали'выхъ, блюде'нiю же о_у=ма` и= безмо'лвiя, w=па'сству и= видjь'нiю толи'кw ненауче'нныхъ, jа='кw ниже` по и='мени та^, jа=кwва' же су'ть, разумjь'ти. _Е=ди'нjьмъ то'чiю тре'мъ прилучи'ся въ ски'тjь магу'ла лежа'щемъ проти'ву фiлоfе'а [и=са'iа, корни'лiй и= мака'рiй тjь^мъ и=мена`] ма'лw и= w= видjь'нiи тружда'тися. Сегw` ра'ди ре'вностiю бж~iею распаля'емь, не то'чiю _о=со'бь безмо'лвствующихъ, но и= въ _о=бщежи'тiяхъ всjь'хъ, трезвjь'нiю и= блюде'нiю о_у=ма` и= о_у='мнjьй моли'твjь о_у=ча'ше. Не то'чiю же, но и= по предмо'рiямъ македw'нскимъ три` ла^vры в_е'лiя о_у=стро'ивъ, и= мjьста` мнw'жайша и= _о='бласти преше'дъ, всjь'хъ _о='бще w= дjь'ланiи о_у='мныя и= непреста'нныя моли'твы, бж~е'ственными свои'ми о_у=че'ньми наставля'ше. И= мно'гихъ тjь'мъ грjь'шникwвъ w=брати'въ, и= досто'йныхъ и=з\ъ недосто'йныхъ показа'въ, спаса'емыхъ ча'сти тjь'мъ о_у=досто'итися вино'венъ бы'сть. тw'же и= жи'знь ка'ллiстъ святjь'йшiй патрiа'рхъ, и= о_у=чени'къ _е=гw`, и=звjь'ствовавшiй, простра'ннjь написа`. Но jа='кw бо въ жи'зни свое'й, сла'венъ _о='бщiй о_у=чи'тель свяще'ннагw трезвjь'нiя jа=ви'ся, си'це по сме'рти, къ тому'жде настоя'щими свои'ми списа'ньми путеведе'тъ. О_у='мныя бо и= серде'чныя мл~твы дjь'ятельный спо'собъ и=зря'днjьйше и= соверше'ннjьйше наставля'етъ, и= w= нра'вственныхъ добродjь'телехъ и= страсте'хъ и=зуча'етъ, и= и=ны^я о_у=`бо зна'м_енiя пре'лести, и='на же благода'ти въ си'хъ jа=ви`. И= вся'кw преполе'зное _е='сть сiе` творе'нiе ра'внjь новонача^льнымъ, ср_е'днимъ же и= соверш_е'ннымъ: сокрове'нное же въ ни'хъ духо'вно бога'тство, jа=ково` и= коли'ко _е='сть, нелjь'ностнjь прочты'й w=бря'щетъ, и= ра'достiю вои'стинну неизрече'нною возра'дуется w= w=брjь'тенiи тогw`.

(с. 170)

И='же во святы'хъ _о=тца` на'шегw

ГРИГО'РIА СIНАИ'ТА.

Главы^, краегране'сiемъ въ гре'ческомъ писа'нiи располож_е'нныя, sjьлw` пол_е'зныя.

Словеса` разли^чная w= за'повjьдехъ, догма'тjьхъ, му'кахъ, и= w=бjьтова'нiяхъ: _е=ще' же w= по'мыслjьхъ, страсте'хъ, добродjь'телехъ, безмо'лвiи и= моли'твjь.

а~. Слове'сну о_у=`бо бы'ти, и=ли` содjь'латися кому` по _е=стеству`, jа='коже бjь` пре'жде въ чистотjь` и= нетлjь'нiи, невозмо'жно. То'ю бо чу'вственное безслове'сiя навыкнове'нiе, се'ю же тлjь'нное пло'ти состоя'нiе w=блада`.

в~. По _е=стеству` слове'сными _е=ди'ни то'чiю чистото'ю святi'и jа=ви'шася: сло'ва бо чи'ста никто'же w\т му'дрыхъ въ сло'вjь и=мjь`, w\т нача'ла слове'сность по'мыслы растли'вшихъ. Веще'ственный бо и= многоглаго'льный прему'дрости мi'ра сегw` ду'хъ, словеса` о_у=`бо на многовjь'дjьнiе, по'мыслы же на дича'йшее наводя`, водворя'ется въ ни'хъ, лиши'въ и=`хъ воv"поста'сныя прему'дрости и= видjь'нiя нераздjь'льнагw и= _е=ди'нственнагw ра'зума.

г~. Ра'зумъ и='стины, чу'вство благода'ти со'бственнw бы'ти разумjь'й, прw'чiя же разумjь^нiя, помышле'нiй jа=вл_е'нiя и= веще'й доказа^нiя, нарица'ти подоба'етъ.

(с. 171)

д~. _Е=ли'цы благода'ти не получа'ютъ, ра'ди невjь'рiя и= нерадjь'нiя сiе` стра'ждутъ: и= _е=ли'цы па'ки w=брjьта'ютъ вjь'рою и= тща'нiемъ. Си'хъ о_у=`бо ра'ди въ пр_е'дняя при'снw простира'ются, сопроти'вныхъ же ра'ди, вспя'ть соверше'ннjь w=браща'ются.

_е~. Равно` _е='сть и= ме'ртву и= нечу'вственну бы'ти, и= о_у=мо'мъ слjь'пу, и= тjьле'снjь не зрjь'ти. _О='въ бо лиши'ся о_у='бw живы'я и= дjь'йствующiя си'лы: _о='въ же лиши'ся, не ви'дя бж\ственнагw свjь'та, творя'щагw зрjь'ти и= зрjь'тися.

s~. Си'лу и= прему'дрость, _о=боя^ w\т бг~а ма'ли прiе'млютъ: _о='на бо _е='сть бж~е'ственныхъ причаща'т_ельна бла^гъ: сiя^ же и=з\ъяви'т_ельна, воспрiима'ти же _е=е` и= преподая'ти, бж~е'ственный вои'стинну да'ръ и= вы'ше человjь'ка.

з~. Свjьти'лище и='стинно и= пре'жде бу'дущагw житiя` _е='сть, _е='же без\ъ пw'мыслъ се'рдце дjь'йствуемо дх~омъ: вся^ бо та'мw соверша'ются и= глаго'лются дх~о'внjь. И= не стяжа'вый сiе` w\тсю'ду, ка'мень _е='сть ра'ди и=нjь'хъ добродjь'телей, потре'бенъ въ назида'нiе бж~е'ственнагw хра'ма, а= не хра'мъ и= священнодjь'йствитель дх~а.

и~. Нетлjь'ненъ человjь'къ со'зданъ бы'сть кромjь` мокро'тъ, jа=ко'въ же и= воскре'снетъ. Не непремjь'ненъ же, ниже` па'ки премjь'ненъ. Си'лу и=мjь'я во'льнагw хотjь'нiя преложи'тися, и=ли` ни`: соверше'ннагw бо непреложе'нiя не твори'тъ къ _е=стеству` хотjь'нiе, то' бо _е='сть по'честь бу'дущагw непрело'жнагw w=боже'нiя.

f~. Тлjь'нiе бо пло'ти рожде'нiе, jа='сти же и= и=зли'шество и=зпромета'ти, и= свирjь'пjьти и= спа'ти, _е=сте'ств_енная sвjьре'й и= скотw'въ свw'йства, по ни'мже преслуша'нiя ра'ди скотw'мъ о_у=подо'бльшеся, w\тпадо'хомъ свои'хъ и= бг~ода'нныхъ бла^гъ, и= ско'тни w\т слове'сныхъ, и= sвjь'рсти w\т бж~е'ственныхъ содjь'лавшеся.

_i~. Ра'й сугу'бъ _е='сть: чу'вственный и= о_у='мный, си'рjьчь во _е=де'мjь, и= благода'тный.

а~_i. Преходя'ща, си'рjьчь, тлjь'нна тва'рь не бы'сть пе'рвjье, сказу'ютъ, сотворе'на: по'слjьжде же растли'вшися, и= тлjь'нiю подпа'дши, и= суетjь`, по писа'нiю, повину'ся, си'рjьчь, человjь'ку, не (с. 172) во'лею, и= не хотя'щи, но за повину'вшаго ю=`, на о_у=пова'нiи {Ри'м. гл. и~, ст. к~.} w=бновле'нiя и=стлjь'вшагw а=да'ма. W=бнови'вый того` и= w=святи'вый, а='ще и= тлjь'нно но'ситъ то'й тjь'ло, вре'менныя ра'ди жи'зни, и= сiю` w=бнови`, но не о_у=` w\т тлjь'нiя свободи'въ. W\т тлjь'нiя же и=збавле'нiе тва'ри, и='нiи глаго'лютъ, бы'ти на лу'чшее премjьне'нiе, друзi'и же, соверше'нное чу'вственныхъ преложе'нiе. _О=бы'чай бо _е='сть писа'нiю, w= недоумjьва'емыхъ досе'лjь твори'ти сказа'нiе про'стw и= немногопы'тнjь.

в~_i. Благода'ть прiе'млющiи jа='коже въ зача'тiи, и= непра'здни су'ще дх~омъ, и=ли` чрез\ъ пад_е'нiя бж~е'ственное w\тмета'ютъ сjь'мя, и=ли` вдо'вствутъ w\т бг~а, прi_обще'нiемъ врага` кры'ющагwся въ ни'хъ. И= w=ставле'нiе о_у='бw благода'ти, дjь'йства ра'ди страсте'й, соверше'нное же лише'нiе, грjьхо'внагw ра'ди дjья'нiя быва'етъ. Душа' бо страстолюби'вая и= грjьхолюби'вая, лише'на и= w\тве'ржена су'щи благода'ти и= вдо'вствующа, жили'ще бу'детъ страсте'мъ, да не реку` бjьсw'мъ, ны'нjь и= въ бу'дущемъ вjь'цjь.

г~_i. JА='рость ти'хою и= кро'ткою ничто'же и='но твори'тъ, jа='коже му'жество и= ми'лость: _о='ва о_у='бw внjь^шнiя: _о='ва же вну'тр_еннiя, jа='коже градое'мнiи хи'трwсти сокруша'ющи.

д~_i. Мно'зи за'пwвjьди дjь'лающе, мня'тъ ше'ствовати, не о_у=` гра'да дости'гше внjьу'ду пребыва'ютъ. И=схожде'нiе бо ца'рскихъ пра'выхъ путе'й, си'рjьчь подо'бныя добродjь'телямъ sло'бы _о='тай взе'мше неуспjь'шнw ше'ствуютъ. За'пwвjьди бо тре'буютъ ниже` о_у=мале'нiя, ниже` превосхожде'нiя, но и= намjь'ренiя бг~оуго'дна, и= бж~е'ственныя то'чiю и='щуще во'ли. А='ще ли не та'кw, всу'е тру'дъ, пра^вы, по писа'нiю, не твори'ти ст_ези` бж~iя: во вся'комъ бо дjь'лjь, намjь'ренiе взыску'ется ве'щи.

_е~_i. Въ пути`, си'рjьчь за'повjьдьми въ се'рдцjь, взыску'й гд\са. _Е=гда' бо слы'шиши i=wа'нна вопiю'ща, и= повелjьва'юща всjь^мъ о_у=гото'вати пу'ть гд\снь: пра'вы твори'ти ст_ези` {Ма'рка гл. а~, ст. г~.} веля'ща, за'пwвjьди, и= сердца` и= дjья^нiя бы'ти непщу'й. Не возмо'жно бо (с. 173) сотвори'ти пу'ть пра'въ за'повjьдей и= дjья'нiе непогрjь'шно, а='ще не серде'чну правоту` сотвори'ши.

s~_i. Же'злъ и= па'лицу, {_Псал. к~в, ст. д~.} _е=гда` о_у=слы'шиши по проро'ческому словеси` писа'нiе глаго'лющее, су'дъ и= про'мыслъ бы'ти непщу'й: по нра'вственному же сло'ву пjь'нiе и= моли'тву. Суди'ми бо w\т гд\са жезло'мъ наказа'нiя, ко w=браще'нiю наказу'емся: наказу'юще же востаю'щыя на ны` жезло'мъ му'жественнагw пjь'нiя, моли'твою о_у=твержда'емся. И=му'ще о_у=`бо же'злъ и= па'лицу въ руцjь` дjья'нiя о_у=ма`, не преста'немъ нака'зовати и= нака'зоватися, до'ндеже под\ъ про'мысломъ су'ще, соверше'ннjь и=збjь'гнемъ суда` ны'нjьшнягw и= бу'дущагw.

з~_i. Сво'йственно _е='сть за'повjьдемъ, _е='же предпочита'ти присноwбде'ржную за'повjьдь, бж~iю па'мять, глаго'лющую: помяни` гд\са бг~а твоего` вы'ну, {_е~ Мwv"с. гл. и~, ст. и~_i.} _е='юже бо погибо'ша, се'ю и= сохрани'тися мо'гутъ. Забве'нiе бо погуби` бж~iю и=знача'ла па'мять, за'пwвjьди помрачи'вши, и= та'кw на'га человjь'ка w\т вся'кагw бла'га содjь'ла.

и~_i. Двjьма` за'повjьдьми подви'жники па'ки дре'внягw досто'инства достиза'ютъ: послуша'нiемъ и= посто'мъ. W\т несохране'нiя бо си'хъ вся'кая sло'ба ро'ду человjь'ческому привни'де. И= и=`же послуша'нiемъ о_у='бw храня'щiи за'пwвjьди, поспjь'шнjье къ бг~у восхо'дятъ, а= и=`же посто'мъ и= моли'твою, косни'тельнjье. И= послуша'нiе о_у='бw новонача^льнымъ прили'чествуетъ: по'стъ же ср_е'днимъ, и= разу^мнымъ, и= му'жеств_еннымъ. _Е='же бо соблюсти` за'повjьдьми неле'стное послуша'нiе бг~у, sjьлw` ма'лjьхъ _е='сть, и= самjь^мъ тjь^мъ му'жеств_еннымъ притру'дно.

f~_i. Зако'нъ дх~а жи'зни, по а=п\слу, {Ри'м. гл. и~, ст. в~.} _е='сть, и='же въ се'рдцjь дjь'йствуяй и= глаго'ляй, jа='коже и= пи'сьменный во пло'ти дjь'йствуемый. То'й бо о_у='бw свобожда'етъ о_у='мъ w\т зако'на грjьхо'внагw и= сме'рти: се'й же _о='тай фарiсе'а содjь'ловаетъ, тjьле'снjь зако'нъ творя'ща, и= помышля'юща, и= во _е='же ви'дjьну бы'ти за'пwвjьди дjь'лающа.

(с. 174)

к~. Составле'нiе всjь'хъ за'повjьдей, слага'емыхъ и= соwружа'емыхъ ду'хомъ, человjь'ка соверше'нна глаго'лютъ бы'ти, и=ли` несоверше'нна по предспjь'янiю быва'ема. И= за'пwвjьди о_у='бw, jа='коже тjь'ло, добродjь'т_ели же а='ки кw'сти ка'чествъ навыкнове'нiя благода'ть же, jа='кw ду'шу жи'ву су'щую, и= дви'жущуся и= дjь'йствующу, jа='коже тjь'ло всjь'хъ за'повjьдей дjья'нiя. Нерадjь'нiе бо и= тща'нiе къ превозраще'нiямъ хр\стw'вымъ, показу'ютъ человjь'ка, младе'нца и=ли` соверше'нна, ны'нjь же и= въ бу'дущемъ вjь'цjь.

к~а. Хотя'й тjь'ло за'повjьдей возрасти'ти, слове'снагw чи'стагw млека` ма'тернiя благода'ти жела'ти да тщи'тся. W\тту'ду бо млекопита'ется вся'къ, w= хр\стjь` и='щущiй и= хотя'щiй возраще'нiемъ возрасти'тися. Млеко' бо къ возраще'нiю прему'дрость w\т свои'хъ сос_е'цъ w= хр\стjь` младе'нц_емъ теплоту` подае'тъ: ме'дъ же пи'щный соверш_е'ннымъ весе'лiе свое` ко w=чище'нiю дае'тъ. Ме'дъ, глаго'летъ, и= млеко` под\ъ я=зы'комъ твои'мъ. {Пjь'снь пjь'с. д~, ст. а~_i.} Млеку` о_у='бw и=мjь'ти пита'тельную и= возрасти'тельную, ме'ду же w=чисти'тельную ду'ха си'лу, соломw'нъ рече`. Вели'кiй же а=п\слъ, разли'чiе дjь'йствъ назна'менуя, глаго'ла: jа='кw младе'нц_евъ, млеко'мъ вы` напои'хъ, а= не бра'шномъ. {а~ Кор. г~, ст. а~ и= в~.}

к~в. Слове'съ за'повjьдей, кромjь` за'повjьдей взыску'яй, и= о_у=че'нiемъ и=ли` чте'нiемъ w=брjьсти` жела'яй, подо'бенъ _е='сть воwбража'ющему себjь` сjь'нь вмjь'стw и='стины. Словеса` во и='стины въ прича'стницjьхъ и='стинjь прича'ствуеми су'ть. И='стины бо неприча'стнiи и= невjь'дущiи, взыску'я слове'съ, w=брjьта'ютъ я=` w\т w=б\ъюродjь'вшiя прему'дрости, и=`хже и= душе'вными наре'клъ а=п\слъ, дх~а не и=му'щихъ, а='ще и= и='стиною не'гли велича'ются.

к~г. JА='коже чу'вственное _о='ко взира'етъ на пи'смя, и= w\т пи'смене чу'вств_енная прiе'млетъ разумjь^нiя: си'це и= о_у='мъ, _е=гда` w=чи'стится, и= въ первобы'тное дости'гнетъ досто'инство, на бг~а зри'тъ, и= w\т негw` прiе'млетъ бж~е'ств_енная разумjь^нiя, и= вмjь'стw о_у='бw кни'ги и='мать дх~а, вмjь'стw же тро'сти писа'тельныя, смы'слъ и= я=зы'къ. Я=зы'къ мо'й, глаго'летъ, тро'сть: {_Псал. м~д, ст. в~.} свjь'тъ же вмjь'стw (с. 175) черни'ла. Погружа'я о_у='бw мы'сль во свjь'тjь, и= свjь'тъ соверша'я, начертава'етъ словеса` ду'хомъ въ чи'стыхъ сердца'хъ послу'шающихъ. Тогда` позна'етъ рече'нное, ка'кw бу'дутъ вjь'рнiи науче'ни бг~омъ, и= ка'кw о_у=чи'тъ бг~ъ человjь'ка ра'зуму, по проро'честву, дх~омъ. {I=wа'н. s~, ст. м~_е. _Псал. ч~г, ст. _i~.}

к~д. Зако'нъ за'повjьдей, серде'чнw дjь'йствуемую вjь'ру непосре'дственнw бы'ти разумjь'й. W\т нея' бо вся'ка за'повjьдь и=сточа'ется, и= душа'мъ просвjьще'нiе дjь'йствуетъ, и='хже плоды` и='стинныя и= дjь'йствуемыя вjь'ры су'ть: воздержа'нiе и= любо'вь, и= коне'цъ бг~ода'рное смире'нiе, любве` нача'ло и= о_у=твержде'нiе.

к~_е. Сла'ва существу'ющихъ нело'жна, _е='сть и='стинный ра'зумъ ви'димыхъ и= неви'димыхъ. Ви'димыхъ о_у='бw, чу'вственныхъ: неви'димыхъ же, мы'сленныхъ и= слове'сныхъ, и= о_у='мныхъ и= бж~е'ственныхъ.

к~s. Предjь'лы правосла'вiя су'ть два` вjь'ры догма'та w\т чистоты` вjь'дjьти, и= позна'ти w\т себе`, тр\оцу глаго'лю и= дво'ицу. Тр\оцу о_у='бw въ _е=ди'ницjь, несли'тнjь и= несjько'мjь зрjь'ти и= познава'ти: дво'ицу же хр\сто'выхъ _е=сте'ствъ во _е=ди'ной v=поста'си, си'рjьчь _е=ди'наго сн~а и= пре'жде воплоще'нiя, и= по воплоще'нiи во двою` _е=стеству^ и=сповjь'довати, и= вjь'дjьти, во двою` хотjь^нiю бж~е'ственнагw же и= человjь'ческагw, несли'тнw сла'вима.

к~з. Рожде'нiе, и= нерожде'нiе, и= и=схожде'нiе, три` недви'жима и= непрелw'жна свw'йства прест~ы'я тр\оцы, потре'бно и=сповjь'довати благоче'стнw. _О=ц~а` о_у='бw, нерожде'нiе и= безнача'лiе: сн~а же, рожде'нiе и= собезнача'лiе: дх~а же ст~а'гw, и=схожде'нiе w\т _о=ц~а`, сн~омъ же, jа='коже рече` дамаски'нъ, соприсносу'щнимъ подава'ема.

к~и. _Е=ди'на бы благода'ти вjь'ра довлjь'ла ко спасе'нiю, за'повjьдьми дjь'йствуема ду'хомъ, а='ще бы храни'ли, а= не ме'ртву и= недjь'йственну па'че живо'й и= дjь'йствуемой w= хр\стjь` предпоче'тше. Довлjь'етъ бо вjь'рному воwбраже'нiе и= жи'знь w= хр\стjь` дjь'йствуемыя вjь'ры. Вjь'рjь бо въ сло'вjь ме'ртвой и= нечу'вственной невjь'жество, а= не _е='йже во благода'ти вjь'рjь, благочести'выхъ ны'нjь научи'ло _е='сть.

(с. 176)

к~f. Проста'я _е=ди'ница _е='сть тр\оца, поне'же нека'чественна и= несло'жна тр\оца во _е=ди'ницjь. Трiv"поста'сенъ бо _е='сть бг~ъ, несли'тно и=мjь'я _е='же дру'гъ дру'га вмjьще'нiе вся'чески.

л~. Тро'ичнjь во все'мъ бг~ъ познава'ется же и= глаго'лется: неwпи'санъ бо. Всjь'хъ бо _е='сть содержи'тель и= промысли'тель чрез\ъ сн~а, w= ст~о'мъ дс~jь: и= нjь'сть _е=ди'нъ внjь`, и=ли` без\ъ други'хъ ли'цъ глаго'лемь и= разумjьва'емь, и=дjь'же а='ще и=мену'ется.

л~а. JА='коже въ человjь'кjь _е='сть о_у='мъ, и= сло'во и= ду'хъ, и= ниже` о_у='мъ без\ъ сло'ва, ниже` сло'во без\ъ ду'ха, и= дру'гъ въ дру'зjь су'ща, и= w= себjь`. О_у='мъ бо сло'вомъ глаго'летъ, и= сло'во ду'хомъ jа=вля'ется. По примjь'ру сему`, те'менъ w='бразъ без\ъиме'нныя и= началоwбра'зныя тр\оцы но'ситъ человjь'къ: _е='же по w='бразу су'щее вкра'тцjь и= w= се'мъ jа=вля'я.

л~в. О_у='мъ о_у='бw _о=ц~ъ, сло'во же сн~ъ, дх~ъ же ст~ы'й, вои'стинну дх~ъ, бг~оно'снiи _о=тцы` при'точнjь о_у=ча'тъ, пресу'щную ст~у'ю и= преесте'ственную догма'тствующе тр\оцу. _е=ди'наго бг~а въ трiе'хъ v=поста'сjьхъ, на'мъ вjь'ру и='стинную и= ко'тву наде'жды w=ста'вльше. _Е='же бо вjь'дjьти _е=ди'наго, по писа'нiю, бг~а, _е='сть ко'рень безсме'ртiя, и= вjь'дjьти держа'ву трiv"поста'сныя _е=ди'ницы всецjь'лая пра'вда. И=ли` па'ки, потре'бно _е=v\гльски рече'нное си'це разумjь'ти: Се' же _е='сть живо'тъ вjь'чный, да зна'ютъ тебе` _е=ди'наго и='стиннаго бг~а въ трiе'хъ v=поста'сjьхъ, и= _е=го'же посла'лъ _е=си` i=и~са хр\ста`, {I=wа'н. з~_i, ст. г~.} во двою` _е=стеству^ и= хотjь^нiю.

л~г. Му^ки разли'чни су'ть, jа='коже и= благи'хъ возм_е'здiя. Вся' же му^ки под\ъ а='домъ, по писа'нiю глаго'лющему: въ земли` те'мной и= мра'чной, въ земли` тьмы` вjь'чныя, {I='wва _i~, ст. к~в.} и=дjь'же грjь^шницы и= пре'жде живу'тъ суда`, и= и=зрече'нiемъ па'ки въ ню` возвраща'ются. _Е='же бо: да возвратя'тся грjь^шницы во а='дъ: {_Псал. f~, ст. и~_i.} и=, сме'рть о_у=пасе'тъ и=`хъ, {_Псал. м~и, ст. _е~_i.} что` и='но _е='сть, то'чiю коне'чный w\твjь'тъ и= w=сужде'нiе вjь'чно;

(с. 177)

л~д. _О='гнь, и= тьма`, и= че'рвь, и= та'ртаръ _е='сть вся'кое сладостра'стiе, и= все_о'бщее тьмы` неразу'мiе, и= _е='же во всjь'хъ движе'нiе любосла'стiя, и= тре'петъ, и= смра'дъ sлово'нный грjьха`. Jа=`же о_у='бw w=бруче'нiе и= нача'тки му'къ, о_у=же` w\тсю'ду въ душа'хъ грjь'шничихъ дjь'йствуя, навыкнове'нiемъ jа=вля'ются

л~_е. Навыкнов_е'нiя страсте'й су'ть w=бруч_е'нiя муче'нiй, jа='коже и= цр\ствiя нб\снагw дjь^йства добродjь'телей. Потре'бно же разумjь'ти и= нарица'ти за'пwвjьди о_у='бw дjь'йства: добродjь'тели же навыкнов_е'нiя, jа='коже и= sло'бы, по о_у=чаще'нiю навыкнов_е'нiями нарица'ютъ.

л~s. Ра^вна возме'здiй воздая^нiя, w\т мно'гихъ нера^вна ви^димая су'ть. Си^мъ о_у='бw вjь'чную жи'знь, тjь^мже вjь'чную му'ку бж~е'ственная пра'вда воздае'тъ. _О=бои' же, ны'нjьшнiй вjь'къ до'брjь и=ли` sлjь` преше'дше, по дjьлw'мъ воздая^нiя и=мjь'ти бу'дутъ. Коли'чество же и= ка'чество прича'стiя, по страсте'й и=ли` добродjь'телей навыкнове'нi_емъ и= дjь'йству воспрiи'мутъ.

л~з. _Е=з_е'ра _о='гненна су'ть сладостра'ствующыя ду'шы, въ ни'хже jа='коже тимjь'нiе смердя'щее, _е='сть смра'дъ страсте'й. Неусыпа'ющаго че'рвiя пита'етъ блуда` по'хотное пло'ти неудержа'нiе, и= sмi'й, и= жа^бъ, и= пiя'вицъ, по'хотей лука'выхъ, скве'рныхъ и= jа=дови'тыхъ по'мыслwвъ же и= бjьсw'въ. Сицево'е состоя'нiе w\тсю'ду прiе'млетъ w=бруче'нiе та'мошнiя му'ки.

л~и. JА='коже му'къ нача'тки въ душа'хъ грjь'шныхъ сокрове'нни су'ть: си'це и= благи'хъ w=бруч_е'нiя въ сердца'хъ пра'ведныхъ, и= дjь'йствуютъ ду'хомъ и= прича'ствуются. Ца'рствiе бо небе'сное _е='сть добродjь'тельное житiе`, jа='коже и= му'ка страсте'й навыкнове'нiе.

л~f. Но'щь гряду'щая _е='сть, по словеси` гд\сню, соверше'нное недjь'ланiе бу'дущiя тьмы`. {I=wа'н. f~, ст. д~.} И=ли` по друго'му w='бразу а=нтi'хрiстъ, но'щь и= тьма`, и= _е='сть и= нарица'ется. И=ли` па'ки по нра'вственному сло'ву, коегw'ждо дня` нерадjь'нiе, _е='же jа='кw тьма` о_у=мерщвля'етъ ду'шу сно'мъ нечу'вствiя. JА='коже бо но'щь о_у=сыпля'етъ всjь'хъ, и= w='бразъ _е='сть сме'рти по о_у=мерщвле'нiю: си'це и= но'щь бу'дущiя (с. 178) тьмы` содjь'ловаетъ грjь'шникwвъ ме'ртвыми нечу'вственнымъ пiя'нствомъ болjь'зней.

м~. Су'дъ мi'ра сегw` _е='сть, по _е=v\гльскому словеси`, невjь'рiе нечести'выхъ, по сему`: Не вjь'руяй о_у=же` w=сужде'нъ _е='сть: {I=wа'н. г~, ст. и~_i.} и= суди'т_ельная про'мысла къ воспяще'нiю, и=ли` ко w=браще'нiю привед_е'нiя, и= предложе'нiй на'шихъ во благи'хъ и=ли` sлы'хъ о_у=клоне'нiе по дjь'йству, по сему`: w=чужде'ни бы'ша грjь^шницы w\т ложе'снъ: {_Псал. н~з, ст. д~.} къ невjь'рiю бо и= наказа'нiю и= дjья'нiю, пра'ведный бж~iй су'дъ тогда` jа=вля'ется. _О='вjьхъ о_у='бw наказу'я, _о='вjьхъ же ми'луя, _о='вjьмъ же вjьнцы` и=ли` му'ку дая`. Пе'рвiи бо су'ть вся'чески нечести'ви: вторi'и же, а='ще и= вjь'рнiи, но неради'ви: сегw` ра'ди и= человjьколю'бнjь наказу'ются. Соверше'ннiи же, и=ли` въ добродjь'телjьхъ и=ли` sлы'хъ паде'нiяхъ бы'вше, воздая^нiя и=мjь'ти бу'дутъ.

м~а. А='ще не соблюде'тся нескве'рно, и=ли` не w=чи'стится, jа='коже бjь` _е=стество` ду'хомъ, невозмо'жно бы'ти во _е=ди'но тjь'ло и= дх~ъ w= хр\стjь`, ны'нjь же и= въ бу'дущее сочета'нiе. Ру'бище бо ве'тхости страсте'й, къ но'вой ри'зjь благода'ти къ восполне'нiю, содержи'тельная и= соедини'тельная дх~а си'ла прилага'ти не w=бы'че.

м~в. Равноче'стiе къ су'щему w= хр\стjь` w='бразу и=мjь'ти бу'детъ, w=бновле'нiе дх~а прiя'вый ту'не, и= сохрани'вый, преесте'ственное w=боже'нiе, тогда` стражда` неизрече'ннw: _е=ди'нъ бо w= хр\стjь`, и=ли` о_у='дъ хр\сто'въ не бу'детъ, не содjь'явыйся w\тсю'ду благода'ти прича'стникъ, w='браза ра'зума и= и='стины, но а=п\слу, не и=му'щъ въ себjь`. {Ри'м. в~, ст. к~.}

м~г. О_у=подо'бися ца'рствiе небе'сное ски'нiи бг~осоwруже'ннjьй, по мwv"се'евой во двою` завjь^су, о_у=ставле'нiя бу'дущагw вjь'ка и=му'щее. И= въ пе'рвую о_у='бw ски'нiю вси`, _е=ли'цы свяще'нницы благода'ти вни'дутъ: во втору'ю же, jа='кw о_у='мную, _е=ли'цы w\тсю'ду во мра'кjь бг~осло'вiя сщ~еннонача'льнjь въ соверше'нствjь тро'ичнjь служи'вшiи, i=и~са службонача'льника и= священнонача'льника пе'рваго (с. 179) въ тр\оцjь и=му'ще хода'тая, въ ски'нiю, ю='же водрузи`. входя'ще, и= свjьтлjь'е заря'ми тогw` w=сiява'еми.

м~д. Мнw'ги _о=би'т_ели нарече` сп~си'тель, {I=wа'н. д~_i, ст. в~} разли^чная восхожд_е'нiя и= преспjь^янiя та'мошнягw состоя'нiя. _Е=ди'но о_у='бw _е='сть ца'рствiе, мнw'га же вну'трь разли^чiя и='мать: jа='кw бы'ти неб_е'снымъ и= земны^мъ, по добродjь'тели же и= ра'зуму коли'чество w=боже'нiя и=му'щымъ. И='на бо сла'ва со'лнцу, и= и='на лунjь`, и= и='на sвjьзда'мъ, и= sвjьзда` w\т sвjьзды` ра'знствуетъ во сла'вjь, {а~ Кор. _е~_i, ст. м~а.} jа='коже глаго'летъ бж~е'ственный а=п\слъ: а='ще и= вси` на _е=ди'ной бж~е'ственной тве'рди сiя'ютъ.

м~_е. Вма'лjь человjь'къ неединожи'теленъ а='гг~лwмъ быва'етъ, и= а='ки безпло'тенъ нетлjь'ненъ, и='же о_у='мъ слеза'ми w=чи'стивый, ду'шу же w\тсю'ду воскреси'вый дх~омъ: пло'ть же ра'зуму и= покори'вый и= повину'вый, свjьтови'денъ же и= _о='гненъ w='бразъ бж~е'ственныя красоты` сотвори'вый _е=стество'мъ бре'нное человjькоподо'бiе свое`. Поне'же нетлjь'нiе тjьле'съ _е='сть, мокро'тъ w=скудjь'нiе и= дебельства`.

м~s. Зе'млено бу'детъ тjь'ло нетлjь'нiя, не и=му'щее мокро'тъ и= дебе'лости, претворя'емо неизрече'ннw и=з\ъ душе'внагw въ духо'вно тjь'ло, jа='кw и= пе'рстну бы'ти _е=му` и= небе'сну то'нкостiю бг~овидjь'нiя. Jа=ково' бо со'здано бjь` w\т нача'ла, таково` и= воскре'снетъ: jа='кw да соwбра'зно бу'детъ w='бразу сн~а бж~iя, по всецjь'лому w=боже'нiя прича'стiю.

м~з. Земля` кро'ткихъ _е='сть ца'рствiе небе'сное, и=ли` бг~ому'жное сн~а бж~iя жи'тельство, въ не'же взыдо'хомъ, и=ли` восхо'димъ, w\т негw'же и= назда'ни бы'хомъ, _е='же бо благода'ти рожде'нiе сыноположе'нiя, и= воскресе'нiемъ w=бновле'нiе прiя'вше, и=ли` па'ки: земля` ст~а'я _е='сть, w=божи'вшееся _е=стество`, и=ли` не'гли и= w=чи'щаяся земля` сiя`, о_у= землены'хъ по досто'инству сицевы'хъ: и=ли` по друго'му о_у=мышле'нiю: земля` наслjь'дствуемая _е='сть вои'стинну ст~ы'ми, безво'лненная _е='же су'щагw па'че о_у=ма` ми'ра бж~е'ственная (с. 180) тишина`, въ ню'же ро'дъ пра'выхъ всели'тся, нечесому' же w\т jа=`же въ су'щихъ _о='крестъ шумя'щу и=ли` смуща'ющу и=`хъ.

м~и. _О=бjьтова'нiя земля` _е='сть безстра'стiе, въ не'мже и=стека'етъ, jа='кw ме'дъ и= млеко`, весе'лiе ду'ха.

м~f. Вну'треннее сло'во ст~i'и дру'гъ въ дру'зjь въ бу'дущемъ вjь'цjь вjьща'ютъ та'йнw, дх~омъ ст~ы'мъ и=зглаша'емо.

н~. А='ще не о_у=вjь'мы, jа=ковы'хъ на'съ сотвори` бг~ъ, не позна'емъ, jа=ковы'хъ на'съ сотвори` грjь'хъ.

н~а. Ра'вни во'зрастомъ су'ть въ дс~jь, _е=ли'цы и=сполне'нiе хр\сто'ва соверше'нства w\тсю'ду воспрiя'ша.

н~в. И='хже труды`, си'хъ и= воздая^нiя. Коли'чество же и=ли` ка'чество, си'рjьчь мjь'ру, jа=кова` _е='сть, чи'нъ и= состоя'нiе, та'мw прича'стiемъ jа=вля'ютъ.

н~г. О_у=мы`, си'рjьчь равноа'гг~ли, глаго'летъ писа'нiе, бу'дутъ сы'нове воскресе'нiя хр\сто'ва, {Луки` к~, ст. л~s.} нетлjь'нiемъ и= w=боже'нiемъ ст~i'и.

н~д. Въ бу'дущемъ вjь'цjь а='гг~ли и= ст~i'и, глаго'лютъ, преуспjьва'юще въ приложе'нiи дарова'нiй никогда'же преста'нутъ и=ли` w=слабjь'ютъ въ жела'нiи благи'хъ. О_у=мале'нiя бо и=ли` и=змjьне'нiя w\т добродjь'тели на sло'бу _о='ный вjь'къ не и='мать.

н~_е. Соверше'нна му'жа непщу'й бы'ти ны'нjь, и='же подо'бiе хр\сто'выхъ превозраще'нiй прiя` въ себjь`, jа='кw во w=бруче'нiи: въ бу'дущемъ же вjь'цjь соверше'ннымъ показу'етъ w=боже'нiя си'ла.

н~s. Ра'вно и='мать _е=динови'дныхъ и= досто'инство и= w=боже'нiе въ бу'дущемъ вjь'цjь, по добродjь'тели w\тсю'ду къ превозраще'нiямъ духw'внымъ содjь'лавшiйся соверше'нъ.

н~з. Сла'ва и='стинна _е='сть ра'зумъ и=ли` бг~олjь'пное зрjь'нiе духо'вно, и=ли` догма'тwвъ и=звjь'ствованное вjь'дjьнiе, и= вjь'ры и='стинныя позна'нiе.

н~и. О_у='жасъ _е='сть, _е='же къ о_у=разумjь^ннымъ же и= соедин_е'ннымъ великолjь'пныя сла'вы душе'вныхъ си'лъ соверше'нное возвыше'нiе. И=ли` па'ки: о_у='жасъ _е='сть чи'стое и= всецjь'лое къ су'щей (с. 181) во свjь'тjь безконе'чнjьй си'лjь просте'ртiе: и=зступле'нiе же не то'чiю душе'вныхъ си'лъ къ нб~си` восхище'нiе, но и= са'магw чу'вства вся'чески по всему` и=зступле'нiе: раче'нiе же сугу'бое _е='сть жела'нiя подви'жное дх~о'вное пiя'нство.

н~f. Вои'стинну два` су'ть w= дс~jь и=зступи'т_ельная рач_е'нiя: серде'чное и= и=зступи'тельное. _О='но о_у='бw _е=ще` просвjьща'емыхъ _е='сть: сiе' же въ любви` о_у=соверши'вшихся: _о=боя' же дjь'йствуемый о_у='мъ w\т чу'вства и=згоня'ютъ. Зане` раче'нiе бж~е'ственно _е='сть, пiя'нство ду'ха къ лу'чшему _е=сте'ственныхъ смы'слwвъ, и='мже пiя'нство и= чу'вство w\те'млется w\т w=держа'нiй.

_кс~. Нача'ло по'мыслwвъ и= вина` _е='сть раздjь'льшаяся преступле'нiемъ человjь'ка _е=динови'дная проста'я па'мять, _е='юже и= бж~е'ственную погуби`, содjь'лавшися свои'ми си'лами сло'жна и=з\ъ просто'й, и= разли'чна w\т _е=динови'дной поги'бе.

_кс~а. И=сцjьле'нiе _е='сть началобы'тныя па'мяти, w\т лука'выя по'мыслwвъ пагуборо'дныя па'мяти, къ дре'вней простотjь` _е=я` возвраще'нiе: _о=ру'дiе бо sло'бы преслуша'нiе, не то'чiю души` ко благо'му просту'ю па'мять погуби`, но и= всjь` _е=я` си^лы растли`, _е=сте'ственныя жела^нiя къ добродjь'тели w=мрачи'вшо. И=сцjьля'етъ же па'мять вои'стинну бж~е'ственная о_у=тверди'вшаяся пребыва'тельная моли'твою па'мять w\т _е='же по _е=стеству` су'щагw ко _е='же вы'ше _е=стества` су'щему раствори'вшися дх~омъ.

_кс~в. Страсте'мъ о_у='бw вины^ су'ть грjьхw'вная дjья^нiя, по'мыслwмъ же стра'сти, мечта'нiямъ же по'мыслы, мы'слемъ же па'мять, па'мяти же забве'нiе, забве'нiе же ражда'етъ невjь'жество: невjь'жеству же вина` разлjьне'нiе, разлjьне'нiе же ражда'етъ по'хоти вожделjь'нiе, вожделjь'нiй же ма'ти превраще'нiя движе'нiе, движе'нiя же дjь'йство дjья^нiя, дjья'нiе же _е='сть sла` безслове'сное жела'нiе и= прилjьпле'нiе къ чу'вств_еннымъ и= къ чу'вствамъ.

_кс~г. Во слове'снjьмъ о_у='бw по'мыслы, въ jа='ростнjьмъ же sвjь^рскiя стра^сти, въ жела'тельнjьмъ же па'мять ско'тскагw похотjь'нiя, во о_у=мjь' же мечта'т_ельная воwбраж_е'нiя, въ размышле'нiи же мы^сли дjь'йствуютъ и= возсiява'ютъ.

(с. 182)

_кс~д. Тече'нiе рjь'чное _е='сть наше'ствiе помыслw'въ лука'выхъ, въ ни'хже прило'гъ, съ прило'гомъ же сосложе'нiе грjьха`, jа='коже наводне'нiе волну'емо быва'етъ, покрыва'ющо се'рдце.

_кс~_е. Тимjь'нiе глубины`, мокро'тную разумjь'й сла'сть, и=ли` блу'дную нечистоту`, и=ли` и= веще'ственныхъ стяжа'нiй w=бремене'нiе: и='миже w=тягоща'емь встра'стный о_у='мъ во глубину` w\тча'янiя по'мыслами себе` погружа'етъ.

_кс~s. По'мыслами мно'жицею и= словеса` веще'й писа'нiе нарица'етъ, jа='коже и= помышл_е'нiя словеса'ми, и= словеса` противоwбра'тнjь помышле'нiями. Сiе' же быва'етъ, поне'же движе'нiе таковы'хъ са'мо w= себjь` невеще'ственно _е='сть: веща'ми же воwбража'ется въ ви'дъ, и= претворя'ется: и= си'мъ w='бразомъ прило'гъ jа=вля'емый познава'ется и= глаго'лется.

_кс~з. По'мыслы, словеса` бjьсw'въ су'ть и= страсте'й предте'чи, jа='коже и= дjь'лъ словеса` и= помышл_е'нiя: невозмо'жно бо _е='сть, бла'го и=ли` sло` содjь'яти, не прiя'въ пе'рвjье своегw` по'мысла. Поне'же по'мыслъ _е='сть, безви'днагw прило'га движе'нiе jа=ковы'хъ ли'бо веще'й.

_кс~и. Вещество` веще'й ражда'етъ просты^я по'мыслы, бjьсо'вскiй же прило'гъ лука'выми содjь'лываетъ. Разли'чiе о_у='бw и='мутъ _е=сте'ственнiи словеса` и= по'мыслы w\т чрезъесте'ственныхъ и= вышеесте'ственныхъ по сравне'нiю.

_кс~f. По'мыслы ра'вное и='мутъ дjь'йство по су'щему во мгнове'нiи и=змjьне'нiю, _е=сте'ственнiи о_у='бw къ чрезъесте'ственнымъ, чрезъесте'ственнiи же къ вышеесте'ственнымъ а='бiе w=браща'еми: вино'вни же су'ть по'мыслы су'щему дру'гъ въ дру'зjь превраще'нiю и= рожде'нiю, и=`же w\т вещества`, на бjьсw'вскiя превраща'ющеся: а= и=`же w\т прило'га по'мыслы на веще'ственные: jа='коже и= _е=сте'ственнiи по'мыслы бж~е'ственни, бж~е'ственнiи же вышеесте'ственни ражда'ютъ: ко'еждо бо къ сро'дному себjь` свое` дви'жительное и=змjьне'нiе и='мать по четвери'чнw раздjьле'ннjьй винjь` и= рожде'нiю.

_о~. Вjь'ждь jа='кw вины^ предположе'ни су'ть помыслw'мъ, по'мыслы же мечта'нiямъ, мечта^нiя же страсте'мъ, стра^сти же (с. 183) бjьсовw'мъ, jа='коже цjь'пь нjь'кая и= чи'нъ въ безчи'нныхъ дусjь'хъ, лука'внjь, и= _е=ди'на другi'я держа'щися свя'зани су'ть. _О=ба'че стра'нное и= несро'дное человjь'ку, ничто'же дjь'йствуетъ са'мо w= себjь`, но w\т бjьсw'въ дjь'йствуемо _е='сть: ниже' бо по'мыслъ прило'гствуетъ когда`, ниже` мечта'нiе i=дwлотвори'тся, ниже` стра'сть дjь'йствуетъ, кромjь` _о='тай сокрове'нныя бjьсо'вскiя си'лы. А='ще бо и= паде` сатана` сокруши'вся, но мно'жае крjьпи'тся на'шею лjь'ностiю, кича'ся w= на'съ.

_о~а. Воwбража'ютъ о_у='мъ на'шъ, па'че же воwбража'ются w\т на'съ сами'хъ, и= прило'гствуютъ по навыкнове'нiю, w=блада'ющыя и= дjь'йствующыя въ душjь` стра^сти: вину' бо къ i=дwлотворе'нiю стра'стное навыкнове'нiе бjь'сове и='мутъ. И='мать же вину` мечта'нiе тро'йственнjь, и=змjьня'ющую зра'ки духw'въ, по прича'стному души` сво'йству: jа='коже и= мечта'нiю тро'йственну бы'ти во пти'цахъ, sвjьре'хъ, скотjь'хъ, къ жела'тельной, jа='ростной и= слове'сной душ_е'внымъ си'ламъ. Трi'и бо нача'льнiи стра^сти, на трiе'хъ при'снw воwружа'ются, и= въ не'йже душа` о_у=ка'чествися стра'сти, къ то'й по сро'дству воwбража'ются на'мъ и= прихо'дятъ.

_о~в. JА='кw _о='гнь о_у='бw мно'гажды и= jа='кw о_у='глiе, бjь'сове сласте'й прихо'дятъ. Зане` сластолю'бнiи ду'си жела'тельное разжиза'ютъ, jа='ростное возмуща'ютъ, слове'сное же смуща'юще помрача'ютъ ду'шу: разжже'нiя бо, смуще'нiя и= тьмы` вина` нача'льнjьйшая и=з\ъ страсте'й сла'сть.

_о~г. Но'щь страсте'й, неразу'мiя тьма` _е='сть. И=ли` па'ки: но'щь _е='сть, роди'тельное страсте'й держа'вствованiе, въ не'мже ца'рствуетъ тьмы` нача'льникъ.

_о~д. Во вре'мя дjь'йства страсте'й _о='вiи по'мыслы пред\ъи'дутъ, _о='вiи же послjь'дуютъ. Пред\ъи'дутъ о_у='бw по'мыслы мечта'нiй, мечта'нiямъ же послjь'дуютъ стра^сти, стра^сти о_у='бw бjьсw'въ предваря'ютъ, бjь'сове же послjь'дуютъ страсте'мъ.

_о~_е. Нача'ло страсте'й и= вина`, _е='сть sлоупотребле'нiе: sлоупотребле'нiя же, превраще'нiе: превраще'нiя же, преклоне'нiе во'льнагw навыкнове'нiя: хотjь'нiя же и=ску'съ _е='сть прило'гъ: прило'га же (с. 184) бjь'сове, про'мысломъ попуща'еми пока'зовати, каково` на'ше _е='сть самовла'стiе.

_о~s. JА='дъ жа'ла грjьхо'внагw, приводя'щагw къ сме'рти, _е='сть стра'стное навыкнове'нiе души`: неподви'женъ бо и='мать и= непрело'женъ нра'въ, и='же страстьми` о_у=ка'чествовавыйся во'льнjь.

_о~з. Стра^сти глаго'лются многоwбра'знjь: раздjьля'ются же на тjьл_е'сныя и= душ_е'вныя. Тjьл_е'сныя раздjьля'ются на болjь'зн_енныя и= согрjьши'т_ельныя: болjь'зн_енныя раздjьля'ются на неду^жныя и= наказа'т_ельныя: душ_е'вныя же па'ки дjьля'тся на jа='рwстныя, по'хwтныя и= слов_е'сныя: слов_е'сныя раздjьля'ются на мечта'т_ельныя и= размысли'т_ельныя. И=з\ъ си'хъ о_у='бw _о='вiи су'ть по sлоупотребле'нiю во'льни, _о='вiи же по ну'ждjь нево'льни, и= jа='кw незазw'рны стра^сти бы'ти глаго'лются, jа=`же и= припослjь'дwванiя, и= _е=сте'ств_енна свw'йства _о=тцы` нареко'ша.

_о~и. И='ны су'ть тjьл_е'сныя стра^сти, и= и='ны душ_е'вныя, жела'т_ельныя и='ны, и= jа='рwстныя и='ны, другi^я су'ть стра^сти слове'сности, и= и='ны о_у=ма` и= мы'сли: прiwбща'ются же дру'гъ дру'гу, и= содjь'йствуютъ _е=ди'ны други^мъ. Тjьл_е'сныя о_у='бw жела'т_ельнымъ, душ_е'вныя же jа='рwстнымъ. И= па'ки помы'сл_енныя ко о_у='мнымъ, и= о_у='мныя къ мы'сл_еннымъ и= па^мятнымъ страда'нiямъ.

_о~f. JА='ростныя о_у='бw ча^сти стра^сти су'ть: гнjь'въ, го'ресть, во'пль, w=строже'лчiе, де'рзость, киче'нiе, надме'нность, и= а='ще что` друго'е. Жела'т_ельныя ча^сти: лихои'мство, нечистота`, неwбузда'нiе, неудержа'нiе, ненасыще'нiе, сластолю'бiе, сребролю'бiе, самолю'бiе, _е='же всjь'хъ страсте'й лютjь'йшее. Плотскi^я же: блу'дъ, прелюбодjья'нiе, нечистота`, студодjья'нiе, непра'вда, чревобjь'сiе, о_у=ны'нiе, превозноше'нiе, любоукраше'нiе, и= а='ще что` друго'е. Слов_е'сныя же ча^сти су'ть: невjь'рiе, хула`, лука'вство, кова'рство, многопы'тство, двоеду'шiе, о_у=кори'зна, клевета`, w=сужде'нiе, о_у=ничиже'нiе, кощу'нство, лицемjь'рiе, лжа`, скверносло'вiе, буесло'вiе, ле'сть, наруга'нiе, jа=вля'тельство, человjькоуго'дiе, выше'нiе, клятвопреступле'нiе, праздносло'вiе, и= прw'чая. О_у='мныя же: мнjь'нiе, возноше'нiе, велехвале'нiе, ра'спря, рве'нiе, самоуго'дiе, пререка'нiе, непослуша'нiе, мечта^нiя, (с. 185) примышл_е'нiя, любопоказа^нiя, славолю'бiе, горды'ня, пе'рвое и= послjь'днее и=з\ъ всjь'хъ sw'лъ. Мы'сл_енныя же су'ть сiя^: пар_е'нiя, глумл_е'нiя, плjьн_е'нiя, помраче'нiе, w=слjьпле'нiе, w\твед_е'нiя, прило'зи, сослож_е'нiя, о_у=клон_е'нiя, превращ_е'нiя, препар_е'нiя, и= подw'бная си^мъ. И= кра'ткw рещи`: вся^, jа=`же внjь` _е=стества`, sла^я трiе'мъ си'ламъ душ_е'внымъ сопримjьси'шася, jа='коже и= блага^я въ ни'хъ вся^ совоку'пнjь быва'ютъ по _е=стеству`.

п~. _W дв~дова къ бг~у со о_у='жасомъ восклица'нiя! О_у=диви'ся, глаго'люща, ра'зумъ тво'й w\т мене`. {_Псал. рл~и, ст. s~.} Не возмога'ю бо къ нему` крjьпча'йшу су'щу и= непости'жну, па'че моегw` немощна'гw ра'зума и= си'лы су'щiя во мнjь`, ка'кw и= пло'ть сiя` непости'жна _е='сть по сложе'нiю созда'нiя.

п~а. Зако'ны _е=стества` су'ть ка'честв_енная дjь'йствуемыхъ о_у=дw'въ слож_е'нiя, _е='же и= разли'чiя сло'во нарече`, а='ки многоча^стiя свои'хъ сво'йствъ. И=ли` па'ки: зако'нъ _е=сте'ственный _е='сть, коегw'ждо ви'да и= о_у='да дjь'йство въ си'лjь. JА='коже бо бг~ъ все'ю тва'рiю, си'це и= душа` тjьле'сными о_у='ды и= дjь'йствуетъ и= дви'жетъ кi'йждо ко своему` дjь'йству. Здjь` вопроси'ти потре'бно, кi'имъ w='бразомъ jа='рость и= вожделjь'нiе бг~оно'снiи му'жи, _о=вогда` плотски'ми си'лы нарица'ютъ, _о=вогда' же душе'вными; глаго'лемъ: jа='кw ни коегw'ждо и='мутъ разногла'сiя словеса` ст~ы'хъ во и=звjь'стнw вjь'дящихъ я=`, но _о=боя^ и='стинствуютъ, и= по прили'чiю нарече'нiя премjьня'ютъ sjьлw` прему'дрjь: неизрече'ннагw ра'ди _о=бою` бытiя`, во _е='же бы'ти по вку'пjь бытiя` w='бразу. JА='кw бы'ти соверше'ннjьй о_у='бw w\тсю'ду душjь`, тjь'лу же несоверше'нну пита'тельнагw ра'ди возраще'нiя. Душа' бо сама` w= себjь` и='мать си'лу и= жела'т_ельна хотjь^нiя, и= jа='ростну къ му'жеству раче'нiя дви'жительну, w\т созда'нiя _е=я`, слове'снjьй и= о_у='мнjьй со'зданнjьй бы'вшей. Не бы'сть бо создана` вку'пjь съ не'ю jа='рость безслове'сна и= безу'мно жела'нiе, jа='коже ниже` бjь` во пло'ти пе'рвjье: но созда'нно нетлjь'нно бjь` кромjь` мокро'тъ, w\т ни'хже послjь'дова жела'нiе и= jа='рость sвjь'рская. По (с. 186) преслуша'нiи бо, па'дшу человjь'ку во тлю` и= дебельство` безслове'сныхъ, по ну'ждjь и= jа='рость и= вожделjь'нiе въ не'мъ возни'че. Сегw' бо ра'ди и= сопротивля'ется хотjь'нiю душе'вному по jа='рости же и= жела'нiю, _е=гда` w=блада'етъ. Внегда' же покори'тся ме'ртвенное слове'сному, послjь'дуетъ душjь` ко дjь'йству благи'хъ. _Е=гда' бо смjьси'шася и= совоку'пна бы'ша плотска^я привед_е'нная съ душе'ю свw'йства: тогда` о_у=подо'бися скотw'мъ, повину'вся зако'ну грjьха`, _е=сте'ственныя ра'ди ну'жды, ско'тъ w\т слове'снагw и= sвjь'рь w\т человjь'ка бы'въ.

п~в. JА='коже душа` вдунове'нiемъ сотворена` слове'сною, и= о_у='мною жи'зненнымъ вдохнове'нiемъ, jа='рость и= по'хоть ско'тску не созда` съ не'ю бг~ъ, но жела'нiя си'лу вожделjь'тельну и= къ не'й любле'нiя рачи'тельно му'жество. Си'це ниже` тjьлеси` созда'нну jа='рость и= по'хоть безслове'сну въ нача'лjь вложи`, послjьди' бо сiя^ преслуша'нiя ра'ди прiя` ме'ртвенно и= тлjь'нно и= ско'тско, и='мже и= о_у=подо'бися, бы'вшо. Тjь'ло бо, jа='коже глаго'лютъ бг~осло'вы, нетлjь'нно создано` бы'сть, jа=ково'же и= воскре'снетъ, jа='коже и= душа` безстра'стна, а='ще и= прiя'тно тлjь'нiя. Растлjь'шася же _о=боя^, и= сраствори'шася ра'ди _е=сте'ственнагw зако'на вмjьще'нiя дру'гъ въ дру'га и= преподая'нiя, си'рjьчь душа` и= тjь'ло. _О='на о_у='бw страстьми`, па'че же бjь'сы о_у=ка'чествовавшися: сiе' же безслов_е'снымъ скотw'мъ о_у=подобля'яся, состоя'нiя дjь'йствомъ и= w=блада'нiемъ тлjь'нiя, и= къ _е=ди'ному _о=бои'хъ си'ламъ о_у=стремле'ннымъ су'щымъ: _е=ди'нъ ско'тъ безслове'сенъ и= безу'менъ jа='ростiю и= по'хотiю бы'въ соверши'ся. И= си'це приложи'ся скотw'мъ, по писа'нiю, и= о_у=подо'бися и=`мъ, {_Псал. м~и, ст. г~_i.} по вся'кому w='бразу.

п~г. Нача'ло добродjь'телей и= и=сто'чникъ _е='сть благо'е предложе'нiе, си'рjьчь жела'нiе добра`. JА='коже бг~ъ _е='сть вина` и= и=сто'чникъ вся'кагw бла'га, добра' же нача'ло вjь'ра, па'че же хр\сто'съ ка'мень вjь'ры, _е=гw'же нача'ло и= w=снова'нiе и='мамы всjь'хъ добродjь'телей: w= не'мже стои'мъ, и= зи'ждемъ вся'кое дjь'ло бла'го. Се'й _е='сть ка'мень (с. 187) краеуго'льный, связу'яй на'съ съ собо'ю, и= многоцjь'нный би'серъ, _е=гw'же и=ща`, во глубину` безмо'лвiя входя'щiй и='нокъ, вся^ хотjь^нiя своя^ продае'тъ послуша'нiемъ за'повjьдей, jа='кw да стя'жетъ _е=го` w\тсю'ду.

п~д. Добродjь'т_ели и='мутъ между` собо'ю ра'вность, и= вся^ во _е=ди'но соединя'ются, и= _е=ди'нъ о_у=ста'въ и= ви'дъ добродjь'тели и=сполня'ютъ. Су'ть бо добродjь'т_ели, и= добродjь'телей бо'льшыя добродjь'т_ели, jа='кw w=бдержи'т_ельныя и= содержи'т_ельныя мно'жайшихъ, и=ли` и= всjь'хъ: jа='кw бж~е'ственныя любы` и= смире'нiе, и= бж~е'ственное терпjь'нiе. Глаго'летъ бо w= не'мъ гд\сь: въ терпjь'нiи ва'шемъ стяжи'те ду'шы ва'шя {Луки` к~а, ст. f~_i.}: и= не рече`, въ постjь` ва'шемъ, и=ли` бдjь'нiи ва'шемъ. W= терпjь'нiи же глаго'лю, по бг~у быва'емомъ, нача'лjь добродjь'телей, w=снова'нiи мужедо'блестiй. _О=но' бо _е='сть са'мое, во бра'нехъ ми'ръ, въ бу'ри тишина`, и= во и=спра'вльшихъ _о='ное сто'лпъ непревратноводруже'нный: _е=го'же w= хр\стjь` i=и~сjь стяжа'вша ни _о=ру^жiя, ни лу'цы, ни кw'пiя, ни вw'инства попуща'ема, ни са'мое бjьсw'въ w=полче'нiе, ни те'мнiи сопроти'вныхъ полцы` вреди'ти возмо'гутъ.

п~_е. Добродjь'т_ели, а='ще и= _е=ди^ны другi^я ражда'ютъ, но w\т трiе'хъ душе'вныхъ си'лъ бытiе` и='мутъ, кромjь` бж~е'ственныхъ. Вина' бо и= нача'ло четы'ремъ пе'рвjьйшымъ во _е=сте'ственныхъ и= бж~е'ственнымъ добродjь'тел_емъ, w\т ни'хже и= и='миже прw'чiя составля'ются: му'дрости же и= му'жества, цjьлому'дрiя же и= пра'вды _е='сть бж~е'ственная бг~осло'вwвъ дх~одви'жная прему'дрость, во о_у=мjь` четвери'чнw дви'жимая: Не вся' же ку'пнw дjь'йствуетъ, но _о=со'бь ку'юждо во вре'мя _е=я`, jа='коже хо'щетъ: и= _о='ву о_у='бw, jа='кw свjь'тъ: _о='ву же, jа='кw си'лу _о=стру` и= приснодви'жно вдохнове'нiе: _о='ву же, jа='кw w=святи'тельну си'лу и= чисти'тельну: _о='ву же, jа='кw ро'су чистоты` весели'тельну, и= зно'й страсте'й прохлажда'ющу. Ку'юждо кому'ждо, jа='коже предрече'но бы'сть, соверше'нному соверше'нное и= дjь'йство по преспjь'янiю да'руетъ.

(с. 188)

п~s. Си'лы соверше'нной душjь` не да'руютъ w\т своегw` тща'нiя добродjь'телей начина^нiя, а='ще не суще'ственнjь въ навыкнове'нiи бл~года'тiю прiи'дутъ. Ка'яждо бо и='мать дарова'нiе сво'йственно, дjь'йство w= себjь`, jа='кw мощи` и= нехотя'щихъ привлача'ти прича'стникwвъ свои'хъ къ себjь`, навыкнове'нiемъ и= _е=стество'мъ блага'гw. И= _е=гда` на'мъ да'стся да'ръ се'й, непремjь'ненъ и= непрело'женъ w\тто'лjь соблюда'ется: жи'ву бо, jа='коже ду'шу, _е='же дjь'йствовати _о='ныя во о_у=десjь'хъ свои'хъ, и='мутъ бл~года'ть дх~а. Тjь'мже и= ме'ртвъ добродjь'телей собо'ръ без\ъ _о='ныя быва'етъ. И= мня'щымся соверше'ннjь и=мjь'ти, и=ли` и=сполня'ти я=`, _е=ди^ны су'ть сjь^ни и= w='бразы добра`, а= не и='стины начерта^нiя.

п~з. Су'ть о_у='бw четы'ре нача^льныя добродjь'т_ели: му'жество, му'дрость, цjьлому'дрiе и= пра'вда. _О='смь же, по преумноже'нiю и= w=скудjь'нiю _о='ныхъ близпослjь'дующыя: sлw'бы о_у='бw w\т на'съ, добродjь'т_ели же w\т су'щихъ въ мi'рjь и= нарица'_емы и= разумjьва'_емы. Му'жества о_у='бw, де'рзость и= страхова'нiе: му'дрости же, лука'вство и= неразу'мiе, цjьлому'дрiя же, невоздержа'нiе и= w=камене'нiе: пра'вды же, лишшеи'мство и= непра'вда, си'рjьчь меньшеи'мство. Среди' бо си'хъ су'ть добродjь'т_ели, не то'чiю нача^льныя и= _е=сте'ств_енныя, и= вся'кагw приумноже'нiя и= w=скудjь'нiя превы'шшыя, но и= дjь'ят_ельны су'ть. И= _о='вы о_у='бw добродjь'т_ели произволе'нiе совjь'та нра'востiю. _о='вы же превраще'нiе и= мнjь'нiе содjь'йственно стяжа'ша. W= тjь'хъ бо, jа='кw среди` су'ть добродjь'тели пра'вости, свидjь'тельствуетъ при'тча, си'це глаго'лющи: и= и=спра'виши вся^ _о='си бла'ги. Вся^ о_у='бw въ трiе'хъ си'лахъ душе'вныхъ состоя'тъ и= ражда'ются и= зи'ждутся, jа='коже бо w=снова'нiе своегw` зда'нiя четы'ре нача^льныя добродjь'т_ели, па'че же хр\ста` и='мутъ, да _е=сте'ств_енныя дjь'ятельными воз\ъwчища'ются: бж~е'ств_енныя же и= па'че _е=стества` бл~гостiю дх~а да'руются.

п~и. Добродjь'т_ели _о='вы су'ть дjь'ят_ельны, _о='вы же _е=сте'ств_енны, _о='выя бж~е'ств_енны и= духw'вны. И= дjь'ят_ельныя о_у='бw су'ть произволе'нiя, _е=сте'ств_енныя же слож_е'нiя, бж~е'ств_енныя же благода^ти.

(с. 189)

п~f. JА='коже добродjь'телей рожде'нiе и='мать душа`, си'це и= страсте'й. Но ты^я о_у='бw по _е=стеству`: сiя^ же внjь` _е=стества` ражда'ти _о=бы'че. Вину' бо къ рожде'нiю до'брагw и=ли` sла'гw душа` и='мать преклоне'нiе хотjь'нiя, jа='коже _о=сте'нъ нjь'кiй къ черта'мъ, и=ли` возложе'нiе чегw'либо на вjьсы`, а='може а='ще прекло'нится, то` къ содjь'йствiю и= прiе'млетъ и= дjь'йствуетъ. Подлежа'ще бо _е='сть _о=бjь'ма дjь'йствамъ предложе'нiе: поне'же и= сiя^ и= _о='ная въ себjь` содержи'тъ. Ту` о_у='бw рожде'нiемъ: сiю' же самопроизво'льнымъ преклоне'нiемъ хотjь'нiя.

ч~. _О=трокови'цами писа'нiе нарица'етъ добродjь'т_ели {Пjь'снь пjьсн. гл. а~, ст. в~.}, раствори'тельнагw ра'ди и='хъ съ душе'ю соедине'нiя быва'ющагw, и= зане'же и=`мъ во _е=ди'нъ ду'хъ и= тjь'ло съ не'ю ви'дитися. Любви' бо зна'менiе _о=трокови'цы ви'дъ, и= чистоты` и= w=свяще'нiе свидjь'тельство, w='бразъ свяще'нныхъ си'хъ дjь'въ. W=бы'че бо бж~е'ственная преwбража'ти благода'ть, къ нему'же о_у=ка'чествишася, и= къ сро'дному непреле'стнjь въ могу'щихъ видотвори'ти.

ч~а. _О='смь о_у='бw су'ть jа='кw пе'рвjьйшыя всjь'хъ страсте'й, три` о_у='бw вели'цыи, jа=`же су'ть: чревобjь'сiе, сребролю'бiе и= тщесла'вiе. Пя'ть же си^мъ послjь'дующыя: блу'дъ и= гнjь'въ, печа'ль, и= о_у=ны'нiе, и= го'рдость. Си'це же су'ть и= проти^вныя си^мъ три` w=бде'ржныя добродjь'т_ели: нестяжа'нiе, воздержа'нiе и= смире'нiе. Съ ни'ми же и= тjь^мъ послjь'дующыя: чистота`, и= кро'тость, ра'дость, и= му'жество, и= о_у=ничиже'нiе, и= все` добродjь'телей послjь'дованiе. Си'лу же и= дjь'йство и= о_у=ха'нiе сво'йственно ко'ейждо добродjь'тели и=ли` sло'бjь навы'кнути и= позна'ти ту`, не вся'кагw хотя'щагw _е='сть, но творя'щагw и= подвиза'ющася дjь'ломъ и= сло'вомъ, и= w\т дх~а да'ръ вjь'дjьнiя и= разсужде'нiя прiе'мшагw.

ч~в. Добродjь'т_ели, _о='вы о_у='бw дjь'йствуютъ, _о='вы же дjь'йствуеми су'ть, и= дjь'йствуютъ о_у='бw сiя^ въ на'съ приходя'ще, _е=гда` подоба'етъ, и= внегда`, и= _е=ли'кw хотя'тъ, и= jа='коже. Мы` дjь'йствуемъ (с. 190) ты^я по произволе'нiю и= нра'вственному навыкнове'нiю на'шегw w=буче'нiя. Но _о='ныя о_у='бw суще'ственнjь, мы' же w=бра'знjь по пра'ву воwбража'еми: зане` w='бразъ _е='сть всjь'хъ на'шихъ дjь'ланiй спо'собъ къ та'мошнему началоwбра'зному. Ма'лjьми бо sjьлw` суще'ственнw мы'сл_енная прича'ствуются, пре'жде бу'дущагw непрело'жнагw наслажде'нiя. Труды' бо здjь` и= w='бразы, а= не са^мыя добродjь'т_ели вои'стинну дjь'йствуемъ и= прiе'млемъ.

ч~г. Священнодjь'йствуетъ _е=v\глiе по па'vлу, и='же причаща'тися и= преподая'ти могi'й дjь'йствомъ, и= други^мъ просвjьще'нiе хр\сто'во, jа='коже нjь'кое сjь'мя бж~е'ственно сjь'етъ сло'во, въ душе'вныхъ слу'шателей ни'вахъ. Сло'во ва'ше, глаго'летъ писа'нiе, да быва'етъ всегда` во благода'ти, со'лiю растворе'но бж~е'ственныя бл~гости {Колос. гл. д~, ст. s~.}, jа='кw да да'стъ бл~года'ть вjь'рою слы'шащымъ {_Е=фес. гл. д~, ст. к~f.}. Земледjь'латели же па'ки, и= земледjь'ланiемъ, о_у=чи'телей и= о_у=чи'мыхъ наре'къ, sjьлw` му'дрjь jа=вля'етъ. _О='выхъ о_у='бw, jа='кw _о=ра'та_евъ и= сjь'ятелей бж~е'ственнагw сло'ва: _о='выхъ же jа='кw зе'млю добродjь'телей плодоно'сну, ту'чну и= благокла'сну. Священнодjь'йство бо и=звjьще'нно, не то'чiю бж~е'ственныхъ _е='сть дjь'йство, но и= прича'стiе благи'хъ и= преподая'нiе.

ч~д. Разли'чно _е='сть произноше'нiемъ къ поуче'нiю происходя'щее сло'во, и= разли'чнjь w\т мно'гихъ w='бразwвъ собира'ется, w\т четы'рехъ ви'дwвъ. _О='во о_у='бw быва'етъ w\т о_у=че'нiя, _о='во w\т чте'нiя: и='но w\т дjья'нiя, и= и='но w\т благода'ти. И= jа='коже вода` _е=ди'на _е='сть _е=стество'мъ, претворя'ется же и= премjьня'ется во свое` ка'чество по разли'чiю подлежа'щагw пе'рстнагw вещества`, jа='кw и= вку'сомъ познава'ется. _О='ва о_у='бw горька`, _о='ва же сладка`, и= и='на сла'на и= смра'дна: си'це и= по нра'вственному навыкнове'нiю коегw'ждо происходя'щее сло'во и=змjьня'емо, дjь'йствомъ познава'ется и= по'льзу прино'ситъ.

ч~_е. Поне'же сло'во въ наслажде'нiе дано` бы'сть вся'кагw слове'снагw _е=стества`, и= jа='коже jа='стiя нjь^кая мнw'гая и= разли^чна (с. 191) душа` прiе'млющи, сла'дость и='хъ разли'чнjь w=щуща'етъ. Худо'жественное бо сло'во и='мать jа='кw пjь'стуна, ко нра'ву воwбража'ющи. Чита'емое же, jа='кw во'ду о_у=спокое'нiя даю'ще дjь'ятельное же, jа='кw мjь'сто sла'чно тучня'щее. Благода'ти же, jа='кw ча'шу о_у=поя'щую и= веселя'щую. Неизрече'нное же тоя` ра'дованiе, jа='кw _е=ле'й о_у=маща'ющiй лице`, и= свjь'тло содjь'ловающiй.

ч~s. Вои'стинну, не то'чiю jа='кw живо'тъ въ себjь` душа` сiя` и='мать, но _е=гда` и= w\т и=нjь'хъ послу'шаетъ та' ко о_у=че'нiю, w=щуща'етъ: внегда` предваря'етъ _о=бою` любы` и= вjь'ра. И= се'й о_у='бw вjь'рою слы'ша, то'йже любо'вiю наказу'я, кромjь` киче'нiя и= сла'вы словеса` добродjь'телей творя`. _Е='же о_у='бw w\т о_у=че'нiя сло'во, jа='кw пjь'стуна прiе'млетъ: а= _е='же w\т чте'нiя, jа='кw пита'теля: _е='же w\т дjья'нiя, jа='кw зало'гъ, jа='кw невjьстокраси'теля сладча'йшаго: а= _е='же w\т дх~а просвjьще'нiе, jа='кw женихо'во сло'во соединя'ющее и= веселя'щее. Вся'къ бо глаго'лъ и=сходя'щъ w\т о_у='стъ бж~iихъ _е='сть, и=ли` jа=`же дх~омъ w\т о_у='стъ ст~ы'хъ произш_е'дшая словеса`, и=ли` сладча'йшее дjь'йствомъ дх~а вдохнове'нiе, но _е=ди'ни ст~i'и. И= поне'же наслажде'нiе слове'снiи и='мутъ въ сло'вjь, здjь` о_у='бw дх~омъ дjь'йственнw веселя'щiися, sjьлw` ма'ли су'ть: w='бразы бо то'чiю духо'вныхъ слове'съ мно'зи па'мятiю вjь'дятъ, и= причаща'ются и=`мъ, хлjь'ба и='стиннагw бу'дущагw [вjь'ка], въ чу'вствjь бг~а сло'ва не о_у=` причасти'вшеся. _Е=ди'нъ бо то'й та'мw предлежи'тъ во вся'ку достw'йнымъ дово'льнjь. сла'дость, ниже` и=ждива'емь, и=ли` и=з\ъяда'емь когда`.

ч~з. Кромjь` о_у='мнагw чу'вства, невозмо'жно вкуси'ти въ чу'вствjь сла'дости бж~е'ственныя. JА='коже бо чу^вства притупи'вый, недjь'йств_енна та^ къ чу'вств_еннымъ содjь'ла, и= ниже` зри'тъ, ниже` слы'шитъ, ниже` w=боня'етъ, разсла'бленъ сы'й, па'че же полуме'ртвъ: си'це и= душ_е'вныя по _е=стеству` си^лы о_у=мертви'вый страстьми`, нечу'вств_енны сотвори` къ дjь'йству и= прича'стiю та'инствъ дх~а. Не зря'й и= не слы'шай и= не w=щуща'яй дх~о'внjь, ме'ртвъ _е='сть: не живе'тъ бо въ не'мъ хр\сто'съ, ниже` са'мъ w= не'мъ дви'жется и= дjь'йствуетъ.

(с. 192)

ч~и. Ра'вно и= то'жде са'мо, да не реку`, _е=ди'но дjь'йство и='мутъ чу^вства къ душ_е'внымъ си'ламъ, и= па'че же _е=гда` здра^ва су'ть: и='ми бо сiя^ и= живу'тъ и= дjь'йствуютъ, и= _о=вои^мъ живи'тельный сраствори'ся ду'хъ. Неду'гуетъ бо вои'стинну человjь'къ, _е=гда` собо'рную страсте'й въ не'мощь въ себjь` но'ситъ, въ больни'цjь лjь'ности при'снw лежя`. Чу^вства о_у='бw чу'вств_енная, _о='ныя же душ_е'вныя си^лы, мы'сл_енная jа='снjь зря'тъ: и= па'че _е=гда` нjь'сть въ ни'хъ кi'ялибо сатани'нныя ра'ти, зако'ну о_у=ма` и= ду'ха сопротивля'ющейся. _Е=гда' же во _е=ди'но совокупя'тся дх~омъ, _е=динови^дны бы'вше: тогда` бж~е'ств_енная и= человjь'ч_еская непосре'дственнjь и= суще'ственнjь, jа='коже су'ть, _е=стества` вjь'дятъ, и= словеса` и=`хъ jа='вственнjь ви'дятъ, и= _е=ди'ную вину` вся'ческихъ тр\оцу, jа='коже мо'щно, чи'стjь зря'тъ.

ч~f. Безмо'лвствующему о_у='бw пе'рвjье до'лжно и=мjь'ти, jа='кw w=снова'нiе, сi'и пя'ть добродjь'телей, на не'мже и= дjь^ланiя созида'ти: си'рjьчь, молча'нiе, воздержа'нiе, бдjь'нiе, смире'нiе и= терпjь'нiе. Дjь'ланiй же бг~оуго'дныхъ три`: _псалмопjь'нiе, моли'тву, и= чте'нiе, и= рукодjь'лiе, а='ще _е='сть не'мощенъ. Предреч_е'нныя бо добродjь'тели не то'чiю всjь` прw'чiя въ себjь` w=бдержа'тъ, но и= _е=ди'на другу'ю составля'ютъ. И= w\т о_у='тра о_у='бw пребыва'ти въ па'мяти бж~iей моли'твою и= безмо'лвiемъ серде'чнымъ, терпjьли'внjь моли'тися ча'съ пе'рвый: пото'мъ вторы'й чести`: тре'тiй пjь'ти: четве'ртый моли'тися: пя'тый чести`: шесты'й пjь'ти: седьмы'й моли'тися: _о=сьмы'й чести`, девя'тый пjь'ти: деся'тый jа='сти: _е=динонадеся'тый спа'ти, а='ще потре'бу и='мать: дванадеся'тый пjь'ти веч_е'рняя. И= та'кw до'брjь преходя` дневно'е по'прище, о_у=гожда'етъ бг~у.

р~. W\т всjь'хъ добродjь'телей jа='кw пчелjь`, пол_е'знjьйшая собира'ти подоба'етъ, и= та'кw причаща'яся w\т всjь'хъ пома'лу, вели'кое добродjь'телей дjь'ланiя твори'ти сложе'нiе: w\т ни'хже ме'дъ прему'дрости прiwбрjьта'ется къ благора'дованiю душе'вному.

р~а. А='ще хо'щеши о_у=до'бjье и= нощно'е разстоя'нiе прейти`, внемли`, jа='кw три` жи'т_ельства и='мать бдjь'нiе нощно'е новонача'льныхъ, сре'днихъ и= соверше'нныхъ. И= пе'рвое о_у='бw жи'тельство _е='сть (с. 193) сiе`: полно'щи спа'ти, и= полно'щи бдjь'ти, и=ли` w\т ве'чера до полу'нощи, и=ли` w\т полу'нощи да'же до о_у='тра. Второ'е же жи'тельство _е='сть сiе`: бдjь'ти w\т ве'чера ча'съ _е=ди'нъ и=ли` два`, та'же спа'ти часw'въ четы'ре, возстава'ти же на о_у='треню, поя` и= моля'ся часw'въ ше'сть, да'же до о_у='тра. Та'же пjь'ти пе'рвый ча'съ, и= сjьдjь'ти безмо'лвствуя, jа='коже предрече'ся, и=ли` о_у=ста'вы дjь'ланiй храни'ти часа'ми, и=ли` ча'стость, си'рjьчь, моли'тву неразлу'чну соблюда'ти, _е='юже навыкнове'нiе быва'етъ по жи'тельству. Тре'тiе же жи'тельство, всено'щное и='мать стоя'нiе и= бо'дрствованiе.

р~в. Се` о_у='бw и= w= снjь'ди рече'мъ, jа='кw лi'тра хлjь'ба довлjь'етъ вся'кому подвиза'ющемуся w= безмо'лвiи, и= вiна` нерастворе'нна двjь` ча'ши и=спива'ти, воды' же три`, и= w\т w=брjьта'ющихся бра'шенъ снjьда'ти, не _е=ли'кw _е=стество` и='щетъ жела'тельнjь, но _е=ли'кw про'мыслъ о_у=строя'етъ, о_у=потребля'ти съ воздержа'нiемъ. И=зря'днjьйшее же и= кратча'йшее вjь'дjьнiе w= тре'звеннjь жи'тельствовати хотя'щихъ, _е='сть хране'нiе тре'хъ добродjь'телей, jа=`же и= прw'чiя въ себjь` w=бдержа'тъ: по'стъ, глаго'лю, бдjь'нiе и= мл~тву, и=звjьству'ющыя держа'внjьйшее всjь'хъ добродjь'телей о_у=твержде'нiе.

р~г. Безмо'лвiе па'че всегw` вjь'ры и= терпjь'нiя тре'буетъ, любве' же и= наде'жды, и= jа='же w\т всегw` се'рдца, и= крjь'пости и= си'лы. Вjь'руяй бо а='ще здjь` и=ско'мое и= не полу'читъ нерадjь'нiя ра'ди мо'жетъ бы'ть, и=ли` и=ны'я нjь'кiя вины`, но во и=схо'дjь вся'чески невозмо'жно _е='сть не прiя'ти и=звjьще'нiя w= плодjь` вjь'ры и= по'двига, и= не о_у=зрjь'ти свобо'ды, и='же _е='сть i=и~съ хр\сто'съ, ду'шъ и=скупле'нiе и= спасе'нiе, бг~очл~вjь'къ сло'во. Не вjь'руяй же вся'кw w=сужде'нъ бу'детъ во и=схо'дjь, но о_у=же` и= w=сужде'нъ _е='сть {Ма'рка гл. s~_i, ст. s~_i.}, по глаго'лу гд\сню. Сласте'мъ бо рабо'таяй, и= сла'ву w\т человjь^къ взыску'яй, {I=wа'н. гл. _е~, ст. м~д.} а= не w\т бг~а, невjь'ренъ _е='сть, глаго'летъ, а='ще сло'вомъ вjь'ренъ бы'ти мни'тся: просты'мъ и=сповjь'данiемъ и= вjь'рою таковы'й _о='тай прельсти` самаго` себе`. О_у=слы'шитъ бо, jа='кw зане` не прiя'лъ мя` _е=си` въ се'рдцjь твое'мъ, но w\тве'рглъ мя` _е=си` вспя'ть (с. 194) хребта` твоегw`, и= а='зъ w\три'ну тя`: вjь'рну бо, бл~гонаде'жну подоба'етъ бы'ти, и= вjь'ровати бж~iей и='стинjь, свидjь'тельствуемой во всjь'хъ писа'нiяхъ. И=сповjь'дати свою` не'мощь, да не сугу'бо воз\ъимjь'етъ w=сужде'нiе и= неизбjь'жное.

р~д. Ничто'же та'кw твори'тъ се'рдце сокруше'нно и= ду'шу смире'нну, jа='кw _е='же о_у=единя'тися въ ра'зумjь, и= w\т всjь'хъ молча'нiе. Не и='но бо вои'стинну _е='сть что` губя'щее о_у=строе'нiе безмо'лвiя, и= бж~е'ственную w\т негw` w\те'млетъ си'лу, jа='коже сi'и ше'сть w=бд_е'ржныя стра^сти: дерзнове'нiе, чревобjь'сiе, многослове'сiе же и= молва`: надме'нiе, и= влады'чица страсте'й мнjь'нiе, въ ни'хже со о_у=се'рдiемъ навы'кнувый соверше'ннjь, и= по преспjь'янiи па'че w=мрача'ется, и= нечу'вственъ быва'етъ. И= а='ще о_у='бw возни'кнетъ па'ки нача'ло положи'ти съ вjь'рою и= о_у=се'рдiемъ, па'ки w=бря'щетъ и=ско'мое, па'че же смиря'яся и= и=щя`. А='ще ли же что` w\т предрече'нныхъ и= _е=ди'но нерадjь'нiемъ воцари'тся въ не'мъ, тогда` всjь'хъ sw'лъ собо'ръ съ па'губнымъ невjь'рствiемъ w=полчи'вшись, пу'сту добродjь'телей ду'шу и= и=спо'лненну страсте'й содjь'ловаетъ: jа='кw и='нъ нjь'кiй вавv"лw'нскiй гра'дъ бjьсо'вскими w=пустjь'вшiй молва'ми и= мяте'жми, jа='кw бы'ти послjь^днимъ го'ршымъ пе'рвыхъ: и= врагу` jа=рови'дну и= клеветнику`, на безмо'лвствующихъ быва'ему, и= я=зы'ку jа='кw стрjьлjь`, и= jа='кw мечу` _о=бою'ду _о='стру на ня` и=з\ъwщря'тися.

р~_е. Во'ды страсте'й, и='миже му'тное и= возмуще'нное безмо'лвiя мо'ре наводня'етъ ду'шу, нjь'сть возмо'жно и=на'кw прейти`, а='ще не на корабли` пра'зднjьмъ и= ле'гцjьмъ w=бдержа'щагw нестяжа'нiя и= воздержа'нiя: w\т невоздержа'нiя бо и= веществолю'бiя, страсте'й пото'цы зе'млю се'рдца потопля'ютъ, и= вся'кую нечистоту`, и= вещество` по'мыслwвъ вне'сше въ ню`, смуще'нiе о_у='бw о_у=му`, мяте'жъ мы'сли, тя'гость тjьлеси` творя'тъ, и= лjь'ность и= мра'къ и= нечу'вствiе въ душjь` и= се'рдцjь содjьва'ютъ, и= сво'йственное по _е=стеству` навыкнове'нiе и= чу'вство и=стребля'ютъ.

р~s. Ничто'же и='но та'кw сла'бу, неради'ву и= безу'мну ду'шу подвиза'ющихся твори'тъ, jа='коже самолю'бiе, сiе' бо вои'стинну (с. 195) страсте'й пита'тельница. Внегда' бо тjьле'сное о_у=спокое'нiе предпочита'етъ па'че су'щихъ w= добродjь'тели трудw'въ и= пред\ъусмотри'тельну ра'зуму то` воспису'етъ, _е='же не труди'тися въ дjь'лjьхъ во'лею, па'че же о_у=до'бныхъ и= ма'лjьхъ по'тjьхъ за'повjьдей, тогда` сла'бу твори'тъ ду'шу къ прохожде'нiю безмо'лвнагw по'прища, и= безси'лiе въ дjь'лjьхъ крjь'пко и= непреwбори'мо содjь'ловаетъ.

р~з. И=зря'днjьйшiй и= пе'рвый вра'чь ра'ди немощству'ющихъ къ за'повjьдемъ, и= му'тное потемнjь'нiе о_у=до'бнw и=зблева'ти хотя'щымъ, ничто'же и='но _е='сть, jа='кw неразсу'дное и= съ вjь'рою во все'мъ послуша'нiе. Врачевство' бо _е='сть живи'тельно многосло'жнw w\т добродjь'телей пiю'щымъ, и= но'жъ, зна'м_енiя jа='зв_енныя _е=ди'ною w=чища'ющь, _е='же послуша'нiе съ вjь'рою и= простото'ю предпочти'вый па'че всjь'хъ дjь'йствовати, вся^ стра^сти _е=ди'ною w\тсjьче`: и= не то'чiю безмо'лвiя дости'гъ, но о_у=же` то` и= послуша'нiемъ соверши`, w=брjь'тъ хр\ста`, и= подража'тель _е=гw` и= ра'бъ, и= бы'въ и= глаго'лемь.

р~и. Кромjь` плаче'внагw дjь'ланiя и= жи'тельства, невозмо'жно _е='сть претерпjь'ти безмо'лвiя ва'ра. Пла'чущiй бо и= размышля'ющiй w= jа=`же пре'жде сме'рти и= по сме'рти лю'тыхъ, пре'жде не'же са'ми w= себjь` прiи'дутъ, и= терпjь'нiе и=мjь'ти бу'детъ и= смире'нiе, два` _о='ная безмо'лвiю w=снова'нiя. Кромjь' же предрече'нныхъ безмо'лвствуяй, со_о'бщника и='мать при'снw, нерадjь'нiю мнjь'нiе: w\т ни'хже плjьн_е'нiя и= пар_е'нiя о_у=множа'ются, и= къ сла'бости на'съ спорjьва'ютъ. W\тсю'ду разлjьне'нiя и=сто'чникъ невоздержа'нiе, сла'бо о_у='бw и= не'мощно содjь'ловаетъ тjь'ло, о_у='мъ же помраче'нъ и= w=жесточе'нъ твори'тъ. Тогда' же и= i=и~съ о_у=клоня'ется, наро'ду су'щу помышле'нiй и= по'мыслwвъ на о_у='мнjьмъ мjь'стjь.

р~f. Со'вjьсти муч_е'нiя ны'нjьшнiя и=ли` бу'дущiя вкуси'ти въ чу'вствjь всjь^мъ невозмо'жно. _Е=ди'нjьмъ бо тjь^мъ сво'йственнjь быва'етъ, и=`мже сла'ва и= любы` здjь` и=ли` та'мw w=скудjьва'етъ. JА='коже бо мучи'тель нjь'кiй стра'шенъ, пови'нныхъ многоwбра'знjь му'чя, и= ре'вность и=ли` w=бличе'нiе, jа='кw ме'чь _о='стръ мучи'тельски w=бнажа'я при'снw jа=вля'ется. Треwбра'знw о_у='бw двиза'тися къ сопроти^внымъ (с. 196) и= _е=стеству` и= душjь`, дана` бы'сть со'вjьсть, глаго'лемая ре'вность, w\т и=нjь'хъ же _е=сте'ственная jа='рость: ю='же jа='рость, jа='кw ме'чь лю'тый на враги` и=з\ъwщря'ти на'мъ повелjьва'етъ, и= а='ще о_у='бw побjьди'вши покори'тъ два` та^ _е=ди'ному, о_у=ста'въ му'жества тогда` претворя'емь къ бг~у быва'етъ. А='ще же покори'тся двjьма` си'ма душа`, грjьху`, глаго'лю, и= пло'ти, наконе'цъ та'мw му'ка _е='й неми'лостива быва'етъ, jа='кw порабо'тившейся самоизво'льнымъ разумjь'нiемъ сопроти'внымъ. Здjь` содjьва'ющи сту^днjьйшая, и= jа='кw добродjь'тельное о_у=строе'нiе погу'бльши w\тпа'даетъ, w\тлучи'вшися w\т бг~а.

р~_i. Вои'стинну, и=з\ъ всjь'хъ страсте'й двjь` су'ть жесто'цы и= тяжча'йшыя стра^сти: блу'дъ и= о_у=ны'нiе, и=`же w=блада'я _о=кая'нною душе'ю, разслабля'ютъ ю=`. _О='бщее и='мутъ между` собо'ю _е=ди'на друго'й содержа'нiе и= сопряже'нiе дру'гъ со дру'гомъ, неудобопреwбори'мы и= неwдолjь'_емы су'ть, и= соверше'ннjь w\т на'съ непобjьди'ми. И= и=на'я о_у='бw о_у=множа'ется въ по'хоти, w=бде'ржитъ же вещество` _е=стество'мъ нераздjь'льнjь _о=бои'хъ, души`, глаго'лю, и= тjь'ла, растворе'нну и=мjь'я всю` во всjь'хъ о_у='дjьхъ сла'сть свою`. И=на'я же, свы'ше влады'чественное держа` всю` ду'шу и= пло'ть jа='коже смi'ла_ксъ, w\твсю'ду w=б\ъе'млющи, ко'сно и= безси'льно и= разсла'бленно _е=стество` твори'тъ. И=згоня'ются же, а= не соверше'ннjь побjьжда'ются, пре'жде блаже'ннагw безстра'стiя, внегда` душа` прiе'мши моли'твою дх~а ст~а'гw си'лу, творя'щую _е='й w\тра'ду и= крjь'пость, и= ми'ръ глубо'кiй въ се'рдцjь безмо'лвiемъ весели'тся. Сiя` _е='сть нача'ло и= цари'ца, и= госпожа`, и= w=бдержа'щая прw'чiя сла^сти, сла'сть, и= други'ня _е=я` разлjьне'нiе трiста'ты фараw'нwвы, наводя'щая непобори'мую колесни'цу: и='миже вины^ страсте'й житiю` _о=кая^ннымъ на'мъ привнидо'ша.

ра~_i. Нача'ло о_у='мныя моли'твы _е='сть дjь'йство, си'рjьчь чисти'тельная дх~а си'ла, и= та'йное о_у=ма` сщ~еннодjь'йствiе: jа='коже нача'ло безмо'лвiя, безпопече'нiе. Среди'на же, просвjьти'тельная си'ла и= видjь'нiе. Коне'цъ же, и=зступле'нiе и= восхище'нiе о_у=ма` ко бг~у.

(с. 197)

рв~_i. Святи'лище духо'вное _е='сть, пре'жде бу'дущагw па'че о_у=ма` наслажде'нiя, о_у='мное дjь'йство о_у=ма` священнодjь'йствующагw и= причаща'ющагwся та'йнw на душе'внjьмъ же'ртвенницjь а='гнца во w=бруче'нiи бж~iи. JА='сти же а='гнца на о_у='мнjьмъ души` же'ртвенницjь, не то'чiю _е='сть, _е='же о_у=разумjь'ти и=ли` причасти'тися, но и= _е='же бы'ти jа='коже а='гнецъ по w=бразова'нiю въ бу'дущемъ. Здjь` о_у='бw словеса`, дjьла' же та^инъ та'мw воспрiя'ти о_у=пова'емъ.

рг~_i. Въ новонача'льныхъ о_у='бw моли'тва _е='сть, jа='кw _о='гнь весе'лiя w\т се'рдца и=здава'емь: въ соверше'нныхъ же, jа='кw свjь'тъ благоуха'ющiй дjь'йствуемь. И=ли` па'ки: мл~тва _е='сть, а=по'столwвъ проповjь'данiе, вjь'ры дjь'йствiе, па'че же непосре'дственная вjь'ра, о_у=пова'емыхъ составле'нiе, дjь'йствуемая любы`, а='гг~льское движе'нiе, си'ла безпло'тныхъ, дjь'ло и= весе'лiе и='хъ, благовjьствова'нiе бж~iе, и=звjьще'нiе се'рдца, спасе'нiя наде'жда, w=свяще'нiя зна'менiе, свя'тости w=бразова'нiе, бж~iе позна'нiе, креще'нiя jа=вле'нiе, ба'ни w=чище'нiе, дх~а ст~а'гw w=бруче'нiе, i=и~сово ра'дованiе, весе'лiе души`, ми'лость бж~iя, примире'нiя зна'менiе, хр\сто'ва печа'ть, лу'чь мы'сленнагw со'лнца, денни'ца серде'цъ, хрiстiа'нства о_у=твержде'нiе, примире'нiя бж~iя jа=вле'нiе, благода'ть бж~iя, прему'дрость бж~iя, па'че же самопрему'дрости нача'ло, бж~iе jа=вле'нiе, и='нокwвъ дjь'ло, безмо'лвствующихъ жи'тельство, безмо'лвiя вина`, а='гг~льскагw жи'тельства зна'менiе. И= что` мно'жайше глаго'лати; Моли'тва _е='сть бг~ъ, дjь'йствуяй вся^ во всjь'хъ, за _е='же _е=ди'ну бы'ти _о=ц~а`, и= сн~а, и= ст~а'гw дх~а дjь'йству, дjь'йствующагw вся^ w= хр\стjь` i=и~сjь.

рд~_i. А='ще мwv"се'й не бы` прiя'лъ w\т бг~а жезла` си'лы, не бы` бг~ъ фараw'на о_у='бw и= _е=гv'пта и=`мъ порази'лъ: и= о_у='мъ а='ще не си'лу моли'твенну въ руцjь` и=мjь'ти бу'детъ, грjь'хъ и= сопроти^вныя си^лы сокруши'ти не возмо'жетъ.

р_е~_i. Глаго'лющiи и=ли` творя'щiи что` кромjь` смире'нiя, о_у=подо'бишася зи'ждущему хра'мину въ зимjь`, и=ли` без\ъ бре'нiя. И=ску'сомъ же и= ра'зумомъ w=брjьсти` и= позна'ти смире'нiе, sjьлw` ма'лjьхъ _е='сть: сло'вомъ бо w= не'мъ повjь'дающiи подо'бни су'ть и=змjьрева'ющымъ бе'здну. Мы' же слjьпi'и, _о='трочески w= вели'цjьмъ се'мъ (с. 198) свjь'тjь ма'лw мечта'юще, глаго'лемъ: смире'нiе вои'стинну ни смиренносло'вiе и='мать, ни смиренноwбра'зiе jа=вля'етъ, ниже` му'дрствовати смир_е'нная ну'дится, ниже` себе` о_у=коря'етъ смиря'яся, а='ще и= сiя^ вины^ и= w='бразы смире'нiя су'ть, jа='коже разли'чнiи спо'собы, но благода'ть _е='сть сiе` и= да'ръ свы'ше. Два' же су'ть, jа='коже глаго'лютъ _о=тцы`, смир_е'нiя: _е='же непщева'ти себе` ме'ньша всjь'хъ, и= _е='же бг~у припи'сывати и=справл_е'нiя своя^. И= пе'рвое о_у='бw нача'ло, второ'е же коне'цъ. Взыску'ющымъ же смире'нiя, съ ра'зумомъ подоба'етъ и=мjь'ти и= помышля'ти три` сiя^ въ себjь`: _е='же па'че всjь'хъ человjь^къ грjь'шна бы'ти, и= па'че всjь'хъ тва'рей сту'дна, jа='кw внjь` _е=стества` су'ща, и= па'че бjьсw'въ _о=кая'ннjьйша, jа='кw раба` су'ща бjьсовw'мъ. Глаго'лати же си'це досто'итъ: гдjь' бо вjь'мъ а='зъ и=звjь'стнw человjь'ческiя грjьхи`, какwвы` су'ть и= коли'цы; превосхо'дятъ ли и=ли` ра'вны су'ть мои^мъ беззако'нiямъ; И= невjь'жества ра'ди, _w душе`! ме'ньшiи па'че всjь'хъ человjь^къ _е=смы`, jа='кw земля` и= пе'пелъ, и= под\ъ нога'ми и='хъ. Ка'кw же и= не мнjь'ти себе` сквернjь'йша всjь'хъ тва'рей, во _е='же по _е=стеству` су'щихъ, jа='коже бы'ша, а='зъ же ра'ди безмjь'рныхъ беззако'нiй, во _е='же внjь` _е=стества`; Вои'стинну бо и= sвjь'рiе и= ско'ти чистjь'йшы мене` грjь'шнагw су'ть: и= сегw` ра'ди _е='смь ме'ньши всjь'хъ, jа='кw во а='дъ и= пре'жде сме'рти низведы'йся, низлежу`. Кто' же не вjь'сть въ чу'вствjь, jа='кw и= бjьсw'въ го'ршiй _е='сть грjь'шный, jа='кw ра'бъ и='хъ, и= тjь'хъ послу'шающiй, и= w\тсю'ду съ ни'ми во тьмjь` бе'здны заключе'нъ; Вои'стинну го'ршiй и= бjьсw'въ _е='сть, w\т ни'хъ w=блада'емый: и= сегw` ра'ди съ ни'ми бе'здну, душе`, наслjь'довала _е=си` _о=кая'нная. Въ землjь' же и= а='дjь и= бе'зднjь пре'жде сме'рти w=бита'я, ка'кw себе` пра'ведна нарица'я прельща'ешися о_у=мо'мъ, грjь'шна сотвори'въ себе` и= скве'рна и= бjь'са sлы'ми дjь'лы; О_у=вы` прельще'нiя твоегw` и= заблужде'нiя, _w sлобjь'сне! псе` нечи'сте же и= всескве'рне, во _о='гнь и= тьму` си'хъ ра'ди w\тсыла'емь!

рs~_i. Прему'дрость духодви'жна _е='сть, по разсужде'нiю бг~осло'вwвъ, си'ла о_у='мныя и= чи'стыя и= а='гг~льскiя мл~твы, _е=я'же зна'менiе _е='сть, _е='же внегда` моли'тися, о_у=му` безви'дну вся'чески зрjь'тися, (с. 199) и= ниже` себе` ни и='но что` въ дебельствjь` ви'дjьти, но и= чу'вствwмъ мно'гажды w\т свjь'та _о='нагw сокрыва'_емымъ: о_у='мъ бо невеще'ственъ и= свjьтови'дjьнъ тогда` быва'етъ, бг~у неизрече'ннw во _е=ди'нъ ду'хъ прилjьпля'емь.

рз~_i. Се'дмь су'ть разли'чнiи w='бразы привводя'щiи и= путево'дствующiи въ то` бг~ода'нное смире'нiе, составля'ющiи дру'гъ дру'га и= ражда'ющiи: молча'нiе, смиренному'дрiе, смиренносло'вiе, смиренноwдjья'нiе, самоукоре'нiе, сокруше'нiе, послjь'дность. И= молча'нiе о_у='бw въ ра'зумjь ражда'етъ смиренному'дрiе, w\т смиренному'дрiя же ражда'ются три` w='бразы смире'нiя: смир_е'нна вjьща'ти, смир_е'нна и= ху'да носи'ти, и= себе` всегда` о_у=коря'ти. Сi'и же три` w='бразы ражда'ютъ сокруше'нiе, w\т попуще'нiя и=скуше'нiй быва'емое, _е='же и= смотри'тельное наказа'нiе глаго'лютъ, и= w\т бjьсw'въ смире'нiе. Сокруше'нiе же о_у=до'бь дjь'ломъ твори'тъ ду'шу ме'ньшу всjь'хъ бы'ти и= послjь'днjьйшу, jа='кw w\т всjь'хъ w=блада'ему. Два' же сi'и w='бразы, соверше'нное и= бг~ода'рное прино'сятъ смире'нiе, _е='же си'лу, соверше'нство всjь'хъ добродjь'телей нарица'ютъ: и= то` бг~у припису'етъ и=справл_е'нiя. Пе'рвое всjь^мъ и= w=снова'нiе _е='сть молча'нiе, w\т негw'же ражда'ется смиренному'дрiе: сiе' же ражда'етъ три` w='бразы смире'нiя: трiе' же ражда'ютъ _е=ди'нъ сокруше'нiя: а= w='бразъ сокруше'нiя ражда'етъ седьмы'й, ме'ньшiй всjь'хъ пе'рвагw смире'нiя w='бразъ, _е=го'же и= смотри'тельно смире'нiе глаго'лютъ. Смотри'тельное же прино'ситъ бг~ода'рное и= соверше'нное и= безви'дное и= и='стинное смире'нiе. И= пе'рвое о_у='бw быва'етъ си'це: а='ще человjь'къ не бу'детъ w=ста'вленъ, и= побjьжде'нъ, и= w=блада'нъ, порабо'тившись вся'кой стра'сти и= по'мыслу, и= ду'хомъ побjьжда'емь, и= ни w\т дjь'лъ w\тню'дъ по'мощи не w=брjьта'я, ни w\т бг~а, ни w\т и=на'гw когw`, jа='кw ма'лw и= не во w\тча'янiе прiити` и=скуша'ему во всjь'хъ, не мо'жетъ сокруши'тися, и= и=мjь'ти себе` ме'ньша всjь'хъ, и= послjь'днjьйша и= раба` всjь'хъ, и= са'мыхъ бjьсw'въ неключи'мjьйша, jа='кw му'чима и= побjьжда'ема. И= сiе` _е='сть смотри'тельное про'мысла наказа'тельно смире'нiе, и='мже второ'е и= высо'кое w\т бг~а дае'тся, _е='же _е='сть бж~е'ственная си'ла дjь'йствующая и= творя'щая вся^ (с. 200) тjь'мъ: _о=ру'дiе то` себjь` ви'дящи вы'ну, и= тjь'мъ чудеса` бж~iя дjь'ющи.

ри~_i. V=поста'сное свjь'та духо'вное видjь'нiе, о_у='мъ безмечта'теленъ и= не вы'сящiйся, дjь'йство моли'твы и='стинное, и= w\т среды` се'рдца приснотеку'щее, души` воскресе'нiе и= воспросте'ртiе, о_у='жасъ бж~е'ственный, и= въ гw'рняя ше'ствiе w\т си'хъ всjь'хъ, и=зступле'нiе мы'сли въ ду'сjь соверше'нно w\т чу'вствъ, восхище'нiе о_у=ма` w\т свои'хъ си'лъ, души` а='гг~льское движе'нiе бг~одви'жное, къ безконе'чному же и= горено'сному дви'жимо, въ ро'дjь на'шемъ w=брjьсти` невозмо'жно, страсте'й мучи'тельству на'ми w=блада'ющу ны'нjь, мно'гихъ ра'ди и=скуше'нiй. W=бы'че бо о_у='мъ въ легча'йшихъ па'че, и= пре'жде вре'мени сiя^ мечта'ти, jа='кw да и= да'нное _е=му` w\т бг~а ма'лое о_у=строе'нiе погуби'тъ, и= ме'ртвъ w\т всjь'хъ бу'детъ. Тjь'мже подоба'етъ со мно'гимъ разсужде'нiемъ, ни jа='же вре'мени пре'жде вре'мене и=ска'ти, ни jа='же въ руку` w\тверга'ти, и='на и= мечта'ти. _Е=стество'мъ бо о_у='мъ вышерече'нныхъ о_у=до'бь мечты^ твори'тъ и= преwбража'етъ, и= во jа=`же не пред\ъуспjь`. Сегw` ра'ди нема'лъ стра'хъ _е='сть, jа='кw да не и= да'нныхъ таковы'й лиши'тся, и= смы'слъ мно'гажды погуби'тъ прельсти'вся, бы'въ мечта'тель, а= не безмо'лвникъ.

рf~_i. Благода'ть нjь'сть вjь'ра то'чiю, но и= дjь'йствуемая моли'тва: любо'вiю бо дjь'йствуемая ду'хомъ, вjь'ру и='стинну и=му'щую, живо'тъ i=и~совъ jа=вля'емь показу'етъ. Тjь'мже вjь'ру и='мать сопроти'вну и= ме'ртву и= неживо'тну, не и=мы'й ту` дjь'йствующу въ себjь`, но ниже` вjь'ренъ вои'стинну глаго'лется, и='же сло'вомъ то'чiю _е=ди'нjьмъ вjь'руетъ, а= не дjь'йствуему ту` за'повjьдьми и=ли` ду'хомъ и='мать. Достои'тъ о_у=`бо ту` jа=вля'ти преспjь'янiями дjь'лъ, и=ли` дjь'лы дjь'йствуему во свjь'тjь, и= сiя'ющу и=мjь'ти, jа='коже рече` бж~е'ственный а=п\слъ: покажи' ми вjь'ру твою` w\т дjь'лъ твои'хъ, и= а='зъ тебjь` покажу` w\т дjь'лъ мои'хъ вjь'ру мою` {I=а'кwв. в~, ст. и~_i.}. Jа=вля'я си'мъ, jа='кw дjьла` за'повjьдей показу'ютъ благода'тную вjь'ру, jа='коже дjь'йствуеми су'ть за'пwвjьди су'щею во благода'ти вjь'рою, и= сiя'ютъ. Ко'рень бо за'повjьдей _е='сть вjь'ра, па'че же и=сто'чникъ къ (с. 201) возраще'нiю напая'ющъ сiя^ за'повjьдей, раздjьля'яся на дво'е: на и=сповjь'данiе и= благода'ть, а='ще и= нераздjь'льна _е=стество'мъ _е='сть.

р~к. Ма'лая и= вели'кая и= сокраще'нная повину'ющихся лjь'ствица пя'ть и='мать степе'нiй, къ соверше'нству веду'щихъ: пе'рвый, w\тверже'нiе: вторы'й, повинове'нiе: тре'тiй, послуша'нiе: четве'ртый, смире'нiе: пя'тый, бж~е'ственная любы`, jа='же _е='сть бг~ъ. И= w\тверже'нiе о_у='бw w\т а='да возво'дитъ лежа'щаго, и= порабоще'ннаго w\т вещества` свобожда'етъ: повинове'нiе же хр\ста` w=брjьта'етъ, и= тому` слу'житъ, jа='коже са'мъ глаго'летъ: а='ще кто` мнjь` слу'житъ, мнjь` да послjь'дствуетъ: и= и=дjь'же _е='смь а='зъ, ту` и= слуга` мо'й бу'детъ {I=wа'н. в~_i, ст. к~s.}. Гдjь' же _е='сть хр\сто'съ; на нб~сjь'хъ сjьди'тъ w=десну'ю _о=ц~а`. Тjь'мже та'мw подоба'етъ бы'ти и= слузjь`, и=дjь'же и= служи'мый, возводя'щй но'гу къ восхожде'нiю, и=ли` и= пре'жде восхожде'нiя _о='нjьми w='бразы, со хр\сто'мъ восходя'щу и= совоз\ъиду'щу. Послуша'нiе же, дjь'йствуемо за'повjьдьми, вся'кw зи'ждетъ лjь'ствицу w\т разли'чныхъ добродjь'телей, и= сiя^ добродjь'т_ели, jа='кw восхожд_е'нiя въ душjь` полага'етъ: w\т негw'же послуша'нiя высокотво'рное ражда'ется смире'нiе, ту` w=б\ъе'мля, и= горjь` вознося` къ небеси`, цари'цjь добродjь'телей любви` предае'тъ, и= ко хр\сту` приводя`, представля'етъ. И= та'кw сокраще'нною лjь'ствицею во и='стинjь повину'яйся, о_у=до'бь на не'бо восхо'дитъ.

рк~а. Нjь'сть и=на'гw кратча'йшагw пути`, къ вы^шнимъ черто'гамъ ма'лою лjь'ствицею добродjь'телей веду'щагw, jа='коже о_у=мерщвле'нiе пяти` послуша'нiю сопротивля'ющихся страсте'й: преслуша'нiя глаго'лю, и= прекосло'вiя, самоуго'дiя же и= w=правда'нiя, и= па'губнагw мнjь'нiя. Сiя^ бо су'ть о_у='ди и= ча^сти непокори'вагw бjь'са, поглоща'ющагw прелюбодjь'йчищныхъ послу'шникwвъ, и= w\тсыла'ющагw ко sмi'ю въ бе'здну. И= преслуша'нiе о_у='бw _е='сть, а='дская о_у=ста`: прекосло'вiя же, я=зы'къ _е=гw` jа='кw ме'чь _о='стръ: самоуго'дiе же, и=з\ъwщре'ннiи _е=гw` зу'бы: w=правда'нiе же, горта'нь _е=гw`: w\тдыха'нiе же всепожира'ющагw чре'ва _е=гw` _е='сть мнjь'нiе сопровожда'ющее (с. 202) ко а='ду. И='же о_у='бw пе'рвое послуша'нiемъ побjьжда'яй, прw'чая _е=ди'ною w\тсjька'етъ, и= на нб~са` _е=ди'нjьмъ степе'немъ бы'стрjь востека'етъ! Чу'до же вои'стинну, и= w\т неизрече'нныхъ су'щее и= непостижи'мое, _е=гw'же и= чл~вjьколю'бецъ на'шъ сотвори` гд\си, дабы` _е=ди'ною добродjь'телiю, и=ли` па'че за'повjьдiю, неко'сненнw востещи` на нб~са`, jа='коже и= _е=ди'нымъ преслуша'нiемъ снидо'хомъ, и= низхо'димъ во а='дъ.

рк~в. JА='коже и='нъ нjь'кiй сугу'бый мi'ръ _е='сть человjь'къ, и= но'въ и=мену'ется по бж~е'ственному а=п\слу, си'це ре'кшему: а='ще ка'я w= хр\стjь`, нова` тва'рь {в~ Корi'н. гл. _е~, ст. з~_i.}. И='бо и= и='бо и= земля`, и= вся^, _е=ли^ка су'ть мi'ръ, человjь'къ же по добродjь'тели быва'етъ и= и=мену'ется: w= не'мже вся'ко сло'во и= вся'ко та'инство, jа='коже бг~осло'въ рече`. Поне'же бо бра'ни на'шей бы'ти не къ кро'ви и= пло'ти, но къ нача'лwмъ и= ко власт_е'мъ тьмы` вjь'ка сегw`, къ духовw'мъ sло'бы w= нб\сныхъ кня'зя, возду'шнагw {_Е=фес. гл. s~, ст. в~_i.}, а=п\слу глаго'лавшу. Прили'чествуетъ, jа='кw во и=но'мъ мi'рjь вели'цjь _е=стества` ду'шъ на'шихъ си'лъ, бы'ти сопротивоборю'щымся та'йнw съ на'ми, и= на трiе'хъ трiе` кня'зи подви'жникwвъ противовостаю'ще, во'_евъ о_у=готовля'ютъ, и= въ не'мже кто` пред\ъуспjь`, и= въ не'мже дjь'лаетъ, си'ми бори'мь быва'етъ. Sмi'й о_у='бw кня'зь бе'здны, противусерде'чнjь внима'ющихъ вою'я, противобо'рствуетъ jа='кw къ чреслу` по'хоти и= пу'па, и='мать крjь'пость, и= сла'стнымъ и=споли'номъ забве'нiя пали'т_ельныя раждеже'нныхъ стрjь'лъ пуща'етъ на ня` си^лы, jа='коже и='но мо'ре и= бе'здну и=мjь'я по'хоть, захо'дитъ, пресмыка'ется, возмуща'етъ ту` по'хоть, и= распjьня'етъ, и= возжиза'етъ, и= ко смjьше'нiямъ воспаля'етъ, и= сласте'й пото'ками наводня'етъ ту`, и= jа='кw ненасы'тну не насыща'етъ. Кня'зь же мi'ра сегw`, къ проходя'щымъ дjь'ятельную добродjь'тель, сопротивля'ется, и= къ jа='ростной ча'сти борьбу` и=мjь'я, лjь'ности и=споли'номъ, вся'ч_еская страсте'й sлохи^трства jа='кw въ и=но'мъ мi'рjь, и=ли` позо'рищjь же и= по'прищjь боре'нiе о_у='мнjь твори'тъ, побjьжда'етъ при'снw съ ни'мъ му'жественнw (с. 203) борю'щихся, и=ли` побjьжда'ется, и= вjьнц_е'въ и=ли` студа` пред\ъ а='гг~лы тjь'мъ вино'венъ быва'етъ, и= полки` своя^ на ны` вы'ну воwружа'я, съ ни'ми ра'туется. Кня'зь же возду'ха, на тща'щихся мы'слiю къ прjь'нiю нахо'дитъ: мечта'нiями видjь'нiе о_у=ма` и=спыту'етъ, къ слове'сной и= о_у='мной ча'сти приближа'яся съ возду'шными ду'хи лука'вствiя, и= неразу'мiя и=споли'номъ, возница'тельную мы'сль jа='кw и=но'е слове'сное не'бо возмуща'етъ: мечта'т_ельныя же jа=вля'я мгля^ныя духw'въ w='бразы и= преwбраж_е'нiя преле'стнjь, jа='коже мw'лнiи и= гро'мы, бу^ри и= зву'ки, страхова'нiе наво'дитъ. Кi'йждо кому'ждо, си'рjьчь треми` къ трича'стному души` приража'яся, сопротивля'ется, и= къ ко'ей ча'сти бра'нь и='мать, къ то'й и= по'двигъ стяжава'етъ.

рк~г. О_у=мы' бо нjь'когда су'щiи и= тi'и, и= безвеще'ствiя _о='нагw и= то'нкости w\тпа'дше, веще'ственную нjь'кую дебе'лость кi'йждо и='мать, по чи'ну и=ли` дjь'йству втjьлесева'емь, по нему'же дjь'йству о_у=ка'чествися: поне'же бо и= тi'и, подо'бнjь человjь'ку, а='гг~льскую сла'дость погу'бльше, наслажде'нiя бж~е'ственнагw лиши'шася, и= въ пе'рсти, jа='коже и= мы`, наслажде'нiе и='мутъ, веще'ственни нjь'какw и= тi'и бы'вше веще'ственныхъ страсте'й навыкнове'ньми. И= чуди'тися не досто'итъ, поне'же и= на'ша душа`, создана` бы'вши по w='бразу бж~iю, слове'сна же и= о_у='мна, не позна'вши же бг~а, ско'тна содjь'лася и= нечу'вственна, и= ма'лw небезу'мна веще'ственныхъ дjь'лъ наслажде'ньми: w=бы'че бо навыкнове'нiе претворя'ти _е=стество`, и= и=змjьня'ти дjь'йство къ произволе'нiю. И=нi'и же ле'гцы и= то'нцы, jа='кw возду'шнiи ду'си су'ще, зрjь'нiе души` развлека'ютъ вjь'тры нjь^кiя бу'рны и= мечта^нiя наводя`, _о=вогда` и= во а='гг~лы преwбразу'ются, прельща'ютъ ду'шу, па^мяти видотворя'тъ, зна'емыхъ нjь'кiихъ преwбразу'я и= превраща'я вся'кое духо'вное видjь'нiе, па'че же въ подвиза'ющихся _е=ще` пре'жде чистоты` и= разсужде'нiя духо'внагw. Ничто'же бо _е='сть духо'вно, въ не'же не преwбразу'ются _о='тай, jа='коже по мечта'нiю. И= тi'и бо воwружа'ются проти'ву о_у=строе'нiя и= мjь'ры предспjь'янiя, пре'лесть вмjь'стw и='стины, и= мечта^нiя вмjь'стw видjь'нiя приводя'ще вно'сятъ.

(с. 204)

рк~д. Воста'нiе страсте'й и= воздвиза'ющаяся плотска'я бра'нь на ду'шу, пятьми` w='бразы въ на'съ прихо'дитъ. _О=вогда` о_у='бw пло'ть sлоупотребля'ющи су^щая, _о=вогда' же внjьесте'ств_енная, jа='кw по _е=стеству`, взыску'етъ дjь'яти: _о=вогда' же и= w\т бjьсw'въ воwружа'ется на ду'шу, jа='кw сла'дцjь содру'жествуя си^мъ: и=ногда' же душа` w\т сладостра'стiя преднавыкнове'ннагw и= сама` w= себjь` безчи'нствуетъ, jа='кw вка'чествившаяся страстьми`: послjьди' же быва'етъ бра'нь и= w\т за'висти бjьсw'въ, по попуще'нiю сопротивля'ющихся на'мъ смире'нiя ра'ди, _е=гда` не о_у=спjь'ютъ во всjь'хъ предрече'нныхъ.

рк~_е. Пе'рвjьйшыя же вины^ бра'ни три` су'ть, w\т всjь'хъ и= всjь'ми на'мъ пребыва'ющыя: sлоупотребле'нiе су'щихъ, за'висть и= бра'нь бjьсw'въ, jа='же по попуще'нiю. А= _е='же востава'ти, и= вожделjь'ти пло'ти на ду'шу, и= душjь` на пло'ть, то'йжде w='бразъ по навыкнове'нiю и= дjь'йству и='мутъ плwтскi'я на ду'шу стра^сти, и= душ_е'вныя проти'ву пло'ти бор_е'нiя. И= са'мъ же супоста'тъ и=ногда` без\ъ разсмотрjь'нiя и= вины`, jа='кw безсту'денъ, дерза'я проти'ву на'съ ра'туетъ. Не да'ждь о_у='бw, _w дру'же, пiя'вицjь jа='кw кровора'дующейся и=зсыса'ти крw'вныя жи^лы, и= не и='мать блева'ти кро'вь: ниже` пе'рсти попуска'й въ сы'тость sмi'ю и= драко'ну, и= о_у=до'бь попере'ши горды'ню льва` и= sмi'я. Воздыха'й, до'ндеже совле'кшися _о=блече'шися въ вы'шнее жи'тельство, и= w=бразова^нiя по w='бразу созда'вшагw тя`, i=и~са хр\ста`.

рк~s. Вои'стинну, и=`же са'мымъ дjь'ломъ пло'ть су'щiи и= самолю'бiемъ влеко'ми, сла'сти и= тщесла'вiю при'снw рабо'таютъ, въ ни'хже за'висть о_у=корени'ся: печа'лiю бо та'я, и= бли'жнягw благополу'чiемъ w=горча'яся, w=блыга'ютъ дw'брая jа='кw sла^я, и= пре'лести су'щая порожд_е'нiя, ни jа=`же су'ть дх~а, прiе'млютъ и=ли` вjь'руютъ, ни бг~а о_у=вjь'дjьти и=ли` позна'ти маловjь'рiемъ свои'мъ мо'гутъ. Таковi'и, по w=слjьпле'нiю своему` и= маловjь'рiю, впра'вду та'мw о_у=слы'шатъ: _е='же не вjь'мъ ва'съ {Матf. гл. к~_е, ст. в~_i.}. Вjь'рному бо вопроша'ющему (с. 205) подоба'етъ и=ли` вjь'ровати, jа=`же не вjь'дяше, слы'ша и=ли` о_у=чи'тися, и=`мже вjь'руетъ, и=ли` о_у=чи'ти, jа=`же о_у=вjь'дjь, и= о_у=множа'ти незави'стнjь въ воспрiе'млющихъ вjь'рнjь тала'нтъ. А='ще ли же не вjь'руетъ, jа=`же не вjь'сть, и= о_у=ничижа'етъ, jа=`же не о_у=вjь'дjь, и= о_у='читъ, и=`мже не научи'ся, клеве'ща на о_у=ча'щихъ си^мъ дjь'ятельнjь, бу'детъ ча'сть _е=гw` вся'кw со и=му'щими же'лчь го'рести въ наказа'нiе.

рк~з. Вjьтi'й _е='сть, по мнjь'нiю и='стиннw прему'дрыхъ, и='же кра'ткw _о='бщимъ вjь'жествомъ су^щая w=б\ъе'млетъ, и= jа='кw _е=ди'но тjь'ло и= раздjьля'етъ та^ и= совокупля'етъ, jа=вля'я сiя^ jа='кw _е=диноси'льна приня^тая въ и='накомъ и= то'мъ же смы'слjь: и=ли` и='же пои'стиннjь доказа'теленъ глаго'лется. И=ли` па'ки, вjьтi'й _е='сть вои'стинну духо'венъ, и='же раздjьл_е'нная собw'рная су'щихъ _о='бщая свw'йства, jа=`же вочл~вjь'чившееся сло'во совокупи'ло, раздjьля'етъ и= соединя'етъ w=б\ъя'тнымъ сло'вомъ ка'чественнагw гла'са: jа='кw вjьтi'й не то'чiю w=б\ъе'млетъ все` _е=ди'нымъ доказа'тельнымъ сло'вомъ, по внjь'шности показу'я и=нjь^мъ та^, но w\т jа=вля'ющихся _е=му` ду'хомъ су'щихъ видjь'нiй и= други'хъ просвjьти'ти мо'жетъ. И='стинный же любому'дрецъ _е='сть, и='же w\т су'щихъ вину` су'щихъ вjь'дый, и=ли` w\т вины` су^щая познава'яй, по соедине'нiю вы'ше о_у=ма` и= непосре'дственнjьй вjь'рjь бы'сть любому'дръ, не то'чiю навы'къ бж~е'ств_еннымъ, но и= прiя'въ та^. И=ли` па'ки: и='стинный любому'дрецъ _е='сть, дjь'йствующiй и= зри'тельнjь жи'тельствующiй о_у='мъ. Соверше'ннjь же о_у='мъ любому'дрый _е='сть, и='же нра'вственное и= _е=сте'ственное и= бг~осло'вное и=спра'ви любому'дрiе, па'че же бг~олю'бiе, и= нра'вственнагw о_у='бw любому'дрiя дjья'нiямъ, _е=сте'ственнагw же словес_е'мъ, бг~осло'вскагw же видjь'нiя и= догма'тwвъ правотjь` w\т бг~а и=зучи'лся _е='сть. И=ли` па'ки: въ бж~е'ственныхъ бж~е'ственный вjьтi'й _е='сть, и='же и='стиннw су^щая w\т су'щихъ и=ли` w\т не су'щихъ раздjьля'етъ, и= словеса` о_у='бw _о='нjьхъ w\т си'хъ показу'етъ, и= w\т си'хъ _о='нjьхъ w=боже'ннjьйше зри'тъ словеса`: и= w= мы'сленномъ о_у='бw мi'рjь и= неви'димомъ, w\т чу'вственнагw и= ви'димагw, w= чу'вственномъ же и= ви'димомъ, w\т неви'димагw и= мы'сленнагw сказу'етъ, (с. 206) w= ви'димомъ jа='кw w='бразjь неви'димагw, w= неви'димомъ же jа='кw первоwбра'зномъ ви'димагw. Предположи'ся бо, глаго'летъ, невоwбраже'нныхъ w='бразы, w=бразова^нiя неwбразу'емыхъ, jа='кw w= не'мъ сему`, и= си^мъ w= не'мъ jа=вля'тися дх~о'внjь, и= jа='вjь _о=дному` друга'го дру'гъ въ дру'зjь зрjь'ти, и= jа=вле'нна и='стины сло'вомъ твори'ти, не возводя'щими и=ли` и=носказа'тельными словесы^ назида'ти, подо'бнjь со'лнцу сiя'ющiй ра'зумъ и='стины, но вjь'дjьнiемъ и= си'лою дх~о'вною и=з\ъясни'ти, пока'зовая jа=вле'ннjьйше и='стины словеса` _о=бои'хъ мiрw'въ. JА='кw сему` о_у='бw пjь'стуномъ на'шимъ бы'ти, _о='ному же вjь'чнымъ бж~е'ственнымъ до'момъ на'съ ра'ди jа='вственнjь бы'вшу. Любому'дрецъ же бж~е'ственный _е='сть, и='же дjья'нiемъ и= видjь'нiемъ несре'дственнjь соедини'выйся бг~у, и= дру'гъ тому` _е='сть и= глаго'лется, jа='кw пе'рвую и= тво'рческую и= и='стинную прему'дрость возлюби'въ, па'че вся'кагw и=на'гw дру'жества и= прему'дрости и= ра'зума. Любосло'вецъ же _е='сть, а= не и='стиннw любому'дрецъ, а='ще и= сла'ва любому'дрiя и='мя _о='тай о_у=сво'и, jа='коже рече` вели'кiй григо'рiй. И='же прему'дрость творе'нiя бж~iя и= лю'битъ и= и=спыту'етъ, по послjь'днему и=зглаше'нiю: но w=буча'ется любому'дрiю сему` не похвалы` и= сла'вы ра'ди человjь'ческiя показа'тельнjь, jа='кw да невеществолю'бецъ бу'детъ и= не любому'дрецъ _е=стествосло'вныя бж~iя прему'дрости. Кни'жникъ же _е='сть, и='же въ ца'рствiи бж~iи научи'выйся, вся'къ, и='же дjья'нiемъ въ видjь'нiи w= бз~jь тружда'ется, и= въ безмо'лвiи претерпjьва'етъ, и='же и=зно'ситъ w\т серде'чнагw своегw` сокро'вища нw'вая и= в_е'тхая, си'рjьчь _е=v\гльская и= проро'ч_еская, и=ли` w\т но'вагw и= ве'тхагw завjь'та, и=ли` поучи'т_ельная и= дjь'ят_ельная, и=ли` закw'нная и= а=п\сльская. Сiя^ бо су'ть нw'вая и= в_е'тхая та^инства, jа=`же дjь'ятельный кни'жникъ и=зно'ситъ, въ бг~оуго'дномъ научи'вся жи'тельствjь. Кни'жникъ па'ки _е='сть, вся'къ дjь'ятельный, _е=ще` тjьле'снjь въ дjь'ланiяхъ о_у=пражня'яся. Вjьтi'й же бж~е'ственный _е='сть, и='же _е=сте'ственнjь среди` стои'тъ къ ра'зумамъ и= словес_е'мъ су'щихъ и= доказу'етъ вся^ въ ду'сjь раздjьли'тельною сло'ва си'лою. Любому'дрецъ же и='стинный _е='сть, и='же преесте'ственное бж~iе соедине'нiе вjь'домjь и= непосре'дственнjь въ себjь` и='мать.

(с. 207)

рк~и. И=`же кромjь` дх~а пи'шуще же и= глаго'люще, и= це'рковь созида'ти хотя'ще, су'ть душе'вни, jа='кw и='же нjь'гдjь глаго'летъ бж~е'ственный а=п\слъ, дх~а не и=му'ще {I=у'д. гл. а~, ст. f~_i.}. Таковi'и бо пови'нни су'ть кля'твjь глаго'лющей: го'ре, и=`же му'дри въ себjь` сами'хъ, и= пред\ъ собо'ю разу'мни! w\т себе' бо глаго'лютъ, а= не дх~ъ бж~iй въ ни'хъ _е='сть глаго'ляй {И=са'iи гл. _е~, ст. к~а.}, по гд\сню словеси`. W\т свои'хъ бо пw'мыслъ пре'жде чистоты` глаго'лющiи прельсти'шася ду'хомъ мнjь'нiя. W= се'мъ бо при'тча глаго'летъ: ви'дjьхъ му'жа непщева'вша себе` му'дра бы'ти, о_у=пова'нiе же и='мать безу'мный па'че _е=гw` {При'тч. гл. к~s, ст. в~_i.}. И= _е='же: не быва'йте му'дри w= себjь` {Ри'м. гл. в~_i, ст. s~_i.}. Прему'дрость на'мъ заповjь'даетъ. Но и= са'мъ и=спо'лненный дх~а бж~е'ственный а=п\слъ и=сповjь'дуетъ, глаго'ля: Не бо` дово'льни _е=смы` w\т себе` помы'слити что`, jа='кw w\т себе`, но дово'льство на'ше w\т бг~а {в~ Кор. гл. г~, ст. _е~.}. И= _е='же: но jа='кw w\т бг~а пред\ъ бг~омъ, w= хр\стjь` глаго'лемъ {в~ Кор. гл. в~_i, ст. а~_i.}. Таковы'хъ бо словеса` несла'дwстны и= непросвjьщ_е'нны, не w\т жива'гw бо и=сто'чника дх~а прiе'млюще глаго'лютъ, но jа='кw w\т нjь'коегw _е='зера тиме'нна, w\т се'рдца и=му'щагw и= пита'ющагw пiя'вицъ и= sмi'й, и= жа'бъ по'хотей и= киче'нiя, и= невоздержа'нiя, и= вода` ра'зума и='хъ смердя'ща, му'тна же и= теплохла'дна, w\т нея'же пiю'щiи на недугова'нiе и= гну'сность и= блева'нiе премjьня'еми w=браща'ются.

рк~f. Тjь'ло хр\сто'во мы` _е=смы`, глаго'летъ бж~е'ственный а=п\слъ, и= о_у='ди w\т ча'сти {а~ Кор. гл. в~_i, ст. к~з.}. И= па'ки: _е=ди'но тjь'ло, _е=ди'нъ дх~ъ _е='сть, jа='коже и= зва'ни бы'сте {_Е=фес. гл. д~, ст. д~.}. JА='коже бо тjь'ло без\ъ ду'ха мертво` _е='сть {I=а'ков. гл. в~, ст. к~s.} и= нечу'вственно, си'це о_у=мертви'выйся страстьми` за'повjьдей небреже'нiемъ по креще'нiи, недjь'йственъ быва'етъ, и= непросвjьще'нъ ст~ы'мъ дх~омъ, и= бл~года'тiю хр\сто'вою. И='мать о_у='бw ду'ха вjь'рою и= па'ки рожде'нiемъ, недjь'йственна и= недви'жительна ра'ди душе'вныя ме'ртвенности. JА='коже бо и= душа` _е=ди'на _е='сть, о_у='ди же тjьле'сни мно'зи, и= вся^ та^ душа` держи'тъ, и= животвори'тъ и= (с. 208) дви'жетъ прiе'млющее жи'знь: а= jа=`же по нjь'коей случа'йной не'мощи о_у=вя'дшыя о_у='ди, jа='кw м_е'ртвы и= неподви^жны, а='ще и= но'ситъ въ себjь`, _о=ба'че неживw'тны и= нечу'вств_енны. Си'це ве'сь во всjь'хъ несмjь'шаннjь хр\сто'выхъ о_у=десjь'хъ _е='сть хр\сто'въ дх~ъ, дjь'йствуяй и= животворя'й причаща'тися живота` могу'щыя, но и= не могу'щыя причаща'тися немощны^я, человjьколю'бнjь jа='кw своя^ w=бде'ржитъ. Тjь'мже и= вся'къ вjь'рный прича'стенъ о_у='бw _е='сть вjь'рою сыноположе'нiя дх~о'внагw, недjь'йственъ же быва'етъ и= непросвjьще'нъ, ме'ртвостiю страсте'й и= небреже'нiемъ и= невjь'рiемъ, лиша'емь свjь'та и= жи'зни i=и~совы. JА='кw вся'къ вjь'рный _е='сть о_у='дъ хр\сто'въ, и= дх~а хр\сто'ва и='мать. Недjь'йственъ же и= неподви'женъ ко прича'стiю благода'ти, неключи'мь.

р~л. _О='смь собо'рныхъ видjь'нiй глаго'лемъ бы'ти: пе'рвое, _е='же бг~а безви'дна и= безнача'льна, и= несозда'нна, и= всjь'хъ вины`, тр\оцы _е=ди'ныя, и= пресу'щественна бж~ества`. Второ'е, о_у='мныхъ си'лъ чи'на и= о_у=строе'нiя. Тре'тiе, су'щихъ составле'нiя. Четве'ртое, смотри'тельнагw сло'ва снисхожде'нiя. Пя'тое, все_о'бщагw воскресе'нiя. Шесто'е, стра'шнагw и= втора'гw хр\сто'ва прише'ствiя. Седьмо'е, вjь'чнагw муче'нiя. _О=сьмо'е, цр\ствiя нб\снагw. И= четы'ре о_у='бw преше'дшихъ и= бы'вшихъ су'ть, четы'ре же бу'дущихъ, и= не о_у=` jа=вля'ющихся: ви^дима же сiя^ су'ть jа='внjь, и= w=брjьта'ются о_у= стяжа'вшихъ бл~года'тiю мно'гую о_у=ма` чистоту`. Кромjь' же свjь'та къ си^мъ приступа'яй да вjь'сть, мечта^нiя воwбража'ти, а= не видjь^нiя, мечта'тельнымъ ду'хомъ мечта'емь и= мечта'я.

рл~а. Се` и= w= пре'лести ну'жно по си'лjь рещи`, jа='кw су'щей мно'зjьмъ, по многоко'зненной и= многоwбра'знjьй _е=я` подса'дjь, неудобьразумjьва'емой, и= вма'лjь непости'жнjьй. Пре'лесть, глаго'лется, во двою` w='бразу jа=вля'ется, и=ли` па'че нахо'дитъ и= прибыва'етъ по мечта'нiю и= дjь'йству, а='ще и= w\т _е=ди'ныя го'рдости нача'ло и='мать и= вину`. И= пе'рвая о_у='бw нача'ло вторы'я: втора'я же, нача'ло, jа='же по и=зступле'нiю, тре'тiя _е='сть. Нача'ло бо су'щаго по мечта'нiю видjь'нiя, мнjь'нiе, _е='же бж~е'ственное jа='кw w='бразъ нjь'кiй мечта'тися твори'тъ, w\т негw'же мнjь'нiя послjь'дуетъ jа='же по (с. 209) мечта'нiю къ заблужде'нiю пре'лесть, _е='юже хуле'нiе ражда'ется, съ ни'миже по мечта'нiю быва'ющая пре'лесть ражда'етъ страхова'нiе безмjь'стныхъ ме'чтъ, и= во бдjь'нiи и= во снjь`, _е='же тре'петъ и= колеба'нiе души` нарица'ютъ. Го'рдости во послjь'дуетъ пре'лесть, пре'лести хула`, ху'лjь страхова'нiе, страхова'нiю тре'петъ, тре'пету же и=зступле'нiе по _е=стеству` су'щагw смы'сла. Се'й _е='сть, _е='же по мечта'нiю, пре'лести пе'рвый w='бразъ, по дjь'йству же вторы'й. Нача'ло бо и='мать чрез\ъ сладостра'стiе, w\т _е=сте'ственнагw похотjь'нiя ражда'емо. W\т сла'сти бо ражда'ется неудержа'нiе неизглаго'ланныхъ нечисто'тъ: разгрjьва'я бо то` все` _е=стество`, и= возмути'въ влады'чественное привидjь'нiй сочета'нiемъ, во и=зступле'нiе о_у='мъ приво'дитъ, пiя'нствомъ пали'тельнагw дjь'йства къ безу'мiю _е=го` приводя`, и= прорица'ти твори'тъ лжепроро'чествiе, прорица'ющее а='ки видjь^нiя ст~ы'хъ нjь'кiихъ, и= словеса` _о='нjьхъ чрез\ъ него` w\ткрыва'ющее, о_у=пи'вшася твори'тъ w=мраче'нiемъ стра'сти, и= нра'въ премjь'ненъ и= бjьснова'тъ. Кова'рствомъ пре'лести води'мiи, въ мi'рjь таковы'хъ ду^шицы нарица'ютъ, и=`же присjьдя'тъ и= пребыва'ютъ во хра'мjь ст~ы'хъ нjь'кiихъ. И= jа='кw си'рjьчь ду'хи w=бдержи'ми, и= w\т сами'хъ и='хъ дjь'йствуеми и= му'чими, и= чрез\ъ ни'хъ лю'дямъ провозглаша'ютъ: и=`хже бjьсну'ющимися па'че и= заблу'ждшими, и= пре'лести порабоще'нными нарица'ти досто'итъ, а= не проро'ки и= предглаго'лющими настоя^щая и= бу^дущая. Са'мъ бо блу'дный бjь'съ, помрачи'въ и='хъ о_у='мъ сла'стнымъ _о=гне'мъ, во и=зступле'нiе приво'дитъ смы'слwвъ, jа=вля'я и=`мъ въ мечта'нiи ст~ы'хъ нjь'кiихъ, и= бесjь^ды и= видjь^нiя показу'я. И=ногда' же и= са'ми _о='нiи бjь'сове jа=вля'ются, страхова'нiемъ смути'ти тjь'хъ. И='гомъ бо велiа'ровымъ w=тягчи'въ тjь'хъ, ко грjьху`, и='же по дjь'йству, ну'дя порjьва'етъ, и= jа='кw рабw'въ и='мать пре'данныхъ да'же до сме'рти, въ му'ку и=мы'й препосла'ти.

рл~в. Подоба'етъ вjь'дати, jа='кw пре'лесть три` первонача^льныя вины^ и='мать, и='миже нахо'дитъ на человjь'ки: w\т го'рдости, w\т за'висти бjьсо'вскiя, и= w\т наказа'тельнагw попуще'нiя. Си'хъ же вины^ су'ть: го'рдости о_у='бw ле'гкость, преспjь'янiю же за'висть: наказа'тельному же попуще'нiю, грjьхо'вное житiе`. И= w\т за'висти (с. 210) о_у='бw, и= _е=ди'нагw мнjь'нiя ско'рое и='мать и=сцjьле'нiе, па'че же _е=гда` смири'тся человjь'къ. А= _е='же w\т наказа'нiя грjьха` ра'ди сатанjь` преда'нiе, мно'жицею да'же до сме'рти бг~ъ попуща'етъ _о='ное свои'мъ w=ставле'нiемъ. И=ногда` и= непови^ннымъ му'читися ко спасе'нiю попуща'етъ. Вjь'дати же подоба'етъ, jа='кw и= са'мъ то'й мнjь'нiя бjь'съ предглаго'летъ въ невнима'ющихъ до'брjь своему` се'рдцу.

рл~г. Вси` благочести'вiи сщ~е'нницы и= ца'рiе и='стиною помазу'ются во w=бновле'нiи, jа='коже и= дре'внiи тогда` по проwбразова'нiю. W='бразы бо _о='ныя бы'ша на'шей и='стинjь не w\т ча'сти, но вси` на'съ всjь'хъ назна'меноваху. Не бо` по _о='нjьмъ w=бразова'нiямъ на'ше ца'рство и= сщ~е'нство подобоwбра'зно _е='сть и= _е=динови'дно, а='ще и= су'ть тi'иже w='бразы: ниже` распредjьля'етъ на'ми _е=стество` разли'чiя пома'занныхъ, и=ли` благода'ть и= зва'нiе къ пома'занiю, но _е=ди'ное и= то'жде зва'нiе и= вjь'ру и= пома'занiе и= w=бразова'нiе и='мамы. Показу'етъ же и= jа=вля'етъ по сло'ву и='стины чи'стое и= безстра'стное, и= всего` w=сщ~е'нна бы'ти бг~у, ны'нjь же и= въ бу'дущемъ вjь'цjь.

рл~д. Тогда` глаго'летъ о_у=сты` прему'дрость и= поуче'нiемъ се'рдца ра'зумъ, и='же бг~а сло'ва, и= _о=ц~а` v=поста'сную прему'дрость jа='снw w\т су'щихъ jа=вля'етъ, jа='кw словеса` первоwбра'зныхъ въ су'щихъ начертава'ющыя и=мы'й, и= дjь'йствомъ живу'щагw сло'ва, прему'дрость w\т прему'дрости о_у=сты` глаго'летъ: се'рдцемъ же w=сiява'емъ си'лою претвори'тельнагw ра'зума, поуча'емагw ду'хомъ, твори'ти и= просвjьща'ти мо'жетъ ра'зумъ вjь'рнw слы'шащыя.

рл~_е. Вели'кая и='стинjь противобо'рница и= къ поги'бели влеку'щая дне'сь человjь'ки пре'лесть, _е='юже неразу'мiе тьмы`, въ душа'хъ лjь'ностныхъ воцари'ся, w\тчужди'вши и=`хъ w\т бг~а. И= о_у=`бо невjь'дущiи бы'ти бг~а, породи'вшаго ны` и= просвjьти'вшаго, и=ли` сло'вомъ _е=ди'нjьмъ то'чiю вjь'руема и= познава'ема, а= не дjь'ломъ, и=ли` др_е'внимъ _е=ди'нjьмъ jа=вля'ема, а= не и= на'мъ, и= свидjь'т_ельства w= бз~jь писа'нiй и=нjь'мъ, а= не и=зре'кшымъ воспису'етъ, и= сла'ву, jа='коже глаго'летъ писа'нiе, w= бз~jь, ху'лятъ {в~ Петр. гл. в~, ст. _i~.}. Позна'нiе же благоче'стiя (с. 211) вся'кw w\тмета'я, и= тjьле'снjь то'чiю, да не реку` i=уде'йски, чту'тъ писа^нiя, и=ли` и= познава'ютъ: воскресе'нiя же ра'ди души` w\тсю'ду воста'нiе w\тме'щуще, при'снw во гробjь'хъ вселя'тися неразу'мнjь жела'ютъ. Три` сiя^ стра^сти су'ть: невjь'рiе, лука'вство и= разлjьне'нiе: ражда'ютъ же и= соде'ржатъ дру'гъ дру'га. Невjь'рiе бо лука'вствiю о_у=чи'тель, лука'вство же сопу'тникъ разлjьне'нiю, _е=гw'же соверше'нная лjь'ность _е='сть зна'менiе. И=ли` па'ки: разлjьне'нiе лука'вства роди'тель, jа='коже рече` гд\сь: лука'вый ра'бе и= лjьни'вый {Матf. гл. к~_е, ст. к~s.}! лука'вство же _о=те'цъ невjь'рiю, вся'къ во лука'вый невjь'ренъ. Невjь'руяй же и= небг~обоя'зливъ _е='сть: w\т негw'же разлjьне'нiе ражда'ется, ма'ти презрjь'нiю, и='мже вся'кое благо'е небреже'тся, и= вся'кое sло` содjьва'ется.

рл~s. И='стинная w= бз~jь сла'ва, и= ра'зумъ су'щихъ нело'женъ, соверше'нное догма'тwвъ правосла'вiе составля'ютъ. Тjь'мже и= славосло'вити таковы'й си'це до'лженъ _е='сть: сла'ва тебjь`, хр\сте` бж~е на'шъ, сла'ва тебjь`! jа='кw на'съ ра'ди вочл~вjь'чился _е=си`, бг~ъ сло'во пресу'щественное. Сегw` ра'ди вели'ко _е='сть та'инство смотре'нiя твоегw`, сп~се на'шъ, сла'ва тебjь`!

рл~з. Спису'емыхъ о_у='бw слове'съ, по вели'кому ма_ксi'му, су'ть три` разли'чнiи w='бразы, незазо'рные же и= ниже` w=сужде'нiя достw'йны. Пе'рвый, па'мяти ра'ди своея`: вторы'й, по'льзы ра'ди други'хъ: тре'тiй, послуша'нiя ра'ди пи'шемый, и='мже и= премнw'гая w\т писа'нiй сложи'шася ра'ди смире'ннjь взыску'ющихъ сло'во. А='ще же кто` о_у=гожде'нiя ра'ди и= сла'вы, и= показа'нiя ра'ди добродjь'телей спису'етъ, w\тстои'тъ, глаго'летъ, мзды` своея`, нико'ея здjь` и=мjь'я по'льзы, и=ли` мзды` въ бу'дущемъ вjь'цjь, но jа='кw человjькоуго'дникъ и= льсте'цъ корче'мствуя сло'во бж~iе, w=сужде'нъ бу'детъ.

(с. 212)

Тогw'жде другi^я главы^.

а~. Вся'къ крести'выйся во хр\ста` до'лженъ _е='сть доспjь'ти всjь'хъ w= хр\стjь` превозраще'нiй: предпрiя'лъ бо _е='сть си'хъ си'лу, и= посре'дствомъ за'повjьдей w=брjьсти` сiя^, и= навы'кнути мо'жетъ. Зача'тiе о_у='бw _е='сть, w=бруче'нiе ду'ха: рожде'нiе же дjь'йство ра'дованiя: креще'нiе же, чисти'тельная духо'внагw _о=гня` си'ла: преwбраже'нiе же, бж~е'ственнагw свjь'та видjь'нiе: распя'тiе же, _е='же w\т всjь'хъ о_у=мерщвле'нiе: погребе'нiе, хране'нiе въ се'рдцjь бж~е'ственнагw раче'нiя: воскресе'нiе, животво'рное души` воста'нiе: вознесе'нiе же, _е='же къ бг~у и=зступле'нiе и= восхище'нiе о_у=ма`. Не w=брjь'тшiй же сiя^ и= не w=щути'вшiй, младе'нецъ _е=ще` _е='сть и= тjь'ломъ и= ду'хомъ, а='ще и= сjь'дъ _е='сть, и= дjь'ятельнымъ w\т всjь'хъ почита'ется.

в~. Стр\сти хр\стw'вы животво'рное и='мутъ о_у=мерщвле'нiе въ терпя'щихъ вся^, а='ще во состра'ждемъ и= спросла'вимся. Стра^сти же сласте'й смертотво'рное о_у=мерщвле'нiе и='мутъ въ дjь'йствующихъ _о='ныя. Стр\сте'й бо хр\сто'выхъ во'льное страда'нiе, распя'тiя _е='сть распя'тiе, и= о_у=мерщвле'нiя о_у=мерщвле'нiе.

г~. Страда'ти w= хр\стjь` _е='сть, _е='же терпjь'ти и=му^щая приключа'тися. За'висть бо непови^ннымъ къ по'льзjь _е='сть: w=бличе'нiе же ко w=браще'нiю, наказа'нiе гд\сне w\тверза'етъ на'мъ о_у=шеса` пови'ннымъ су'щымъ: тjь'мже и= вjьне'цъ терпя'щымъ w=бjьща'лъ _е='сть гд\сь во вjь'къ вjь'ка. Сла'ва тебjь`, бж~е на'шъ, сла'ва тебjь`! Тр\оце ст~а'я, всjь'хъ ра'ди сла'ва тебjь`.

W= стра'стнjьмъ и=змjьне'нiи.

д~. О_у=ны'нiе, неудобопреwбори'мая су'щи стра'сть w=слабля'етъ тjь'ло, w=слабля'ему же тjь'лу, w=слабля'ется и= душа`: _о=бои^мъ же (с. 113) разслабjь'вшымъ, и=змjьня'ютъ сладостра'стiемъ растворе'нiе тjьле'сное: сладостра'стiе же дви'жетъ похотjь'нiе: похотjь'нiе, раждеже'нiе: раждеже'нiе, воста'нiе: воста'нiе дви'жетъ па'мять: па'мять, мечта'нiе: мечта'нiе, прило'гъ: прило'гъ, сочета'нiе: сочета'нiе, сосложе'нiе: сосложе'нiе же твори'тъ дjья'нiе и=ли` тjь'ломъ, и=ли` многоwбра'зными прикоснове'ньми. И= та'кw человjь'къ побjьжде'нъ бы'въ па'даетъ.

W= бла'зjьмъ и=змjьне'нiи.

_е~. Терпjь'нiе во вся'комъ дjь'лjь ражда'етъ му'жество: му'жество же, о_у=се'рдiе: о_у=се'рдiе же, пожда'нiе: пожда'нiе, протяже'нiе: протяже'нiе дjь'ла, си'рjьчь приложе'нiе о_у=толя'етъ неудержа'нiе тjьле'сное, и= по'хwти сладостра'стiя о_у=кроща'етъ: похотjь'нiе же дви'жетъ жела'нiе: жела'нiе, любо'вь: любы`, ре'вность: ре'вность теплоту`: теплота`, возбужде'нiе: возбужде'нiе, тща'нiе: тща'нiе, моли'тву: мл~тва, безмо'лвiе: безмо'лвiе ражда'етъ о_у=мозрjь'нiе: о_у=мозрjь'нiе, ра'зумъ: ра'зумъ, постиже'нiе та'инствъ: коне'цъ же та'инствъ, бг~осло'вiе: пло'дъ же бг~осло'вiя, соверше'нная любы`: любви' же, смире'нiе: смире'нiя, безстра'стiе: безстра'стiя, прозрjь'нiе, и= проро'чество, и= пред\ъувjь'дjьнiе. Не бо` и='мать кто` соверш_е'нныя w\тсю'ду добродjь'т_ели, ниже` _е=ди'ною о_у=маля'етъ sло'бы, но пома'лу возраща'емjьй добродjь'тели, пома'лу и= sло'ба въ не су'щее прихо'дитъ.

(с. 114)

Тогw'жде вjь'дjьнiе и=звjь'стное.

W= безмо'лвiи и= моли'твjь, _е=ще' же и= w= зна'менiяхъ благода'ти и= пре'лести: и= ко'е _е='сть разли'чiе теплоты` и= дjь'йства, и= jа='кw без\ъ наста'вника пре'лестiю о_у=до'бнw побjьжда'емся, гла'въ _i~.

а~. Подоба'ше о_у='бw на'мъ рещи`, по вели'кому о_у=чи'телю, jа='кw непотре'бна по'мощь w\т писа'нiй и=ли` w\т и=нjь'хъ _о=т_е'цъ. _w знаменоно'сне ло'ггiне! но си'це бы'ти бг~онауч_е'ннымъ: бу'дутъ бо, глаго'летъ писа'нiе, вси` науче'ни бг~омъ {I=wа'н. гл. s~, ст. м~_е.}, jа='кw w\т негw` и= тjь'мъ. вjь'дjьти же и= науча'тися пол_е'зная, не то'чiю мы` сподо'бихомся, но и= кi'йждо w\т вjь'рныхъ, jа='кw зако'нъ дх~а на скрижа'лjьхъ серде'цъ на'шихъ начерта'нъ носи'ти, и= непосре'дственнjь и= херувi'мски, _е='же о_у=дивле'нiя досто'йно, чи'стою въ се'рдцjь моли'твою бесjь'довати со i=и~сомъ. Но поне'же младе'нцы _е=смы` во вре'мя па'ки созда'нiя, ниже` благода'ть разумjь'юще, ни w=бновле'нiя созира'юще, ниже` па'че вjь'дяще превосходя'щее вели'чества, че'сти же и= сла'вы, _е='йже прiwбщи'хомся, и= jа='кw до'лжни _е=смы` за'повjьдьми возрасти'тися душе'внjь и= духо'внjь, и= о_у=ви'дjьти о_у='мнjь, _е='же прiя'хомъ: па'даемъ мно'зiи въ нечу'вство и= помраче'нiе небреже'нiемъ и= стра'стнjьйшимъ навыкнове'нiемъ. И= ниже` а='ще _е='сть бг~ъ, вjь'мы, ниже` что` _е=смы`, и=ли` каковы` бы'хомъ сы'нове бж~iи, и= сы'нове свjь'та, ча^да и= о_у='ди хр\стw'вы. А='ще же и= му'жи су'ще креща'емся, _о=ба'че въ водjь` то'чiю, а= не и= ду'хомъ w=щуща'емъ. А='ще же и= ду'хомъ w=бновля'емся, вjь'руемъ просто'ю вjь'рою ме'ртвою, а= не дjь'йствуемою, и= во двоеду'шiи (с. 115) быва'ти глаго'лемъ: и= та'кw са'мою ве'щiю пло'ть су'ще, и= пло'тски живе'мъ и= хо'димъ. А='ще же и= ка'емся, тjьле'снjь то'чiю, а= не духо'внjь за'пwвjьди твори'мъ и= познава'емъ. А='ще же и= мно'гихъ ра'ди трудw'въ человjьколю'бнjь сподо'битъ нjь'кихъ благода'ть jа=вле'нiя, jа='кw пре'лесть ту` прiе'млемъ. А='ще же и= въ други'хъ дjь'йствуему благода'ть о_у=слы'шимъ, jа='кw пре'лесть _о='ную за'висти ра'ди вмjьня'емъ. И= та'кw ме'ртви пребыва'емъ да'же до сме'рти, не w= хр\стjь` живя` и= не дjь'йствуя, и= _е='же и='мамы, по писа'нiю, во вре'мя и=схо'да и=ли` суда`, невjь'рiя ра'ди и=ли` w\тча'янiя w\ти'мется w= на'съ {Ма'рка гл. д~, ст. к~_е.}, не разумjьва'я, jа='кw по _о=ц~у` подоба'етъ и= ча'дwмъ бо'зjьмъ бы'ти w\т бг~а, и= духw'внымъ w\т дх~а, рожде'нное бо, глаго'летъ писа'нiе, w\т ду'ха, ду'хъ _е='сть {I=wа'н. гл. г~, ст. г~_i.}: мы' же пло'ть _е=смы`, а='ще и= вjь'рни и= небе'сни бы'вше, сегw` ра'ди дх~ъ бж~iй не пребыва'етъ въ на'съ. И= сегw` ра'ди попусти` гд\сь навед_е'нiя и= плjьн_е'нiя, и= закол_е'нiя о_у=мно'жи, w\тсjьщи` хотя` sло'бу, и=ли` спасти` крjь'пльшими врачевства'ми.

в~. И= пе'рвjье о_у='бw рещи` подоба'етъ, бг~у даю'щу глаго'лъ благовjьству'ющымъ сицева^я блага^я, ка'кw w=бря'щетъ кто`, па'че же w=брjь'тено бы'сть, _е='же и='мать, и=ли` прiя'тъ хр\ста` креще'нiемъ въ дс~jь, по а=п\слу па'vлу: и=ли` не зна'ете себе`, jа='кw i=и~съ хр\сто'съ живе'тъ въ сердца'хъ ва'шихъ; {в~ Кор. гл. г~_i, ст. _е~.} глаго'летъ писа'нiе. Пото'мъ же и= ка'кw пред\ъуспjь'ти, по си'хъ же и= ка'кw w=брjь'тенное сохрани'ти. И=зя'щнjьйшiй бо и= кра'ткiй w='бразъ, рещи` w= кра'йнихъ со средо'ю сокраще'ннjь, мно'гую и=му'щихъ широту`. Зане` мно'зи по'двигомъ подвиза'шася, доне'лjьже w=брjьто'ша и=ско'мое, и= до сегw` жела'нiе свое` простро'ша, въ пр_е'дняя же не и='дутъ, ниже` пеку'тся w= си'хъ, дово'льни су'ще то'чiю, _е='же въ нача'лjь w=брjьто'ша: запе'ншеся же и= _о='тай распу'тiемъ ше'дше, до'брjь ше'ствовати мня'тъ, и= без\ъ прiwбрjь'тенiя во'дятся внjьу'ду сегw`. _О='вiи же дости'гше среды` просвjьще'нiя, къ концу` разлjьни'вшеся w=слабjь'ша, и=ли` вспя'ть неради'вымъ житiе'мъ возврати'вшеся новонача'льнiи содjь'лашася. (с. 216) _О='вiи же дости'гше соверше'нства, невнима'нiемъ па'даютъ w\т мнjь'нiя, и= вспя'ть возвраща'ются, и= дjь'лы и= ср_е'днимъ и= новонача^льнымъ ра'вни быва'ютъ. Новонача'льныхъ же и= сре'днихъ и= соверше'нныхъ _е='сть, _о='вjьхъ о_у='бw дjь'йство: _о='вjьхъ же, просвjьще'нiе: _о='вjьхъ же, w=чище'нiе души`, и=ли` воскресе'нiе.

W= _е='же ка'кw w=брjьсти` дjь'йство.

г~. Двjьма` w='бразы прiwбрjьта'ется дjь'йство дх~а, _е='же въ креще'нiи та'инственнjь прiя'хомъ. И= вопе'рвыхъ _о='бще рещи`, дjь'ланiемъ за'повjьдей, мно'гимъ трудо'мъ и= вре'менемъ да'ръ се'й w\ткрыва'ется, jа='коже ма'ркъ ст~ы'й глаго'летъ. И= _е=ли'кw и=сполня'емъ за'пwвjьди, потоли'ку jа=вле'ннjье возсiява'етъ на'мъ своя^ зари^. Второ'е, худо'жественнымъ и= ча'стымъ призыва'нiемъ гд\са i=и~са, си'рjьчь па'мятiю бж~iею jа=вля'ется въ повинове'нiи. И= w\т пе'рвагw о_у='бw жи'тельства коснjь'е: w\т втора'гw же скорjь'е, а='ще и= навыкнове'нiемъ w=бря'щетъ болjь'зненнjь и= терпjьли'внjь, копа'я зе'млю и= и=зыску'я зла'то. А='ще о_у='бw хо'щемъ непреле'стнjь w=брjьсти` и='стину, и= позна'ти ю=`, потщи'мся серде'чно то'чiю и=мjь'ти дjь'йство, безви'дно вся'чески, невоwбраже'нно, и= ниже` зра'къ и=ли` w='бразъ а='кибы ст~а'гw мечта'тельнjь созерца'ти, ниже` свjь'ты зрjь'ти: w=бы'че бо пре'лесть въ нача'лjь па'че прельща'ти о_у='мъ неиску'сныхъ таковы'ми ло'жными мечта'ньми. Но то'чiю дjь'йство моли'твы въ се'рдцjь дjь'йствующее и=мjь'ти потщи'мся, согрjьва'ющо о_у='мъ и= веселя'що, и= къ неизрече'ннjьй любви` бж~iей и= человjь'честjьй распаля'ющо ду'шу. Тjь'мже и= смире'нiе и= сокруше'нiе нема'ло тогда` w\т мл~твы быва'етъ: поне'же моли'тва въ новонача'льныхъ _е='сть приснодви'жимое о_у='мное дjь'йство ст~а'гw дх~а. Въ нача'лjь о_у='бw jа='кw _о='гнь весе'лiя, w\т се'рдца прозяба'емь: въ концjь' же, jа='коже свjь'тъ благоуха'ющъ дjь'йствуемь.

д~. Въ нача'лjь же зна'м_енiя и='щущымъ _о='ную и='стину, а= не jа='кw и=скуша'ющымъ су'ть такова^, jа='коже сама` прему'дрость вjьща'етъ: W=брjьта'ется не и=скуша'ющымъ _е=гw`: jа=вля'ется же не (с. 217) невjь'рующымъ _е=му`. {Прем. Сол. гл. а~, ст. в~.} Въ и=нjь'хъ о_у='бw jа='кw свjь'тъ возсiява'етъ. въ и=нjь'хъ же ра'дованiе тре'петно: въ други'хъ же ра'дость, въ и=нjь'хъ же совоку'пнjь ра'дость и= стра'хъ: въ и=нjь'хъ же тре'петъ и= ра'дость, въ _о='вjьхъ же, и=ногда` и= сле'зы и= стра'хъ. Ра'дуется о_у='бw душа` посjьще'нiю и= ми'лости бж~iей, бои'тся же и= трепе'щетъ прише'ствiя _е=гw`, jа='кw пови'нна во грjьсjь'хъ мно'зjьхъ. О_у= _о='выхъ же па'ки въ нача'лjь быва'етъ сокруше'нiе неизрече'нное, и= болjь'знь души` неизглаго'ланная: Болjь'знуетъ бо jа='кw ражда'ющая и= боля'щая, по писа'нiю. {Сира'х. гл. м~и, ст. к~а. I=wа'н. гл. s~_i, ст. к~а.} Жи'во бо сло'во и= дjь'йственно, си'рjьчь i=и~съ прохо'дитъ, jа='коже а=п\слъ глаго'летъ, до раздjьле'нiя души' же и= ду'ха, членw'въ же и= мозгw'въ, jа='кw да стра'стное и=ста'етъ вся'чески w\т всjь'хъ часте'й души` и= тjь'ла. {_Е=вр. гл. д~, ст. в~_i.} Во и=нjь'хъ же любо'вь и= ми'ръ ко всjь^мъ нера'туемый зри'тся: въ други'хъ же ра'дованiе, _е='же и= взыгра'нiе мно'гими w='бразы _о=тцы` реко'ша, ду'ха су'щи си'ла и= се'рдца жи'ва движе'нiе. Сiе' же и= скака'нiе и= воздыха'нiе дх~а нарица'ется, неизглаго'ланнjь w= на'съ хода'тайствующагw къ бг~у. Во'лну же сiе` пра'вды бж~iя и=са'iа и=менова`, и= боде'нiе вели'кiй _е=фре'мъ: Гд\сь же и=сто'чникъ воды` теку'щiя въ живо'тъ вjь'чный. {I=wа'н. гл. д~, ст. д~_i.} Во'ду же дх~ъ и=менова` ска'чущую въ се'рдцjь; и= кипя'щую си'лою sjь'льною.

_е~. Вjь'дjьти досто'итъ, jа='кw взыгра'нiе, си'рjьчь возра'дованiе, два` разли^чiя и='мать. _Е=ди'но _е='сть тихоwбра'зное, _е='же и= бiе'нiе и= воздыха'нiе, и= хода'тайство дх~а глаго'лется: и= вели'кое се'рдца, _е='же и= взыгра'нiе и= скака'нiе глаго'лется, се'рдца жи'ва къ бж~е'ственному возду'ху воспротяже'нное летjь'нiе. W\т бж~е'ственнагw бо дх~а воскриля'ема раче'нiемъ, и= w\т о_у='зъ страсте'й w=свобожда'емая душа`, къ гw'рнимъ и= пре'жде и=схо'да возлетjь'ти тщи'тся, жела'я тяготы` разрjьши'тися. Сiе' же и= возмуще'нiе дх~а, и=ли` воскипjь'нiе и= движе'нiе глаго'лется, по _е='же: I=и~съ же возмути'ся дх~омъ, подви'гся си'лою, и= рече`: гдjь` положи'сте _е=го`; {I=wа'н. гл. а~_i, ст. л~д.}

(с. 118)

s~. Подоба'етъ же вjь'дати, jа='кw бж~е'ственный стра'хъ тре'пета не и='мать. W= тре'петjь же глаго'лю, не и='же w\т ра'дости происхо'дитъ, но и='же w\т гнjь'ва, си'рjьчь наказа'нiя и= w=ставле'нiя: но тре'петное ра'дованiе, _е='же w\т мл~твы, во _о=гнjь` бж~е'ственнагw стра'ха приходя'що. Стра'хъ же не тре'петный, и='же w\т гнjь'ва си'рjьчь му'ки, но w\т прему'дрости, и='же и= нача'ло прему'дрости глаго'лется. {При'тч. гл. а~, ст. з~.} Раздjьля'ется же стра'хъ троя'кw, а='ще и= двоя'кw _о=тцы` реко'ша: на стра'хъ вво'дный, соверше'нный, та'же и= гнjь'вный, _е=го'же и= тре'петъ вои'стинну досто'итъ зва'ти, си'рjьчь колеба'нiе и= сокруше'нiе.

з~. Тре'петъ же разли^чiя и='мать многоwбра'зна: и='нъ _е='сть гнjь'ва, и='нъ ра'дости, и= и='нъ jа='рости, и= и='нъ и='же w\т ста'рости, и= другi'й, и='же w\т грjьха`, си'рjьчь пре'лести. _О=ба'че подви'жника въ нача'лjь ра'туетъ тре'петъ, и='же w\т ра'дости, и= и='же w\т грjьха`: но не всjь^мъ же си'це быва'етъ. Зна'м_енiя же _о=бою` су'ть: _е=ди'нагw о_у=`бо тре'петное ра'дованiе во мно'зjь весе'лiи и= слеза'хъ, бл~года'ть о_у=тjьша'етъ ду'шу. Друга'гw же нестро'йна теплота` и= киче'нiе и= жестокосе'рдiе распаля'етъ ду'шу, и= разжиза'етъ сочета'тельныя о_у='ды, и= къ сплете'нiю тjьлеси` и= любви` мечта'нiемъ вну'трь въ соизволе'нiи твори'тъ студодjья'нiе.

и~. Вjь'мы сугу'бу бы'ти дjь'йствiю вся'кому новонача'льному, и= сугу'бw дjь'йствуему въ се'рдцjь и= несмjь'снjь. _О='ву о_у='бw w\т благода'ти, _о='ву же w\т пре'лести, jа='коже свидjь'тельствуетъ вели'кiй ма'ркъ подви'жникъ, си'це глаго'ля: _Е='сть дjь'йство дх~о'вное, и= _е='сть дjь'йство сатанино`, младе'нцу невjь'домо. И= па'ки вjь'мы тро'йственной бы'ти теплотjь` дjь'йства, въ человjь'цjьхъ воспаля'емой: и=но'й бы'ти w\т бл~года'ти, и=но'й w\т пре'лести, си'рjьчь грjьха`, и= и=но'й w\т о_у=множе'нiя кро'ви, _е='же и= растворе'нiе а=фрiка'нскiй нарече` fала'ссiй, и= jа='кw воздержа'нiемъ о_у=мjь'реннымъ о_у=кроща'ти сiю` и= о_у=смиря'ти подоба'етъ.

f~. Дjь'йство бл~года'ти _е='сть си'ла _о=гня` дх~о'внагw: _е='же въ ра'дости и= весе'лiи серде'чнjь дви'жетъ, о_у=твержда'етъ и= согрjьва'етъ (с. 219) и= w=чища'етъ ду'шу, и= по'мыслы о_у='бw о_у=толя'етъ, jа='кw на ча'съ: тjьле'сное же движе'нiе о_у=мерщвля'етъ на вре'мя. Зна'м_енiя же _е=гw` и= плоды`, jа=вля'ющiе и='стину, су'ть сiя^: сле'зы, сокруше'нiе, смире'нiе, воздержа'нiе, молча'нiе, терпjь'нiе, _е='же кры'тися, и= _е=ли^ка су'ть такwва'я, и='миже несумнjь'ннjь и=звjьща'емся.

_i~. Дjь'йство пре'лести _е='сть, грjьха` раждеже'нiе, _е='же въ сла'сти распаля'етъ ду'шу, и= къ совокупле'нiю тjьле'съ неи'стово жела'нiе къ тjьле'снjьмъ движе'нiи воздвиза'етъ. Нека'чественно же _е='сть все` и= нестро'йно, по ст~о'му дiа'доху: ра'дость и='мать безслове'сну, и= мнjь'нiе, и= мяте'жъ, и= весе'лiе нека'чественно. И=ли` па'че рещи`, непита'тельнw дjь'йствуетъ къ по'хотной ча'сти въ сла'сти растепле'ннjьй, подая` по'хоти вещество` раждеже'нiя сла'сти, и= несы'тну о_у=тро'бу содjь'йственницею и=му'що. W\тсю'ду бо прiwбща'етъ и= возжига'етъ растворе'нiе пло'ти, прiе'мля вину` ко _е='же дjь'йствовати и= жещи` ду'шу, и= ко _е='же привлещи` ю=` къ себjь`, jа='кw да пома'лу w\тжене'тъ w\т себе` человjь'къ благода'ть навыкнове'нiемъ сладостра'стiя.

(с. 220)

Тогw'жде w= безмо'лвiи, и= w= дву` w='бразjьхъ моли'твы, въ _е~_i глава'хъ.

Глава` а~.

Два` w='браза су'ть соедине'нiя: па'че же вхо'ды w\т _о=бою` страну^ о_у='мныя моли'твы, дjь'йствуемыя ду'хомъ въ се'рдцjь, и='миже о_у='мъ и=ли` предваря'етъ сiю`, та'мw прилjьпля'яйся гд\сви, {_Псал. _о~в, ст. к~и.} по писа'нiю: и=ли` дви'жущуся дjь'йству по предше'ствiю _о=гне'мъ весе'лiя привлека'етъ о_у='мъ, и=ли` привязу'етъ _е=го` къ призыва'нiю и= соедине'нiю гд\са i=и~са. А='ще бо ду'хъ и= _о=со'бь коему'ждо дjь'йствуетъ, jа='коже хо'щетъ, {а~ Кор. гл. в~_i, ст. а~_i.} по а=п\сльскому словеси`, но _о=вогда` въ нjь'кiихъ _е=ди'но друга'го предваря'етъ по предреч_е'ннымъ w=бразw'мъ. И= _о=вогда` о_у='бw дjь'йство дви'жется въ се'рдцjь, страст_е'мъ си'рjьчь о_у=маля'ющымся ча'стымъ призыва'нiемъ i=и~са хр\ста`, jа='вльшейся бж~е'ственнjьй теплотjь`: бг~ъ бо на'шъ _о='гнь _е='сть пояда'ющь стра^сти, глаго'летъ писа'нiе. {_Е=вр. гл. в~_i, ст. к~f.} _О=вогда' же дх~ъ привлачи'тъ къ себjь` о_у='мъ, водружа'я _е=го` во глубину` се'рдца, и= w\т _о=бы'чнагw скита'нiя о_у=де'рживая. И= тогда` не ктому` плjь'нникъ во а=ссv"рi'аны ведо'мь w\т i=ер\сли'ма, но w\т вавv"лw'на въ сiw'нъ преселе'нiе твори'тъ лу'чшее, jа='коже и= _е=му` съ проро'комъ вjьща'ти: Тебjь` подоба'етъ пjь'снь бж~е въ сiw'нjь, и= тебjь` возда'стся моли'тва во i=ерусали'мjь. {_Псал. _кс~д, ст. в~.} И= па'ки: Внегда` возврати'ти гд\су плjь'нъ сiw'нь. {_Псал. рк~_е, ст. а~.} И= _е='же: возра'дуется i=а'кwвъ, и= возвесели'тся i=и~ль: {_Псал. г~_i, ст. и~.} си'рjьчь дjь'ятельный и= зри'тельный о_у='мъ, и='же дjья'нiемъ стра^сти побjьжда'етъ съ по'мощiю бж~iею и= (с. 221) видjь'нiемъ зри'тъ _е=го`, _е=ли'кw дости'жно. Тогда' бо о_у='мъ jа='кw на трапе'зу _о=би'льнjьйшу призва'нъ, пи'щею бж~е'ственною веселя'ся пое'тъ: О_у=гото'валъ _е=си` предо мно'ю трапе'зу, пря'мw стужа'ющымъ ми`, бjьсовw'мъ же и= страст_е'мъ. {_Псал. к~в, ст. _е~.}

Глава` в~.

W= _е='же ка'кw подоба'етъ дjь'йствовати моли'тву.

Въ зау'трiи сjь'й, глаго'летъ соломw'нъ, сjь'мя твое`, си'рjьчь моли^твы, и= въ ве'черъ да не w=ставля'етъ рука` твоя`. {_Е=кклес. гл. а~_i, ст. s~.} Да не разстоя'нiемъ вре'мени всегда'шность моли'твы лиши'тся тогw` часа`, во'ньже бы о_у=слы'шана была`: jа='кw не вjь'си, глаго'летъ соломw'нъ, ко'е произы'детъ, сiе` и=ли` _о='но. {Та'мже.} И= w\т о_у='тра о_у='бw сjьдя` на сjьда'лищи _е=ди'ныя пя'ди, низведи` о_у='мъ w\т влады'чественнагw въ се'рдце, и= держи` _е=го` въ не'мъ, болjь'зненнjь же прекло'нься и= пе'рсьми, ра'мены же и= вы'ею sjьлw` боля`, непреста'ннw зови` о_у='мнjь и=ли` душе'внjь: гд\си i=и~се хр\сте`, поми'луй мя`! Та'же тjьсноты` ра'ди и= приболjь'зненности, и= ча'стости ра'ди не'гли и= приско'рбнjь и=мjь'я. _Е='же _е='сть ра'ди _е=ди'ныя снjь'ди трiиме'ннагw, ча'стw jа=до'мыя: jа=ду'щiи бо мя`, глаго'летъ, _е=ще` вза'лчутъ. {Сiра'х. гл. к~д, ст. к~г.} Премjьня'я о_у='мъ во другу'ю полови'ну, глаго'ли: сн~е бж~iй, поми'луй мя`! И= многокра'тнjь глаго'ля полови'ну сiю`, не до'лженъ _е=си` ча'стw w\т лjь'ности _о='ная премjьня'ти: не о_у=кореня'ются бо са'дове ча'стw пресажда'еми. О_у=де'рживай же и= w\тдыха'нiе ле'гкагw, да не де'рзостнjь ды'шеши: и='бо дохнове'нiе духw'въ, w\т се'рдца восходя'що, помрача'етъ о_у='мъ и= развjьва'етъ мы'сль. W\тту'ду воспяща'я _е=го`, и=ли` плjь'нника забве'нiю предае'тъ, и=ли` вмjь'стw тогw` друго'му поуча'тися о_у=строя'етъ, нечу'вственнjь во jа=`же не подоба'етъ w=брjьта'ющася. А='ще же о_у=ви'диши нечистwты` лука'выхъ духw'въ, си'рjьчь по'мыслы возница'_емы и=ли` преwбразу'ющыяся во о_у=мjь` твое'мъ, (с. 222) не о_у=жасни'ся, а='ще и= блага^я разумjь^нiя веще'й нjь'кiихъ jа=вля'ются ти`, не внима'й и=`мъ: но держя` дыха'нiе, jа='коже ти` мо'щно, и= о_у='мъ въ се'рдцjь заключа'я, и= призыва'нiе гд\са i=и~са ча'стw и= пребыва'тельнjь дjь'йствуяй, ско'рw сокруши'ши и= и=стреби'ши _о='ныя, jа=звя` и='хъ неви'димw бж~е'ственнымъ и='менемъ. Глаго'летъ бо лjь'ствичникъ: I=и~совымъ и='менемъ бi'й ра'тники, нjь'сть бо ниеди'нагw крjьпча'йша _о=ру'жiя на нб~си` и= на земли`.

Глава` г~.

W= дыха'нiи.

Jа='коже до'лженъ _е=си` держа'ти дыха'нiе, свидjь'тель и=са'iа w\тше'льникъ, w= се'мъ глаго'ляй, и= и=нi'и мно'зи. _О='въ о_у='бw, держи` о_у='мъ неудержи'мый, си'рjьчь порjьва'емь и= разсjьва'емь w\т сопроти'вныя си'лы, возврати'вшiяся па'ки по креще'нiи небреже'нiя ра'ди, со и=ны'ми лука'внjьйшими ду'хи въ лjь'ностную ду'шу, jа='коже глаго'летъ гд\си: И= послjь^дняя сотвори'шася гw'рша пе'рвыхъ. {Матf. гл. в~_i, ст. м~_е.} _О='въ же jа='кw до'лженъ _е='сть и='нокъ и=мjь'ти па'мять бж~iю вмjь'стw дыха'нiя. И='нъ же любо'вь бж~iю предваря'ющу тогw` дыха'нiе. И= но'вый бг~осло'въ глаго'летъ: пома'лу о_у=де'рживай и= но'здренное влече'нiе, да не де'рзостнjь ды'шеши. {Си'мъ w=знача'ется w=бузда'нiе горды'ни ду'ха, па'че же и= приведе'нiе сегw` въ соедине'нiе съ дх~омъ бж~iимъ, а= не что'либо чу'вственное.} И= лjь'ствичникъ: I=и~сова па'мять да соедини'тся съ дыха'нiемъ твои'мъ, и= тогда` о_у=разумjь'еши безмо'лвiя по'льзу. И= а=п\слъ: не то'й, но хр\сто'съ въ не'мъ живя'ше дjь'йствуя, {Гала'т. гл. в~, ст. в~.} и= живо'тъ бж~е'ственный вдыха'я. И= гд\сь: дх~ъ, и=дjь'же хо'щетъ, ды'шетъ, {I=wа'н. гл. г~, ст. и~.} глаго'летъ, прiя'въ примjь'ръ w\т дыха'нiя чу'вственнагw вjь'тра. Поне'же чи'сти бы'вше кр~ще'нiемъ, прiе'мше хр\ста` w=буче'нiемъ дх~а, и= jа='кw сjь'мя всажде'нное сло'во, по бг~обра'ту i=а'кwву, прiя'хомъ, {I=а'кwв. гл. а~, ст. к~а.} _е='же насажде'но бы'вше, и= jа='кw соедини'вшеся въ прича'стiи неприча'стномъ и= несмjь'сномъ, w=божа'етъ (с. 223) на'съ нjь'кiимъ w='бразомъ, преиспо'лненно су'щи за бла'гость, мы' же jа='кw w= храни'тельныхъ за'повjьдехъ благода'ти вознеради'вше: падо'хомъ па'ки въ стра^сти лjь'ности ра'ди, и= вмjь'стw дыха'нiя дх~а ст~а'гw, дыха'нiя духw'въ лука'выхъ и=спо'лнихомся. Стяжа'вый бо дх~а, и= тjь'мъ w=чище'нъ бы'въ, разгрjьва'ется w\т негw` и= бж~е'ственнымъ вдыха'ется живото'мъ, и= глаго'летъ, и= разумjьва'етъ, и= дви'жется, по гд\снему гла'су: JА='кw не вы` бо бу'дете глаго'лющiи, но дх~ъ _о=ц~а` ва'шегw глаго'ляй, рече`, въ ва'съ. {Матf. гл. _i~, ст. к~.} Подо'бнjь па'ки: и='же сопроти'внаго и=мjь'яй, и= w\т тогw` w=блада'нъ бы'въ, сопроти^вная дjь'лаетъ и= глаго'летъ. {Разумjь'й _о='ное w= преесте'ственномъ да'рjь бж~iи, сво'йственномъ ст~ы^мъ а=п\слwмъ хр\стw'вымъ.}

Глава` д~.

W= _е='же ка'кw пjь'ти подоба'етъ.

О_у=труди'вся, глаго'летъ лjь'ствичникъ, воста'въ помоли'ся, и= па'ки сjь'дъ, пе'рвjьйшагw дjь'ланiя му'жественнjь и=ми'ся. А='ще во и= w= о_у=мjь` рече`: _е=гда` дости'гнетъ серде'чное блюде'нiе, сiя^ твори'ти до'лжни су'ть, но не неприли'чнjь и= w= _псалмопjь'нiи рече` то`. Глаго'лется бо, jа='кw вопроше'нъ бы'сть w= пjь'нiи вели'кiй варсоно'фiй, си'рjьчь, ка'кw подоба'етъ пjь'ти; и= w\твjьща` ста'рецъ: часы` и= пjь^сни су'ть преда^нiя це'ркви, и= до'брjь согла'сiя ра'ди дана` бы'ша. Ски'тяне же ниже` часы` пою'тъ, ниже` пjь^сни и='мутъ: но рукодjь'лiе, и= наединjь` поуче'нiе, и= пома'лу моли'тву. Стоя' же на моли'твjь, до'лженъ _е=си` глаго'лати Трист~о'е, и= _О='ч~е на'шъ. Моли'ти же и= бг~а, w= _е='же ве'тхагw и=зба'витися человjь'ка, и= во _о='ной не коснjь'ти, ве'сь бо де'нь о_у='мъ тво'й въ моли'твjь да бу'детъ. И= сiе` jа=ви` ста'рецъ, jа='кw наединjь` поуче'нiе, _е='сть серде'чная моли'тва: пома'лу же моли'тва, стоя'нiе _е='сть пjь'нiя. JА='вjь же глаго'летъ и= вели'кiй i=wа'ннъ лjь'ствичникъ: дjь'ло безмо'лвiя, (с. 224) безпопече'нiе w= всjь'хъ и= нелjь'ностна моли'тва _е='сть стоя'нiе, и= тре'тiе дjь'ланiе се'рдца некра'домо. Сiе` _е='сть сjьда'лище моли'твы, си'рjьчь безмо'лвiя.

Глава` _е~.

W= разли'чiи пою'щихъ.

Ко'е разли'чiе, jа='кw _о='ви о_у='бw мно'гw пjь'ти о_у='чатъ, _о='вiи же ма'лw, друзi'и же ника'коже w\тню'дъ, но _е=ди'ну моли'тву и= тру'дъ, рукодjь'лiе не'гли и=ли` мета^нiя, и=ли` и='но нjь'кое притру'дно дjь'ланiе; Рjьше'нiе же сегw` _е='сть сицево`: _е=ли'цы дjья'нiемъ, мно'гими труды` и= лjь'ты w=брjьто'ша благода'ть, jа='коже навыко'ша, си'це и= други'хъ поуча'ютъ. Не покаря'ются же непрiе'млющiи худо'жественнjь въ то` доспjь'вшымъ ми'лостiю бг~а, вско'рjь те'плою вjь'рою, jа='коже глаго'летъ ст~ы'й i=саа'къ. Тjь'мже и= порица'ютъ таковы'хъ, w\т неразу'мiя и= мнjь'нiя крадо'ми, и= и=ны'хъ и=звjьству'ютъ, jа='кw а='ще _е='сть и='накw, пре'лесть _е='сть, а= не благода'ти дjь'йство. И= не вjь'дятъ, jа='кw о_у=до'бно пред\ъ _о=чи'ма бж~iима, по писа'нiю, внеза'пу w=богати'ти ни'ща. {Сира'х. а~_i, ст. к~а.} И=, нача'ло прему'дрости, стяжа'ти прему'дрость, благода'ть, {При'тч. гл. д~, ст. з~.} глаго'летъ при'тча. О_у=коря'етъ же и= а=п\слъ тогда^шнiя о_у=ченики` невjь'дущыя благода'ти, глаго'ля: И=ли` не зна'ете себе`, jа='кw i=и~съ хр\сто'съ въ ва'съ _е='сть; ра'звjь то'чiю чи'мъ неиску'сни _е=сте`, {в~ Кор. г~_i, ст. _е~.} сi'есть за лjь'ность ва'шу не предспjь'ятельни. Тjь'мже ра'ди невjь'рiя и= высокому'дрiя, и= ди'вныя въ нjь'кiихъ моли'твы сво'йства w\т дх~а, _о=со'беннымъ w='бразомъ дjь'йствуема, не прiе'млютъ.

Глава` s~.

Противорjь'чiе тогw'жде.

Рцы' ми, такwва'я глаго'ляй: а='ще кто` пости'тся, возде'ржится, бди'тъ, стои'тъ, мета^нiя твори'тъ, пла'четъ, не стяжа'тельствуетъ, (с. 225) нjь'сть ли сiе` дjь'ланiе; Ка'кw о_у='бw глаго'ленiи кромjь` дjья'нiя, пjь'нiе то'чiю предлага'я, не мо'щно о_у=держа'ти мл~тву; Сiя^ не дjь^ланiя ли су'ть;

Рjьше'нiе.

А='ще кто` о_у=сты^ мо'лится, а= о_у='мъ пари'тъ, ка'я по'льза; _Е=ди'нъ зи'ждя, а= другi'й разоря'я, ничто'же ра'звjь труды`. Но jа='коже тjь'ломъ дjь'лаетъ человjь'къ, си'це до'лженъ твори'ти и= о_у=мо'мъ, да не тjь'ломъ о_у='бw w=бря'щется пра'веденъ, въ се'рдцjь же вся'кагw о_у=ны'нiя и= нечистоты` и=спо'лненъ. Сiе` во и= а=п\слъ и=звjьству'етъ, глаго'ля: А='ще бо молю'ся jа=зы'комъ, си'рjьчь, о_у=сты`, дх~ъ мо'й мо'лится и=ли` гла'съ мо'й, а= о_у='мъ мо'й без\ъ плода` _е='сть. Помолю'ся о_у=`бо дх~омъ, помолю'ся же и= о_у=мо'мъ. И= хощу` рещи` пя'ть слове'съ, и= прw'чая. {а~ Кор. д~_i, ст. д~_i, _е~_i и= f~_i.} Свидjь'тель же, jа='кw w= се'мъ глаго'летъ и= лjь'ствичникъ, глаго'лющiй въ сло'вjь w= моли'твjь: вели'кiй вели'кiя и= соверше'нныя моли'твы дjь'латель си'це глаго'летъ: хощу` рещи` пя'ть слове'съ о_у=мо'мъ мои'мъ, и= прw'чая. Дjь^ланiя же су'ть мнw'га, по ча^стна су'ть: серде'чная же моли'тва _е='сть дjь'ланiе вели'ко и= w=бдержи'тельно, jа='кw и=сто'чникъ добродjь'телей, по словеси` лjь'ствичника, _е='юже вся'кое прiwбрjьта'ется бла'го. Нjь'сть, глаго'летъ ст~ы'й ма_ксi'мъ, страшнjь'е мы'сли сме'ртныя, ниже` па'мяти бж~iя велелjь'пнjье, jа=вля'я превосхо'дство дjь'ла. Нjь'цыи же ниже`, а='ще _е='сть благода'ть, въ ны'нjьшнее вре'мя слы'шати хотя'тъ, w\т мно'гагw нечу'вствiя и= неразумjь'нiя w=мраче'ни су'ще и= маловjь'рни.

Глава` з~.

Ма'лw же пою'щiи, до'брjь, мню`, творя'тъ, соразмjь'рность почти'вше: вся'кая бо мjь'ра добра` _е='сть, по словеси` прему'дрыхъ, да не всю` си'лу душе'вную въ дjья'нiе и=стоща'юще, о_у='мъ бу'детъ ма'лw радjь'теленъ въ моли'твjь, и= и=знемо'жетъ къ не'й: но да (с. 226) w\т ча'сти пою'ще, мно'жае въ мл~тву простру'тся. Пра'ведно же _е='сть, _е=гда` о_у='мнымъ и= ча'стымъ во'племъ и= пожда'тельнымъ водруже'нiемъ стужи'въ о_у='мъ, причаща'ется ма'лыя w\тра'ды во _е='же попусти'ти _е=го` въ простра'нство пjь'нiя w\т стjьсне'нiя безмо'лвнагw. Се'й чи'нъ sjьлw` до'бръ _е='сть, и= о_у=че'нiе муже'й прему'дрыхъ.

Глава` и~.

А= и='же w\тню'дъ непою'щiи, та'кожде до'брjь творя'тъ, а='ще су'ть въ пред\ъуспjь'янiи: сi'и бо не тре'буютъ глаго'лати _псалмы`, но молча'нiе и= непреста'нную моли'тву и= видjь'нiе, а='ще доспjь'ша въ просвjьще'нiе съ бг~омъ бо соедине'ни су'ть, и= не до'лжни сицевi'и w\твлещи` w\т негw` о_у='мъ сво'й, и= вда'ти _е=го` въ смуще'нiе. Паде'нiе о_у=`бо, {w\т к~з степе'ни.} глаго'летъ лjь'ствичникъ, послу'шнику своя` во'ля, безмо'лвнику же моли'твы w=ставле'нiе: прелюбы' бо дjь'етъ таковы'хъ о_у='мъ, _е=гда` w\тсту'питъ w\т па'мяти бж~iя jа='кw w\т жениха`, и= за малjь^йшiя дjьла` люби'тельнjь _е='млется. Научи'ти же и= други'хъ тому'жде чи'ну, не во всjь'хъ _е='сть возмо'жно, просты'хъ о_у='бw послу'шникwвъ су'щихъ и= некни'жныхъ та'кw: зане` послуша'нiе w\т вся'кiя добродjь'тели смире'нiя ра'ди прича'ствуетъ: непокори^вымъ же не дае'тся, да не о_у=до'бь прельстя'тся, гру'би и= люборазу'мични су'ще. Зане'же самочи'нникъ не мо'жетъ и=збjь'гнути мнjь'нiя, и='мже пре'лесть послjь'довати w=бы'че, jа='коже глаго'летъ ст~ы'й i=саа'къ. И=нi'и же не помышля'юще w= и=му'щемъ бы'ти вре'дjь, за _е='же w=бы'кнути глаго'лютъ и= возлюби'ти о_у=му` па'мять бж~iю, прилуча'ющихся сiю` _е=ди'ну дjь'йствовати о_у='чатъ, _е='же не мо'щно _е='сть, наипа'че же своечи'нникwмъ су'щымъ. _Е=ще' бо о_у=му` и='хъ нечи'сту су'щу, ра'ди небреже'нiя и= высокому'дрiя, и='же слеза'ми не пред\ъwчи'стивыйся, кумi'ры па'че скв_е'рны по'мыслъ, а= не моли'тву созерца'етъ, въ се'рдцjь нечи'стымъ духовw'мъ смути'вшымся w\т страши'лищнагw ду'ха, и= о_у=би'ти скреже'щущымъ ра'нящаго. А='ще же о_у=слы'шитъ и=ли` науче'нъ бу'детъ самочи'нникъ w= се'мъ дjь'ланiи, (с. 227) и= хо'щетъ то` о_у=держа'ти, _е=ди'но w\т двою` и='мать пострада'ти: а='ще о_у='бw ну'дится, прельща'ется, и= неисцjь'ленъ пребыва'етъ: а='ще ли небреже'тъ, без\ъ пред\ъуспjь'янiя во все'мъ животjь` свое'мъ быва'етъ.

Глава` f~.

Реку' же и= а='зъ, jа='кw w\т и=ску'са ма'лw позна'въ. _Е=гда` бу'деши сидjь'ти во дни`, и=ли` въ нощи` безмо'лвствуя, ча'стjь моля'ся бг~ови кромjь` пw'мыслъ во смире'нiи, и= о_у=`бо и=знемо'жетъ о_у='мъ зовы'й, и= возболjь'знуетъ тjь'ло и= се'рдце sjь'льнымъ водруже'нiемъ ча'стагw i=и~сова призыва'нiя, и= не ктому` согрjьва'емь и=ли` возвеселя'емь, и='миже о_у=се'рдiе и= терпjь'нiе ражда'ется подви'жнику: тогда` воста'въ, ста'ни и= по'й наединjь`, и=ли` съ су'щимъ съ тобо'ю о_у=ченико'мъ, и=ли` о_у=пражня'йся въ поуче'нiи нjь'коегw глаго'ла, и=ли` въ па'мяти сме'рти, и=ли` въ рукодjь'лiи и= про'чемъ, и=ли` чте'нiю па'че стоя` внемли`, да тру'дъ тjьлеси` сотвори'ши. И= _е=гда` о_у='бw стои'ши наединjь` поя`, глаго'ли Трист~о'е, и= посе'мъ моли'тву душе'внjь и=ли` о_у='мнjь, внима'я о_у=мо'мъ се'рдцу. А='ще ли же ти` належи'тъ о_у=ны'нiе, глаго'ли и= _псалмы` два` и=ли` три`, и= тропари` о_у=мили'тельны без\ъ гла'са, jа='кw не воспою'тъ сицевi'и, глаго'летъ лjь'ствичникъ. Довлjь'етъ бо тjь^мъ во весе'лiе болjь'знь серде'чная, w= благоче'стiи быва'ема, jа='коже рече` ст~ы'й ма'ркъ, и= теплота` дх~а, къ ра'дости и= весе'лiю тjь^мъ да'руема. Глаго'ли же по вся'комъ _псалмjь` и= моли'тву о_у='мнjь, и=ли` душе'внjь, непари'тельнjь, и= а=ллилу'iа. Тако'въ бо _е='сть чи'нъ ст~ы'хъ _о=т_е'цъ, варсоно'фiа и= дiа'доха, и= про'чихъ. И= jа='коже глаго'летъ бж~е'ственный васi'лiй, подоба'етъ на вся'къ де'нь _псалмы` премjьня'ти, за _е='же къ о_у=се'рдiю поwщря'ютъ, и= да не глаго'летъ, вы'ну та^яжде поя`, о_у='мъ несла'достнjь w=браща'ется, но свобо'ду тому` дая'ти подоба'етъ, да и= _е=ще` па'че на о_у=се'рдiе о_у=крjьпи'тся. А='ще же со о_у=ченико'мъ вjь'рнымъ стои'ши поя`: _о='нъ о_у=`бо _псалмы` да глаго'летъ, ты' же се'рдцу та'йнjь вне'мля и= моля'ся: блюди` себе`, и= вся^ разумjь^нiя, и=ли` чу'вств_енна и=ли` о_у='мна, w\т се'рдца и=сходя^ща презира'й, моли'твjь (с. 228) содjь'йствующей. Безмо'лвiе бо _е='сть, w\тложе'нiе до вре'мени разумjь'нiй, _е='же не w\т дх~а су'ть бж~е'ственнjьйша, да не вне'мля си^мъ, jа='кw дw'брымъ, бw'льшая погуби'ши.

Глава` _i~.

W= пре'лести.

Внемли` о_у=`бо _о=па'снw, рачи'телю бж~iй, въ ра'зумjь, внегда` дjь'лая дjь'ло, о_у='зриши свjь'тъ, и=ли` _о='гнь и=звнjьу'ду, и=ли` вну'трь, и=ли` w='бразъ нjь'кiй, си'рjьчь хр\ста`, и=ли` а='гг~ла и=ли` и=на'го кого`, не прiе'мли того`, да не вре'дъ прете'рпиши: ниже` ты` са'мъ w\т себе` w=бра'знjь вне'мля, попу'стиши о_у=му` и=з\ъwбража'ти такwва'я: вся^ бо сiя^ и=звнjьу'ду безвре'меннjь преwбразу`_ема, ко _е='же прельсти'ти ду'шу быва'ютъ. Нача'ло бо моли'твы и='стинное, _е='сть теплота` серде'чная, попаля'ющая стра^сти, и= ти'хость и= ра'дость въ душjь` и=звjь'стною любо'вiю творя'щая, и= се'рдце несомнjь'ннымъ и=звjьще'нiемъ о_у=твержда'ющая. Все' бо приходя'щее къ души`, глаго'лютъ _о=тцы`, а='ще чу'вственно, а='ще о_у='мно, и= о_у=сумни'тся w= се'мъ се'рдце, не прiе'млющи тогw`, нjь'сть w\т бг~а, но w\т сопроти'вника прiи'де. И= а='ще о_у=ви'диши о_у='мъ w\твнjьу'ду, и=ли` свы'ше влеко'мь нjь'коею неви'димою си'лою, не вjь'руй сему`, ниже` попусти` _е=му` влеко'му бы'ти: но пону'ди того` а='бiе въ дjь'ло _е=гw`: jа=`же бж~iя, глаго'летъ ст~ы'й i=саа'къ w\т себе` прихо'дятъ, невjь'дущу ти` вре'мени. А='ще вра'гъ вну'трь _е=сте'ственныхъ чре'слъ и= преwбразу'етъ дх~о'вная, jа='коже хо'щетъ, мечта'тельнjь и=на^я вмjь'стw други'хъ: и= вмjь'стw теплоты` свое` нестро'йное наводя` жже'нiе, jа='коже w=тягча'тися тогда` душjь` въ таково'й пре'лести, вмjь'стw же весе'лiя ра'дость безслове'сну и= сла'дость мокро'тну сотворя'я, и= мнjь'нiю w\т си'хъ и= киче'нно ви'дjьтися ражда'ему, скрыва'етъ же себе` w\т неиску'сныхъ, и= jа='коже бл~года'ть дjь'йствующу, свою` пре'лесть непщева'ти ну'дится. Но о_у=`бо вре'мя, и= и=ску'съ и= чу'вство, jа=вле'нна того` твори'ти w=бы'че, не sjьлw` неви'дящымъ тогw` sлоухищре'нiя. (с. 229) Горта'нь бо, глаго'летъ писа'нiе, бра^шна различа'етъ, си'рjьчь вку'съ духо'венъ, jа=вл_е'нна вся^, jа=кова^же су'ть, непреле'стнjь показу'етъ.

Глава` а~_i.

W= чте'нiи.

Да бу'дутъ тебjь`, дjь'лателю су'щу, глаго'летъ лjь'ствичникъ, прочи'тыва_емая дjь'ят_ельна: си'хъ бо дjья'нiе, и=зли'шно содjь'ловаетъ про'чiихъ чте'нiе. Прочи'тывай же при'снw jа=`же w= безмо'лвiи и= моли'твjь, си'рjьчь въ лjь'ствицjь, во ст~о'мъ i=саа'кjь, jа=`же ст~а'гw ма_ксi'ма, jа=`же но'вагw бг~осло'ва и= о_у=ченика` _е=гw` стиfа'та, jа=`же и=сv"хi'а, jа=`же фiлоfе'а сiнаи'та и= про'чихъ таковы'хъ, _е=ли'ка сицева^ су'ть. Прw'чая же w=ста'ви до вре'мени, не jа='кw w\тве'рж_енна, но jа='кw не прили'ч_ествующая намjь'ренiю, и= о_у='мъ тjь'ми повjьствова'нiями w\т моли'твы w\тводя^щая. Да бу'детъ же ти` чте'нiе на _е=динjь`, и= не во гла'сjь киче'нiя велича'ющася, ни во тща'нiи благоязы'чiя о_у=кра'шенно, и=ли` доброглаго'ланiи сло'ва, и=ли` пjь'сненныя сла'дости, и=ли` w\тсу'тствующъ jа='кw прису'тствующъ стра'стнjь крадо'мь ко о_у=гожде'нiю нjь'кiихъ, ниже` па'ки ненасы'тнjь. JА='кw вся'ка мjь'ра добра` _е='сть, ниже` бо'рзостнjь, ниже` лjь'ностнjь и= небре'жнjь, но цjьлому'дреннw, кро'ткw, постоя'ннw, разу'мнw, благочи'ннjь, о_у='мнjь же и= душе'внjь, и=ли` и= слове'снjь. Въ си'хъ бо о_у=крjьпля'емь о_у='мъ, си'лу въ навыкнове'нiи прiе'млетъ, во _е='же крjь'пцjь моли'тися. Въ предрече'нныхъ же сопроти'вныхъ си'мъ, помраче'нiе о_у='мъ стяжава'етъ: сла'бость же и= и=зступле'нiе, jа=коже` болjь'ти и= влады'чественному въ мозгjь`, и= въ моли'твjь и=знемога'ти.

Глава` в~_i.

Внемли' же и= предложе'нiю на вся'къ ча'съ, и=звjь'стнw то` и=спыту'я, ка'мw кло'нится, и= а='ще по бз~jь са'магw ра'ди добра`, и= душе'вныя по'льзы сjьди'ши безмо'лвствуя, и=ли` поя`, и=ли` прочи'тывая, (с. 230) и=ли` моля'ся, и=ли` ку'юлибо творя` добродjь'тель, да не w=кра'дешися невjь'домjь: да не ка'кw w=бря'щешися w='бразомъ о_у='бw дjь'латель, нра'вомъ же и= о_у=мо'мъ человjь'кwмъ, а= не бг~у о_у=годи'ти хотя'й: мнw'ги бо су'ть подса^ды льсти'вагw, и= вельми` хи'тростнjь зри'тъ о_у=клоне'нiе намjь'ренiя, jа='коже мнw'гимъ неувjь'домь быва'етъ, и= при'снw хо'щетъ кра'сти дjь'ло невjь'домjь, да не по бз~jь дjь'емое бу'детъ. А='ще о_у='бw и= неwсла'бнw ра'туетъ, и= безсту'днw приступа'етъ, но ты` тве'рдое намjь'ренiе къ бг~у и=мjь'я, не w=кра'дешися ча'стw, а='ще и= нево'льнjь w\т _о='нагw о_у=клоне'нiе во'ли пари'ти ну'дится. И= не'гли и= w\т не'мощи побjьжда'ется кто` нево'льнjь, но а='бiе проща'ется и= похваля'ется w\т вjь'дящагw намjь'р_енiя и= сердца`. Сiя` стра'сть, тщесла'вiя глаго'лю, не попуща'етъ и='ноку пред\ъуспjь'ти въ добродjь'тели: но труды` о_у=`бо сицевы'й претерпjьва'етъ, и= въ ста'рости безпло'денъ w=брjьта'ется. И='бо и= трi_е'мъ посмjьва'ется при'снw, и= дjь^ланiя добродjь'телей w=бнажа'етъ: новонача'льну, глаго'лю, и= сре'дню, и= соверше'нну.

Глава` г~_i.

Се' же на'выкъ, глаго'лю, jа='кw кромjь` добродjь'телей си'хъ и='нокъ никогда'же пред\ъуспjь'етъ, си'рjьчь, поще'нiя, воздержа'нiя, бдjь'нiя, терпjь'нiя, му'жества, безмо'лвiя, мл~твы, молча'нiя, пла'ча и= смире'нiя. Су'ть бо добродjь'т_ели сi'и ражда'тельни _е=ди'на друго'й, и= храни'тельни. W\т ча'ста бо поще'нiя о_у=вяда'емо жела'нiе ражда'етъ воздержа'нiе: воздержа'нiе, бдjь'нiе: бдjь'нiе, терпjь'нiе: терпjь'нiе, му'жество: му'жество, безмо'лвiе: безмо'лвiе, мл~тву: мл~тва, молча'нiе: молча'нiе, пла'чь: пла'чь, смире'нiе: смире'нiе воз\ъwбра'тнjь, пла'чь. И= па'ки вспя'ть дщ_е'ри ма'терей ка'кw ражда'ютъ, воз\ъwбра'тнjь w=бря'щеши. Сегw` о_у=`бо взаи'мна другородстводjь'йства, бо'льшагw въ добродjь'телехъ нjь'сть. Проти^вная же си'хъ, всjь^мъ су'ть jа=вл_е'нна.

Глава` д~_i.

Подоба'етъ же и= w= трудjь'хъ и= болjь'знехъ дjь'ланiя здjь` рещи`, и= ка'кw до'лжно _е='сть проходи'ти ко'еждо дjь'ланiе, jа='снjь (с. 231) показа'ти, да не неболjь'зненнjь кто` ше'ствуя по слу'ху, и= непрiя'въ плода`, на'съ и=ли` нjь^кiя w=бвини'тъ, jа='кw нjь'сть си'це, jа='коже реко'хомъ: болjь'знь бо серде'чная, и= тjьле'сный тру'дъ, вjь'сть дjь'ло и='стины твори'ти, и=з\ъ ни'хже дjь'йство дх~а ст~а'гw jа=вля'ется, ст~ы'мъ креще'нiемъ тебjь` и= вся'кому вjь'рну дае'мое, _е='же за'повjьдей небреже'нiемъ страстьми` спогреба'ется, и= покая'нiя па'ки на'шегw за неизрече'нную ми'лость w=жида'етъ. Да не въ коне'цъ за безпло'дiе на'ше о_у=слы'шимъ: Возми'те w\т негw` тала'нтъ, и= _е='же мни'тся и=мjь'ти, во'змется w\т негw` {Матf. гл. к~_е, ст. к~и. Луки` гл. и~, ст. и~_i.}, и= въ му'ку по'слетъ на'съ, вjь'чнw въ гее'ннjь боля'щихъ, jа='кw прiwбще'нiя тогw` не прiе'млющихъ, и=ли` прiе'мшихъ и= w\т небреже'нiя w\тве'ргшихъ. Вся'ко бо дjь'ланiе тjьле'сное же и= духо'вное, не и=му'щее болjь'зни и=ли` труда`, никогда'же прино'ситъ пло'дъ то` проходя'щему: jа='кw ну'ждно _е='сть ца'рствiе небе'сное, глаго'летъ гд\сь, и= ну'ждницы восхища'ютъ _е=`. {Матf. гл. а~_i, ст. в~_i.} Ну'жду разумjь'й тjьле'сное во все'мъ {Зри`: здjь` _о=те'цъ попечи'тельный, бесjь'дуя w= ну'ждjь и=ли` приболjь'зненномъ чу'вствjь, подобающе'мъ подви'жнику, ника'коже о_у='читъ да хрiстiа'нинъ, непрiя'вшiй ду'ха рабо'ты въ боя'знь, но прiя'вшiй дх~а сыноположе'нiя, да си'це свобо'дный ну'дитъ себе` и= му'читъ свое` тjь'ло, но выво'дитъ о_у='мнjь во'ина хр\сто'ва на по'двигъ, да вjь'рою, терпjь'нiемъ, смире'нiемъ и= вся'цjьмъ w='бразомъ воздержа'нiя же и= безпристра'стiя, па'че же добродjь'телiю и= и=справле'нiемъ i=и~са хр\ста` по ст~о'му златоу'сту, воwружи'вся ра'туитъ, и= а='ки крjь'пость нjь'кую, цр\ство нб\сное да восхи'титъ, а='ще бы и= непристу'пно на'мъ бы'ло по на'съ сами'хъ.} приболjь'зненно чу'вство. Поне'же мно'зи о_у='бw мнw'га не'гли лjь^та неболjь'зненнw дjь'лаша, и=ли` дjь'лаютъ, и= за _е='же не съ болjь'знiю въ те'пломъ о_у=се'рдiи се'рдца труды` творя'тъ, тщы` чистоты`, и= дх~а ст~а'гw не прича'стни бы'ша, лю'тwсти болjь'зней w\тве'ргше. Въ небреже'нiи бо и= сла'бости дjь'лающiи, трудя'тся о_у=`бо не'гли, jа='коже мня'тъ, мно'гw: но никогда` не пожина'ютъ плода` за безболjь'зненность, вся'чески безболjь'зненни су'ще. И= свидjь'тель глаго'ляй: А='ще и= вся^ жи'т_ельства на^ша вели^ка и='мамы, се'рдца же болjь'зненна не и='мамы, неи^стинна сiя^ и= безпол_е'зна су'ть: мо'жетъ же бы'ти, _е=гда` и= не неболjь'зненнjь ше'ствуемъ, но w\т о_у=ны'нiя въ попеч_е'нiя спорjьва'ющеся (с. 232) непол_е'зная, помрача'емся {Лjь'ствич. w\т з~ степ.}. Мня'ще бо въ си'хъ w=сла'бу w=брjьсти`, _е='же нjь'сть возмо'жно. Но плени'цами нерjьши'мыми неви'димw связу'еми, недви'жни и= недjь'йственни во вся'ко дjь'ло быва'емъ, сла'бости въ на'съ о_у=мно'жившейся, па'че же новонача^льнымъ су'щымъ: соверш_е'ннымъ бо вся^ въ мjь'ру пол_е'зна су'ть. Сiе` свидjь'тельствуетъ и= вели'кiй _е=фре'мъ, глаго'ля: трудя'ся труди'ся притру'днjь, да ми'мw пре'йдеши су'етныхъ трудw'въ труды`. А='ще, не по проро'ку, чресла` на^ша и=сче'знутъ w\т сла'бости по'стнымъ трудо'мъ и=знемо'гшя, и= болjь^зни страда'нiи зачне'мъ, jа='кw ражда'ющая младе'нца болjь'зненнымъ се'рдца водруже'нiемъ, и= не и='мамы роди'ти ду'ха спасе'нiя на земли` серде'чнjьй {И=са'iи гл. к~а, ст. г~.}, jа='коже слы'шалъ _е=си`. Но лjь'ты то'чiю, и= пусты'нею безполе'зною, и= сла'бостнымъ безмо'лвiемъ нjь'что бы'ти мня'щеся хва'лимся. Во вре'мя же и=схо'да несомнjь'ннw ве'сь пло'дъ вси` позна'емъ.

Глава` _е~_i.

Немо'щно же собо'ю самjь'мъ кому` добродjь'телей худо'жеству навы'кнути, а='ще и= нjь'цыи, jа='коже о_у=чи'теля, и=ску'съ сво'й о_у=потреби'ша. _Е='же бо w\т себе` сама'гw, а= не по совjь'ту пред\ъуспjь'вшихъ твори'мъ, мнjь'нiе и='мать, па'че же ражда'ти w=бы'че. А='ще бо сн~ъ ничесw'же w\т себе` твори'тъ, но jа='коже научи` _е=го` _о=ц~ъ, си'це твори'тъ: и= дх~ъ не бо` глаго'лати и='мать w\т себе`. Кто` _е='сть се'й, къ толи'кой добродjь'тели высотjь` дости'гшiй, jа='кw не тре'буяй и=но'гw когw` тайноводя'щагw _е=го`; горды'ню па'че, не'же добродjь'тель непщу'етъ и=мjь'ти: прельсти'лся _е='сть. Тjь'мже покаря'тися подоба'етъ вjь'дущымъ труды` дjь'ятельныя добродjь'тели, и= та'кw проходи'ти: си'рjьчь по'стъ а=лка'теленъ, воздержа'нiе несла'достно, бдjь'нiе пожда'тельно, колjьнопреклоне'нiе притру'дно, стоя'нiе неподви'жнjь приболjь'зненно, моли'тву пребыва'тельну, смире'нiе нелицемjь'рно, сокруше'нiе и= воздыха'нiе непреста'нно, молча'нiе благосло'вно, (с. 233) и= jа='кw со'лiю растворе'нно, во все'мъ терпjь'нiе. Не бо` подоба'етъ всегда` въ поко'и пребыва'ти, ниже` въ сjьда'лищи то'чiю всегда` пре'жде вре'мене, и=ли` ста'рости, и=ли` не'мощи потерпjьва'ти. Зане` труды`, глаго'летъ писа'нiе, добродjь'телей твои'хъ снjь'си {_Псал. рк~з, ст. в~.}, и= ну'дящихся _е='сть ца'рствiе небе'сное {Матf. гл. а~_i, ст. в~_i.}. Предреч_е'нная о_у='бw дjь^ланiя тща'йся на вся'къ де'нь болjь'зненнjь, си'рjьчь подви'жнw, о_у=си'льнw соверша'ти, и= пло'дъ съ бг~омъ во вре'мя си'хъ по'жнетъ.

(с. 234)

Тогw'жде преподо'бнагw _о=тца` на'шегw григо'рiа сv"наи'та, w= безмо'лвiи.

W= _е='же ка'кw подоба'етъ безмо'лвствующему сjьдjь'ти, и= твори'ти моли'тву.

а~. _О=вогда` о_у=`бо {Все` сiе` примjьне'нно _е='сть _о=бы'чному w=бразу` безмо'лвныя жи'зни, а='ще и= ма'лое и= произво'льное, jа='коже и= и='на w=бря'щеши въ кни'зjь се'й добротолю'бiи примjьн_е'нная _о=бы'чаю, клi'мату, воwбраже'нiю и= навыкнов_е'нiямъ, w\т ни'хже _е='сть и= но'здренное вдыха'нiе, и= сему` подо'бное.} на сту'льцjь, за притру'дность сjьдjь'ти подоба'етъ: _о=вогда' же и= на посте'ли ма'лw, до вре'мене за w\тра'ду. Въ терпjь'нiи же сjьдjь'нiе твое` бы'ти до'лжно, ре'кшагw ра'ди: Въ моли'твjь терпjь'ти досто'итъ {Кол. гл. д~, ст. в~.}, и= не ско'рw востава'ти, малоду'шествуя притру'дныя ра'ди болjь'зни, и= о_у='мнагw взыва'нiя, и= ча'стагw о_у=ма` водруже'нiя. Се' бо вjьща'етъ проро'къ, болjь^зни w=б\ъя'ша мя` а='ки ражда'ющiя {I=ерем. гл. и~, ст. к~а.}. Но пони'къ до'лу, и= о_у='мъ въ се'рдце собира'я, и= а='ще о_у='бw w\тве'рзеся ти` се'рдце твое`, призыва'й въ по'мощь гд\са i=и~са: боля' же ра'мены, и= главо'ю мно'гажды болjь'знуя, терпи` та^ притру'днjь и= рачи'тельнjь, взыску'я въ се'рдцjь гд\са: ну'дящихбося _е='сть ца'рствiе небе'сное, и= ну'ждницы восхища'ютъ _е=` {Матf. гл. а~_i, ст. в~_i.}. Словесы^ си'ми тща'нiе и= по'двиги такwвы` вои'стинну jа=вл_е'нны твори'тъ гд\сь: терпjь'нiе бо и= пожда'нiе во вся'цjьмъ дjь'лjь, роди'тель _е='сть болjь'зней {Болjь'зньми и=мену'ются здjь` не и=знуре'нiя себя` и= му'ченiе, но благопроизво'льное воздержа'нiе же и= смире'нiе съ покая'нiемъ, w\тводя'щее на'съ w\т сласте'й жите'йскихъ къ бг~у.} и= тjьле'сныхъ и= душе'вныхъ.

W= _е='же ка'кw подоба'етъ глаго'лати моли'тву.

в~. Си'це _о=тцы` реко'ша: _о='въ о_у='бw глаго'летъ, гд\си i=и~се хр\сте` сн~е бж~iй, поми'луй мя`! все`. _О='въ же, по'лъ: i=и~се сн~е бж~iй, поми'луй мя`! _е='же о_у=до'бнjьйше _е='сть за не'мощь _е=ще` о_у=ма` и= младе'нчество: ниже' бо мо'жетъ кто` w= себjь` та'йнw без\ъ дх~а _е=ди'нъ рещи` гд\са i=и~са, то'чiю дх~омъ ст~ы'мъ {а~ Корi'н. гл. в~_i, ст. г~.}, чи'стjь и= соверше'ннjь: но jа='кw младе'нецъ нjьмоту'я, _е=ще` соверши'ти сiю` члено'внjь не могi'й. Не до'лженъ же _е='сть ча'стw премjьня'ти призыва^нiя и=ме'нъ лjь'ности ра'ди, но ко'сненнw о_у=держа'нiя ра'ди. Па'ки: _о='вiи о_у='бw о_у=сты`, _о='ви же о_у=мо'мъ о_у='чатъ глаго'лати ту`, а='зъ же _о=боя^ глаго'лю. _О=вогда` о_у=`бо и=знемога'етъ о_у='мъ глаго'лати о_у=ныва'я, _о=вогда' же о_у=ста`: и= сегw` ра'ди _о=бои'ми подоба'етъ моли'тися, и= о_у=сты` и= о_у=мо'мъ, _о=ба'че безмо'лвнjь и= несмуще'ннjь вопи'ти подоба'етъ, jа='кw да не гла'съ, смуща'я чу'вство и= внима'нiе о_у=ма`, воспяща'ется, до'ндеже о_у='мъ w=бы'кнувъ въ дjь'лjь пред\ъуспjь'етъ, и= си'лу w\т дх~а прiи'метъ, во _е='же крjь'пцjь и= вся'кw моли'тися. Тогда' бо не тре'буетъ глаго'лати о_у=сты`, ниже` мо'жетъ, дово'ленъ сы'й то'чiю о_у=мо'мъ соверше'ннw твори'ти дjь'ланiе.

W= _е='же ка'кw подоба'етъ держа'ти о_у='мъ.

г~. Вjь'ждь, jа='кw никто'же мо'жетъ собо'ю о_у=держа'ти о_у='мъ, а='ще не w\т ду'ха о_у=держа'нъ бу'детъ: неудержи'мь бо _е='сть, не по _е=стеству`, jа='кw при'снw дви'жимь, но w\т нерадjь'нiя скита'нiе о_у=сво'йствовавъ себjь`, w\т нача'ла въ се'мъ w=бы'кнувъ. Преступле'нiемъ бо за'повjьдей w\т бг~а возроди'вшагw на'съ w\тлучи'хомся, _е='же въ чу'вствjь о_у='мное _е=гw` чу'вство же и= соедине'нiе погуби'вше. W\тту'ду бо поползну'вся о_у='мъ, и= бг~а w\тлучи'вся, повсю'ду во'дится jа='кw плjь'нникъ. И= невозмо'жно _е=му` и='накw стоя'ти, а='ще не бг~у повине'тся и= о_у=держа'нъ бу'детъ (с. 236) w\т негw`, и= тому` соединя'тися съ весе'лiемъ, и= моли'тися _е=му` ча'стjь и= терпjьли'внjь, и= и=сповjь'доватися тому` о_у='мнjь на вся'къ де'нь, _е=ли^ка согрjьша'емъ, и='же и= проща'етъ вся^ а='бiе во смире'нiи и= сокруше'нiи прося'щымъ, и= при'снw и='мя _е=гw` ст~о'е призыва'ющымъ. И=сповjь'дайтеся бо, глаго'летъ дв~дъ, гд\сви, и= призыва'йте и='мя ст~о'е _е=гw` {_Псал. р~д, ст. а~.}. И= воздохнове'нiе же w\т дыха'нiя, внегда` смежи'ти о_у=ста`, о_у=держи'тъ о_у='мъ, но w\т ча'сти и= па'ки расточа'ется. _Е=гда' же о_у='бw прiи'детъ дjь'йство моли'твы, тогда` вои'стинну то` держи'тъ _е=го` о_у= себе`, и= весели'тъ, и= w\т плjьне'нiя возбраня'етъ. _О=ба'че быва'етъ, _е=гда` о_у=му` моля'щуся и= въ се'рдцjь пребыва'ющу, и= мы'сль пари'тъ, и=ны^мъ поуча'ющися. Сiя' же ниеди'ному покаря'ется, ра'звjь то'чiю соверш_е'ннымъ въ дс~jь ст~jь, во _е='же не пари'ти доспjь'вшымъ w= хр\стjь` i=и~сjь.

W= _е='же ка'кw подоба'етъ w\тгоня'ти по'мыслы.

д~. Никто` новонача'ленъ когда` w\тгоня'етъ по'мыслъ, а='ще не бг~ъ w\тжене'тъ того`, си'льныхъ бо _е='сть, бра'нь сотвори'ти и= прогоня'ти я=`: но и= сi'и не w\т себе` w\тгоня'ютъ и=`хъ, но съ бг~омъ подви'жутся на бра'нь проти'ву и=`хъ, jа='кw w=болче'ни су'ще во все_ору'жiе _е=гw`. Ты' же приходя'щымъ по'мыслwмъ призыва'й, вмjь'стw _о=ру'жiя, гд\са i=и~са ча'стjь и= терпjьли'внjь, и= w\тбjь'гнутъ: не терпя'ще бо теплоты` серде'чныя w\т моли'твы восходя'щiя, jа='кw w\т _о=гня` пали'ми w\тбjьга'ючъ. I=и~совымъ, глаго'летъ лjь'ствичникъ, и='менемъ бi'й супоста'ты: и='бо бг~ъ на'шъ _о='гнь _е='сть, пояда'яй sло'бу: ско'рый въ по'мощь гд\сь, сотвори'тъ а='бiе w\тмще'нiе вседу'шнjь вопiю'щихъ къ нему` де'нь и= но'щь. Не и=мы'й же дjь'йства мл~твы, и=ны'мъ w='бразомъ побjьжда'етъ тjь'хъ, мwv"се'ю подража'я: воста'вшу бо, и= на не'бо просте'ршу ру'цjь и= _о='чи {в~ Мwv"с. гл. з~_i, ст. а~_i.}, w\тгоня'етъ и=`хъ бг~ъ. Та'же па'ки сjь'дъ, начина'етъ таковы'й моли'тву терпjьли'внjь, и= то'йже w='бразъ о_у=потребля'етъ, и='же не о_у=` стяжа'вый си'лу моли'твы, но (с. 237) и='же и=мjь'яй дjь'йство моли'твы на тjьл_е'сныя стра^сти: о_у=ны'нiе, глаго'лю, и= блу'дъ, жестw'кiя и= тя'жшыя стра^сти, мно'жицею востая`, простира'етъ ру'цjь въ по'мощь на ня`. _О=ба'че ма'лw, пре'лести ра'ди сiе` твори'тъ, и= па'ки сjьди'тъ, да не ка'кw возмечта'етъ о_у='мъ _е=гw` вра'гъ свы'ше, воwбраже'нiе си'рjьчь и='стины показа'въ. _Е='же бо и=мjь'ти о_у='мъ горjь`, и= до'лу, и= въ се'рдцjь, и= повсю'ду непогрjь'шенъ и= безвре'денъ соблюсти`, _е=ди'нjьхъ сво'йственно _е='сть чи'стыхъ и= соверше'нныхъ.

W= _е='же ка'кw подоба'етъ пjь'ти.

_е~. _О='вiи о_у=`бо ма'лw глаго'лютъ, _о='вiи же мно'гw, друзi'и же ника'кw. Ты' же ни мно'гащи по'й, смуще'нiе бо _е='сть, ниже` w\тню'дъ w=ставля'й, послjь'дующагw ра'ди разслабле'нiя и= нерадjь'нiя, но и=`же ма'лw пою'щымъ подража'й: Вся'ка бо мjь'ра и=зя'щна, по рече'нiю прему'дрыхъ. _Е='же бо мнw'га пjь'ти дjь'лательныхъ _е='сть, ра'зума ра'ди и= труда`, а= не безмо'лвныхъ: довлjь'юще и=`мъ въ бз~jь _е=ди'номъ въ се'рдцjь моли'тися, о_у=клоня'ющеся w\т помышле'нiй. Безмо'лвiе бо _е='сть w\тложе'нiе помышле'нiй чу'вственныхъ же и= о_у='мныхъ, по лjь'ствичнику. Си'лу бо свою` всю` и=стощи'въ о_у='мъ, въ пjь'нiи и=знемо'жетъ, во _е='же не крjь'пцjь и= терпjьли'внjь моли'тися. Но'щiю о_у=`бо, глаго'летъ лjь'ствичникъ, мно'гое вре'мя моли'твjь дава'й, ма'ло же пjь'нiю: си'це и= ты` до'лженъ _е=си` твори'ти. _Е=гда` зри'ши въ сидjь'нiи твое'мъ дjь'йствующу моли'тву, и= не престаю'щу двиза'тися въ твое'мъ се'рдцjь, да не когда` w=ста'виши ю=`, и= воста'неши пjь'ти до вре'мене, а='ще не по смотре'нiю w=ста'витъ тя`. Бг~а бо w=ста'вивъ вну'трь, и=звнjь` тому` прибесjь'дуеши, w\т высо'кихъ къ до'лу пове'рж_еннымъ прекланя'яся, но и= молву` _е='й содjь'ловаеши, и= тишину` о_у=ма` смуща'еши: безмо'лвiе бо по и='мени свое'мъ и= дjья'нiе и='мать, _е='же въ ми'рjь и= тишинjь` и=мjь'ти то`: Бг~ъ бо ми'ръ _е='сть, превы'шше молвы` и= во'плей. И= пjь'сни бо на'шей а='гг~льской бы'ти досто'итъ по жи'тельству, а= не плотско'й. _Е='же бо гла'снымъ во'племъ пjь'ти, о_у='мнагw во'пля (с. 239) _е='сть зна'менiе, и= ра'ди лjь'ности и= невjь'жества на'шегw дано` бы'сть, за _е='же привозводи'тися ко и='стиннымъ. Невjь'дующымъ бо моли'твы, jа='же _е='сть добродjь'телей и=сто'чникъ по лjь'ствичнику, напая'ющiй сады`, душ_е'вныя си^лы, подоба'етъ мно'гw пjь'ти, и= без\ъ мjь'ры, и= при'снw въ разли'чiи мно'гихъ бы'ти, и= никогда'же престава'ти, до'ндеже w\т мно'гагw приболjь'зненнагw дjья'нiя во видjь'нiе пред\ъуспjь'ютъ, моли'тву о_у='мную w=брjь'тше, дjь'йствующу вну'трь и='хъ. И='но бо _е='сть дjья'нiе безмо'лвiя, и= и='но _о='бщагw житiя`: ко'йждо же, въ не'же при'званъ бjь`, пребыва'яй спасе'тся. Тjь'мже бою'ся писа'ти ра'ди немощны'хъ, зря' тя посредjь` си'хъ w=браща'ющася. Вся'къ бо, и='же w\т слы'шанiя и=ли` о_у=че'нiя въ моли'твjь стражда'й, погиба'етъ, jа='кw нестяжа'вый наставля'ющагw. Вкуси'вый же благода'ти, до'лженъ _е='сть въ мjь'ру пjь'ти, jа='коже _о=тцы` реко'ша, мно'жае же въ моли'твjь тружда'тися. Разлjьни'выйся же до'лженъ _е='сть пjь'ти, и=ли` прочита'ти дjь'ят_ельная _о=те'ч_еская писа^нiя. Не тре'буетъ во кора'бль ве'с_елъ, вjь'тру вjь^трила протя'жущу, бла'го _е=му` вjь'янiе, ду'ху подаю'щу къ препла'ванiю сла'нагw мо'ря страсте'й: стоя'щъ же в_е'слы, и=ли` ладiе'ю влече'тся. А='ще же нjь'цыи любопри'тельнjь предлага'ютъ _о=т_е'цъ ст~ы'хъ, и=ли` здjь` нjь'кiихъ, jа='кw всено'щное творя'ху стоя'нiе, и= непреста'нно _псалмопjь'нiе: w\твjьща'емъ си^мъ w\т писа'нiй, jа='кw не всjь'хъ вся^ соверш_е'нна ску'дости ра'ди тща'нiя, и= и=знеможе'нiя си'лы: но ма^лая о_у='бw, не вся'кw ма^ла для вели'кихъ: вели^кая же въ ма'лыхъ, не вся'кw соверш_е'нна: соверш_е'ннымъ бо вся^ о_у=до'бь дjь'йству_ема су'ть. Зане'же не вси` су'ть при'снw, ны'нjь и=ли` дре'вле дjь'латели, ниже` вси` тjь'мъ же путе'мъ ше'ствоваша, и=ли` до конца` въ то'мъ пребы'ша. Мно'зи бо w\т дjь'ланiя прiидо'ша въ видjь'нiе, и= преста'ша w\т всjь'хъ, суббw'тствовавше по духо'вному зако'ну, и= w= бз~jь _е=ди'номъ веселя'хуся, насыще'ни бж~е'ственныя пи'щи, и= не попуща'еми пjь'ти, и=ли` во и=но'мъ чесо'мъ поуча'тися, w\т благода'ти су'ще во о_у='жасjь до вре'мене, дости'гше жела'нiй конца` w\т ча'сти jа='кw во w=бруче'нiи. И=нi'и же, да'же до кончи'ны въ дjь'ланiи о_у='спше спасо'шася, воздая'нiя въ бу'дущемъ w=жида'юще. Нjь'цыи же, при сме'рти и=звjьще'нiе прiе'мше, и=ли` по сме'рти возблагоуха'вше въ показа'нiе своегw` спасе'нiя, благода'ть креще'нiя и=му'ще jа='коже вси`, и= ра'ди плjьне'нiя и= невjь'дjьнiя о_у=ма` и='хъ не прiwбщи'вшеся, та'йнw съ не'ю су'ще живу'ще. И=нi'и же во _о=бои'хъ благоиску'сствуютъ, си'рjьчь въ пjь'нiи и= моли'твjь, и= та'кw жи'тельствуютъ, бога'ту и=му'ще благода'ть jа='кw приснодви'жиму, никогда'же w\т чесогw` возбраня'еми. Друзi'и же, да'же до конца` па'че гру'би су'ще, безмо'лвiе соблюдо'ша, дово'льствуеми къ моли'твjь то'чiю sjьлw` до'брjь, jа='кw _е=ди'ни съ _е=ди'нымъ бг~омъ соедини'вшеся. Соверше'ннiи бо, jа='коже реко'хомъ, вся^ мо'гутъ w= о_у=крjьпля'ющемъ и=`хъ хр\стjь`, _е=му'же сла'ва во вjь'ки вjькw'въ, а=ми'нь.

W= _е='же ка'кw подоба'етъ пита'тися.

s~. W= о_у=тро'бjь же что` реку`, цари'цjь страсте'й; А='ще возмо'жеши о_у=мертви'ти ту`, и= полуме'ртву содjь'лати, да не и=знемо'жеши. W=блада' бо мя`, возлю'бленне, и= jа='кw ра'бъ тоя` и= содру'гъ служу` _е='й, содjь'йственницjь бjьсовw'мъ и= вселе'нiю страсте'й. То'ю бо паде'нiе на'ше быва'етъ, и= то'ю воста'нiе, _е=гда` благоучреди'тся, и= то'ю w\тпадо'хомъ пе'рвагw и= втора'гw досто'инства бж~е'ственнагw. И='бо растлjь'вшуся _е=му` су'щу и=з\ъ нача'ла, па'ки w= хр\стjь` w=бновле'ни бы'хомъ. И= се` w\тпадо'хомъ ны'нjь w\т бг~а небреже'нiемъ за'повjьдей, блюду'щихъ и= возраста'ющихъ благода'ть во предспjь'янiи: а='ще не разумjь'юще и= возно'симся, мня'щеся съ бг~омъ бы'ти. Мнw'га же разли^чiя и='мутъ въ пи'щи тjьлеса`, jа='коже _о=тцы` реко'ша. И= _о='въ о_у='бw ма'лw: _о='въ же мно'гw тре'буетъ къ составле'нiю _е=сте'ственныя своея` си'лы: кi'йждо по си'лjь, и= навыкнове'нiю дово'ленъ сы'й. _О=ба'че безмо'лвствуяй, всегда` въ ску'дости до'лженъ _е='сть бы'ти не насыща'яся: w=тягче'нну бо стома'ху, и= о_у=му` помуще'нну си'мъ, ниже` моли'тву мо'жетъ глаго'лати крjь'пцjь, и=ли` чи'стjь: но w= воспаре'нiя мно'гихъ бра'шенъ сно'мъ преклоня'емь, о_у=сну'ти ско'рw жела'етъ, w\т (с. 240) чесогw` мечта^нiя безчи'сл_енна во снjь` привпа'даютъ о_у=му`. Тjь'мже хотя'щему спасе'нiе получи'ти, и= ну'дящемуся гд\са ра'ди безмо'лвнw пожи'ти: хлjь'ба, jа='коже мню`, лi'тра {три` че'тверти фу'нта.} довлjь'етъ _е=му`, и= воды`, и=ли` вiна`, въ де'нь три` и=ли` четы'ре ча^ши, и= w\т прилуча'ющихся снjь'дей ма'лw w\т всjь'хъ во вре'мя причаща'тися, w\трjьва'я насыще'нiе. Да поне` сiе` прему'дрjь о_у=потреби'въ, киче'нiя причаще'нiемъ w\т всjь'хъ и=збjь'гнути возмо'жетъ, и= бж~iихъ sjьлw` до'брыхъ творе'нiй не возгнуша'ется, благодаря` _е=му` w= всjь'хъ: и= сiе` _е='сть благоразу'мныхъ разсужде'нiе. Немоществу'ющымъ же въ вjь'рjь и= душjь`, воздержа'нiе мно'жае поле'зно _е='сть w\т снjь'дей, и=`мже sе'лiе jа='сти повелjь` а=п\слъ, {Ри'м. гл. д~_i, ст. в~.} за _е='же не вjь'ровати и=`мъ w\т бг~а сохран_е'нымъ бы'ти. Что' же ти` реку`, jа='кw пра'вила, и= тяготы` мно'ги попроси'лъ _е=си`, ста'ръ сы'й; ю='нiи не мо'гутъ мjь'риломъ и= мjь'рою, и= ка'кw ты` то` о_у=держи'ши; свобо'ду бо подоба'етъ ти` и=мjь'ти во все'мъ jа=ду'щу. А='ще же побjьжда'ешися, раска'йся, и= за'зри себjь`, и= па'ки начни`, и= не преста'ни си'це творя` всегда`, па'дая и= востая`, и= о_у=коря'я при'снw себе`, а= не и=но'го, и= поко'й и=мjь'ти бу'деши: прему'дрjь паде'нiями побjь'ду творя`, по писа'нiю. _О=ба'че да не прехо'диши предjь'лъ, _е=го'же предположи'хомъ, и= довлjь'етъ ти`. Не о_у=крjьпля'ютъ бо тjь'хъ прw'чiя снjь^ди толи'кw, _е=ли'кw хлjь'ба и= воды` причаще'нiе. Сегw` ра'ди глаго'ла проро'къ, и=на^я въ ничто'же полага'я: Сы'не человjь'чь! jа='ждь вjь'сомъ хлjь'бъ тво'й, и= во'ду мjь'рою пi'й. {I=езек. гл. д~, ст. f~.} Три' бо предjь'лы и='мать снjь'дь: воздержа'нiе, самодово'лiе и= сы'тость. Воздержа'нiе _е='сть, _е='же а=лка'ти jа='дшу: самодово'лiе же, _е='же ни а=лка'ти, ни w=тягоща'тися: сы'тость же, _е='же w=тягча'тися ма'лw. А= _е='же по насыще'нiи па'ки jа='сти, две'рь _е='сть чревобjь'сiю, _е='юже блу'дъ вхо'дитъ. Ты' же сiя^ и=звjь'стнw вjь'дый, по свое'й си'лjь лу'чшее и=збери`, не преступа'я предjь'лы: соверше'нныхъ бо _е='сть и= сiе`, по а=п\слу, _е='же и= насыща'тися и= а=лка'ти, и= во все'мъ мw'щнымъ бы'ти. {Фiлiпп. гл. д~, ст. в~_i.} (с. 241)

W= пре'лести, и=дjь'же и= w= и=ны'хъ мно'гихъ предло'гахъ.

з~. Зри` о_у=`бо, jа='кw хощу' тя и=звjь'стнw вjь'дjьти w= пре'лести, _е='же сохраня'тися w\т нея`, да не ка'кw невjь'дjьнiемъ стреми'вшись ве'лiй вре'дъ прiи'меши, и= ду'шу погуби'ши. Зане` о_у=до'бь приклоня'ется самовла'стное человjь'ка, ко прiwбще'нiю сопроти'вныхъ, па'че же неиску'сныхъ, jа='кw w\т ни'хъ дjь'йствуемыхъ. Бли'зъ бо и='хъ и= _о='крестъ бjь'сове новонача'льныхъ и= самочи'нныхъ су'ть, распростира'юще сjь^ти по'мыслwвъ, и= рвы` паде'нiй, и= мечта'нiй па'губу: гра'дъ бо и='хъ под\ъ w=блада'нiемъ ва'рварwвъ _е='сть. И= не подоба'етъ чуди'тися, а='ще прельсти'ся кто`, и=ли` и=зступи` о_у=мо'мъ, и=ли` пре'лесть прiя'тъ, и=ли` прiе'млетъ, и=ли` чу'ждая и='стины зри'тъ, и=ли` глаго'летъ w\т неиску'сства и= неразу'мiя неподоба^ющая. Мно'гажды бо w\т гру'бости кто` w= и='стинjь вjьща'я, и= и=на^я вмjь'стw и=нjь'хъ та'йнjь глаго'ля, не вjь'сть пра'вjь рещи` jа='коже _е='сть, и= мно'зjьхъ о_у=жаси` и= поноше'нiе и= смjь'хъ, безу'мнjь глаго'ля, безмо'лвствующымъ нано'ситъ. Нjь'сть бо чу'дно прельсти'тися кому` новонача'льну и= по мно'зjьхъ трудjь'хъ, зане'же бы'сть мнw'зjьмъ и= ны^нjьшнимъ и= др_е'внимъ бг~а взыску'ющымъ. И='бо па'мять бж~iя, сi'есть о_у='мная моли'тва, вы'шша всjь'хъ дjь'ланiй _е='сть, сiя` _е='сть и= добродjь'телей глава`, jа='кw любы` бж~iя. И= и='же безсту'днjь и= де'рзостнjь хотя'й ко бг~у вни'ти, и= и=сповjь'дати _е=го` чи'стjь, и= стяжа'ти _е=го` въ себjь` ну'дяся, о_у=до'бь о_у=мерщвля'емь _е='сть сицевы'й w\т самjь'хъ бjьсw'въ, глаго'лю, а='ще попу'стится: дерзнове'ннw бо и= де'рзостнw па'че о_у=строе'нiя своегw` взыска'въ, съ киче'нiемъ понужда'ется до тогw` пре'жде вре'мени доспjь'ти. Мно'гажды же благоутро'бствуя гд\сь, зря` на'съ въ высо'кихъ де'рзwстны, не попуща'етъ и=скуш_е'ннымъ бы'ти, jа='кw да свое` ко'ждо позна'въ мнjь'нiе w= себjь` w=брати'тся, пре'жде да'же не бу'детъ поноше'нiе бjьсw'мъ, и= смjь'хъ, и=ли` пла'чь въ человjь'цjьхъ, и= па'че съ долготерпjь'нiемъ взыску'ющему и= со смире'нiемъ, па'че же съ повинове'нiемъ, и= вопроше'нiемъ и=ску'сныхъ быва'етъ сiе` (с. 242) чу'дное дjь'ло. Да не ка'кw вмjь'стw пшени'цы, те'рнiе _о='тай по'жнетъ, и= го'ресть вмjь'стw сла'дости, и= вмjь'стw спасе'нiя w=бря'щетъ поги'бель. Си'льныхъ бо и= соверше'нныхъ _е='сть противобо'рствовати при'снw бjьсw'мъ и= ме'чь дх~о'вный, и='же _е='сть глаго'лъ бж~iй, {_Е=фес. гл. s~, ст. з~_i.} вы'ну на ни'хъ возпростира'ти. Немощнi'и же и= новонача'льнiи, бjь'гство со благоговjь'нiемъ и= стра'хомъ jа='кw тверды'ню о_у=потребля'юще, и= бра'ни w\трека'ющеся, не смjь'я пре'жде вре'мени ра'товатися, сме'рти о_у=бjьга'ютъ. Ты' же, а='ще безмо'лвствуеши до'брjь, ча'я со бг~омъ бы'ти, никогда'же да прiи'меши, а='ще что` ви'диши чу'вственно и=ли` о_у='мно, и=ли` и=звнjьу'ду, и=ли` внутрьу'ду, и=ли` а='ще и= w='бразъ хр\сто'въ, и=ли` си'рjьчь а='гг~лwвъ, и=ли` ст~а'гw зра'къ, и=ли` свjь'тъ о_у=мо'мъ мечта'ется, и=ли` воwбража'ется, jа='кw и= са'мъ о_у='мъ w= себjь` _е=стество'мъ и='мать мечта'тельное, и= о_у=до'бь зра'ки содjьва'ти мо'жетъ, во jа=`же жела'етъ не о_у=` _о=па'снjь сему` внима'ющымъ: и='же и= са'мъ на себя` нано'ситъ вре'дъ: и= сама' же та` па'мять благи'хъ и=ли` sлы'хъ воwбража'ти внеза'пу о_у=ма` чу'вство, и= къ мечта'нiю возводи'ти _о=бы'че, и=дjь'же и= мечта'тель быва'етъ таковы'й w= себjь`, а= не безмо'лвникъ. Сегw` ра'ди внима'й, да не приложи'ши вjь'ровати чесому`, согласу'яся съ тjь'мъ вско'рjь, а='ще и= бла'го _е='сть, пре'жде вопроше'нiя и=ску'сныхъ и= и=стяза'нiя мно'га, jа='кw да не вре'дъ прiи'меши: но пребыва'й негоду'я къ тому`, при'снw блюдя` о_у='мъ сво'й неwбразова'нъ, безви'денъ, невоwбрази'теленъ. Мно'гажды бо и= _е='же ко и=ску'су w\т бг~а по'сланное вjьнца` ра'ди, мно'зjьхъ вреди`. Хо'щетъ бо гд\сь на'шъ самовла'стное на'ше и=скуси'ти, ка'мw преклоня'ется. О_у=зрjь'вый бо что` въ мы'сли и=ли` въ чу'вствjь, а='ще и= w\т бг~а _е='сть, и= кромjь` вопроше'нiя вjь'дущихъ прiи'метъ, о_у=до'бь прельща'ется, и=ли` прельща'тися хо'щетъ, jа='кw о_у=добопрiя'теленъ. До'лженъ _е='сть новонача'льный внима'ти серде'чному то'чiю дjь'йству jа='кw непреле'стну, и=на^я же вся^ не прiима'ти до вре'мене ми'ра страсте'й. Бг~ъ бо не негоду'етъ на и='же _о=па'снw себjь` внима'ющаго пре'лести ра'ди, а='ще си'це и= не (с. 243) прiи'метъ, _е='же w\т негw` кромjь` вопроше'нiя, и= мно'га и=спыта'нiя, но па'че похваля'етъ jа='кw прему'дра, а='ще на нjь'кiихъ и= негодова`. Не всjь'хъ же до'лженъ _е='сть вопроша'ти, но _е=ди'наго, _е=му'же ввjь'рено _е='сть и= други'хъ w=кормле'нiе, и= житiе'мъ блиста'юща, о_у=бо'га о_у='бw су'ща, мнw'га же богатя'ща по писа'нiю {в~ Корi'н. гл. s~, ст. _i~.}. Мно'зи бо неиску'сни мно'зjьхъ немы'сленныхъ повреди'ша, и='хже су'дъ и='мутъ по сме'рти. {а~ Корi'н. гл. в~_i, ст. _i~.} Не всjь'хъ бо _е='сть наста'вити и= и=нjь'хъ, но и=`мже даде'ся бж~е'ственное разсужде'нiе, по а=п\слу. Разсужде'нiе дх~w'въ w\тлуча'ющее го'ршее w\т лу'чшагw мече'мъ сло'ва. Кi'йждо бо сво'й ра'зумъ и= разсужде'нiе _е=сте'ственно, и=ли` дjь'ятельно, и=ли` худо'жественно и='мать, а= не вси` дх~о'вное. Сегw` ра'ди глаго'ла прему'дрый сiра'хъ: Совjь^тницы же твои` _е=ди'нъ w\т ты'сящъ. {Сiра'х. гл. s~, ст. s~.} Не ма'лъ же по'двигъ _е='сть наста'вника w=брjьсти` непреле'стна, и= дjь'лы и= словесы^ и= разумjь'ньми. Въ си'хъ ви'димь _е='сть кто` непреле'стенъ сы'й, _е=гда` свидjь'тельствовано w\т бж~е'ственныхъ писа'нiй и='мать и= дjья'нiе и= мудрова'нiе, смиренному'дрствуя, въ ни'хже подоба'етъ му'дрствовати. Ну'жда бо не ма'ла дости'гнути и='стины jа='вственнjь, и= чи'сту бы'ти w\т сопроти'вныхъ благода'ти, jа='кw во w='бразjь и='стины w=бы'че дiа'волъ въ новонача'льныхъ па'че пока'зовати пре'лесть свою`, преwбразу'я лука^вая своя^ jа='кw духw'вна. Сегw` ра'ди и='же къ чи'стjьй моли'твjь доспjь'ти тща'йся въ безмо'лвiи, въ тре'петjь мно'зjь и= пла'чjь и= чрез\ъ вопро'съ и=ску'сныхъ наставле'нiемъ до'лженъ _е='сть ше'ствовати, и= пла'кати всегда` w= свои'хъ грjьсjь'хъ, печа'луя и= боя'ся, да не ка'кw му'ченъ бу'детъ, и=ли` w\тпаде'тъ w\т бг~а, w\тлуче'нъ бы'въ ны'нjь, и=ли` въ бу'дущемъ. _Е=гда` о_у='бw ви'дитъ кого` дiа'волъ плаче'внjь живу'ща, не пребыва'етъ та'мw, _е='же w\т пла'ча приходя'щагw смире'нiя боя'ся. А='ще же мечта'етъ кто` высw'кая со мнjь'нiемъ доспjь'ти, и= жела'нiе сатанино`, а= не и='стинно стяжа'въ, свои'ми сjьтя'ми о_у=до'бь связу'етъ _е=го`, jа='кw своего` слугу`. Сегw` ра'ди вели'ко _о=ру'жiе _е='сть, _е='же держа'ти въ моли'твjь и= пла'чь, jа='кw да не во мнjь'нiе w\т ра'дости моли'твы впаде'тъ: но радостопеча'лiе (с. 244) себjь` и=збира'я, соблюде'тъ себе` безвре'дна. Непреле'стная бо мл~тва, теплота` съ моли'твою i=и~совою, влага'ющею _о='гнь въ зе'млю се'рдца на'шегw, попаля'ющая стра^сти jа='кw те'рнiе, и= весе'лiе и= ти'хость въ душjь` творя'щи, и= ни w\т десны'я и=ли` шу'iя, и=ли` свы'ше гряде'тъ, но въ се'рдцjь прозяба'етъ, jа='коже и=сто'чникъ воды` w\т животворя'щагw дх~а. И= сiю` _е=ди'ну въ се'рдцjь свое'мъ возлюби` w=брjьсти` и= стяжа'ти, блюдя` сво'й о_у='мъ присномечта'теленъ, и= на'гъ разумjь'нiй и= помышле'нiй, и= не бо'йтеся. Рекi'й бо: Дерза'йте: а='зъ _е='смь, не бо'йтеся: {Ма'рка гл. д~_i, ст. к~з.} то'й _е='сть съ на'ми, _е=го'же мы` и='щемъ, защища'юща на'съ всегда`, и= не до'лжни _е=смы` боя'тися и=ли` воздыха'ти, бг~а призыва'юще. А='ще же нjь'цыи и= соврати'шася, врежде'ни бы'вше о_у=мо'мъ, вjь'ждь, jа='кw w\т самочи'нiя и= высокому'дрiя се` пострада'ша. И='же бо въ повинове'нiи съ вопроше'нiемъ и= смиренному'дрiемъ взыску'яй бг~а, никогда'же прiи'метъ вре'дъ благода'тiю хр\ста`, всjь^мъ человjь'кwмъ хотя'щагw спасти'ся. А='ще же и= случи'тся и=скуше'нiе, ко и=ску'су и= вjьнцу` быва'етъ, скорjь'йшу и=мjь'я попуща'ющагw бг~а по'мощь, и='миже вjь'сть w='бразы. Пра'вдjь бо живу'щаго, и= непоро'чнjь жи'тельствующаго и= о_у=даля'ющагося человjькоуго'дiя и= высокому'дрiя, а='ще и= безчи'сл_енна подви'гнетъ и=скуш_е'нiя на'нь ве'сь бjьсо'вскiй по'лкъ, не и='мать _е=го` вреди'ти, jа='коже _о=тцы` глаго'лютъ. Де'рзостнjь же и= своесовjь'тнjь ходя'щiи, сi'и и= вре'дъ о_у=до'бнw стра'ждутъ. Сегw` ра'ди ца'рскiй пу'ть при'снw держа'ти до'лженъ _е='сть безмо'лвствуяй, превосхожде'нiю бо во всjь'хъ о_у=до'бь мнjь'нiе послjь'довати w=бы'че, _е=го'же пре'лесть прiе'млетъ. Держи' же и= дыха'нiе о_у=ма`, ма'лw смjьжи'въ въ моли'твjь о_у=ста`, а= не дыха'нiе ноздре'й, jа='коже неуче'ннiи, да не вре'дъ прiи'меши надыма'яся. Три' же добродjь'т_ели су'ть безмо'лвiя, и=`хже подоба'етъ _о=па'снw соблюда'ти, и= на вся'къ ча'съ и=спы'товати, а='ще въ тjь'хъ при'снw пребыва'емъ, да не ка'кw w\т забве'нiя крадо'ми, внjьу'ду тjь'хъ ходи'ти бу'демъ. Jа=`же су'ть сiя^: воздержа'нiе, молча'нiе и= самоукоре'нiе, си'рjьчь смире'нiе: (с. 245) w=бдержи'тельны бо су'ть и= дру'гъ дру'га храни'тельны, w\тни'хже моли'тва ражда'ется и= возраста'етъ вы'ну. Разли'чно же нача'ло благода'ти въ моли'твjь jа=вля'ется въ нjь'кiихъ, и= многоwбра'знjь раздjьле'нiе дх~а, {а~ Кор. гл. в~_i, ст. д~.} глаго'летъ а=п\слъ, по свое'й _е=му` во'ли ви'димо _е='сть и= познава'емо, jа='коже по w='бразу и=лiи` fесвi'тянина и= въ на'съ jа=вля'ется. Въ нjь'кiихъ о_у='бw дх~ъ стра'ха, и=стаева'ющъ го'ры страсте'й, и= сокруша'ющъ jа='коже ка'менiе жестw'кая сердца` прихо'дитъ jа='кw w\т стра'ха пригвожда'тися, и= ме'ртвjьй пло'ти быва'ти. Въ други'хъ же сотрясе'нiе, си'рjьчь ра'дованiе, _е='же и= взыгра'нiе jа=снjь'йше _о=тцы` реко'ша, въ пе'рвыхъ невеще'ственное и= суще'ственное во о_у=тро'бjь показу'ется: _е='же бо безсуще'ственно и= неv"поста'сно, и= не су'щее _е='сть. Въ други'хъ же коне'ченъ хла'дъ то'нокъ свjь'та ми'ренъ, въ пред\ъуспjь'вшихъ наипа'че въ моли'твjь, дjь'йствуетъ бг~ъ, все'льшуся хр\сту` въ се'рдцjь, {_Е=фес. гл. г~, ст. з~_i.} по а=п\слу, и= та'йнjь jа=вля'ему дх~омъ. Сегw` ра'ди глаго'лаше бг~ъ ко и=лiи` въ горjь` хwри'встjьй, jа='кw не въ се'мъ и=ли` во _о='номъ гд\сь, въ ча'стныхъ дjь'йствахъ новонача'льныхъ, но въ хла'дjь то'нцjь свjь'та, и= та'мw гд\сь, {г~ Цар. гл. f~_i, ст. в~_i.} соверше'нство показа'въ моли'твы.

Вопро'съ: Что` сотвори'тъ кто`, _е=гда` преwбразу'ется бjь'съ во а='гг~ла свjь'тла, и= прельща'етъ человjь'ка;

W\твjь'тъ: Сегw` ра'ди тре'буетъ человjь'къ мно'га разсужде'нiя, jа='кw да разли'чiе до'брагw и= sла'гw позна'етъ. Не вдава'йся о_у=`бо ско'рw jа=вля'_емымъ ле'гкости ра'ди, но пребыва'й тя'жекъ, и= со и=скуше'нiемъ мно'гимъ о_у=де'рживай до'брое, лука'вое же w\тмета'й: до'лженъ бо _е=си` и=скуша'ти и= разсужда'ти, и= тогда` вjь'ровати. Вjь'ждь о_у='бw, jа='кw jа=вл_е'нна су'ть дjь^йства благода'ти, jа=`же бjь'съ, а='ще и= преwбразу'ется, пода'ти не мо'жетъ ни кро'тости, ни ти'хости, ни смире'нiя, ни ненавидjь'нiя мi'ра, ни сла^сти и= стра^сти о_у=толя'етъ, jа=`же су'ть благода'ти дjь^йства. Дjь'йство же _о='нагw _е='сть, дмjь'нiе, и= высокому'дрiе и= страхова'нiе, и= вся'ка sло'ба. W\т дjь'йства о_у='бw возмо'жеши позна'ти возсiя'вшiй свjь'тъ въ душjь` (с. 246) твое'й, бж~iй ли _е='сть, и=ли` сатани'нъ. Fрi'да_ксъ подо'бенъ _е='сть, по зрjь'нiю горчи'цjь, и= _о='цетъ подо'бенъ вiну`, по видjь'нiю: но w\т вкуше'нiя горта'нь познава'етъ, и= разсужда'етъ коегw'ждо разли'чiе. Си'це и= душа`, а='ще и='мать разсужде'нiе, w\т о_у='мнагw чу'вства познава'етъ ст~а'гw дх~а дарова^нiя, и= сатанина` мечта^нiя.

(с. 247)

Послjь^дующая су'ть w\т житiя` преподо'бнагw _о=тца` на'шегw ма_ксi'ма, и=мену'емагw ка_псокалv"ви`.

Срjь'тивъ бж~е'ственный григо'рiй сiнаи'тъ ст~а'го ма_ксi'ма, и= собесjь'дуя съ ни'мъ, между` про'чимъ глаго'ла _е=му` и= сiе`: Молю` тя`, _о='тче мо'й честнjь'йшiй, рцы' ми: держи'ши ли о_у='мную моли'тву; _О='нъ же пони'къ w=скла'бися, и= рече`: не сокры'ю w\т тебе`, честны'й _о='тче, _е='же бы'сть w= мнjь` чу'до бг~омт~ре. А='зъ w\т ю='ности моея` ве'лiю и=мjь'хъ вjь'ру къ гп\сжjь` мое'й бг~омт~ри, моли'хся _е='й со слеза'ми, да да'стъ ми` благода'ть сiю` о_у='мныя моли'твы, и= нjь'когда со слеза'ми во хра'мъ _е=я` прише'дъ по _о=бы'чаю, те'плjь моля'хъ ю=` w= се'мъ. Присту'пль же и= бж~е'ственное зра'ка _е=я` начерта'нiе лобыза'ти со стра'хомъ, а='бiе w=щути'хъ теплоту` въ п_е'рси моя^ и= се'рдце впа'дшу, не w=паля'ющую вну'тр_енняя, па'че же о_у=слажда'ющую и= w=роша'ющую, и= къ о_у=миле'нiю ду'шу мою` дви'жущую. W\тто'лjь о_у=`бо, _о='тче, се'рдце мое` нача'тъ въ моли'твjь внутрьу'ду поуча'тися, и= о_у='мъ въ па'мяти i=и~са моегw` и= бг~омт~ре о_у=слажда'тися, и= непреста'ннw сего` и=мjь'ти, и= никогда'же w=скудjь` моли'тва сiя` w\т се'рдца моегw`: прости' ми. И= бж~е'ственный григо'рiй глаго'летъ, рцы' ми: бы'сть ли ти` ст~е, моли'твjь се'й, гд\си i=и~се хр\сте`, и= прw'чая, w\т тебе` соверша'емjьй, и=змjьне'нiе бж~е'ственное, и=ли` и=зступле'нiе когда`, и=ли` и='нъ нjь'кiй пло'дъ моли'твы и= ст~а'гw дх~а; бж~е'ственный же ма_ксi'мъ рече`: сегw` ра'ди, _о='тче, w\тхожда'хъ, въ пусты'нно мjь'сто, и= безмо'лвiя при'снw жела'хъ, да пло'дъ моли'твы jа=вле'ннjьйшiй и= бога'тый w=бря'щу, и='же _е='сть бж~е'ственное раче'нiе, и= восхище'нiе о_у=ма` ко гд\су. И= ст~ы'й григо'рiй глаго'летъ: молю' тя, _о='тче, рцы' ми: и='маши ли (с. 248) сiя^, jа=`же глаго'ла; И= бж~е'ственный ма_ксi'мъ па'ки пони'къ w=скла'бися, и= глаго'ла: да'ждь ми` jа='сти, рече`, и= не и=спыту'й пре'лести. Тогда` глаго'летъ _е=му` бж~е'ственный григо'рiй: _w да бы'хъ и= а='зъ въ такову` пре'лесть впа'лъ, ст~е, но молю' тя, рцы' ми jа='снjь: во вре'мя моли'твы, внегда` о_у='мъ восхи'тится къ бг~у, что` зри'тъ о_у='мныма _о=чи'ма, мо'жетъ ли тогда` се'рдцемъ возводи'ти моли'тву; И= ст~ы'й ма_ксi'мъ w\твjьща`: ника'коже. _Е=гда' бо благода'ть дх~а ст~а'гw прiи'детъ въ моли'твjь, и= о_у=держи'тъ о_у='мъ, тогда` престае'тъ моли'тва: зане` о_у='мъ w=блада'емь _е='сть прише'ствiемъ ст~а'гw дх~а, и= не мо'жетъ простира'ти си'лы своея`, но быва'етъ пра'зденъ, и= покаря'етея то'чiю дх~у ст~о'му, а='може и=зво'дитъ дх~ъ, и=ли` въ невеще'ственный возду'хъ бж~е'ственнагw и= неизрече'ннагw свjь'та, и=ли` въ друго'е зрjь'нiе и=зступи'тельно и= несказа'нно и=ли` въ бж~е'ственную бесjь'ду возво'дитъ о_у='мъ: си'рjьчь о_у=тjь'шитель дх~ъ ст~ы'й, коему'ждо по досто'инству самовла'стнw, jа='коже хо'щетъ, подае'тъ о_у=тjьше'нiе. И= сiе`, _е='же глаго'лю, мо'щно ви'дjьти jа='снw во проро'цjьхъ и= а=п\слjьхъ, сподо'бившихся зрjь'ти толи^кая видjь^нiя, а='ще и= человjь'цы руга'шася, и= jа='кw прельсти'вшихся и= о_у=пи'вшихся вмjьня'ху. И= и=са'iа о_у='бw глаго'летъ: ви'дjьхъ гд\са на престо'лjь высо'цjь и= превознесе'ннjь, {И=са'iа гл. s~, ст. а~.} и= серафi'ми _о='крестъ _е=гw` предстоя'щыя. Стефа'нъ же первому'ченикъ зря'ше нб~са` w\тв_е'рста, и= сн~а человjь'ческаго w=десну'ю стоя'ща бг~а, {Дjья'н. гл. з~, ст. н~s.} и= прw'чая. Сицевы'мъ w='бразомъ и= дне'сь раби` хр\стw'вы сподобля'ются зрjь'ти видjь^нiя разли^чна, и=`мже нjь'цыи не вjь'руютъ, и= ника'коже _о='ныя прiе'млютъ за и='стину, но за пре'лесть, и= ви'дящихъ _о='ныя мня'тъ прельсти'вшимся. И= чужду'ся вельми`, ка'кw w=слjьпле'ннiи душе'ю не вjь'руютъ дре'вле пред\ъwбjьтова'нной i=w'илемъ благода'ти дх~а, jа='кw w\т лица` бж~iя рече`: И=злiю` w\т дх~а моегw` на вся'ку пло'ть, и= прореку'тъ: {Дjья'н. гл. в~, ст. к~и.} ю='же при'снw хр\сто'съ и= ны'нjь подае'тъ, и= бу'детъ подава'ти да'же до сконча'нiя, по w=бjьтова'нiю своему` всjь^мъ вjь^рнымъ рабw'мъ свои^мъ. Сiя` о_у=`бо благода'ть внегда` въ ко'мъ (с. 249) бу'детъ, не показу'етъ _е=му` _о=бы^чная, ниже` чу'вств_енная мi'ра сегw`: но тайнонауча'етъ тjь^мъ, jа=`же пе'рвjье не ви'дjь никогда'же, ниже` воwбрази`. Тогда` тайнонауча'ется о_у='мъ та'инствамъ высw'кимъ и= сокров_е'ннымъ, jа=`же, по бж~е'ственному па'vлу, не мо'жетъ ви'дjьти _о='ко человjь'че, ниже` о_у='мъ пости'гнути собо'ю. {а~ Кор. гл. в~, ст. f~.} И= да позна'еши, ка'кw ви'дитъ _о='ная о_у='мъ на'шъ, внемли`, _е='же ти` реку`: во'скъ, лежа'щь дале'че w\т _о=гня`, _е='сть же'стокъ, и= рука'ми w=б\ъе'млемь, но ве'рженъ во _о='гнь и=стопля'ется, и= _о=гне'мъ возжига'ется, и= возгара'етъ, и= быва'етъ ве'сь свjь'тъ, и= си'це соверша'ется ве'сь во пла'мени се'мъ, и= не мо'щно не и=стопи'тися во пла'мени, и= не бы'ти jа='коже водjь`. Си'це и= о_у='мъ человjь'чь, бы'въ _е=ди'нъ кромjь` соедине'нiя съ гд\семъ, разсужда'етъ, _е=ли^ка су'ть си'лы _е=гw`: _е=гда' же присоедини'тся _о=гню` бж~ества` и= дх~у ст~о'му, тогда` w=блада'емь быва'етъ ве'сь w\т бж~е'ственнагw _о='нагw свjь'та, и= быва'етъ ве'сь свjь'тъ, и= во пла'мени всест~а'гw дх~а воспаля'ется, и= и=сполня'ется бж~е'ственнагw ра'зума, и= не мо'щно во пла'мени _о='номъ бж~ества` мы'слити w= свои'хъ, и= w= тjь'хъ, jа=`же хо'щетъ. Тогда` глаго'летъ _е=му` бж~е'ственный григо'рiй: су'ть же и= и='на си^мъ подw'бная дjь^йства пре'лести. И= вели'кiй _о='ный ма_ксi'мъ w\твjьща`: jа='кw и='на зна'м_енiя су'ть пре'лести, и='на же благода'ти. Лука'вый бо пре'лести ду'хъ бли'зъ прише'дъ, о_у='мъ слива'етъ, и= свирjьпови'денъ содjь'ловаетъ, w=жесточа'етъ се'рдце и= помрача'етъ, твори'тъ боя'знь и= стра'хъ, и= возноше'нiе, свирjь'питъ _о='чи, мо'згъ смуща'етъ, тре'петъ твори'тъ во все'мъ тjьлеси`, показу'етъ мечта'тельнjь во _о=чесjь'хъ свjь'тъ несвjь'телъ и= нечи'стъ, но красе'нъ, о_у='мъ твори'тъ и=зступи'теленъ и= бjьсо'вственъ, и= побужда'етъ jа=зы'комъ произноси'ти глаго'лы нелjь^пыя и= ху^льныя. И= и='же ви'дитъ сего` ду'ха пре'лести, jа=ри'тся мно'жицею и= гнjь'вается, благово'нiя въ не'мъ смире'нiя и=ли` моли'твы, и=ли` слезы` и='стинныя ника'коже w=брjьта'ется: но при'снw хва'лится свои'ми добродjь'телями, и= тщесла'вствуетъ и= лука^вымъ страсте'мъ безстра'шнjь (с. 250) при'снw прiwбща'ется: и= наконе'цъ и=зступа'етъ соверше'ннw и=з\ъ о_у=ма`, и= прихо'дитъ къ соверше'нной поги'бели. Сея' же пре'лести да и=зба'вимся мы` твои'ми ко гд\су моли'твами. Благода'ти же зна'м_енiя су'ть сiя^: прише'дъ дх~ъ ст~ы'й, собира'етъ о_у='мъ внима'теленъ и= смире'нъ се'й содjьва'я, па'мять сме'рти: и= грjьхw'въ свои'хъ, и= вjь'чнагw муче'нiя и=мjь'ти внегда` твори'тъ, ду'шу благоумиле'нну и= пла'чущу, и= _о='чи _е=гw` кро'тости и= сле'зъ и=сполня'етъ. И= _е=ли'кw приближа'ется человjь'ку, толи'кw о_у=смиря'етъ ду'шу, и= о_у=тjьша'етъ ст~ы'ми страстьми` гд\са на'шегw i=и~са хр\ста`, и= безмjь'рнымъ человjьколю'бiемъ _е=гw`, и= высw'кая и= непрел_е'стная видjь^нiя подае'тъ о_у=му`: пе'рвjье, непостижи'мою си'лою бж~iею, jа='кw то'й _е=ди'нымъ сло'вомъ сотвори` вся^ су^щая w\т не су'щагw, во _е='же бы'ти. Второ'е, безмjь'рною си'лою вся^ содержа'щею и= о_у=правля'ющею и= промышля'ющею. Тре'тiе, непостижи'мою прест~о'ю тр\оцею, и= неизслjь'димою пучи'ною бж~iя существа`, и= прw'чая. И= тогда` о_у='мъ восхища'ется бж~е'ственнымъ _о='нымъ свjь'томъ, и= просвjьща'ется просвjьще'нiемъ бж~е'ственнагw ра'зума, и= се'рдце тихоwбра'зно быва'етъ, точа'щее бж~е'ственнагw дх~а плоды`: ра'дость, ми'ръ, долготерпjь'нiе, бла'гость, милосе'рдiе, {Гала'т. гл. _е~, ст. к~в.} и= вся^ содержа'щее хр\стоподража'тельное бж~е'ственное смире'нiе: и= прiе'млетъ душа` _е=гw` весе'лiе неизрече'нно. Слы'шавъ сiя^ ст~ы'й григо'рiй сiнаи'тъ бы'сть во и=зступле'нiи, и= о_у=диви'ся тjь^мъ, jа=`же глаго'ла бж~е'ственный ма_ксi'мъ, и= не ктому` и=менова'ше _е=го` человjь'ка, но а='гг~ла зе'мна.

(с. 251)

О_у=миле'нный и='нокъ, и='менемъ fеофа'нъ, лjь'ствицу и=зложи` бж~е'ственныхъ дарw'въ, ю='же и=ску'съ и=звjь'стну сотвори` бг~онw'снымъ.

_i~ %t соверше'нство. %t Пе'рвjье _е='сть, моли'тва чистjь'йшая.
f~ %t просвjьще'нiе се'рдца. %t W\т нея'же происхо'дитъ серде'чная нjь'кая теплота`.
и~ %t w=сiя'нiе стра'нное. %t По не'йже дjь'йство стра'нное и= ст~о'е.
з~ %t видjь'нiе та'инствъ. %t Та'же сле'зы бж~е'ств_енныя серде'чныя, И='хже ра'ди ми'ръ многоразли'чныхъ по'мыслwвъ.
s~ %t w=чище'нiе о_у=ма` %t W\т негw'же и=стека'етъ о_у=ма` w=чище'нiе, И= видjь'нiе вы'шнихъ та'инствъ.
_е~ %t ми'ръ по'мыслwвъ %t По не'мже стра'нное w=сiя'нiе несказа'ннымъ w='бразомъ.
д~ %t сле'зы серд_е'чныя. %t негw'же неизрече'нное се'рдца просвjьще'нiе.
г~ %t дjь'йство ст~о'е. %t И= w\тсю'ду па'ки несоверше'нное соверше'нство.
в~ %t теплота` се'рдца. %t Про'чее широту` о_у='бw безконе'чну и='мать се'й степе'нь, А='ще и= въ _е=ди'номъ заключи'лся бы стiхjь`.
а~ %t моли'тва чи'стая. %t Пе'рвjье на лjь'ствицjь до'льный степе'нь,
%t Восхожде'нiе бж~е'ственное. %t То'чiю моли'тву чи'стую показу'етъ. Ви'ды же _е=я` су'ть и= вельми` мнw'ги:

И= а='ще хотjь'ли бы'хомъ ны'нjь _о='ныя и=счи'слити,

Продолжа'тъ на'ше сло'во.

(с. 252)

То'жде ми` разумjь'й во всjь'хъ степе'нехъ, возлю'бленне,

И=ску'съ же о_у=чи'тель _о='ныхъ _е='сть, а= не сло'во.

Лjь'ствица возводя'щая на высоту` стра'ннw.

Десяти'ца степе'ней, _е='сть души` w=животворе'нiе стра'нное,

Десяти'ца степе'ней, живо'тъ души` проповjь'дуетъ.

И= глаго'летъ нjь'гдjь нjь'кто w\т бг~оно'сныхъ сiя^:

Не тща'йся стяжа'ти живо'тъ здjь`,

Тще'тною наде'ждою души` да не прельща'етъ себе`,

JА='кw та'мw полу'читъ _е=го`.

Десяти'ца степе'ней, _е='сть бж~е'ственное любому'дрiе,

Десяти'ца степе'ней, _е='сть пло'дъ всjь'хъ кни'гъ.

Десяти'ца степе'ней, соверше'нство показу'етъ.

Десяти'ца степе'ней, на нб~са` возво'дитъ.

Десяти'ца степе'ней, бг~а твори'тъ вjь'дjьти.

Лjь'ствица зри'тся долгото'ю кратча'йша:

А='ще же и=ску'сомъ прiи'метъ кто` вну'трь се'рдца,

Бога'тство w=бря'щетъ невмjьсти'мо мi'ру,

И= и=сто'чникъ бж~е'ственный точа'щъ живо'тъ стра'нный.

О_у=чи'тель и=зря'днjьйшiй _е='сть лjь'ствица сiя`,

JА='снjь о_у=вjь'дjьти коему'ждо мjь^ры своя^.

Зря` бж~е'ственную лjь'ствицу десяти` дарw'въ,

А='ще мни'ши стоя'ти водруже'ннw на се'й,

Рцы`, на ко'емъ _е=си` степе'ни сея`,

На по'льзу и= на'мъ о_у=ны^лымъ.

А='ще хо'щеши, возлю'бленне, чесому` научи'тися w= си'хъ,

Бу'ди без\ъ попече'нiя w= вся'ческихъ ве'щехъ, безслове'сныхъ же,

И= по мнjь'нiю благосло'вныхъ.

Не бо` чесому` научи'шися, кромjь` без\ъ попече'нiя.

И=ску'сомъ же сiя^ познава'ются, а= не сло'вомъ.

Сiе' же, а='ки воспомина'нiе то'чiю, глаго'лю ти`:

_Е='сть же сло'во ст~ы'хъ бг~оно'сц_евъ,

А='ще и= тя'жцjь въ слу'хъ вни'детъ:

Не w=брjьты'йся на _е=ди'номъ w\т степе'ней

(с. 253)

И=ли` не поуча'яйся всегда` въ таковы'хъ,

При кончи'нjь и= во вре'мя сме'рти,

Стра'хъ вои'стинну вели'къ и= тре'петъ и=мjь'ти бу'детъ,

И= боя'знь безмjь'рну, да не w\тлуче'нъ бу'детъ.

Во стра'сjь ко'нчишася стiхи`,

Поле'знjь же вельми` случи'ся та'кw.

Не бо` благи'ми возво'дятся наипа'че,

Къ покая'нiю и= бла'гости,

Жесточа'йшiи, w\т ни'хже а='зъ _е='смь пе'рвый,

Но стра'шными и= боя'зни вино'вными быва'ющими.

И=мjь'яй о_у='шы слы'шати, да слы'шитъ.

Слы'ши и= разумjь'й ты`, написа'вый сiя^:

Ка'кw дерзну'лъ _е=си` ты` рещи` такова^я,

Человjь'къ, ничто'же и=мы'й w\тню'дъ w\т си'хъ;

Ка'кw же не о_у=жасну'лся _е=си` w= си'хъ о_у=чи'ти;

Не слы'шалъ ли _е=си` что` _о=зi'а пострада`,

Хотя` и=спра'вити кiвw'тъ бж~е'ственный;

Да не возмни'ши, jа='кw о_у=ча`, сiя^ глаго'лю:

Но да самаго` себя` w=бличу` си'ми,

Зря` побjь^дныя по'ч_ести подвиза'ющихся,

И= мое` безпло'дiе во всjь'хъ.